2 Corintios 5:10 - Nuevo Testamento Uwotjüja

¹⁰ Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

TÄ̧DO Ä̧CUÄ̧ I̧HUȨNȨ

¹⁰ O'ca toi'önä pi̧jä̧nä̧ ka̧cuä̧tö̧, Cristo ö̧'o̧mȩ ä'ca jo̧mȩ tö̧jä̧mä̧dä̧cuo̧tö̧jä̧, pi̧jä̧ jähuä tidepänä kä̧nö̧, tö̧ji̧nö̧ ta'anö tȩma̧ pä'ö, koro adiu'inä, koro suronä'inä jȩti̧nö̧ micuä päi'önä.

2 Corintios 5:10 Referans Kwoze

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

Apocalipsis 22:12

«A̧, jitätä ja̧'a̧ku̧ ichüsä ja̧'wa̧ta̧nü̧ premio pättü'i̧nä̧ i'kächüsä ya̧ku̧nä̧rü̧ jȩtti̧nü̧ a̧kuä̧ chiyä'chä̧kuemä̧.

Efesios 6:8

Isopäi'ünä̧ yotukunä̧ adiu jȩ'kuä̧tu̧ku̧mä̧, Tu̧ru̧wa̧ttü̧ mikuä kuȩmä̧kuo̧tü̧jä̧, pi̧jä̧nä̧ttü̧ u̧ru̧wa̧ kku̧nä̧rü̧ ja̧ pä'ü'i̧nä̧, u̧ru̧wa̧ to̧'a̧ ja̧ pä'ü'i̧nä̧, jü̧nä̧.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

1 Pedro 4:5

Ja̧'wa̧nü̧ ja̧'a̧nä̧ a̧'kua̧rä̧tü̧rü̧'i̧nä̧, 'korujuo'ächinä̧tü̧rü̧'i̧nä̧ ü'ojo'a pä'ü jo̧mȩnü̧ jȩpü̧ kku̧nä̧wo̧mȩttü̧ jȩtti̧nü̧mä̧ tti̧jȩpä̧kuo̧tü̧.

Hechos 17:31

Ja̧'wa̧nü̧ ja̧'a̧ttü̧ Dio-mä̧ ji̧yȩtȩ mo̧ro̧ amükuädü kku̧ni̧nü̧, ütäbota pä'ü ü'ojo'ä̧kuȩ mo̧ro̧, ya̧tȩ we'ü u̧ju̧ni̧nä̧ku̧nä̧, jua̧u̧nä̧tä̧ o'katoi'ünä̧ tta̧'kua̧ ttu̧wȩnä̧rü̧nä̧ wa'arettü ttoädinä̧ku̧ ja̧'a̧ttü̧.

Hechos 10:42

Ja̧'wa̧nü̧ ja̧'a̧mä̧, jua̧u̧tä̧ weinä̧u̧jä̧ ttü̧ja̧rü̧ jitäwiyarü pä'ü; Jua̧u̧ru̧tä̧ Dio-mä̧ a̧'kua̧rä̧tü̧rü̧'i̧nä̧, wa'ü ikuinä̧tü̧rü̧'i̧nä̧ juez päi'ünä̧ ütinä̧ku̧ pä'ü.

Apocalipsis 2:23

Ja̧'wa̧ta̧nü̧ kki̧tti̧mü̧rü̧mä̧ wa'ü ttikunä̧ jȩchä̧kua̧sä̧. Ja̧'wa̧nü̧ jo̧mȩnä̧ igresia wotümä̧ o'katoi'ünä̧ ttu̧wo̧juä̧kuo̧tü̧, tta̧mü̧kuädü'i̧nä̧, tta̧mi̧ iso'kinä̧ kka̧ku̧'i̧nä̧ chu̧wo̧juö̧mä̧; ja̧'wa̧nü̧ ja̧'a̧ttü̧ yotukunä̧rü̧ chi̧yä̧'chä̧kua̧sä̧ jȩpü̧ ttü̧ji̧nü̧'a̧kuä̧.

Romanos 6:19

Kuidepä jäwänä̧ kua̧mi̧ 'kuäkuätukuomȩttü̧, pi̧jä̧ ttü̧ja̧ ttukuokunä̧ chukuokuäu̧jä̧; ä'kojimä̧ iyäkuäwinä̧tü̧jä̧ surojü jȩä̧kuä̧wä̧tä̧ jȩpü̧ kkä̧nü̧ ja̧'wa̧nü̧ ji̧nü̧ jueimä̧, jitämä̧ Dio-rü ukuotäkuäwänä̧tä̧ iyäkuäwätukui.

2 Corintios 7:3

Pi̧yȩmä̧, ukuturu suronä̧ pä'ümä̧ pädokü; täkü ä'kanä̧ jidäwinä̧u̧jä̧, ukuturu ta̧mi̧'iso'kinä̧ repeta'a chukuokuinä̧u̧jä̧, wa'are'i̧nä̧ ja̧'wa̧ta̧nü̧ a̧'kua̧rä̧kuä̧wä̧'i̧nä̧ ttoepoka'a jä̧kua̧'a̧ ukuturu eseu repetümä̧.

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

Hebreos 9:27

Ja̧'wa̧nü̧ ja̧'a̧ttü̧ o'katoi'ünä̧ ya'utenä̧tä̧ 'korujuottächünä̧ pä'ü kku̧nä̧wa̧'a̧, juȩnȩ o'komȩnä̧mä̧ Dio ü'ojo'ü mo̧ro̧tä̧ ichäkua'a.