2 Pedro 1:5 - Nuevo Testamento Uwotjüja

⁵ Ja̧'wa̧ta̧nü̧ pa̧'a̧nü̧ jo̧mȩttü̧ adiu kkä̧nü̧ o'kajuiyünä̧ tta̧'kua̧ wȩnä̧rä̧kuä̧wä̧ rü̧ä̧chä̧kua̧'a̧nü̧ juruwächi'ätukui; ja̧'wa̧ta̧nü̧ adiu kkä̧kuä̧wä̧mä̧, wo̧jui̧'ä̧kuä̧wä̧ra̧'a̧;

TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ja̧'a̧ttö̧ cuesetätucuomenä, adiu jȩpö̧ cu̧ja̧cuä̧tu̧cua̧ja̧. Adiu jȩpö̧ kä̧nö̧, adiu cuä̧ju̧cuä̧tu̧cua̧ja̧, Diosrö rö̧ȩnä̧ cu̧huo̧juä̧tu̧cuä̧cua̧'a̧nö̧.

2 Pedro 1:5 Referans Kwoze

Filipenses 4:8

Chawaruwä chi̧jä̧wa̧tü̧ amükuädätukui jueü wȩnȩnä̧tä̧, yapareäkuäwokünä̧tä̧, adiwomȩnä̧ jȩä̧kuä̧wä̧nä̧tä̧, surojü juiyünä̧ jȩä̧kuä̧wä̧nä̧tä̧, eseu ppädäkuäwänä̧tä̧, adiu ukuowunä̧tä̧. O'kajuiyünä̧ adiwäjuei oäwänänä̧tä̧ amükuädü jȩpä̧tu̧kui̧, üadiwä eseäkuäu ttü̧ja̧'a̧nü̧ jü̧nä̧tä̧.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

2 Pedro 1:10

Ja̧'wa̧nü̧ ja̧'a̧ttü̧, chi̧jä̧wa̧tü̧, täkü Dio-mä̧ wopü pojopü ȩmi̧nä̧u̧jä̧ aditü 'kiyünä̧ kka̧kuä̧tu̧kui̧, ja̧'wa̧nü̧ jȩ'kuä̧tu̧ku̧ttü̧mä̧ yoriso ma̧'ä̧cho̧ko̧tü̧ kuäkuotüjä̧.

Hebreos 6:11

Ja̧'wa̧nü̧ ja̧'a̧nä̧ ukutu yotukunä̧ jua̧u̧ kuesewätukumä̧ rüjibü päi'ünä̧ tottünä̧ jȩpü̧ ku̧jä̧tu̧kua̧ pä̧wä̧rü̧jä̧u̧jä̧ ujutumä̧, tta̧'a̧rü̧ ku̧jä̧'i̧jä̧tu̧ku̧ jo̧mȩnü̧ jä̧kua̧'a̧nü̧.

Filipenses 1:9

Ja̧'wa̧ta̧nü̧ Dio-rü chukuokuomȩnä̧mä̧ pi̧yȩ jä'epä'ijüsä: Ukutu eseu repekuäwätuku yaboku rü̧ä̧chä̧tu̧kua̧ku̧ pä'ü'i̧nä̧, o'katoi'ünä̧ yaboku adiwomȩnä̧ jȩä̧kuä̧wä̧ ku̧wo̧juä̧chä̧tu̧kua̧ pä'ü'i̧nä̧, jü̧nä̧.

2 Pedro 3:14

Ja̧'wa̧nü̧ ja̧'a̧ttü̧ chi̧jä̧wa̧tü̧, ji̧nä̧ pi̧yȩ tta̧'a̧rü̧ kkä̧nü̧, o'kajuiyünä̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, wȩnȩ'i̧nä̧ juiyünä̧, surojü'i̧nä̧ jȩpo̧ko̧tü̧ jü̧nä̧ ja̧'wa̧ta̧nü̧ idiku'i̧nä̧ juiyünä̧ Dio-mä̧ ü̧'o̧kui̧'ä̧kua̧'a̧nü̧.

Hebreos 11:6

Ja̧'wa̧nü̧ ja̧'a̧ttü̧ tta̧'kua̧ wȩnä̧rä̧kuä̧wä̧ juiyünä̧ Dio-rü eseunä̧ jȩä̧kuä̧ juiya'a; ja̧'wa̧nü̧ ja̧'a̧ttü̧ Dio-rü kutü'küwächi'omȩnä̧mä̧, Kkü̧ pä'ü esetünü̧, usätürümä̧ adiwä juei ppä'ädü pä'ü ttesetarü pä'ü ja̧'a̧.

Efesios 5:17

Amükuädäkuäwä jui'ätü jȩttü̧'a̧nü̧mä̧ jȩ'kuä̧tu̧kuä̧; Dio-rü pä̧wä̧rü̧jü̧tä̧ amükuädü jȩpä̧tu̧kui̧.

Filipenses 2:12

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ 'kuäopünä̧ kukuotä'ijätukuta'anü̧ ukuotätukui, suro ttü ukutuku chü̧jo̧mȩnä̧tä̧mä̧kü̧, ttü otó chü̧jo̧mȩnä̧'i̧nä̧. Ye'ekunü̧, ukuotü aditätukui ra̧wä̧pi̧jü̧ttü̧ kki̧'ä̧kuä̧wä̧ ku̧ji̧pä̧tu̧kuä̧kuȩnä̧mä̧;

Colosenses 2:3

O'kajuiyünä̧ jua̧u̧nä̧tä̧ kka̧'a̧ wo̧juä̧wä̧ wȩnȩ'i̧nä̧ ja̧'wa̧ta̧nü̧ ttu̧ȩpä̧rä̧kuä̧wä̧ wȩnȩ'i̧nä̧ jü̧nä̧.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

San Lucas 24:21

Ujutumä̧, tta̧'ä̧ri̧nä̧tü̧jä̧ Irae ttü̧ja̧rü̧ rä'epü i̧kuä̧kua̧mä̧ jua̧u̧tä̧ jä̧kua̧'a̧ pä'ü. Ja̧'wa̧nü̧ ja̧'a̧nä̧, jua̧u̧ 'kuäopäja'attümä̧ täkü wäbodäkuä mo̧ro̧ ja̧'a̧.

Colosenses 1:9

Ja̧'wa̧nü̧ ja̧'a̧ttü̧ ujutumä̧, tä̧ju̧kui̧nü̧tä̧ päi'ünä̧, Dio-rü ukuokuätüjä̧ kätädi'oka'a ukuturumä̧, 'kuäopünä̧ Dio-rü jä'epätüjä̧ churutä pä̧wä̧rü̧jü̧ u̧wo̧juȩtä̧tu̧kua̧ku̧ pä'ü ja̧'wa̧ta̧nü̧ wo̧juä̧wä̧'i̧nä̧ o'kajuiyünä̧ iyätukuaku pä'ü Epíritu Sa̧tu̧ üjü'komȩnä̧.

1 Pedro 3:7

Ja̧'wa̧ta̧nü̧ ukutu ttirekuomü̧mä̧, kuirekuamü̧tu̧ku̧ku̧ wo̧juȩku̧nä̧ kka̧kuä̧tu̧kui̧. Isajurumä̧ i̧sä̧yu̧ i̧so̧'ta̧ 'kuäo'ta̧ jä̧'i̧nü̧'a̧nü̧ ukuotätukui, juätü'i̧nä̧ kkä̧kuä̧wä̧ Dio iyinü ukutuku ttiya pä'ü woinä̧u̧ Dio iäre ju'to i̧yä̧kuȩttü̧, Dio-rü kukuokuomȩnä̧ tto̧ȩpä̧rü̧ juiyaku pä'ümä̧.

Hebreos 12:15

Adiu topäkuäu kka̧kuä̧tu̧kui̧, Dio rettü iyümä̧ ya̧tȩ'i̧nä̧ ku̧ja̧kui̧'ä̧tu̧kuo̧ka̧'a̧ kuȩmä̧tu̧kuä̧kua̧'a̧nü̧; pä̧i̧ jakuänä̧ ȩki̧pa̧'a̧ püttächi'ü ttoepomȩnä̧, rekuätürü surojuoepü juiyäkua'anü̧.

1 Corintios 14:20

Chawaruwä chi̧jä̧wa̧tü̧, ppo̧'ä̧tü̧ jä̧'i̧nü̧'a̧nü̧ amükuädätukui surojünä̧mä̧; ja̧'wa̧nü̧ ja̧'a̧nä̧ kuamükuädätukunä̧mä̧ tä̧mü̧ 'kua̧rü̧nä̧ amükuädätukui.

San Lucas 16:26

Suro jua̧u̧tä̧mä̧kü̧ ja̧'a̧, ji̧yȩtȩ ukuturu'i̧nä̧, ujuturu'i̧nä̧ tto̧ȩpä̧rü̧ kka̧'a̧; ja̧'wa̧nü̧ ja̧'a̧ttü̧ jua̧dä̧ttü̧mä̧ ttüjü'ka'anä̧ poku 'kuäkuo'ätuku juiyünä̧tä̧ ja̧'wa̧ta̧nü̧ pa̧nä̧ttü̧dä̧jä̧ jua'aku 'kuäto'ü juiyünä̧tä̧.

2 Pedro 1:11

Ja̧'wa̧nü̧tä̧ tu̧ru̧wa̧ Jesucrito surojüttü tü̧ji̧pü̧nä̧ jȩpi̧nü̧ ruwo beipokü weomȩ doächäkuäwomȩ bawekuächäkua'a.