2 Corintios 9:2 - Nuevo Testamento Uwotjüja

² jua'amä̧, ppäkuädätukua päkuätukumä̧ chu̧wo̧jua̧'a̧ttü̧. Ja̧'wa̧nü̧ ji̧yä̧ku̧, Macedonia ttü̧ja̧rü̧mä̧ eseunu̧ pä'äjisä, juätü, Acaya rȩjȩ ttü̧ja̧mä̧ täkü jo̧mȩnü̧tä̧ winä̧tü̧ ni̧po̧ año-ttü̧tä̧ päi'ünä̧, ppättäda pä'ümä̧; ja̧'wa̧nü̧ jȩ'kuä̧tu̧ku̧ ä̧ju̧ku̧ Macedonia ttü̧ja̧mä̧ rekuätü jȩtta̧ pä'ü amükuädi'inä̧tü̧.

TÄ̧DO Ä̧CUÄ̧ I̧HUȨNȨ

² Täcö huo̧jua̧sä̧ ucutu adiu cuiyätucua'a. Macedonia rȩjȩnä̧ ka̧cuä̧tö̧rö̧ 'cuäopönä eseunu ji'äusä: “Acaya rȩjȩnä̧ ka̧cuä̧tö̧mä̧, ni̧po̧ a̧'ȩ päi'önä iyö ppättäda pä'ätö.” Ja̧'hua̧nö̧ pä'ö, Macedonia rȩjȩttö̧ recuätö, ucutu eseunu cuiyätucua'a topö, jahuätö'inä eseunu ttiya pä'ätö ttu̧ju̧nä̧rö̧mä̧.

2 Corintios 9:2 Referans Kwoze

2 Corintios 8:10

Ja̧'wa̧ta̧nü̧ pi̧yȩ tü'kü, ukuturu ro̧'ȩpü̧ pä'üsä; ni̧po̧ año-nä̧mä̧ ukutu ji̧na̧'a̧ ä̧kuo̧mȩnä̧ kkä̧mä̧dü̧ pi̧yȩ jȩpi̧nä̧tü̧mä̧ ja̧'wa̧nü̧ jȩpü̧mä̧ rü̧ȩnä̧ esewinä̧tü̧jä̧.

2 Corintios 8:8

We'ü ttukuoku'anü̧mä̧ ukuokuoküsä. Suro, kkoro igresia isotü ofrenda ppä'ädü jȩttü̧ ku̧wo̧juä̧tu̧kua̧tä̧ pä'üsä. Ukutu'i̧nä̧ isopäi'ünä̧ eseäkuäwä kui̧jȩpä̧tu̧kuä̧kua̧'a̧nü̧.

2 Corintios 8:24

Ja̧'wa̧nü̧ ja̧'a̧ttü̧, i̧jȩpä̧tu̧kui̧ juätürü kuesewätuku igresia isotü ttä'kattü jua̧u̧ jȩ'kuä̧tu̧kua̧'a̧ kuesewätukuäkua'anü̧.

Hebreos 10:24

Yotukunä̧ repe'äkuäwätukui, eseäkuäwä yabonü̧ rü̧ä̧chü̧nä̧ adiu ppä'ädäkuäu jȩ'kuä̧tu̧ku̧nä̧.

1 Corintios 16:15

Chawaruwä chi̧jä̧wa̧tü̧, ukutumä̧ wo̧juä̧tü̧jä̧ Estéfana i̧tti̧mü̧ku̧ ä̧kuo̧mȩnä̧ Acaya rȩjȩttü̧ Dio-rü esetinä̧tü̧ pä'ümä̧ ja̧'wa̧ta̧nü̧ juätütä ja̧'a̧ Dio-rü esetinä̧tü̧rü̧ ppä'ädätümä̧.

1 Tesalonicenses 1:7

Ja̧'wa̧nü̧ jȩ'kuä̧tu̧kuo̧mettü̧, Macedonia rȩjȩnä̧ kka̧kuä̧tü̧'i̧nä̧, Acaya rȩjȩnä̧ kka̧kuä̧tü̧'i̧nä̧, Crito-rü esetätümä̧ o'katoi'ünä̧tä̧ ukutu jȩ'kuä̧tu̧ku̧mä̧ jȩpä̧tü̧.

2 Corintios 8:19

Ja̧'wa̧nü̧ ja̧'a̧ttü̧, igresia isotümä̧ ujutuku wettäjäku, pi̧yȩ rekuä rü̧jä̧u̧ru̧ ppä'ädü ti̧'cho̧mȩ icha pä'ü; jua'amä̧ Dio-rü eseu jȩta̧'a̧ rekuä rü̧jä̧u̧ru̧ ppä'ädü;

2 Corintios 7:4

Ukuturumä̧ wäjuönä̧tä̧ ukuokusä; ja̧'wa̧ta̧nü̧ rü̧ȩnä̧ eseusä ukuturumä̧; a̧'u̧ ttudomȩnä̧ ppädäkuäwä'i̧nä̧ jo̧mȩnü̧ kkä̧ku̧sä̧; rü̧ȩnä̧ usurä tȩmä̧wa̧'a̧nä̧'i̧nä̧ rü̧ȩnä̧ eseusä.

2 Corintios 1:1

Ttü pauru, apóto jü̧nä̧ Jesucrito ȩmi̧nä̧ku̧, Dio-rü pä̧wä̧rü̧jo̧mȩnä̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äwätüjä̧, Dio-rü esetätü Corinto ütawiyänä̧ kkä̧tü̧rü̧'i̧nä̧ ja̧'wa̧ta̧nü̧ Acaya rȩjȩnä̧ kka̧kuä̧tü̧rü̧'i̧nä̧ o'katoi'ünä̧rü̧.

Hechos 18:12

Ja̧'wa̧nü̧ ja̧'a̧nä̧ Acaya rȩjȩnä̧mä̧, Galió̧ pä'ü mi̧kua̧ Gobernador weü pä̧nä̧ ja̧'a̧, judío-mä̧ Pauru-rü suronä̧ amükuädü 'chu'ädäjä'kotü ruwotü tribunal pä̧ttä̧u̧ ttä'ka jo̧mȩku̧ ȩpä̧jä̧'kotü,

Hechos 24:17

Rekuo años jo̧mȩnä̧ kkoro rȩjȩra̧'a̧ kue'ächinü̧'ka̧, chi̧rȩjä̧ra̧'a̧ usurä isotürü ppädäkuäwä'i̧nä̧, ofrendas'i̧nä̧ iyü ichäjisä.

Romanos 15:26

Jua̧u̧ pärätämä̧ Macedonia ttü̧ja̧ ja̧'wa̧ta̧nü̧ Acaya ttü̧ja̧ ttü̧ka̧ka̧tä̧ji̧, Jerusarȩ́-nä̧ kka̧kuä̧tü̧ tawaruwä ti̧jä̧wa̧tü̧ usurä isotürü ppä'ädü.

2 Corintios 7:14

Täkü, Tito-rümä̧, ukuturu chesewa'amä̧ jidäwinü̧ o'ka'a ji̧na̧'a̧. Pärokua'aku Tito-rü jitäwinü̧'i̧nä̧, ukuturu jitäwinü̧'i̧nä̧ isopäi'ünä̧tä̧ ji̧na̧'a̧.

2 Corintios 8:11

Ja̧'wa̧nü̧ ja̧'a̧ttü̧ jitämä̧, ä̧kuo̧mȩnä̧ kkä̧mä̧dü̧ eseunu̧ jȩ'kui̧nä̧tu̧ku̧ta̧'a̧nü̧, jȩpä̧tu̧kui̧ käkuädätukuomȩbü päi'ünä̧, yotükupünä̧ jȩ'kuä̧tu̧ku̧ jü̧'a̧nü̧ jü̧mä̧.