2 Corintios 4:8 - Nuevo Testamento Uwotjüja

⁸ Ja̧'wa̧nü̧ ja̧'a̧ttü̧, o'kajuiyünä̧tä̧ usurä tȩmä̧wa̧'a̧nä̧, kkȩdü̧mä̧ ikuoko̧u̧jä̧; jurunä̧ jȩta̧'a̧nä̧, ta̧'kua̧ ro'eku usurä ȩmä̧wo̧ko̧tü̧jä̧.

TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧nä̧ 'cuäopönä suronä 'cuätopa'anä, tami 'qui'ächi'ätöjä. Ja̧'hua̧ta̧nö̧ koro amöcuädäcuähuä rö̧ȩnä̧ ka̧'a̧nä̧, koromä amöcuädocotöjä.

2 Corintios 4:8 Referans Kwoze

2 Corintios 12:10

Ja̧'wa̧nü̧ jo̧mȩnä̧, Crito-rü eseu repeda'attü̧, ji̧yȩtä̧ chijuiyuwuönä̧tä̧ eseusä, suronä̧ pättä'chü̧nä̧, rekuä rü̧jü̧nä̧, suronä̧ jȩtta̧ttü̧ pä'ü ttusunä̧, cha̧'kua̧ tta̧dȩku̧nä̧; ja̧'wa̧nü̧ ja̧'a̧ttü̧ chijuiyuwomȩnä̧mä̧, chujuru kku̧nä̧rü̧sä̧.

2 Corintios 7:5

Macedonia ütawiyänä̧ tichi'ino̧mȩbü päi'ünä̧, 'kuä'ächi'ümä̧ pȩjä̧mo̧ko̧tü̧jä̧, o'kajuiyünä̧tä̧ usurä ȩmä̧wä̧tü̧jä̧: u̧mi̧ttü̧mä̧, rowäkuäwä'i̧nä̧; jakuänä̧ttü̧mä̧ ye'ekuäjätüjä̧.

San Juan 14:18

Reyotü kuätukunä̧mä̧ chu̧ju̧ni'o̧ko̧u̧ kuäkuotüjä̧; pä'äjita'anü̧ ukututäku ppa̧dä̧chä̧kua̧sä̧.

1 Corintios 10:13

Ukutumä̧ kkorotü ttü̧ja̧ usurä ttȩmä̧wä̧'i̧jü̧ jueitä 'kuäopä̧u̧jä̧; ja̧'wa̧nü̧ ja̧'a̧nä̧ Dio-rümä̧ kua̧'kua̧ wȩnä̧rä̧tu̧kui̧, kua̧mi̧ 'kikuächi'ätuku juiyünä̧ jü̧ 'kuäkuopätukua'anä̧ ja̧'a̧tä̧mä̧ tooko̧u̧ kuäkuotüjä̧. Jua̧u̧ yabonä̧, usurä kuȩmä̧wä̧tu̧ku̧ ichomȩnä̧mä̧, ji̧yȩtä̧ku̧ yo̧mȩtȩnä̧, jua̧u̧ttü̧ räkuopächätuku'i̧nä̧ iyü kkä̧nü̧, kua̧mi̧'kikuächi'ätukumä̧ iyäkuä̧u̧jä̧.

2 Corintios 6:4

Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;

2 Corintios 6:12

Ujutumä̧ ukuturumä̧ rü̧ȩnä̧ esewätüjä̧; ja̧'wa̧nü̧ ja̧'a̧nä̧ ukutumä̧, pärokua'akumä̧ amükuädokotüjä̧.

Gálatas 4:20

¡Jitätä ukutuku chü̧jü̧ttü̧mä̧ i̧mi̧ku̧nä̧ chukuokua̧ja̧u̧jä̧, wäitä chieruwuönä̧ jȩpä̧tü̧jä̧tó!