2 Corintios 8:9 - Nuevo Testamento Uwotjüja

⁹ Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

TÄ̧DO Ä̧CUÄ̧ I̧HUȨNȨ

⁹ Ucutumä täcö huo̧juä̧tö̧jä̧ Tu̧ru̧hua̧ Jesucristo adihuä juäi iyö ujuturu. Ja̧u̧ o'ca juiyönä ku̧nä̧ri̧nö̧do. Ja̧'hua̧nö̧ ja̧'a̧nä̧ ucuturu repe'ö usurä i̧sa̧ ta'anö pä'i'inödo, ucutu ja̧u̧ru̧ esetö, järe ruhuotö ta'anö cu̧ja̧cuä̧tu̧cua̧ pä'ö.

2 Corintios 8:9 Referans Kwoze

Romanos 8:32

Dio-mä̧, ja̧'wa̧nü̧ jo̧ka̧'a̧ Chutä I̧tti̧rü̧'i̧nä̧ repeoka'a ujutu o'katoi'ünä̧ jäwänä̧ wa'ü ikunä̧ iyina̧'a̧mä̧ ¿Toku pä'ü kkorojuei o'kajuiyünä̧, chutäku yo̧mȩtȩnä̧ i̧yo̧ko̧u̧ täkua'ajä̧ttü̧?

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

Romanos 5:8

Ja̧'wa̧nü̧ ja̧'a̧nä̧, Dio-mä̧ rü̧ȩnä̧ ujuturu repeü i̧jȩpi̧nä̧u̧jä̧, surojü jȩpä̧tü̧ ta'anä̧, Crito-mä̧ ujutu jäwänä̧ 'korujuo'ächinü̧.

2 Corintios 6:10

Tta̧'kua̧ tta̧'ȩkuä̧tü̧ 'kua̧ra̧'a̧nä̧, 'kuäopünä̧tä̧ esewätüjä̧; usurä isotü 'kua̧ra̧'a̧nä̧, rekuätü ruwotü juottünä̧ ppä'ädätüjä̧; yoriso jui'ätü 'kua̧ra̧'a̧nä̧, o'kajuiyünä̧ kku̧nä̧rä̧tü̧jä̧.

Efesios 2:7

Pi̧yȩmä̧ jȩpi̧nü̧, Jesucrito-nä̧ rü̧ȩnä̧ rȩrü̧jü̧ toü yodoji mo̧ro̧ ujuturu i̧jȩpa̧ pä'ü.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

1 Timoteo 6:18

Adiwäjuei jȩtta̧'a̧nä̧'i̧nä̧ adiwäjuei aditäkuäwänä̧ ruwotü juo'ü ja̧'wa̧ta̧nü̧ ttiäre ttu̧ju̧nä̧rü̧'i̧nä̧ iyü ppädäkuäwämä̧ jo̧mȩnü̧ ttü̧ja̧kua̧ we'itü.

2 Corintios 13:14

Tu̧ru̧wa̧ re ü̧ji̧nü̧mä̧, Dio eseu repeümä̧ ja̧'wa̧ta̧nü̧ Epíritu Sa̧tu̧mä̧ ukutunä̧ ü̧jü̧mä̧ o'katoi'ünä̧ kkä̧tu̧kua̧ku̧ pä'üsä.

San Lucas 16:11

Ja̧'wa̧nü̧ ja̧'a̧ttü̧ pi̧jä̧ jäwä pärätä adiwokünä̧'i̧nä̧, adiu tta̧kuä̧rä̧tu̧kuo̧ka̧'a̧ ji̧na̧'a̧mä̧, ¿Ditä a̧'kua̧ u̧wȩnä̧rä̧kua̧'a̧jä̧ttü̧ ukuturu, isopäi'ünä̧ mikuäu jäwänä̧mä̧?

Hebreos 1:2

Jitä rüjí mo̧ro̧mä̧, Dio-mä̧ I̧tti̧nä̧tä̧ ukuokuinä̧u̧jä̧. Jua'amä̧ o'kajuiyünä̧tä̧ jua̧u̧ I̧tti̧nä̧tä̧ aditina̧'a̧ttü̧; o'kajuiyünä̧ u̧ru̧wa̧ päi'ünä̧ jȩpü̧ kku̧nu̧, Jua̧u̧ru̧mä̧.

San Lucas 9:58

Päku, Jesú-mä̧ ädätinä̧ku̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧; ja̧'wa̧nü̧ ja̧'a̧nä̧, ttü Ubo I̧tti̧mä̧ Chu kuä'epü chü̧'o̧mȩ'i̧nä̧ jui̧'a̧sä̧.

Apocalipsis 3:18

Ja̧'wa̧nü̧ ja̧'a̧ttü̧ jidäwäkujä̧, ttüttü kuȩma̧ pä'ü, okuränä̧ kkuwü iku säruwuönä̧ adikuä oro-ttü kuȩma̧ pä'ü ru̧wa̧ kuäkua'a̧nü̧; pü̧jä̧ta̧ tȩä̧ta̧ ku̧'ka̧tä̧wä̧kua̧'a̧nü̧, dä'ä ttüku juiya pä'ümä̧. Ja̧'wa̧ta̧nü̧ kui'äriyänä̧ jawapüja dachäwi pä'äjita'anü̧ to'kuäkua'anü̧.

Efesios 3:19

Ja̧'wa̧ta̧nü̧ Crito rȩrü̧jü̧ toinü̧ ku̧wo̧juä̧tu̧kuä̧kua̧'a̧nü̧, wo̧juä̧wä̧ u̧wä̧mȩnä̧ ja̧'a̧, Dio ukuturu iya päinü̧mä̧ o'kajuiyü jo̧mȩnü̧tä̧ kuȩmä̧tu̧kua̧ pä'ü.

1 Corintios 1:4

Chä'o Dio-rü eseusä 'kuäopünä̧tä̧ ukutu jäwänä̧, ukuturu rettü Crito Jesú-nä̧ ppädiniyä̧ku̧.

San Lucas 2:7

Ja̧'wa̧nü̧ jä̧kua̧, juorütä kki̧tti̧ chu̧'ä̧kua̧ uborümä̧ uwäbekuinä̧ju̧, uwäbekuä'koju pü̧jä̧ta̧ i̧sä̧'chȩnä̧ juä'opü, äjikuäkuäwotü ttukuä'ijomȩ rütinä̧ju̧, tti̧rȩbȩwode juiya'attü̧.

San Juan 16:15

Chä'o u̧ju̧nä̧rü̧mä̧ o'kajuiyünä̧, ttü'i̧nä̧ chiäre; ja̧'wa̧nü̧ ja̧'a̧ttü̧, pä'äjisä, Epíritumä̧ ttü chiärettü ȩmä̧kua̧, ukuturu i̧jȩpa̧ pä'ümä̧, pädäjimä̧.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

San Juan 1:10

Jua̧u̧ I̧wȩnȩ ji̧nü̧mä̧ pi̧jä̧nä̧ kki̧na̧'a̧; ja̧'wa̧ta̧nü̧ pi̧jä̧'i̧nä̧ jua̧u̧nä̧tä̧ aditinä̧jä̧ ja̧'a̧nä̧, pi̧jä̧ ttü̧ja̧mä̧, ttu̧wo̧juo̧ko̧ku̧ pinü̧.

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

Apocalipsis 21:7

Surojü abo 'kuä'o'ümä̧ pi̧yȩ o'kajuiyünä̧ üäre jä̧kua̧'a̧; ttü jä̧kua̧'a̧ ü̧ä̧nä̧wa̧ Dio-mä̧ ja̧'wa̧ta̧nü̧ pärokua'akumä̧ chi̧tti̧ jä̧kua̧'a̧.

1 Corintios 15:47

Ä̧kuo̧mȩnä̧ ttü̧ja̧sa̧mä̧, rȩjȩttü̧ uwäbe'äkuäwa̧ ji̧na̧'a̧ ja̧'wa̧nü̧ jo̧mȩttü̧ pi̧jä̧ ttü̧ja̧ i̧sa̧ pinü̧; juȩnȩ o'komȩnä̧ i̧sa̧mä̧, Tu̧ru̧wa̧ ji̧na̧'a̧, mo̧ro̧jä̧ra̧'a̧ttü̧ ichinü̧.

Romanos 11:12

Ja̧'wa̧nü̧ judío ttukuotoka'a ji̧na̧'a̧ttü̧ pi̧jä̧ ttü̧ja̧mä̧ rü̧ȩnä̧ re ü̧jü̧ po̧kui̧pi̧nä̧tü̧ ¡jua'a yabonä̧, adiu ttü̧'o̧kui̧'ä̧kuo̧tü̧ judío o'katoi'ünä̧rü̧ Dio ȩmo̧mȩnä̧!

San Juan 17:19

Ja̧'wa̧ta̧nü̧ pitü jäwänä̧, ttümä̧ cha̧mü̧nä̧ pa̧ja̧tü̧ usurä ȩmä̧u̧ iyäkuäusä ja̧'wa̧ta̧nü̧ jueü wȩnȩ pä'aku pitü'i̧nä̧ ttiyäkuäwa pä'üsä.

San Juan 12:30

Jesú-mä̧ päinä̧u̧: —Pi̧yȩ rä̧mi̧pa̧'a̧ kuä̧ju̧kuä̧jä̧tu̧ku̧mä̧, ttürü ja̧'a̧tȩ'ü̧mä̧ rä̧mi̧po̧kü̧ jä̧jí̧, ji̧nä̧somä̧ ukuturu ja̧'a̧tȩ'ü̧ rä̧mi̧pä̧ji̧.

San Marcos 6:3

¿Pidemä̧, María kki̧tti̧ (Carpintero) pä'ijümä̧kü̧ ja̧'wa̧ta̧nü̧ Jacobo'i̧nä̧, José'i̧nä̧ Juda'i̧nä̧ Simón'i̧nä̧ ttubüo pä'ijümä̧kü̧? ¿Ja̧'wa̧ta̧nü̧ ü̧jä̧wa̧tü̧ nä̧tü̧mä̧ ujututä ttü̧jä̧'i̧jä̧ttü̧? —Ja̧'wa̧nü̧ pä'ü rü̧ȩnä̧juo'eku, esetokotü pinä̧tü̧.

San Mateo 17:27

Ja̧'wa̧nü̧ ja̧'a̧nä̧, ttü̧ra̧wä̧rü̧ juiyäkua'anü̧ rü̧ä̧ duborara̧'a̧ täi, kua̧juä̧ isa'che kuikua, kuikuomȩnä̧ ä̧kuo̧mȩnä̧ rü̧'i̧pü̧rü̧mä̧ ä ba'epü to'kuajä̧, to'kuomȩnä̧ pä̧rä̧tä̧bi̧ ȩkä̧kua̧'a̧; juä̧bi̧nä̧mä̧ kui̧mi̧tajä̧ ttü jäwä'i̧nä̧ uku jäwä'i̧nä̧, jü̧nä̧.

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

San Lucas 8:3

Ja̧'wa̧ta̧nü̧ Herode iare pärätä tta̧wä̧rä̧kuä̧wä̧ i̧sa̧, Chuza irekua Juana'i̧nä̧ ji̧na̧'a̧; ja̧'wa̧ta̧nü̧ Susana'i̧nä̧; ja̧'wa̧ta̧nü̧ kkorotü nä̧tü̧'i̧nä̧ rekuinä̧tü̧ ttu̧ju̧nä̧rü̧nä̧ Jesú-ru iyü ppä'ädä̧rä̧tü̧mä̧.

Romanos 15:3

Isopäi'ünä̧, Chutä Crito'i̧nä̧, a̧mü̧nä̧ pa̧ja̧tü̧ üjü'kümä̧ jȩpo̧kü̧ pinü̧; suro wȩyu̧kuä̧ wȩnȩ pä'akutä jȩpi̧nü̧: «Ukuru kkü'kü jui'ü suronä̧ jȩtti̧nü̧mä̧, ttürütä ma̧ä̧mi̧nä̧ku̧sä̧.»

Apocalipsis 2:9

Aditü usurä kuȩmä̧u̧mä̧ ja̧'wa̧ta̧nü̧ usurä i̧sa̧ wokü'i̧nä̧ (jua'akumä̧ ru̧wa̧ kua'anä̧) wo̧jua̧sä̧ ja̧'wa̧ta̧nü̧ judío-mä̧ ttoka'anä̧, ujutumä̧ judío-jä̧, ya̧'a̧wä̧'chü̧ pättü'i̧nä̧ ku̧wo̧jua̧'a̧mä̧ wo̧jua̧sä̧, Satanás-rü̧ ukuokuäkuäwode jü̧nä̧tä̧ wotü pä'ü.