2 Pedro 1:8 - Nuevo Testamento Uwotjüja

⁸ Isopäi'ünä̧ pi̧yȩ ukutunä̧ kko̧mȩnä̧mä̧ büó juo'ätüjä̧, kua̧'kua̧ru̧tu̧ku̧nä̧'i̧nä̧ mikuäwokü jü̧nä̧mä̧ jo̧ka̧'a̧ jä̧kua̧'a̧, tu̧ru̧wa̧ Jesucrito-rü'i̧nä̧ tteruwäku jü̧nä̧mä̧ jo̧kü̧ jä̧kua̧.

TÄ̧DO Ä̧CUÄ̧ I̧HUȨNȨ

⁸ Ucutumä o'ca juiyönä ja̧'hua̧nö̧ jȩpö̧ cu̧ja̧cuä̧tu̧cu̧ttu̧mä̧, adiunätä ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧ Jesucristorö cu̧huo̧juä̧tu̧cua̧'a̧ttö̧, adiu ka̧cuä̧tö̧jä̧.

2 Pedro 1:8 Referans Kwoze

Tito 3:14

Ja̧'wa̧ta̧nü̧ ujututtümä̧ adiu jȩä̧kuä̧wä̧'i̧nä̧ tawaruwä rekuä rü̧jä̧u̧ru̧ ppädäkuäwä'i̧nä̧ ttu̧wo̧jui̧'ü̧'a̧nü̧ ja̧'a̧, ja̧'wa̧nü̧tä̧ ttü̧jü̧nä̧mä̧ ppädäkuäwä isotü ttäkuotü.

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

San Juan 15:2

O'kajuiyünä̧, ä̧na̧jui̧yä̧, ttünä̧ u̧wä̧ju̧ wȩjo̧kü̧mä̧, ȩmü̧ i̧kuä̧kuȩ; ja̧'wa̧nü̧ ja̧'a̧nä̧, o'kajuiyünä̧ ji̧yȩ u̧wä̧ju̧ wȩjü̧mä̧, surojü juiyünä̧ aditü u̧ju̧nä̧kuȩ, yabonü̧ u̧wä̧ju̧ wȩja̧ pä'ü.

Hebreos 6:12

Kutäwächätukuamä pä'okotüjä̧, pärokuänä̧ jitü Dio-rü tta̧'kua̧ wȩnä̧rä̧tü̧ tti̧'chü̧'a̧nü̧, ku̧jä̧tu̧kua̧ pä'ätüjä̧ ja̧'wa̧nü̧ jȩpü̧ ku̧jä̧tu̧ku̧ttü̧mä̧ kuȩmä̧tu̧kuao̧tü̧jä̧ Dio iya päinü̧mä̧.

Filipenses 1:9

Ja̧'wa̧ta̧nü̧ Dio-rü chukuokuomȩnä̧mä̧ pi̧yȩ jä'epä'ijüsä: Ukutu eseu repekuäwätuku yaboku rü̧ä̧chä̧tu̧kua̧ku̧ pä'ü'i̧nä̧, o'katoi'ünä̧ yaboku adiwomȩnä̧ jȩä̧kuä̧wä̧ ku̧wo̧juä̧chä̧tu̧kua̧ pä'ü'i̧nä̧, jü̧nä̧.

1 Tesalonicenses 4:1

Ja̧'wa̧ta̧nü̧ chawaruwä chi̧jä̧wa̧tü̧ kkoro päi'ünä̧ ukuturu Tu̧ru̧wa̧ Jesucrito i̧mi̧nä̧ jätepümä̧. Ujututtü ku̧wo̧jui̧'i̧nä̧tu̧ku̧'a̧kuä̧, Dio-rü pä̧wä̧rü̧jo̧mȩnä̧ ku̧ja̧kuä̧tu̧kua̧ pä'ätüjä̧, jitä jȩpü̧ ku̧ja̧kuä̧tu̧ku̧ta̧'a̧nü̧.

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

2 Pedro 1:2

Mipponä̧ ppädäkuäwänä̧ ja̧'wa̧ta̧nü̧ wȩnȩ juiyünä̧ kkä̧kuä̧wä̧nä̧ rü̧ä̧chü̧nä̧ kka̧kuä̧tu̧kui̧, Dio u̧wo̧juö̧nä̧'i̧nä̧ ja̧'wa̧ta̧nü̧ tu̧ru̧wa̧ Jesú-nä̧'i̧nä̧.

Filemón 1:6

Dio-rümä̧ jä'epüsä ukú kua̧'kua̧ wȩnä̧rü̧ kueseumä̧ jo̧mȩnü̧ adiu jȩ'kua̧ pä'ü. Jesucrito-rü jo̧mȩnü̧ tu̧wo̧juä̧cha̧'a̧ttü̧, Chutä jäwänä̧.

2 Tesalonicenses 1:3

Chi̧jä̧wa̧tü̧, 'kuäopünä̧tä̧ Dio-rümä̧ teseu'anü̧ ja̧'a̧, ukutunä̧mä̧; isopäi'ünä̧ kua̧'kua̧ ku̧wȩnä̧rä̧tu̧ku̧mä̧ yabokutä rü̧ä̧cha̧'a̧ ja̧'wa̧ta̧nü̧ ujutu ya̧ku̧nä̧ kkorotürü teseäkuäumä̧ yabokutä rü̧ä̧cha̧'a̧.

Filipenses 2:5

Crito amükuädinü̧ta̧'a̧nü̧, ukutu'i̧nä̧ ji̧nä̧ ji̧yȩtȩ amükuädü kka̧kuä̧tu̧kui̧,

2 Corintios 13:5

Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!

Colosenses 2:7

Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.

2 Corintios 9:14

Ja̧'wa̧ta̧nü̧ juätümä̧, Dio-rü'i̧nä̧ ttukuokuäkuotü rü̧ȩnä̧ eseunu̧, ukutunä̧ Dio-mä̧ re ü̧ja̧'a̧ttü̧.

2 Corintios 8:2

Pi̧yȩ igresia wotümä̧ rü̧ȩnä̧ usurä ȩmä̧u̧ 'kuättopa'anä̧, eseäkuäwinä̧tü̧; rü̧ȩnä̧ usurä isotü tta'anä̧, ruwotü 'kua̧rü̧nä̧ ttiäre ofrenda iyinä̧tü̧.

1 Timoteo 5:13

Ja̧'wa̧ta̧nü̧ odewiyä kkorode pünä̧ kue'ächätü, ja̧'wa̧nü̧ kue'ächü ütäwächätü; suro ja̧u̧tä̧mä̧kü̧ suräjuei wȩnȩ'i̧nä̧ ukuokuätü ja̧'wa̧ta̧nü̧ kkorotü jäwänä̧ mȩ'o̧pä̧rü̧ ttukuoku juiyü'anü̧ jü̧ ukuokuätü.

1 Tesalonicenses 3:12

Ja̧'wa̧ta̧nü̧ Tu̧ru̧wa̧tä̧ ku'uttächätukunä̧, o'katoi'ünä̧ku̧ kuesewätukunä̧ ppädätukuaku pä'ü jä'epätüjä̧ Tu̧ru̧wa̧rü̧mä̧, pärokua'aku ukuturu tesewuöta'anü̧.

2 Corintios 8:7

Ja̧'wa̧nü̧ ja̧'a̧ttü̧ tta̧'kua̧ wȩnä̧rä̧kuä̧wä̧ ku̧ju̧nä̧rä̧'i̧jä̧tu̧ku̧ta'anü̧, wo̧juä̧wä̧ wȩnȩ, ku̧wo̧jui̧'i̧nä̧tu̧ku̧, ppä'ädäkuäu jȩ'kuä̧'i̧jä̧tu̧ku̧ta'anü̧, pi̧yȩ ppädäkuäwä'i̧nä̧ jȩpä̧tu̧kui̧.

Romanos 12:11

Kuaditätukua pä'ü jü̧mä̧, ü̧tä̧rü̧jo̧ka̧'a̧ aditätukui; eseunü̧tä̧ aditätukui, Tu̧ru̧wa̧ jäwämä̧.

San Juan 5:42

Ja̧'wa̧ta̧nü̧ ukuturumä̧ wo̧jua̧sä̧: Dio jäwä eseäkuäwämä̧ jui'ätü pä'ümä̧.

San Mateo 25:26

Ja̧'wa̧nü̧ päiyäku, u̧ru̧wa̧mä̧ päinä̧ku̧: Ukumä̧ adikuä i̧sa̧ kua'anä̧, ü̧tä̧wa̧jä̧, su̧ro̧pa̧jä̧. Chaditokomȩ ji̧no̧mȩttü̧'i̧nä̧ u̧wä̧ju̧ jäekuä i̧sa̧ cha'amä̧ ja̧'wa̧ta̧nü̧ ririchokome ji̧no̧mȩttü̧'i̧nä̧ ka̧ka̧kuä̧ i̧sa̧ cha'amä̧ wo̧jui̧nü̧jä̧,

San Mateo 20:6

Ja̧'wa̧ta̧nü̧ ni̧pä̧ro̧mȩku̧, las cinco-nä̧ jä̧'i̧juei isomȩ plaza-ra̧'a̧ rä'opü toomȩnä̧, ttaditoka'a kka̧kuä̧tü̧rü̧ topü pä'inü̧: ¿Tta̧'a̧nü̧ pä'ü ukutumä̧ mo̧ro̧ 'kuäopünä̧ kuaditätukuoka'a ku̧ja̧kuä̧tu̧kua̧'a̧jä̧ttü̧, pȩnȩmä̧?

San Mateo 20:3

Ja̧'wa̧nü̧ jä̧ji̧ o'ka'a, kkä̧wa̧mä̧ yo̧ä̧i̧ku̧ las nueve jä̧'i̧jü̧juei isomȩ ja̧'a̧ rä'opü toomȩnä̧ kkorotü plaza-nä̧ ttaditäwä jui'ätü ttü̧ja̧kua̧'a̧ topinü̧.

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

2 Pedro 1:3

Dio-mä̧, ujurunä̧ o'kajuiyünä̧ ta̧'kua̧rü̧nä̧ rekuä rü̧jü̧'i̧nä̧, rȩrü̧jü̧ toäkuäwä'i̧nä̧ iyinä̧u̧jä̧, chutä ü̧rü̧ä̧nä̧ adiwäjuei aditäwänä̧ ujuturu wopinü̧rü̧ tu̧wo̧jua̧ pä'ümä̧.

2 Pedro 2:20

Ja̧'wa̧nü̧ ja̧'a̧ttü̧ tu̧ru̧wa̧ Jesucrito surojüttü tü̧ji̧pü̧nä̧ jȩpü̧rü̧ wo̧juä̧chi̧'ä̧tü̧mä̧, pi̧jä̧ jäwä surojüttü tü'ipächü ttü̧ja̧kui̧na̧'a̧nä̧, ja̧u̧nä̧ jerupächi'ü pä'äjita'anü̧ iyäwätümä̧, jua̧u̧tä̧tä̧ wȩä̧ro̧mȩnä̧, ä'koji suro ttino̧mȩttü̧'i̧nä̧ yabonä̧nü̧ wotü.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.