2 Corintios 9:10 - Nuevo Testamento Uwotjüja

¹⁰ Ya̧tȩ, kku̧nä̧wä̧ i̧sa̧rü̧, u̧wä̧ju̧ iyümä̧, ukua pä'ü u̧kuȩ iyü; ja̧'wa̧ta̧nü̧ jȩpü̧ kuäwä yoepä̧kua̧ ukutu adiwomȩnä̧ jȩ'kuä̧tu̧ku̧mä̧.

TÄ̧DO Ä̧CUÄ̧ I̧HUȨNȨ

¹⁰ Diosmä ku̧nä̧huä̧ ru̧hua̧rö̧ jacuä jähuä u̧ju̧na̧ pä'ö iyö. Ja̧'hua̧ta̧nö̧ cuäcuähuä iyö, ucua pä'ö. Ucuturu'inä i̧yä̧cua̧ adihuä juäi cu̧ju̧nä̧tu̧cua̧ pä'ö. Ja̧u̧nu̧ o'ca'a, cu̧ju̧nä̧tu̧cu̧ o'ca'a, rö̧ȩnä̧ adihuä juäi cuȩmä̧tu̧cua̧ pä'ö i̧yä̧cua̧.

2 Corintios 9:10 Referans Kwoze

2 Corintios 9:6

Pi̧yȩ amükuädätukui: a̧'u̧ku̧nä̧tä̧ kku̧nu̧mä̧, a̧'u̧ku̧nä̧tä̧ ü̧ka̧ka̧tä̧kua̧ u̧wä̧ju̧mä̧; ja̧'wa̧ta̧nü̧ rü̧ȩnä̧ kku̧nu̧mä̧, rü̧ȩnä̧ ü̧ka̧ka̧tä̧kua̧, u̧wä̧ju̧mä̧.

Filipenses 4:17

Pi̧yȩ pädümä̧, pä'äjita'anü̧ kuiyätukuattü pä'ü jä'epümä̧ pädokü, ji̧nä̧somä̧ Dio yabonü̧ ppädätukuaku pä'ü pädü.

1 Tesalonicenses 3:12

Ja̧'wa̧ta̧nü̧ Tu̧ru̧wa̧tä̧ ku'uttächätukunä̧, o'katoi'ünä̧ku̧ kuesewätukunä̧ ppädätukuaku pä'ü jä'epätüjä̧ Tu̧ru̧wa̧rü̧mä̧, pärokua'aku ukuturu tesewuöta'anü̧.

San Mateo 6:1

Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

Filipenses 1:11

Isopäi'ünä̧ Jesucrito ppäda'anä̧tä̧, adiwäjueimä̧ jȩ'kuä̧kuo̧tü̧jä̧ ttü̧ja̧ Dio-rü ukuotü tteseäkuäwarü pä'ümä̧.

Efesios 5:9

Isopäi'ünä̧ Epíritu u̧wä̧ju̧mä̧ o'kajuiyünä̧tä̧ rȩrü̧jü̧ topü kkä̧kuä̧wä̧tä̧, adiwomȩnä̧ jȩä̧kuä̧wä̧tä̧ ja̧'wa̧ta̧nü̧ jueü wȩnȩnä̧ kkä̧kuä̧wä̧tä̧ ja̧'a̧.

1 Tesalonicenses 4:10

Isopäi'ünä̧ ukutumä̧ ja̧'wa̧nü̧tä̧ jȩpä̧tü̧jä̧ Macedonia rȩjȩnä̧ kka̧kuä̧tü̧ Dio-rü esetinä̧tü̧ o'katoi'ünä̧rü̧mä̧. Ja̧'wa̧nü̧ ja̧'a̧ttü̧, ukuturu yabonü̧ ppäkuädätukua pä'ü jä'epätüjä̧.

2 Corintios 9:12

Isopäi'ünä̧ pi̧yȩ ofrenda ka̧ka̧tü̧ ttiya'amä̧, suro Dio-rü esetätürütämä̧ ppädoka'a, Dio-rü ttesewa pä'ü'i̧nä̧ ja̧'a̧;

Gálatas 3:5

Chú, Epíritu-ru Dio iya'amä̧ ja̧'wa̧ta̧nü̧ jȩtto̧kü̧ juei jȩa̧'a̧mä̧, ¿ti̧yȩ jȩ'kuä̧tu̧kuo̧mȩnä̧ ja̧'a̧ jä̧ttü̧?, ¿weäwä wȩnȩ kukuotätukuomȩnä̧ ja̧'a̧ tä̧jí̧?, ¿jareü wȩnȩ kua̧'kua̧ wȩnä̧rü̧ kuesetätukuomȩnä̧tä̧ ja̧'a̧ tä̧jí̧?