2 Juan 1:12 - Nuevo Testamento Uwotjüja

¹² Ukuturumä̧ rü̧ä̧nä̧ chukuokua pä'üsä, ja̧'wa̧nü̧ ja̧'a̧nä̧ kuyäru isojänä̧mä̧ wȩyu̧tu̧mä̧ we'oküsä. Ttütätä ukuturu do'ächü ichü topü chukuokua pä'ütä tta̧'a̧ru̧sä̧, ja̧'wa̧nü̧ jü̧ttü̧tä̧ tesewäkuäwä'ijümä̧ jo̧mȩnü̧ jä̧kua̧'a̧.

TÄ̧DO Ä̧CUÄ̧ I̧HUȨNȨ

¹² Rö̧ȩnä̧ ucuturu jidähua päda'anä, cuyäru isojänä huȩyu̧tu̧ hueda pä'ocösä. Ucuturu do'ächö chicha pä'ösä, pätecuänö pä̧nö̧ tucuocua pä'ö. Ja̧u̧nu̧ chichomenä, rö̧ȩnä̧ tesehuäcuotöjä.

2 Juan 1:12 Referans Kwoze

San Juan 16:12

Jidäwa pädümä̧, yabonü̧ chu̧ju̧nä̧ra̧'a̧nä̧, jitätämä̧ kua̧mi̧ 'ki'ächi'okotüjä̧.

San Juan 15:11

Pa̧'a̧nü̧ chukuokuä̧u̧jä̧, ttü cheseu ukutunä̧ kka̧ pä'ü, jua̧u̧ kuesewätuku jo̧mȩnü̧ päi'ätukuaku pä'ü.

1 Juan 1:4

Pi̧yȩmä̧ ti̧wȩyu̧tä̧u̧jä̧, ujutu teseu jo̧mȩnü̧ ja̧ pä'ü.

Hebreos 13:19

Ja̧'wa̧nü̧tä̧, yabonü̧ jȩ'kuä̧tu̧kua̧ pä'üsä; pä'äjita'anü̧, jitätä ja̧'a̧ku̧ Dio-rü pä̧wä̧rü̧jo̧mȩnä̧ tochätukuaku pä'ü.

Romanos 15:24

Epaña-ra̧'a̧ chi̧'cho̧mȩnä̧, ukuturu'i̧nä̧ do'ächi'ü 'kuädopa pä'üsä juiyo rekuomä̧ chü̧jo̧ka̧'a̧nä̧. Ukutuku cheseu o'ka'a, jua'a yaboku ppäkuädätukua'anä̧ chi̧'chä̧kua̧'a̧nü̧.

San Juan 17:13

Ja̧'wa̧nü̧ ja̧'a̧nä̧, jitämä̧ pä'äjita'anü̧ uku ku̧ja̧'a̧ ppa̧'ä̧chü̧sä̧; ja̧'wa̧nü̧ ja̧'a̧ttü̧ pi̧yȩmä̧ pä'üsä, ji̧nä̧ pi̧jä̧nä̧ chu̧jä̧i̧tä̧, juätü'i̧nä̧ ttü jäwä eseäkuäwä jo̧mȩnü̧ ttu̧ju̧nä̧ra̧ pä'ü.

San Juan 16:24

Jitä pȩnȩbü, Ttü chi̧mi̧nä̧mä̧ yorisotä jä'epokotü pä'ijätüjä̧; jä'epätukui, kuȩmä̧tu̧kua̧; kueseäkuäwätuku jo̧mȩnü̧ päkui'ätukua.

Hebreos 13:23

Ta̧wa̧ru̧wa̧ tti̧jä̧wa̧ Timoteo-mä̧ täkü rä'epü ttikuäjäku pä'ü jidäwä̧u̧jä̧, jurunä̧nü̧ ichi'üttümä̧, jua̧u̧tä̧ku̧ jua'amä̧, ukuturu topü chi̧chä̧kua̧sä̧.

Filemón 1:22

Ja̧'wa̧ta̧nü̧ rȩbȩu̧ chä'äkuomȩ'i̧nä̧ aditü kku̧ni̧yi̧ttü̧; Dio-rü kukuokuätukua'a, Dio-mä̧ rä'epü i̧kuä̧kua̧sä̧ 'kua̧ra̧'a̧.

2 Timoteo 1:4

Kuajuäwi'äna̧'a̧mä̧ 'kuäopünä̧ amükuädä'ijüsä, ja̧u̧ amükuädü chesewächi'a pä'ü do'ächü chicha pä̧wä̧rü̧jä̧ku̧sä̧.

San Juan 3:29

Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä.

3 Juan 1:10

Ja̧'wa̧nü̧ ja̧'a̧ttü̧, chichomȩnä̧mä̧ ji̧dä̧wä̧kua̧, juiyo ujutu tütü'kü suronä̧ ukuokua'attü. Suro, jua̧u̧tä̧mä̧kü̧ kkara'attü rȩbȩä̧kuä̧wä̧tü̧ Jesucrito-rü esetätürü'i̧nä̧ ya̧'o̧kuä̧rü̧ jȩpü̧. Ja̧'wa̧ta̧nü̧ ttawaruwä ttü̧jä̧wa̧tü̧ tti̧chi̧yä̧u̧ do'ädätürü'i̧nä̧ igresia-ttü rä'epä'chü iku jȩpü̧, jua̧u̧mä̧.