2 Pedro 2:1 - Nuevo Testamento Uwotjüja

¹ Ja̧'wa̧ta̧nü̧ Irae ttü̧ja̧ ttü̧'kä̧tȩnä̧mä̧ isopäi'ünä̧ jä̧'i̧nü̧'a̧nü̧ wotü profeta-tü̧ kka̧kui̧nä̧tü̧; ja̧'wa̧nü̧ ji̧nü̧ta'anü̧ ukutu ku̧'kȩtȩtu̧ku̧nä̧mä̧ isopäi'ünä̧ jä̧'i̧nü̧'a̧nü̧ wo̧juȩkuä̧ isotümä̧ ttü̧ja̧kuä̧kuo̧tü̧. Juätümä̧ suronä̧ tta̧mü̧kuädümä̧ dajiku ttu̧wo̧juȩtä̧kuo̧tü̧, chutä tu̧ru̧wa̧ surojüttü rä'epü ikuinü̧rü̧'i̧nä̧ tä̧ppü̧tä̧rä̧kuo̧tü̧; ja̧'wa̧nü̧ ja̧'a̧ttü̧ juätümä̧ tta̧ttä̧ro̧kü̧ jä̧ji̧ ro̧ȩkuä̧ra̧'a̧ ȩpä̧kuo̧tü̧.

TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧nä̧'i̧nä̧ yapareu huȩnȩ ji'ähuinätömä ka̧cui̧nä̧tö̧do Israel ttö̧ja̧ ttö̧'quȩtȩnä̧. Ja̧'hua̧ta̧nö̧ ucutu cu̧'quȩtȩtu̧cu̧nä̧ yapareu huȩnȩ ji'ähuätömä ttö̧ja̧cuä̧cuo̧tö̧. Jahuätö yä̧huä̧i̧nä̧ yapareu huȩnȩ ttu̧huo̧juȩtä̧cuo̧tö̧. Churutä, suronä jȩttö̧ jȩpö̧ icuinörö, ä̧ppö̧tä̧rö̧ ji'ähuätö. Ja̧'hua̧nö̧ ttu̧huo̧juȩto̧mȩnä̧, o'ca päi'önä ttamönä bettipächäcuotö.

2 Pedro 2:1 Referans Kwoze

San Mateo 7:15

Profeta-tü̧ 'kua̧rü̧nä̧ jȩpä̧tü̧rü̧ tta̧'a̧rä̧kuä̧wä̧tu̧kui̧, oweja-tü̧ 'kua̧rü̧nä̧ 'ka̧tä̧wi̧'ü̧ ku̧jä̧tu̧kua̧'a̧ku̧ ichätürü, juätümä̧ jakuänä̧mä̧ ä̧wi̧ri̧tü̧ pä̧i̧kuä̧tü̧tä̧ wotü.

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.

2 Timoteo 4:3

Ja̧'wa̧ta̧nü̧ adiwäjuei wȩnȩ ttä̧ju̧kuo̧mȩnä̧ ttü̧ja̧ tta̧mi̧ 'kittächi'okü mo̧ro̧'i̧nä̧ rȩbȩwä̧kua̧'a̧; tta̧mi̧'kittächi'ajueimä̧ jitürütä pä̧wä̧rü̧ja̧'a̧ku̧, wo̧juȩkuä̧ isotü rekuätürü ttusäkuotü jitütä ttä̧ju̧kua̧ pättütä ttu̧wo̧juȩta̧tü̧ pä'ü.

San Mateo 24:11

Ja̧'wa̧ta̧nü̧ profeta'i̧nä̧ yaparewätü ttichäkuotü, ja̧'wa̧nü̧ jȩpü̧ ttü̧ja̧ rekuätürü ttesetünä̧ ttüyaparewäkuotü.

Gálatas 2:4

Jua'akumä̧, yä̧wȩi̧nä̧ tü̧'kä̧tȩnä̧ to̧ttä̧ri̧nä̧u̧jä̧ Crito-rü esetätüjä̧ pä'ätümä̧, Crito ujuturu rä'epü ikuinü̧nä̧ tü̧ja̧ku̧ttü̧ rä'epü iku, pä'äjita'anü̧ weäwä wȩnȩku̧ esclavo pättünä̧ tü̧ja̧ku̧nä̧ jȩtta̧ pä'ümä̧.

1 Corintios 11:19

¡Isopäi'ünä̧ ukutu pä'ä'chäkuäu 'kȩkui̧pä̧chä̧tu̧ku̧mä̧ ja̧'wa̧nü̧tä̧ 'kuäopa pä'ü ja̧'a̧, yotüku pünä̧ isopäi'ünä̧ Crito-rü kuesetätuku i̧jȩkuä̧cha̧ pä'ü!

1 Juan 4:1

Chawaruwä chi̧jä̧wa̧tü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ätürümä̧ o'katoi'ünä̧rü̧mä̧, kuesetätukuä, kka̧kuä̧mü̧ topätukui, isopäi'ünä̧ Dio iyinä̧ku̧ Epíritu-ru ttu̧ju̧nä̧ra̧ja̧ pä'ü. Isopäi'ünä̧ pi̧jä̧nä̧, rekuätü Dio i̧wȩnȩ ji'äwätü profetas 'kua̧rü̧nä̧ rä'ekuätü.

Colosenses 2:8

Ttu̧'ȩpä̧rü̧nü̧ to̧pä̧rä̧kuä̧wä̧tu̧kui̧ yapare wȩnȩ ttü̧ja̧ tamükuädünä̧ kuesetätuku juiyäkua'anü̧. Juätü ttü̧ja̧mä̧ Crito-rü ttukuota jueimä̧, pi̧jä̧nä̧ttü̧ we'ätü ttujuru kku̧nä̧rä̧tü̧rü̧tä̧ ukuotätü.

Tito 3:10

Ya̧tȩ Dio-rü esetinä̧tü̧rü̧ 'kȩ'ttȩkuä̧chü̧nä̧ jȩpü̧rü̧mä̧, ya'utenä̧ jikuäu o'ka'a, todärenä̧ jikuäwomȩnä̧ üarodüttümä̧ juorümä̧ rä'epü ikuirü.

Tito 1:11

Juätürümä̧ ttu̧wo̧juȩta̧'a̧nä̧ ja̧'a̧tä̧mä̧ to'kuätukuä; juätümä̧ ttü̧ja̧rü̧mä̧ o'katoi'ünä̧rü̧ jerutu ikutä, ja̧'wa̧ta̧nü̧ pärätä ttȩma̧ pä'ütä jȩpä̧tü̧.

Filipenses 3:19

Juätümä̧ totte'ächäkuotü, ttü'käbiyutä ttü̧ä̧nä̧wa̧ jü̧nä̧ kka̧kuä̧tü̧, dä'ä rü̧jü̧ jäwätä ukuo te'äkuäwätü. Suro, pi̧jä̧ jäwätä amükuädü jȩpä̧tü̧.

1 Corintios 6:20

Isopäi'ünä̧ Dio-mä̧ mitäu ȩmi̧nä̧u̧jä̧; ja̧'wa̧nü̧ ja̧'a̧ttü̧ kuidepätuku jättäpäyotü'i̧nä̧, kua̧'kua̧rü̧ i̧sa̧nä̧'i̧nä̧, Dio-rü eseäkuäwätukui, jua̧u̧mä̧ Dio jäwätä ja̧'a̧ttü̧.

San Marcos 13:22

Isopäi'ünä̧, Crito i̧mi̧nä̧ yaparewätü'i̧nä̧, profeta tti̧mi̧nä̧ yaparewätü'i̧nä̧ ttichäkuotü, jȩtto̧kü̧ ja̧jü̧juei'i̧nä̧ jȩttä̧kuo̧tü̧, ja̧'wa̧nü̧ jȩpü̧ Tu̧ru̧wa̧ ȩmi̧nä̧u̧ru̧'i̧nä̧ ttesetipünä̧ jȩtta̧ pä'ü tta̧mü̧kuädäkuotü.

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

Apocalipsis 2:9

Aditü usurä kuȩmä̧u̧mä̧ ja̧'wa̧ta̧nü̧ usurä i̧sa̧ wokü'i̧nä̧ (jua'akumä̧ ru̧wa̧ kua'anä̧) wo̧jua̧sä̧ ja̧'wa̧ta̧nü̧ judío-mä̧ ttoka'anä̧, ujutumä̧ judío-jä̧, ya̧'a̧wä̧'chü̧ pättü'i̧nä̧ ku̧wo̧jua̧'a̧mä̧ wo̧jua̧sä̧, Satanás-rü̧ ukuokuäkuäwode jü̧nä̧tä̧ wotü pä'ü.

Hebreos 10:29

Juȩnȩ abonä̧nü̧ ¿tta̧'a̧nü̧ rü̧ȩnä̧ ro̧ȩkuä̧kua̧'a̧ päkuätukua'ajä̧ttü̧ Dio I̧tti̧ ukuoja kkü'kü jui'ü 'kuȩ'ku̧ru̧mä̧ ja̧'wa̧ta̧nü̧ Dio i̧sa̧ Epíritu repeäkuru suronä̧ pä'ürümä̧?

Colosenses 2:18

Ja̧'wa̧nü̧ ja̧'a̧ttü̧ adiwä juei kuȩmä̧tu̧kuä̧kuȩ, kuȩmä̧tu̧ku̧ juiyünä̧ jȩtta̧'a̧nä̧ ja̧'a̧tä̧ to'kuätukuä, juätü á̧gȩrȩ-tü̧rü̧ esetü, adiu esetätü 'kua̧rü̧nä̧ jȩpä̧tü̧rü̧mä̧. Visión pättü topätüjä̧ pä'ü ukuo te'äutä suronä̧ jȩpä̧tü̧rü̧mä̧.

Efesios 4:14

Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 10:33

isopäi'ünä̧ ya̧tȩ ttü̧ja̧ ttä'kajo̧mȩttü̧, ttürü ieruwa'a jiäuttümä̧, ttü'i̧nä̧ Chä'o mo̧ro̧jä̧nä̧ kkü̧ ä'ka jo̧mȩttü̧ jua̧u̧ru̧ chieruwa'a ji̧dä̧wä̧kua̧sä̧.

Apocalipsis 13:14

Pide i̧sa̧ büó betia-mä̧ ttü̧ja̧ rekuätürü yaparewinü̧, ä̧kuo̧mȩnä̧ i̧sa̧ büó betia ujuru iyinü̧nä̧. Jua̧u̧nü̧ o'ka'a ä̧kuo̧mȩnä̧ i̧sa̧ büó betia pinü̧ a̧'kua̧juä̧ isä'ka aditü kku̧ni̧nü̧, kurodättü toe'inomȩ ji̧no̧mȩmä̧ ü̧ji̧pi̧na̧'a̧ ji̧na̧'a̧.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

Judas 1:18

juätümä̧ ji'äwinä̧tü̧: «Rüjí mo̧ro̧mä̧ jitürütä pä̧wä̧rü̧jo̧mȩnä̧ ya̧'a̧wä̧'chä̧tü̧'i̧nä̧, ttidepä wea'aku kka̧kuä̧tü̧'i̧nä̧ ttü̧ja̧kuä̧kuo̧tü̧,» jü̧nä̧.

1 Juan 2:26

Ukuturu wȩyu̧tu̧ we'üsä, yaparewätü ttütü'kü.

1 Pedro 1:8

Ukutumä̧ Jesucrito-rü to'kuätukuoka'a jä̧'i̧ja̧'a̧nä̧ eseu repe'ätüjä̧; ja̧'wa̧ta̧nü̧ to'kuätukuokoku ja̧'a̧nä̧ esetü, rü̧ä̧nä̧ eseäkuäwänä̧ esewätüjä̧ tti̧wȩnȩnä̧'i̧nä̧ jittäu juiyünä̧ jü̧nä̧.

Efesios 1:7

Jua̧u̧ ukuojänä̧tä̧ i̧mi̧tä̧wi̧nä̧u̧jä̧, suronä̧ jȩtä̧'i̧ja̧'a̧mä̧, rȩrü̧jü̧ toäkuäwä u̧ju̧nä̧ra̧'a̧ttü̧,

Gálatas 5:20

tätäwä o'ka esetäkuäwä'i̧nä̧, märipänä̧ kkä̧kuä̧wä̧; kkü'käwokü'i̧nä̧, rowäkuäwä'i̧nä̧, ä'kuoyäkuäwä'i̧nä̧, pä̧i̧'i̧nä̧, tturuwonä̧ rowäkuäu, 'kȩ'ȩkuä̧chä̧'chü̧ jȩpü̧'i̧nä̧,

Gálatas 4:17

Juätümä̧ ujuturu ä'kuoyäutä jȩpä̧tü̧ ukuturumä̧, jua'a'i̧nä̧ adiu jȩtta̧ pä'ü amükuädümä̧kü̧tä̧. Jua'amä̧ ujututtü 'kȩ'ȩpü̧ ttikua pä'ütä.

Romanos 16:18

Juätümä̧ Tu̧ru̧wa̧ Jesucrito-rü ukuotümä̧ jȩpo̧ko̧tü̧, pärokua'aku tta̧mü̧nä̧ jäwätä usú, tti̧wȩnȩmä̧ adiu ukuokuätü, tteseunä̧ jȩpü̧ jerupätürü yaparewätü, ttesetünä̧.

San Lucas 21:8

Ädätinä̧u̧: Yapareu jittäu kuesetätukuoka'a ttu̧'ȩpä̧rü̧nü̧ kka̧kuä̧tu̧kui̧. Isopäi'ünä̧ rekuätü ttü chi̧mi̧nä̧ ttichäkuotü. Pa̧'a̧nü̧ pä'ätü: «Ttütäsä Crito-mä̧, täkü jitä mo̧ro̧ pätekuächa'a» pätta'anä̧ kuesetätukuä.

San Lucas 6:26

Pi̧jä̧ ttü̧ja̧ ukuturu adiu ttukuokuomȩnä̧, ¡Ukutuwe! kuä'otuku mi̧nä̧mä̧ ja̧'wa̧nü̧ jȩpi̧nä̧tü̧ yapareunä̧ profeta wotürümä̧.

San Mateo 24:5

Isopäi'ünä̧ rekuätü, ttü chi̧mi̧nä̧ ttichäkuotü, «Ttütäsä Crito-mä̧ pä'ätü.» Ja̧'wa̧nü̧ jȩpü̧ rekuätürü ttesetünä̧ ttüyaparewäkuotü,

Gálatas 3:13

Crito-mä̧ weäwä wȩnȩ ukuotokü, usurä ȩmä̧wa̧jü̧ juei usurä ȩmä̧wi̧nü̧ ujutu jäwänä̧, ja̧'wa̧nü̧ jȩpü̧tä̧ ȩmi̧nä̧u̧jä̧. Wȩyu̧kuä̧ wȩnȩmä̧ pä'a: «Dio-mä̧ suronä̧ pä̧kua̧, ü̧jo̧kä̧ jäi daunä̧ 'korujuo'ächürümä̧.»

1 Corintios 7:23

Ukutumä̧ Dio mitäu ȩmi̧nä̧u̧jä̧; Ttü̧ja̧ ttu̧wo̧juȩtä̧u̧ esclavo pä̧ttä̧u̧ jü̧nä̧ juokuächätukuä.

Apocalipsis 3:8

Kuaditümä̧ o'kajuiyünä̧ wo̧jua̧sä̧; topi, kuä'kajo̧mȩ äpate ba'epü kku̧nu̧sä̧, ya̧tȩ'i̧nä̧ mü̧'ȩpü̧ juiyünä̧ jate; ja̧'wa̧ta̧nü̧ kujurumä̧ a̧'u̧ku̧nä̧tä̧ ku̧ju̧nä̧ra̧'a̧nä̧, ttü chi̧wȩnȩnä̧ ukuotü, chi̧mi̧mä̧ ä̧ppü̧tä̧ro̧kü̧ pä'ijüjä̧.

San Lucas 12:9

Ja̧'wa̧nü̧ ja̧'a̧nä̧, ttüku ichoka'a ttü̧ja̧ ttä'ka jo̧mȩttü̧ ji'äwokürümä̧ ja̧'wa̧ta̧nü̧ Dio umüwäyotü á̧gȩrȩ ttä'kattü'i̧nä̧ ttüku ichoka'a ji̧dä̧wä̧kua̧sä̧.

1 Timoteo 5:8

Ja̧'wa̧ta̧nü̧ chutä a̧mü̧nä̧ jäwä a̧'kua̧ roekuoka'a, yabonä̧ awaruwärü'i̧nä̧ ppä'ädokümä̧ a̧'kua̧ u̧wȩnä̧rü̧ ä̧ppü̧tä̧rü̧, ja̧'wa̧nü̧ wa̧mä̧ esetokotüttü'i̧nä̧ abonä̧nü̧ wa̧.

Apocalipsis 6:10

Juätümä̧ pä̧i̧ku̧nä̧ wopinä̧tü̧: «Dio ukumä̧ o'kajuiyünä̧ ju̧ru̧wa̧jä̧, surojü'i̧nä̧ jui̧'a̧jä̧, 'kuäopünä̧ jueü wȩnȩtä̧ ukuokujä̧.» ¿Ujuturu kuä'äu ikuinä̧tü̧rü̧mä̧ ti̧yȩnü̧tä̧ pärokua'aku mikuämä̧ jȩ'kuä̧kua'a̧jä̧ttü̧? ¿Ti̧yȩnü̧tä̧ ku̧tä̧bo̧tä̧kuä̧u̧jä̧ttü̧?