2 Corintios 8:6 - Nuevo Testamento Uwotjüja

⁶ Tito ji̧na̧'a̧, pi̧yȩ ofrenda ppädäkuäwä ä̧kuo̧mȩnä̧ kkä̧mä̧dü̧ ka̧ka̧ti̧nü̧mä̧. Ja̧'wa̧nü̧ ja̧'a̧ttü̧, jua̧u̧ru̧ jä'epinä̧tü̧jä̧ yaboku adita pä'ü jua̧u̧ eseäkuäwämä̧.

TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ttö̧ Titorö hue'inätöjä ä'canä cuiyätucua pä'ö ucuturu jiähuina'attö, juhua'a yabonö ucuturu ppäda pä'ö, Diosrö iyähuänä adiu jȩcu̧'ä̧tu̧cua̧ pä'ö.

2 Corintios 8:6 Referans Kwoze

2 Corintios 12:18

Tito-rü we'inü̧sä̧, kka̧ra̧ ta̧wa̧ru̧wa̧ ti̧jä̧wa̧ku̧ jua'a. Jua̧u̧nu̧mä̧ ¿Tito'i̧nä̧ ukuturumä̧, üyaparewina̧'a̧ tä̧jí̧? ¿Ji̧nä̧ ji̧yȩtȩtä̧ amükuädü, ji̧nä̧ yo̧mȩtȩnä̧ amükuädü taditoka'a ji̧na̧'a̧ tä̧jí̧?

2 Corintios 8:19

Ja̧'wa̧nü̧ ja̧'a̧ttü̧, igresia isotümä̧ ujutuku wettäjäku, pi̧yȩ rekuä rü̧jä̧u̧ru̧ ppä'ädü ti̧'cho̧mȩ icha pä'ü; jua'amä̧ Dio-rü eseu jȩta̧'a̧ rekuä rü̧jä̧u̧ru̧ ppä'ädü;

2 Corintios 8:4

Jua'a'i̧nä̧, ujutuku ukuoku jättepinä̧u̧jä̧, Dio ȩmi̧nä̧u̧ru̧ ppättäda pä'ümä̧.

1 Pedro 4:10

Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.

Filipenses 4:18

Epafrodito-ku wekuäjätukumä̧ o'kajuiyünä̧ ȩmä̧ji̧sä̧, täkü rekuä rü̧jo̧ko̧ku̧sä̧. Jua̧u̧ ttürü wekuinä̧tu̧ku̧mä̧ adiwina̧'a̧, a̧mȩu̧ nü̧a̧'a̧ jä̧'i̧nü̧'a̧nü̧, ja̧'wa̧nü̧ usurä ȩmä̧u̧ ppädäkuäwä ja̧'a̧ Dio eseunu̧ ȩmü̧mä̧.

2 Corintios 9:5

Ja̧'wa̧nü̧ ja̧'a̧ttü̧, pitü chawaruwä chi̧jä̧wa̧tü̧rü̧ we'üsä, ttü chichäkua'a ä'kanä̧. Juätütä jä̧kua̧'a̧, kuiya päkuinä̧tu̧ku̧ ofrenda ttü̧ka̧ka̧tä̧kuo̧tü̧mä̧. Ja̧'wa̧nü̧ jȩpü̧tä̧ kui̧jȩpä̧kuo̧tü̧jä̧, kkorotü wettoka'anä̧ eseunu̧ kuiyätukua'amä̧.

Hechos 24:17

Rekuo años jo̧mȩnä̧ kkoro rȩjȩra̧'a̧ kue'ächinü̧'ka̧, chi̧rȩjä̧ra̧'a̧ usurä isotürü ppädäkuäwä'i̧nä̧, ofrendas'i̧nä̧ iyü ichäjisä.

Romanos 15:25

Ja̧'wa̧nü̧ ja̧'a̧nä̧, jitätämä̧ Jerusarȩ́-ra̧'a̧ 'chü̧sä̧, tawaruwä tü̧jä̧wa̧tü̧rü̧ ppädäkuäwä ttiyäji ȩpü̧ 'chä̧nü̧.

2 Corintios 2:13

chesewuö juiyünä̧ ji̧nä̧ku̧sä̧, cha̧wa̧ru̧wa̧ chi̧jä̧wa̧ Tito-rü chu̧'o̧kui̧'o̧ko̧mȩnä̧. Ja̧'wa̧nü̧ jä̧ku̧, juätürü te'äwi'ipütä Macedonia rȩjȩra̧'a̧ku̧ 'chi̧nü̧sä̧.

2 Corintios 8:10

Ja̧'wa̧ta̧nü̧ pi̧yȩ tü'kü, ukuturu ro̧'ȩpü̧ pä'üsä; ni̧po̧ año-nä̧mä̧ ukutu ji̧na̧'a̧ ä̧kuo̧mȩnä̧ kkä̧mä̧dü̧ pi̧yȩ jȩpi̧nä̧tü̧mä̧ ja̧'wa̧nü̧ jȩpü̧mä̧ rü̧ȩnä̧ esewinä̧tü̧jä̧.

2 Corintios 8:23

Tito ütü'kümä̧ pä'üsä, jua̧u̧mä̧ ttütä cha̧wa̧ru̧wa̧ ja̧'a̧; ttütäku aditä'ijü; ja̧'wa̧ta̧nü̧ kkorotü tawaruwä jua̧u̧tä̧ku̧ ichätümä̧ igresia wȩttä̧u̧ ja̧'a̧, Crito-rü eseu aditätü.