2 Pedro 1:12 - Nuevo Testamento Uwotjüja

¹² Ja̧'wa̧nü̧ ja̧'a̧ttü̧ pi̧yȩ o'kajuiyünä̧ 'kuäopünä̧tä̧ u̧ni̧chi'okü chä̧kua̧sä̧, ku̧wo̧juä̧tu̧kua̧'a̧nä̧'i̧nä̧ isopäi'ünä̧ wȩnȩ chu̧wo̧juȩti̧nü̧nä̧ 'kiyünä̧ kka̧kuä̧tu̧kui̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ ucutu cu̧huo̧juä̧tu̧cua̧'a̧nä̧, ucuturu amöcuädö, ppa̧'ä̧dö̧ ji̧dä̧huä̧cua̧sä̧ pi̧yȩ huȩnȩ. Iso päi'önä cuesetätucuomenä, cuami 'qui'ächi'ätöjä.

2 Pedro 1:12 Referans Kwoze

1 Juan 2:21

Jua'amä̧, jueü wȩnȩ kuieruwiyätukuäkumä wȩyu̧tu̧mä̧ we'oküsä, ku̧wo̧jui̧yä̧tu̧kuä̧ku̧ cha'attü wȩyu̧tu̧ we'üsä; isopäi'ünä̧ yapare wȩnȩmä̧, jueü wȩnȩttü̧mä̧ räopokü.

Filipenses 3:1

Chawaruwä chi̧jä̧wa̧tü̧, kkoro päi'ünä̧mä̧, Tu̧ru̧wa̧nä̧ eseäkuäu ku̧jä̧tu̧kua̧ pä'üsä. Ukuturu chi̧wȩyu̧ti̧nü̧ pä'äjita'anü̧ chi̧wȩyu̧ta̧ pä'ü'i̧nä̧ ü̧tä̧ri̧jo̧ko̧ku̧sä̧, jua̧u̧mä̧ ukuturu ppädü ja̧'a̧ttü̧.

Colosenses 2:7

Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.

Judas 1:5

Jua'akumä̧ ya'utenä̧ ku̧wo̧jui̧'i̧nä̧tu̧ku̧ ja̧'a̧nä̧ pä'äjita'anü̧ ji̧dä̧wä̧u̧jä̧. Dio-mä̧ Irae ttü̧ja̧rü̧ Egito-ttü rä'epü ikuäji̧'ka̧mä̧, Jua̧u̧ru̧ esetokotü päjätürümä̧ si'epü ikuinü̧.

2 Juan 1:2

Ukuturumä̧ isopäi'ünä̧ jäwä tamiso'kinä̧ tu̧ju̧nä̧rü̧nä̧ ja̧'wa̧ta̧nü̧ 'kuäopünä̧tä̧ kkä̧kuȩnä̧ eseu repedä̧u̧jä̧.

2 Pedro 1:13

Ji̧nä̧ cha̧'kua̧rä̧i̧mä̧ pi̧yȩnä̧ ro̧'ȩpü̧nü̧ jidäwa pä'ümä̧ chaditäwä ja̧'a̧.

Judas 1:17

Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧ ukutumä̧, Tu̧ru̧wa̧ Jesucrito weinä̧u̧ apótore ttukuokuinü̧ a̧mü̧kuä̧rü̧ kka̧kuä̧tu̧kui̧;

Judas 1:3

Chawaruwä chü̧jä̧wa̧tü̧, mo̧tä̧ päi'ünä̧ wȩyu̧tu̧ weda pä'inü̧sä̧ Dio ukuturu iyinü̧ tü'kümä̧; ja̧'wa̧nü̧ ja̧'a̧ttü̧ jitämä̧ jädepä̧u̧jä̧ Dio wo̧juȩtü̧ iyinü̧mä̧ ä'kuoyäkuäunu̧ suropätüttü tta̧kuä̧rä̧tu̧kua̧ pä'ü.

2 Pedro 3:17

Ja̧'wa̧nü̧ ja̧'a̧ttü̧ chi̧jä̧wa̧tü̧, täkü pi̧yȩmä̧ ä'kanä̧ wo̧juä̧tü̧jä̧, ttu̧'ȩpä̧rä̧kuä̧u̧ kka̧kuä̧tu̧kui̧ suronä̧ jȩpä̧tü̧ ttüyapareünä̧ doo'ächätukuäku, 'kiyünä̧ ku̧jä̧'i̧jä̧tu̧kua̧'a̧'i̧nä̧ ma̧kuä̧chä̧tu̧ku̧ juiyäkua'anü̧.

2 Pedro 3:1

Pi'tä ja̧'a̧ chi̧jä̧wa̧tü̧, jua̧u̧nü̧ o'ka'a ukuru wȩyu̧tu̧ wedä'tämä̧. Todärekue'ü jueünä̧ kuamükuädätukua pä'ü ro̧'ȩpü̧ ji̧dä̧wä̧u̧jä̧.

2 Pedro 1:15

Ja̧'wa̧nü̧ ja̧'a̧nä̧ o'kajuiyünä̧ jȩchü̧'a̧nü̧ jü̧mä̧ jȩchä̧kua̧sä̧ 'korujuodächü o'ka'a pi̧yȩ wȩnȩ tta̧mü̧kuädäkua'anü̧.

1 Pedro 5:12

Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

Hebreos 13:9

Kuieruwätuku, kkoro kkä̧kuä̧wä̧ wȩnȩku̧mä̧ pekuächächätukuä; Isopäi'ünä̧, ttu̧kuȩ kuäkuäwänä̧ repettajü jueimä̧, tamiso'kinä̧, Dio iyinü̧nä̧ repetächa pä'ü ja̧'a̧, büó juo'ünü̧; ja̧'wa̧nü̧ kkä̧'chä̧kuä̧wä̧mä̧ yorisotä ppädokü ji̧nü̧.

Hebreos 10:32

Ja̧'wa̧nü̧ ja̧'a̧nä̧, ukutumä̧ amükuädätukui ji̧yȩnü̧ mo̧ro̧, tȩya̧u̧ ȩmä̧jä̧'kotümä̧ rü̧ȩnä̧ usurä kuȩmä̧wä̧tu̧kua̧'a̧nä̧ kujuruku 'kuä'opinä̧tü̧jä̧.

2 Timoteo 1:6

Ja̧'wa̧nü̧ ja̧'a̧ttü̧ kunä̧ chu̧mü̧ mȩ'ü̧ Dio-rü chukuokuokuomenä̧ ukuru Dio mippoünä̧ iyinü okurä jä̧'i̧nü̧'a̧nü̧ jü̧nä̧ kkä̧wi̧ pä'ü wedäkujä̧.

1 Timoteo 4:6

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

Hechos 16:5

Ja̧'wa̧nü̧ ja̧'a̧ igresia wotümä̧ juayabokutä tta̧'kua̧ wȩnä̧rü̧nü̧ ja̧'wa̧ta̧nü̧ Jesucrito-rü esetätü'i̧nä̧ mo̧ro̧ ji̧nü̧'a̧kuä̧ rekuächinä̧tü̧.

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,