2 Corintios 8:8 - Nuevo Testamento Uwotjüja

⁸ We'ü ttukuoku'anü̧mä̧ ukuokuoküsä. Suro, kkoro igresia isotü ofrenda ppä'ädü jȩttü̧ ku̧wo̧juä̧tu̧kua̧tä̧ pä'üsä. Ukutu'i̧nä̧ isopäi'ünä̧ eseäkuäwä kui̧jȩpä̧tu̧kuä̧kua̧'a̧nü̧.

TÄ̧DO Ä̧CUÄ̧ I̧HUȨNȨ

⁸ Ttö pi̧yȩmä̧ hueähuä huȩnȩ päi'önämä ji'ähuocösä. Korotö ttiyö ta'anö cu̧huo̧juä̧tu̧cua̧ pä'ötä pä'ösä. Ucutu'inä iso päi'önä repecuhuätucua'a tocha pä'ösä.

2 Corintios 8:8 Referans Kwoze

1 Corintios 7:6

Ja̧'wa̧nü̧ ja̧'a̧nä̧, pi̧yȩ o'kajuiyünä̧ pädümä̧ ro̧'ȩpü̧tä̧ pädäu̧jä̧, weäwä wȩnȩ jä̧'i̧jü̧'a̧nü̧mä̧kü̧tä̧.

Hebreos 10:24

Yotukunä̧ repe'äkuäwätukui, eseäkuäwä yabonü̧ rü̧ä̧chü̧nä̧ adiu ppä'ädäkuäu jȩ'kuä̧tu̧ku̧nä̧.

2 Corintios 9:7

Yotukunä̧mä̧, iyätukui kua̧mi̧so'kitukunä̧, kuamükuädäjätuku'akuä: kua̧'kua̧ tta̧kuȩkuä̧tu̧kuo̧ka̧'a̧tä̧, rekuä rü̧jä̧u̧tä̧mä̧kü̧tä̧, isopäi'ünä̧ Dio-mä̧ eseunu̧ iyätürümä̧ eseu.

2 Corintios 6:6

ja̧'wa̧ta̧nü̧ surojü juiyünä̧ tü̧jo̧mȩnä̧'i̧nä̧, tu̧wo̧juo̧mȩnä̧'i̧nä̧, ta̧mi̧'kitächi'omȩnä̧'i̧nä̧, re tü̧jo̧mȩnä̧'i̧nä̧, Epíritu Sa̧tu̧nä̧ tü̧jo̧mȩnä̧'i̧nä̧, jueünä̧ eseu repetomȩnä̧'i̧nä̧;

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Efesios 6:24

Tu̧ru̧wa̧ ujuturu rȩrü̧jü̧ toinü̧, repeü beipokümä̧ ukutu o'katoi'ünä̧rü̧ kkü̧nä̧ ku̧jä̧tu̧kua̧ pä'üsä.

Efesios 4:15

Pärokua'aku, jueü wȩnȩnä̧ eseäkuäu kkä̧nü̧, tä̧mü̧ juotätukua o'kajuiyünä̧tä̧, Crito-mä̧ u wa̧ ja̧'a̧ttü̧.

2 Corintios 9:2

jua'amä̧, ppäkuädätukua päkuätukumä̧ chu̧wo̧jua̧'a̧ttü̧. Ja̧'wa̧nü̧ ji̧yä̧ku̧, Macedonia ttü̧ja̧rü̧mä̧ eseunu̧ pä'äjisä, juätü, Acaya rȩjȩ ttü̧ja̧mä̧ täkü jo̧mȩnü̧tä̧ winä̧tü̧ ni̧po̧ año-ttü̧tä̧ päi'ünä̧, ppättäda pä'ümä̧; ja̧'wa̧nü̧ jȩ'kuä̧tu̧ku̧ ä̧ju̧ku̧ Macedonia ttü̧ja̧mä̧ rekuätü jȩtta̧ pä'ü amükuädi'inä̧tü̧.

2 Corintios 8:24

Ja̧'wa̧nü̧ ja̧'a̧ttü̧, i̧jȩpä̧tu̧kui̧ juätürü kuesewätuku igresia isotü ttä'kattü jua̧u̧ jȩ'kuä̧tu̧kua̧'a̧ kuesewätukuäkua'anü̧.

2 Corintios 8:10

Ja̧'wa̧ta̧nü̧ pi̧yȩ tü'kü, ukuturu ro̧'ȩpü̧ pä'üsä; ni̧po̧ año-nä̧mä̧ ukutu ji̧na̧'a̧ ä̧kuo̧mȩnä̧ kkä̧mä̧dü̧ pi̧yȩ jȩpi̧nä̧tü̧mä̧ ja̧'wa̧nü̧ jȩpü̧mä̧ rü̧ȩnä̧ esewinä̧tü̧jä̧.

1 Corintios 7:25

Jitü, nä̧tü̧ Tti̧rȩkua̧mü̧ku̧ ü'käwokotü ttütü'kü, Tu̧ru̧wa̧ weinü̧mä̧ jui̧'a̧sä̧; ja̧'wa̧nü̧ ja̧'a̧nä̧ ttü päda'aku pä'üsä, Tu̧ru̧wa̧ rȩrü̧jü̧ toinü̧nä̧ chü̧ja̧'a̧ttü̧, jua̧u̧nä̧tä̧ yaboku 'chä̧nü̧ kkä̧nü̧.

1 Corintios 7:12

Ja̧'wa̧ta̧nü̧ kkorotürü pä'üsä, ttütätä, Chu̧ru̧wa̧mä̧ päokü ja̧'a̧nä̧: Ya̧tȩ ta̧wa̧ru̧wa̧ ti̧jä̧wa̧ Dio-rü esetokojuru irekua ü̧ja̧'a̧, juäju repe'ü kkü̧jü̧ttü̧mä̧, juäjurumä̧ jaro'kui'ä.

Romanos 12:9

Ä'koyättütä repekuäwätukuoka'a, adiu repe'äkuäwätukui. Surojümä̧ kkü'kü juiyünä̧ amükuädü, adiwä jueikutä tätukui.