2 Pedro 1:4 - Nuevo Testamento Uwotjüja

⁴ Pi̧yȩ jäwänä̧tä̧ iya päinü̧mä̧ iyinä̧u̧jä̧, ja̧u̧mä̧ ri̧u̧ jäwä ja̧'wa̧ta̧nü̧ rü̧ä̧nä̧ mikuäu ja̧'a̧, ja̧u̧nä̧tä̧ Dio jäwä ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧ttü̧ pi̧jä̧ jäwä surojuoepü ttidepä kkü'keku pi̧jä̧ra̧'a̧ i'kächinü̧ttü̧mä̧ dü'ekuächätukui.

TÄ̧DO Ä̧CUÄ̧ I̧HUȨNȨ

⁴ Ja̧u̧ ujurunä jȩpö̧ iyinö ujuturu iya päinö. Ja̧u̧ iya päinömä, rö̧ȩnä̧ micuäudo. Ja̧u̧ iya päinö esetö kä̧nö̧, Dioscu ka̧cua̧ja̧tö̧jä̧, pi̧jä̧nä̧ ka̧cu̧ suronä amöcuädäcuähuä juiyönä.

2 Pedro 1:4 Referans Kwoze

2 Corintios 3:18

Ja̧'wa̧nü̧ ja̧'a̧ttü̧, ujutumä̧ täkü o'katoi'ünä̧, ti'änä̧mä̧ i̧sä̧ta̧ tto̧ȩpä̧rä̧ta̧ juita'attü, tti'ä toäkuäwodä 'kua̧rü̧nä̧ kkȩdȩpä̧u̧jä̧ Tu̧ru̧wa̧ i̧tȩya̧u̧mä̧, ja̧'wa̧nü̧ jo̧mȩnä̧ yabonü̧ pärowächätüjä̧, surojü abo 'kuä'opätüjä̧, Tu̧ru̧wa̧ a̧'kua̧juä̧nä̧mä̧, Tu̧ru̧wa̧ i̧sa̧ Epíritu aditäwänä̧mä̧.

Colosenses 3:10

täkü pärokuä 'ka̧tä̧wä̧tu̧kui̧. Isopäi'ünä̧ pi̧yȩmä̧, Dio ukuturu uwäbe'inü̧ a̧'kua̧juä̧, yabonü̧ rü̧ä̧chä̧kua̧'a̧nü̧, Churutä jo̧mȩnü̧ ku̧wo̧juä̧chä̧tu̧ku̧nä̧.

Hebreos 12:10

Ja̧'wa̧nü̧ jo̧ka̧'a̧, juätü pi̧jä̧ttü̧ tä̧'o̧tü̧mä̧, pi̧jä̧nä̧ kkä̧kuä̧wä̧ beipü'i̧nä̧, jitürütä adiwomȩnä̧ ro̧ttȩpi̧nä̧u̧jä̧; Ja̧'wa̧nü̧ ja̧'a̧nä̧ tü̧ä̧nä̧wa̧ Dio-mä̧ ujuturu ro̧'ȩpü̧, Chutä jü̧ta̧'a̧nü̧ surojü juiyünä̧ tü̧ji̧ya̧rü̧ pä'ü.

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

2 Corintios 6:17

Ja̧'wa̧nü̧ ja̧'a̧ttü̧, Tu̧ru̧wa̧mä̧ pä'ü: «Juätüttümä̧ rä'opächü, 'kȩ'i̧pä̧chä̧tu̧kui̧, Surojümä̧ mȩkuä̧tu̧kuä̧, ja̧'wa̧nü̧ jȩ'kuä̧tu̧kuo̧mȩnä̧, Ttümä̧ chȩmä̧kuä̧u̧jä̧,»

Gálatas 6:8

Idepänä̧ jäwänä̧ kku̧nu̧mä̧, idepättümä̧ surojütä ȩmä̧kua̧, Epíritu jäwänä̧ kku̧nu̧mä̧, Epíritu-ttü kkä̧kuä̧wä̧ i'ko ȩmä̧kua̧.

1 Juan 2:25

Ja̧'wa̧nü̧ jo̧mȩttü̧, pi̧yȩ ja̧'a̧ ujuturu, chi̧yä̧kuä̧u̧jä̧ päinü̧mä̧: kkä̧kuä̧wä̧ i'ko.

2 Pedro 1:1

Ttü Simón Peduru, Jesucrito wȩ'ä̧wa̧ ja̧'wa̧ta̧nü̧ u̧mü̧wä̧ya̧ wa̧, te'äusä ujutu jü̧ta̧'a̧nü̧ adiwäjuei tta̧'kua̧ wȩnä̧rä̧kuä̧wä̧nä̧ rȩbȩwi̧nä̧tü̧rü̧, isopäi'ünä̧ tü̧ä̧nä̧wa̧ Dio'i̧nä̧, Jesucrito ra̧wä̧pi̧jü̧ttü̧ kki̧'i̧kuä̧ i̧sa̧'i̧nä̧ adiwä i̧sa̧ jo̧mȩttü̧.

Hebreos 9:15

Ja̧'wa̧nü̧ ja̧'a̧ttü̧, Jesucrito-nä̧mä̧ jitä jareünä̧ esekuinü̧nä̧ dodepätüjä̧. Jua'amä̧ wa'arenä̧ 'korujuoächomȩnä̧ ä̧kuo̧mȩnä̧ esekuinü̧ jäwänä̧ kkä̧nü̧ suronä̧ jȩtti̧nü̧ttü̧mä̧ rä'epü ikuäu̧jä̧. Ja̧'wa̧nü̧tä̧ Dio woinä̧u̧mä̧ isopäi'ünä̧tä̧ ttȩmä̧kuo̧tü̧jä̧, i'ko iyatü päinü̧mä̧.

2 Corintios 1:20

Ja̧'wa̧nü̧ ja̧'a̧ttü̧, o'kajuiyünä̧tä̧ Dio chi̧yä̧kua̧sä̧ päinü̧mä̧ ja̧'wa̧nü̧tä̧ 'kuäopa'a, chunä̧tä̧mä̧, ja̧'wa̧nü̧ ja̧'a̧ttü̧ Dio-rü tesewomȩnä̧, Crito-nä̧mä̧ «Amȩ́» pä'ätüjä̧.

Gálatas 3:16

Ja̧'wa̧nü̧ ja̧'a̧ttü̧ Dio, Abraha̧-rü̧ chi̧yä̧kua̧jä̧ pä'ü ukuokuinü̧mä̧, churutä'i̧nä̧, i̧tti̧rü̧'i̧nä̧ pätetü ji̧na̧'a̧. Rekuätünä̧, «kui̧tti̧mü̧rü̧» päwächoka'a, ya̧tȩrü̧tä̧ «kuakuä i̧sa̧rü̧» päwächina̧'a̧, Jua̧u̧mä̧ Crito-tä ja̧'a̧.

Romanos 9:4

Juätümä̧ Irae i̧tti̧mü̧ isotü ttomȩttü̧ ja̧'wa̧ta̧nü̧ Dio i̧tti̧mü̧ jü̧nä̧ ȩmi̧nä̧u̧ tta'attü̧; Dio-mä̧ juätütäku kki̧nü̧, ujuru'i̧nä̧ i̧jȩpi̧nä̧u̧ ja̧'wa̧ta̧nü̧ juätütäku eseku, jȩttä̧kuȩ wȩnȩ'i̧nä̧ iyinä̧u̧. Isopäi'ünä̧ ttesewarü pä'ü wo̧juȩtü̧ kkä̧nü̧, i̧yä̧kuȩ'i̧nä̧ ukuokuinä̧u̧.

Efesios 4:13

O'katoi'ünä̧ ji̧nä̧ ji̧yȩtȩnä̧tä̧ ta̧'kua̧ tu̧wȩnä̧ro̧mȩbü päi'ünä̧ ti̧rȩbȩwi̧'ü̧nä̧ ja̧'wa̧ta̧nü̧ Dio i̧tti̧rü̧ tu̧wo̧juä̧chi̧'ü̧nä̧tä̧ päi'ünä̧, ttü̧ja̧sa̧ surojü jui̧'a̧rü̧, Crito jü̧ta̧'a̧nü̧ jo̧mȩnü̧ tä̧mü̧ juota pä'ü.

Santiago 1:27

Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.

2 Pedro 3:9

Tu̧ru̧wa̧ jȩa̧ päinü̧ jo̧mȩnü̧ päi'a pä'ümä̧ rekuodä'chokü, yotukunä̧ ttamükuäda'anü̧mä̧, ja̧'wa̧nü̧ ja̧jü̧jueimä̧ ukutukumä̧ tta̧mi̧ 'ki'ächi'äkuäwä kku̧nä̧rü̧, ja̧'wa̧nü̧ ja̧'a̧ttü̧ ya̧tȩ'i̧nä̧ wa'ü ikuamä̧ pä'okü, wa'ü ttikuajueimä̧ o'katoi'ünä̧tä̧ Dio-kutä ppa̧ttä̧cha̧tä̧ pä'ü.

2 Pedro 3:13

Ja̧'wa̧nü̧ ja̧'a̧nä̧ ujutumä̧ mo̧ro̧jä̧'i̧nä̧, rȩjȩ'i̧nä̧ ja̧rȩä̧jä̧ Dio iya päinä̧jä̧ tta̧'a̧rä̧tü̧, juȩnȩmä̧ o'kajuiyünä̧ adiwäkuomȩ.