2 Corintios 8:3 - Nuevo Testamento Uwotjüja

³ Ttü wo̧juö̧ ji'äusä, juätümä̧ eseunu̧ ttujuru kko̧mȩbümä̧ iyinä̧tü̧ ja̧'wa̧ta̧nü̧ betti̧pä̧ra̧'a̧ yabo'i̧nä̧ iyinä̧tü̧; jua'a'i̧nä̧ wȩttä̧u̧mä̧kü̧, jitütä amükuädü iyinä̧tü̧.

TÄ̧DO Ä̧CUÄ̧ I̧HUȨNȨ

³ Ttö topinösä ttiya'anä. O'ca juiyönä ttu̧ju̧nä̧rö̧ttö̧'i̧nä̧ eseunu iyinätödo. Ja̧'hua̧ta̧nö̧ koronö ttu̧ju̧nä̧rö̧ttö̧'i̧nä̧ abonänö iyinätödo.

2 Corintios 8:3 Referans Kwoze

Filemón 1:14

Ukú päkuoka'anä̧mä̧ jȩcha̧ pä'okü päjisä, ppäkuädattü pä'ü jädepäjimä̧ ttü weda'a 'kua̧rü̧nä̧ jü̧ juiyäkua'anü̧.

1 Corintios 16:2

Semana-ttü̧mä̧ domiku̧ jü̧ta̧'a̧nü̧, 'kȩ'ȩpü̧ rütätukui, kuȩmä̧jä̧tu̧ku̧'a̧kuä̧, wa'adü rütätukui, jua'amä̧ chichomȩnä̧mä̧ täkü ku̧ka̧ka̧kuä̧tu̧ku̧ juiyäkua'anü̧.

Hechos 11:29

Ja̧'wa̧nü̧ ja̧'a̧ Antioquía-ttü, Jesucrito-rü esetätümä̧ Judea rȩjȩnä̧ kka̧kuä̧tü̧rü̧ ppä'ädümä̧ rekuä rü̧jü̧ we'inä̧tü̧.

1 Corintios 9:17

Ja̧'wa̧nü̧ ja̧'a̧ttü̧, eseunu̧ jua̧u̧ jidäuttümä̧, mikuä chȩmä̧kua̧sä̧; ja̧'wa̧nü̧ ja̧'a̧nä̧ chesewoka'a jȩchü̧ttü̧mä̧, weäwi'ina̧'a̧tä̧ jȩpü̧sä̧.

1 Pedro 5:2

Dio ä̧ji̧mü̧ oweja-tü̧ iyinä̧u̧ru̧mä̧ adiu Dio-rü pä̧wä̧rü̧ja̧'a̧ku̧ tta̧'a̧rä̧tu̧kui̧, kujurutukumä̧kü̧, pärätänä̧mä̧kü̧, ja̧'wa̧nü̧ ja̧jü̧ jueimä̧ adiu eseunü̧tä̧.

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

1 Tesalonicenses 2:8

Ukuturu rü̧ȩnä̧ repetächina̧'a̧mä̧, suro jareü wȩnȩ Dio i̧wȩnȩtä̧mä̧ tiya pätoko̧u̧jä̧, ta̧'kua̧rü̧'i̧nä̧ tiyü'anü̧ wotüjä̧ ukutunä̧mä̧. ¡Isopäi'ünä̧ ukuturu rü̧ȩnä̧ repetächina̧'a̧ttü̧!

Colosenses 4:13

Ttümä̧ wo̧jua̧sä̧ jua̧u̧ ukuturu a̧'kua̧ roekua'amä̧, Laodicea-nä̧ kka̧kuä̧tü̧rü̧'i̧nä̧, ja̧'wa̧ta̧nü̧ Hierápori-nä kka̧kuä̧tü̧rü̧'i̧nä̧, jü̧nä̧.

Filipenses 2:13

Isopäi'ünä̧ Dio-tä ja̧'a̧, ukuturu adiu jȩ'kuä̧tu̧kua̧ pä'ü kuju'kätukunä̧'i̧nä̧, adiu jȩ'kuä̧tu̧ku̧nä̧'i̧nä̧ jȩpü̧mä̧.

Romanos 10:2

Wo̧jua̧sä̧ Dio-rü rü̧ȩnä̧ ukuo te'äwätü pä'ümä̧ ja̧'wa̧nü̧ ja̧'a̧nä̧ isopäi'ünä̧mä̧ jo̧mȩnü̧mä̧ ttu̧wo̧juo̧ka̧'a̧tä̧ wotü.

Gálatas 4:15

¿Tta̧'a̧nü̧ päi'inä̧tu̧kuä̧ku̧ttü̧, ji̧yȩnü̧ kueseäkuäwinä̧tu̧ku̧mä̧? ukuturumä̧ wo̧jua̧sä̧, jȩ'kuä̧tu̧ku̧'a̧nü̧ jü̧ttü̧mä̧, kui'äretuku'i̧nä̧ baroku iyina̧ja̧tü̧jä̧ ttürümä̧.

San Marcos 14:8

Pajumä̧ jȩjü̧'a̧nü̧ jü̧tä̧ jȩpä̧ju̧: Ttü chuwapäre ttütäkuometä̧ päi'ünä̧, ä'kanä̧ a̧mȩu̧ tujepäjäkusä.