2 Pedro 1:16 - Nuevo Testamento Uwotjüja

¹⁶ Tu̧ru̧wa̧ Jesucrito ujuru'i̧nä̧, ppa̧wä̧chä̧kuȩ'i̧nä̧ tu̧wo̧juȩti̧nü̧mä̧ täbo wȩnȩ ttü̧ja̧ rättepinü̧mä̧ jo̧ka̧'a̧ ji̧na̧'a̧, ja̧'wa̧nü̧ ja̧jü̧jueimä̧ tu̧ru̧wa̧ ü̧rü̧ä̧mä̧ ta̧mü̧nä̧ ti'ärenä̧ topinä̧tü̧jä̧.

TÄ̧DO Ä̧CUÄ̧ I̧HUȨNȨ

¹⁶ Tu̧ru̧hua̧ Jesucristo ujuru huȩnȩ'i̧nä̧, ichä̧cuȩ huȩnȩ'i̧nä̧ ucuturu tu̧huo̧juȩti̧nö̧ huȩnȩ, pi̧jä̧ ttö̧ja̧ tti̧huȩnȩmä̧cö̧do ja̧u̧ huȩnȩ. Ujutu tö'ärenä topinätöjä Tu̧ru̧hua̧ ujurunä jȩa̧'a̧.

2 Pedro 1:16 Referans Kwoze

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

1 Timoteo 1:4

täbokü wȩnȩ, tä̧do̧tü̧ mi̧nä̧ ttü̧ja̧kui̧nü̧ wȩnȩ'i̧nä̧, yotukunä̧ yapare wȩnȩ ttu̧wo̧juȩtü̧ juiyünä̧ jikuäwäkua'anü̧. Ja̧u̧mä̧ pä'ä'chäkuäu kkä̧kuä̧wä̧ra̧'a̧tä̧ oipü, ja̧'wa̧ta̧nü̧ Dio amükuädinü̧nä̧, tta̧'kua̧ wȩnä̧rü̧ kkä̧kuä̧wä̧ ttu̧wo̧jui̧pa̧ pä'ümä̧ ppädokü.

1 Timoteo 4:7

Ja̧'wa̧nü̧ ja̧'a̧nä̧ täbokü jäwä, Dio-rü esetokotü, tta̧mü̧kuädü jui'ätü jittäumä̧ kuesetä. Ja̧u̧ ja̧jü̧jueimä̧, rȩrü̧jü̧ toäkuäwänä̧ yaboku juruwächi'i;

1 Corintios 2:4

Jua̧u̧nü̧ jidäu kuesetätukua pä'ümä̧, adiu wo̧juä̧wä̧ wȩnȩnä̧mä̧ ji̧dä̧wo̧ko̧u̧ pinä̧tü̧jä̧. Ja̧'wa̧nü̧ jo̧ka̧'a̧, Epíritu Sa̧tu̧nä̧ ujuru i̧jȩpo̧mȩnä̧tä̧ jidäwinä̧u̧jä̧,

Efesios 4:14

Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.

1 Corintios 1:17

Isopäi'ünä̧ Crito-mä̧, bautizo jȩcha̧ pä'ümä̧ weokoku pinü̧sä̧, jua̧u̧ ja̧jü̧jueimä̧ jareü wȩnȩtä̧ jidäwa pä'ü weinä̧ku̧sä̧; jua'a'i̧nä̧ wo̧juä̧wä̧ wȩnȩ kkü̧nä̧mä̧kü̧, Crito ü̧jo̧kä̧ jäinä̧ 'koru juo'ächinü̧, mikuäu toe'ächü juiya pä'ü.

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

Tito 1:14

Ja̧'wa̧ta̧nü̧ ppä'ädätukuitü judío kkä'äbe'ü jittäu ttesetü juiyäkua'anü̧ ja̧'wa̧ta̧nü̧ yapare ttü̧ja̧ weäwä wȩnȩ jittäu ttä̧ju̧ku̧ juiyäkua'anü̧.

Judas 1:14

Ja̧'wa̧ta̧nü̧ mo̧ täbokütä päi'ünä̧, Adá̧ o'komenä̧ttü̧ kko̧ro̧mü̧ttü̧nü̧ todärenä̧ päi'ünä̧ winü̧ Enoc pinü̧mä̧, juätü ttütü'kü pä'inü̧: «Topätukui, Tu̧ru̧wa̧ rekuätü á̧gȩrȩ-ku̧ icha'a,

2 Tesalonicenses 2:9

Jua̧u̧ ttü̧ja̧sa̧ surojütä jȩä̧kuä̧wä̧ i̧sa̧mä̧ Satanás-tä̧ ppädäkuäwänä̧ i̧chä̧kua̧; rü̧ȩnä̧ ujuruku i̧rȩbȩwä̧kua̧ ja̧'wa̧ta̧nü̧ señales-ku, jȩtto̧kü̧ juei jä̧'i̧jü̧ yaparetü jȩä̧kua̧.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

1 Tesalonicenses 2:19

Ja̧'wa̧nü̧ ja̧'a̧ttü̧mä̧ ¿ti̧yȩjä̧ttü̧ ujutu tesewa pä'ü tta̧tä̧rü̧mä̧, corona pättü jü̧nä̧ tesewä̧kuȩmä̧, Tu̧ru̧wa̧ Jesucrito ichomȩnä̧, ä'kattümä̧? Kkorotümä̧ toa'a, Jua̧u̧mä̧ ukututä jä̧kua̧'a̧.

Filipenses 3:21

Jua̧u̧tä̧tä̧ jä̧kua̧'a̧ tidepä wa'are jäwä jä̧'i̧jü̧mä̧, Chutä ü̧jü̧ beipokü jäwänä̧ pärotü i̧kuä̧kua̧mä̧. Chutä ujurunä̧ pi̧jä̧ o'kajuiyünä̧ wea pä'ü iyäwi'inä̧ku̧ ja̧'a̧ttü̧.

1 Corintios 5:4

Tu̧ru̧wa̧ Jesucrito i̧mi̧nä̧ ja̧'wa̧ta̧nü̧ Tu̧ru̧wa̧ Jesucrito ujurunä̧ ka̧ka̧ku̧ pȩjä̧mä̧tu̧kui̧, ttü'i̧nä̧ ukututäku 'kä̧dä̧wä̧rä̧kua̧sä̧ epíritu-nä̧tä̧,

1 Corintios 2:1

Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, Dio ütü'kü ji'äu chi̧wä̧chi̧nü̧mä̧, adiu a̧'kua̧ku̧nä̧ aditü ikumä̧ ji'äwokü pinü̧sä̧.

1 Corintios 1:23

ja̧'wa̧nü̧ ja̧'a̧nä̧, ujutumä̧ Crito-rü ü̧jo̧kä̧ jäinä̧ 'korujuo'ächinü̧rü̧ ji'äwätüjä̧. Pi̧yȩmä̧ judío-rümä̧ tto̧ȩpä̧rü̧ wȩnȩ ja̧'a̧nä̧, judío pokotürütä ttu̧'ȩpä̧ro̧ko̧tü̧ ttukuokua'a jä̧'i̧nü̧'a̧nü̧ jü̧ wȩnȩ ja̧'a̧;

1 Corintios 1:7

Ja̧'wa̧nü̧ ja̧'a̧ttü̧ Dio mippoünä̧ iyümä̧ juiyoko̧u̧jä̧, Tu̧ru̧wa̧ Jesucrito pä'äjita'anü̧ icha'anä̧ tta̧'a̧rü̧ ku̧jä̧tu̧kua̧'a̧nä̧mä̧.

Romanos 1:4

Jua̧u̧mä̧ Dio ujurunä̧, Epíritu Surojü jui̧'a̧ a̧'kua̧ iweyenä̧, Dio I̧tti̧ jü̧nä̧ i̧jȩpi̧nä̧ku̧ wa'arettü ttoächomȩnä̧.

San Juan 17:2

Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

San Mateo 24:27

Isopäi'ünä̧ kkä̧wa̧ räopa'akuttü ku'upä ürowomȩnä̧, kkä̧wa̧ ma̧ä̧cha̧'a̧ku̧ttü̧'i̧nä̧ kkȩdȩa̧'a̧ jä̧'i̧nü̧'a̧nü̧ jä̧kua̧'a̧ ubo I̧tti̧ ichomȩnä̧mä̧.

San Mateo 24:3

Jua̧u̧nü̧ o'ka'a olivo kka̧kuä̧'ka mü̧ä̧'kara̧'a̧ 'chä̧wi̧'ä̧ji̧'ka̧ Jesú-mä̧ ü̧'a̧'a̧, u̧wo̧juȩtä̧u̧mä̧ päkuotütä 'chä̧wi̧'ü̧ jättepinä̧ku̧: —Ji'äwitü pi̧yȩmä̧ ti̧yȩnü̧ jä̧kua̧'a̧jä̧ttü̧. ¿Uku kuichäkua'a ä'kanä̧mä̧ ja̧'wa̧ta̧nü̧ pi̧jä̧ beipächäkua'a ä'kanä̧mä̧, däjettü̧ topü wo̧juä̧wä̧kua̧'a̧jä̧ttü̧? pättäku,

San Mateo 16:28

—Isopäi'ünä̧ pä'üsä ukuturu, pȩnȩ́ kka̧kuä̧tü̧ttü̧ yotütemä̧ ubo I̧tti̧ ruwo we'ü icha'a tottomȩbü päi'ünä̧ wa'ü ttikua pä'ü ttüjü'kokäkuotü.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 17:1

Jesú-mä̧ kko̧ro̧mü̧ttü̧nü̧ ya'ute mo̧ro̧ o'ka'a, Peduru-rü'i̧nä̧, Sa̧ti̧a̧ku̧rü̧'i̧nä̧ ja̧'wa̧ta̧nü̧ i̧jä̧wa̧ Ju̧a̧-rü̧'i̧nä̧ mü̧ä̧'ka ju'toju jä'kara̧'a̧ i̧mi̧ku̧nä̧ o'ipächü 'chi̧nü̧.

San Marcos 13:26

Ja̧'wa̧nü̧ päi'omȩnä̧, ttü ubo I̧tti̧rü̧ ajiya isoppanä̧, chujuruku, churuwoku chicha'a tottäkuotü.

San Marcos 14:62

Jäepäku Jesú-mä̧ päinä̧ku̧: —A̧, ttütäsä. Ja̧'wa̧nü̧ ja̧'a̧ttü̧, ukutumä̧ ubo I̧tti̧rü̧ o'kajuiyünä̧ ujuru kku̧nä̧rü̧ u̧wo̧jua̧'a̧ku̧nä̧ ü̧'a̧'a̧'i̧nä̧, mo̧ro̧jä̧ttü̧ ajiya isoppanä̧ icha'a'i̧nä̧ to'kuäkuotüjä̧.

San Lucas 1:2

Ä̧kuo̧mȩnä̧ttü̧ kkä̧mä̧dü̧ tti'ärenä̧ tottinü̧'a̧kuä̧, Dio i̧wȩnȩ ji'äwinä̧tü̧.

San Lucas 9:43

Ja̧'wa̧nü̧ aditü ikuiyä̧u̧mä̧, o'katoi'ünä̧ Dio ü̧rü̧ä̧ rü̧ȩnä̧ eseäkuäwinä̧tü̧. Jesú jȩä̧ji̧ rü̧ȩnä̧ tteseäkuäwa'anä̧, u̧wo̧juȩtä̧u̧rü pä'inü̧:

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.