2 Corintios 6:5 - Nuevo Testamento Uwotjüja

⁵ kuäkuättomȩnä̧'i̧nä̧, kärenä̧ tü̧'o̧mȩnä̧'i̧nä̧, tä'oka'a usurä tȩmä̧wo̧mȩnä̧'i̧nä̧, ppäi ttütomȩnä̧'i̧nä̧;

TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ ujutu ä̧nu̧chu̧nä̧ cuäcuäpö, cärenä ttötinä̧u̧jä̧. Ja̧'hua̧ta̧nö̧ koronö ttö̧ja̧ rö̧ȩnä̧ ttö̧ra̧huä̧ra̧'a̧nä̧, ki̧'i̧nä̧tö̧jä̧. Koronö'inä rö̧ȩnä̧ aditinätöjä. Ja̧'hua̧ta̧nö̧ koronö'inä tä'oca'a ka̧cui̧nä̧tö̧jä̧. Ja̧'hua̧ta̧nö̧ koronö'inä ppäi ttu'inätöjä.

2 Corintios 6:5 Referans Kwoze

2 Corintios 11:27

Aditü usurä ȩmä̧u̧'i̧nä̧, chä'oka'a'i̧nä̧, ppäi ttu'u'i̧nä̧, a̧di̧ ttu'u'i̧nä̧; diyo ttu'u'i̧nä̧, chü̧'ka̧tä̧wä̧ti̧yu̧ jui'ü'i̧nä̧ usurä ȩmä̧wä̧'i̧jü̧sä̧.

Hechos 17:5

Ja̧'wa̧nü̧ ja̧'a̧nä̧, kkorotü judío esetokotümä̧ juätürü ä'kuoyäu ra̧wä̧rü̧, ttaditäwä jui'ätürü'i̧nä̧, ttü̧ja̧ suropätürü'i̧nä̧ ka̧ka̧ti̧nä̧tü̧ ütawiyä ttü̧ja̧rü̧ ttü̧ra̧wä̧ri̧pü̧nä̧ jȩtta̧ pä'ü; ja̧'wa̧nü̧ jȩpü̧ Jasó̧ ojusodettü Pauru'i̧nä̧, Sira-rü'i̧nä̧ ttü̧ja̧ ttä'ka jo̧mȩku̧ rä'epü ttikuatü pä'ü jȩpi̧nä̧tü̧.

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

Hebreos 13:23

Ta̧wa̧ru̧wa̧ tti̧jä̧wa̧ Timoteo-mä̧ täkü rä'epü ttikuäjäku pä'ü jidäwä̧u̧jä̧, jurunä̧nü̧ ichi'üttümä̧, jua̧u̧tä̧ku̧ jua'amä̧, ukuturu topü chi̧chä̧kua̧sä̧.

Hebreos 13:17

Ukuturu tta̧'a̧rä̧tü̧ pató-tü̧rü̧ ukuotü esetätukui, jua'amä̧ Dio-rü tti̧jȩpä̧kua̧'a̧ ukuturu 'kuäopünä̧ tta̧ttä̧ra̧'a̧ttü̧ kuesewätukuäkua'anü̧; surojü juiyünä̧, adiunä̧ jü̧tä̧ jȩpä̧tu̧kui̧, surojümä̧ ppädokü ja̧'a̧ttü̧.

Hebreos 11:36

Kkorotümä̧ ya̧'a̧wä̧'chü̧ kuäkuättinä̧u̧, kä̧rȩnä̧sa̧nä̧ nü'kä̧rü̧, kärenä̧ ttütä'chinä̧u̧.

2 Timoteo 4:5

Ja̧'wa̧nü̧ ja̧'a̧nä̧ ukumä̧ 'kuäopünä̧ adiwomȩnä̧ usurä emäwäkuäwämä̧ kua̧mi̧'ki'ächi'ü, jareü Dio i̧wȩnȩtä̧ ji'äu, kuaditäwämä̧ adiwomȩnä̧ aditi.

2 Timoteo 2:9

Jua̧u̧, adiwäjuei wȩnȩ jäwä jidäwomȩttü̧ rü̧ȩnä̧ usurä ȩmä̧u̧mä̧, kärenä̧ pü̧sä̧; ttü̧ja̧rü̧ kuäwä i̧sa̧ 'kua̧rü̧nä̧, kä̧rȩnä̧sa̧nä̧ nü̧'käwa'amä̧ ttü̧tä̧rä̧ku̧sä̧; ja̧'wa̧nü̧ ja̧'a̧nä̧ Dio i̧wȩnȩmä̧ nü̧'käwa'amä̧ po̧ka̧'a̧.

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

1 Timoteo 4:10

Ja̧'wa̧nü̧ jo̧mȩttü̧ yabokutä aditätüjä̧, ja̧'wa̧ta̧nü̧ ta̧'kua̧ tu̧wȩnä̧rü̧mä̧ Dio wa'ikuokünä̧tä̧ kka̧kua̧'a̧. Jua̧u̧mä̧ o'katoi'ünä̧rü̧ ra̧wä̧pi̧jü̧ttü̧ ttü̧ji̧pü̧nä̧ jȩpi̧nü̧. Ji̧nä̧somä̧ churutä esetätürü ppä'ädinü̧.

1 Tesalonicenses 2:9

Chawaruwä chi̧jä̧wa̧tü̧ ukutu kuamükuädätukuttümä̧ wo̧juä̧tü̧jä̧, ujutu taditinü̧'i̧nä̧, usurä tȩmä̧wi̧nü̧'i̧nä̧, jü̧nä̧. Mo̧ro̧'i̧nä̧, yodo'i̧nä̧, aditinä̧tü̧jä̧ ukuturu jä̧'ȩpä̧rü̧ jui'ümä̧, Dio i̧wȩnȩ, jareü wȩnȩ jitäwa'a rekuä rü̧jä̧u̧mä̧.

Filipenses 1:13

Ja̧'wa̧ta̧nü̧ kärenä̧ chü̧'a̧'a̧mä̧ wo̧juä̧tü̧ ruwode su̧ro̧do̧u̧'i̧nä̧, kkorotü'i̧nä̧ o'katoi'ünä̧; Crito-rü ukuotomȩttü̧, kärenä̧ pü̧ pä'ümä̧.

Efesios 3:1

Ja̧'wa̧nü̧ jo̧mȩttü̧, Ttü Pauru-mä̧ Jesucrito kärenä̧ ütinä̧ku̧sä̧, ukutu judío pokotürü rekuä rü̧ji̧yä̧ku̧.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

1 Corintios 7:5

Ja̧'wa̧nü̧ ja̧'a̧ttü̧ jȩ'kuä̧kuä̧wä̧tu̧kua̧ pä'ü kuirekuorü, kuirekuarü pä̧wä̧rü̧jo̧mȩnä̧mä̧ ya̧kuo̧kuä̧rä̧kuä̧wä̧tu̧kuä̧ ja̧'wa̧nü̧ ja̧'a̧nä̧ Dio-rü rekuonä̧nü̧ ukuokutä jua̧u̧mä̧ ro̧'ȩkuä̧tu̧kui̧, jua'a'i̧nä̧ ä'kanä̧ esekui'ü'kotütä, jua̧u̧ o'ka'a pä'äjita'anü̧ ku̧ja̧kuä̧mä̧tu̧kua̧. Pärokua'aku rekuo jȩ'kuä̧kuä̧tu̧kuo̧ka̧'a̧ ku̧ja̧kuä̧tu̧ku̧ttü̧'i̧nä̧ Satanás weomȩnä̧ surojuokuächätukuä.

1 Corintios 4:11

Jitä mo̧ro̧bü päi'ünä̧ ppäi'i̧nä̧, ppäi ttu'ätüjä̧, ttawa'i̧nä̧ a̧di̧rü̧jä̧u̧jä̧, tü̧'ka̧tä̧wä̧ti̧yu̧'i̧nä̧ jui'ätüjä̧; ti'ebabanä̧ kuäkuättä̧u̧jä̧, tü̧ja̧kuo̧mȩ'i̧nä̧ jui'ätüjä̧.

Hechos 28:30

Pauru-mä̧ todäre años jo̧mȩnä̧ kki̧nü̧ juȩnȩmä̧, yodete isode ü̧jü̧ mikuä mitäu kkä̧nü̧. Ja̧'wa̧nü̧ ü̧ja̧'a̧ttü̧ o'katoi'ünä̧ topü ichätürümä̧, dopepü tottünä̧ jȩpi̧nü̧.

Hechos 26:29

Päiyäku Pauru-mä̧ pä'inü̧: —A̧'u̧ku̧nä̧tä̧ ja̧ pä'ü'i̧nä̧, rü̧ȩnä̧ ja̧ pä'ü'i̧nä̧, ¡chu̧ru̧wa̧ ukuo i̧sa̧!, Dio-rü pä̧wä̧rü̧ja̧'a̧, o'katoi'ünä̧ ttü jü̧'a̧nü̧ juokuächätukua pä'ü, jua'akumä̧ pi̧sa̧ kärenä̧sa̧ juiyünä̧tä̧.

Hechos 26:10

Ja̧'wa̧nü̧ ja̧'a̧ttü̧ Jerusarȩ́-ttü̧mä̧, sacerdote-tü̧, a̧ pättäku, Jesú-ru esetätürümä̧ kärenä̧ rütä'chinü̧sä̧; juätürü kuä'ü ttikua pä'ü'i̧nä̧, ppä'ädinü̧sä̧.

Hechos 24:27

Ja̧'wa̧nü̧ ja̧'a̧tä̧mä̧ todäre años 'kuäopäji o'ka'a, Felíx-mä̧ uruwo iyipinü̧ Porcio Feto pä'ü mi̧kua̧rü̧. Ja̧'wa̧nü̧ ja̧'a̧nä̧ Felíx-mä̧ judío ttesewarü pä'ü, Pauru-rümä̧ kärenä̧ rütipinü̧.

Hechos 23:35

Päinä̧ku̧: —Ukuru ukuokuätü ttukuokuomȩnä̧tä̧ chä̧ju̧kuä̧kua̧jä̧. Jua̧u̧nü̧ o'ka'a, Herode aditinodenä̧ tta̧ttä̧rü̧nä̧ weinä̧ku̧.

Hechos 23:10

Ja̧'wa̧nü̧ ja̧'a̧nä̧ ttü̧ja̧mä̧ yaboku wottiyäku, su̧ro̧do̧u̧ ttu̧ru̧wa̧mä̧, Pauru-rü kuä'ü ttiku 'kua̧ra̧'a̧ pä'ü ye'eku, su̧ro̧do̧u̧ru̧ wopo'inü̧ juorü rä'epü iku, pä'äjita'anü̧ kärenä̧ra̧'a̧ ttȩpa̧rü̧ pä'ü.

Hechos 20:31

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧; wäbodäkuä años jo̧mȩnä̧, mo̧ro̧'i̧nä̧, yodo'i̧nä̧, kädädi'oka'a chi̧'chȩrȩjaku chu̧wo̧juȩti̧nü̧, ukutu yotukunä̧rü̧.

Hechos 14:23

Ja̧'wa̧ta̧nü̧ igresia jü̧'a̧kuä̧ A̧ci̧a̧nu̧tu̧-tü̧rü̧ kku̧nä̧'chi̧nä̧tü̧; ttu̧kuȩ a̧do̧chü̧ Dio-rü ukuoku, Ttu̧ru̧wa̧ ttesetäkuru iyü ukuokuinä̧tü̧.

Hechos 14:19

Ja̧'wa̧nü̧ ja̧'a̧ jakuänä̧ Antioquía-ttü'i̧nä̧, Iconiottü̧'i̧nä̧ Judío-mä̧ ichi'ü ttü̧ja̧rü̧ esekuinä̧tü̧; ttesekuä̧u̧ Pauru-rü inä̧dunä̧ ikuäu ikuäjä'kotü, täkü 'koru pä'i'äjikü̧ pä'ü, ütawiyättü dodopü rä'epü ttikuinä̧ku̧.

Hechos 13:3

Ja̧'wa̧nü̧ ja̧'a̧ttü̧, Dio-rü ttukuokuäji'i̧nä̧, ttu̧kuȩ tta̧do̧chä̧ji̧'i̧nä̧ kä'ädäkuäumä̧; ttu̧mü̧ mȩ'ü̧ Dio-rü ukuoku we'ü tti̧kui̧nä̧u̧.

Hechos 5:18

Ja̧'wa̧nü̧ ja̧'a̧ apótore-rü 'chu'ädü kärenä̧ rütinä̧tü̧.

San Mateo 14:10

Ja̧'wa̧nü̧ ja̧'a̧ttü̧ Ju̧a̧-rü̧mä̧ kärenära̧'a̧ttü̧ «u» 'kui'opü ttikuarü pä'ü we'inü̧;

San Mateo 14:3

Pa̧'a̧nü̧ pä'amä̧, Herode-mä̧ Ju̧a̧-rü̧ kä̧rȩnä̧sa̧nä̧ nü̧'kü kärenä̧ ttütünä̧ weina̧'a̧ ji̧na̧'a̧, i̧jä̧wa̧ Filipo irekua Herodía jäwänä̧.

San Mateo 9:15

Pättäku, Jesú-mä̧ ädätinä̧u̧: —¿Jua̧u̧nu̧mä̧, ya̧tȩ irekuarü ȩma̧'a̧ ä̧tȩpä̧jä̧u̧mä̧, chutä jitütäku ü̧ja̧'a̧nä̧mä̧ tta̧'kua̧ tta̧ttȩku̧'a̧nü̧ tä̧jí̧? Ja̧'wa̧nü̧ ja̧'a̧nä̧, irekuarü ȩmü̧rü̧ ttȩmi̧pü̧ mo̧ro̧ päi'omȩnä̧mä̧, jua̧u̧nu̧tä̧ jä̧kua̧'a̧ ttu̧kuȩ a̧do̧chü̧ jȩttä̧kua̧'a̧mä̧.