2 Corintios 5:1 - Nuevo Testamento Uwotjüja

¹ Isopäi'ünä̧ tojusode pi̧jä̧ isode, pode tabenákuro pättodemä̧, ya'ute mo̧ro̧ toe'ächäkuode pä'ü wo̧juä̧tü̧jä̧. Ja̧'wa̧nü̧ ja̧'a̧nä̧, mo̧ro̧jä̧nä̧mä̧ kku̧nä̧rä̧tü̧jä̧ tojusode beipokode, Dio adikuode, pi̧jä̧ ttü̧ja̧mä̧ adikuokode.

TÄ̧DO Ä̧CUÄ̧ I̧HUȨNȨ

¹ Ujutu huo̧juä̧tö̧jä̧ pi̧yȩmä̧. Iso päi'önä tidepä, recuo ko̧cö̧mä̧, be'epö tticuttumä, Dios mo̧ro̧jä̧ra̧'a̧ttö̧ korode tojusode aditinödo, yoröiso beipocode, ttö̧ja̧ ttu̧mö̧nä̧'i̧nä̧ adicuocode.

2 Corintios 5:1 Referans Kwoze

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

Hebreos 9:24

Isopäi'ünä̧ Crito-mä̧, Dio-rü ukuokuäkuäwode pi̧jä̧ ttü̧ja̧ adikuode, mo̧ro̧jä̧ttü̧ a̧'kua̧juä̧ kkodenä̧mä̧ do'ächokü pinü̧, ji̧nä̧so yodenä̧tä̧ mo̧ro̧jä̧ isodenä̧, Dio ä'ka jo̧mȩ ujutu jäwänä̧mä̧ do'ächinü̧.

2 Corintios 4:7

Ujutumä̧, pi̧yȩ rü̧ȩnä̧ mikuäumä̧ kku̧nä̧rä̧tü̧jä̧ reda'kattü adikuä o̧'ta̧nä̧; jua'amä̧ adiwä juei ujurumä̧, ujututtümä̧ ichokü, Dio-ttütä ichü pä'ü tu̧wo̧jua̧ pä'ü.

Hebreos 9:11

Ja̧'wa̧nü̧ ja̧'a̧nä̧ jitämä̧ Crito ja̧'a̧ i̧jȩkui̧nü̧mä̧ sacerdote-tü̧ ttu̧ru̧wa̧, adiwä juei tta̧wä̧rä̧kuä̧wä̧ i̧sa̧ jü̧nä̧. Dio-rü ukuokuäkuäwomȩ «Tabenákuro» pättomȩ, juȩnȩmä̧ rü̧o̧mȩ, surojü'i̧nä̧ juiyomȩ ja̧'a̧nä̧ ttu̧mü̧nä̧'i̧nä̧ adikuokomȩ, ja̧'wa̧nü̧ ja̧'a̧ttü̧ pi̧jä̧ ttü̧ja̧'i̧nä̧ adikuokomȩ ja̧'a̧.

1 Pedro 1:4

Ja̧'wa̧ta̧nü̧ ukutu Dio mo̧ro̧jä̧nä̧ adiu jȩpü̧ u̧ju̧ni̧nü̧ toe'ächokü, joächächokü ju'to kuiäretuku päi'ünä̧ kuȩmä̧tu̧ku̧nä̧ jȩä̧kuä̧u̧jä̧.

2 Corintios 5:4

Ja̧'wa̧nü̧ jo̧mȩttü̧, pode tabenákuro isodenä̧ kka̧kuä̧tü̧mä̧ ajuäkuäwätüjä̧, tü̧'ka̧tä̧wä̧ta̧ jui'ätü tü̧ja̧kui̧'a̧jü̧ jueimä̧, pärokuä tü̧'ka̧tä̧wi̧'a̧ pä'ü; wa'arerü kkä̧kuä̧wä̧ kkȩdü̧ ikuomȩbü päi'ünä̧.

San Marcos 14:58

Ujutumä̧, pa̧'a̧nü̧ pä'a ä̧ju̧kui̧nä̧tü̧jä̧: «Pode ttü̧ja̧ adikuode Dio-rü ukuokuäkuäwodemä̧, ttümä̧ pparopü chi̧kuä̧kua̧sä̧, pparopü ikuipü, ttü̧ja̧ adikuokode pärokuode wäbodäkuä mo̧ro̧tä̧ chäräbȩ'ä̧kua̧sä̧,» pä'ä'ijü pä'inä̧tü̧.

2 Pedro 3:11

Pi̧yȩ o'kajuiyünä̧mä̧ pa̧'a̧nü̧tä̧ toe'ächäkua'a, ¡ukutumä̧ adiu jȩpü̧ Dio-rütätä kukuotätukua'anü̧ ja̧'a̧!

Colosenses 2:11

Circuncisió̧-mä̧ jua̧u̧tä̧ jäwänä̧ jȩpä̧kuä̧wo̧tü̧jä̧, jua̧u̧mä̧ ttü̧ja̧ jäwänä̧mä̧ jȩtto̧ko̧u̧ pinä̧tü̧jä̧, ja̧u̧ ja̧jü̧ jueimä̧ Dio-tä circuncisió̧-mä̧ jȩi̧nä̧u̧jä̧ Crito-ku ppäkuächi'ätukunä̧mä̧ ja̧'wa̧ta̧nü̧ yaboku kuidepätuku kkü'keku jȩ'kuä̧tu̧ku̧mä̧ 'kȩ'ȩpü̧ ikuinä̧u̧jä̧.

1 Juan 3:19

Pi̧yȩttü̧ topü wo̧juä̧wä̧tü̧jä̧, jueü wȩnȩ isotüjä̧ pä'ümä̧. Jua̧u̧ Dio ä'kattü ta̧mi̧ iso'ki totäkuäwomȩnä̧ adiu tü̧jü̧nä̧ jä̧u̧;

1 Juan 3:14

Ujutumä̧ wo̧juä̧tü̧jä̧, wa'arettümä̧ a̧'kua̧rä̧kuä̧wä̧ra̧'a̧ku̧ 'kuä'o'inä̧tü̧jä̧ pä'ümä̧; tawaruwä tü̧jä̧wa̧tü̧rü̧ eseu repeta'attü̧. A̧wa̧ru̧wa̧ ü̧jä̧wa̧rü̧ repe'okümä̧ ji̧nä̧ wa'arenä̧tä̧ kkü̧ ja̧'a̧.

Hebreos 11:10

Jua'amä̧, Abraha̧-mä̧ tta̧wä̧ra̧'a̧ttü̧ ji̧na̧'a̧, kkada'kiyu 'kiyünä̧ kka̧ku̧, Chutä Dio amükuädü aditü u̧ju̧ni̧nü̧ ütawiyä tta̧wä̧ra̧'a̧ttü̧.

1 Corintios 3:9

Isopäi'ünä̧ ujutumä̧, Dio aditäwätä adikuä isotüjä̧ ja̧'wa̧ta̧nü̧ ukutumä̧ Dio u̧kuȩ kuäwä jü̧nä̧, ojusode jü̧nä̧ wotüjä̧.

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

Hechos 7:48

Jua'akumä̧, Dio mo̧ro̧jä̧ ru̧wa̧mä̧ ttü̧ja̧ ttu̧mü̧nä̧ adikuodenä̧mä̧ kko̧kü̧ ji̧yä̧ku̧. Profeta-mä̧ pä'inü̧: