2 Corintios 3:9 - Nuevo Testamento Uwotjüja

⁹ Isopäi'ünä̧ totte'ächä̧kuȩ wȩnȩ'i̧nä̧ tȩya̧u̧nä̧ ji̧na̧'a̧mä̧, juȩnȩ abonä̧nü̧ tȩya̧wä̧kua̧'a̧ suropätürü aditü iku wȩnȩmä̧.

TÄ̧DO Ä̧CUÄ̧ I̧HUȨNȨ

⁹ Ja̧u̧nu̧mä̧ pi̧jä̧ hueähuä huȩnȩ, ttö̧ja̧rö̧ cuä'ö icuähuä huȩnȩ ȩmö̧, rö̧ȩnä̧ esehuinätödo. Ja̧'hua̧nö̧ ja̧'a̧ttö̧ iso päi'önä Dios ujutu suronä jȩtö̧ jȩpö̧ icu huȩnȩ esetö, ji̧nä̧ isocu tesehuäcua'a̧nö̧.

2 Corintios 3:9 Referans Kwoze

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

2 Pedro 1:1

Ttü Simón Peduru, Jesucrito wȩ'ä̧wa̧ ja̧'wa̧ta̧nü̧ u̧mü̧wä̧ya̧ wa̧, te'äusä ujutu jü̧ta̧'a̧nü̧ adiwäjuei tta̧'kua̧ wȩnä̧rä̧kuä̧wä̧nä̧ rȩbȩwi̧nä̧tü̧rü̧, isopäi'ünä̧ tü̧ä̧nä̧wa̧ Dio'i̧nä̧, Jesucrito ra̧wä̧pi̧jü̧ttü̧ kki̧'i̧kuä̧ i̧sa̧'i̧nä̧ adiwä i̧sa̧ jo̧mȩttü̧.

Filipenses 3:9

Jua̧u̧ku̧ todeunä̧ chü̧ja̧ pä'ü; weäwä wȩnȩ päü'a̧kuä̧ adiu jȩcha̧ pä'oküsä, ji̧nä̧somä̧ Crito-rü cha̧'kua̧ wȩnä̧rü̧, tta̧'kua̧ wȩnä̧rä̧kuä̧wä̧nä̧ Dio iyü adiwä juei chȩma̧ pä'üsä.

Gálatas 3:10

Weäwä wȩnȩnä̧ tta̧'kua̧ wȩnä̧rä̧tü̧rü̧ surojü ma̧ä̧ma̧ pä'ü, pa̧'a̧nü̧ päwina̧'a̧ wȩyu̧kuä̧ wȩnȩmä̧: «surojütä ma̧ä̧mä̧kua̧'a̧ o'katoi'ünä̧ wȩyu̧kuä̧ wȩnȩnä̧ pȩjü̧ ukuotokürümä̧.»

1 Corintios 15:41

Mo̧ro̧ kkä̧wa̧ i̧tȩya̧u̧'i̧nä̧, yodó kkä̧wa̧ i̧tȩya̧u̧'i̧nä̧ ja̧'wa̧ta̧nü̧ si̧ri̧'kü̧ tti̧tȩya̧u̧'i̧nä̧, yo̧mȩtȩnä̧mä̧ yorätewoka'a.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

Romanos 4:11

Isopäi'ünä̧ Abraha̧-mä̧ circuncisión pättüjuei jȩtti̧nä̧ku̧, Dio-rü, churutä a̧'kua̧ u̧wȩnä̧rä̧jä̧ku̧, sello jä̧'i̧nü̧'a̧nü̧ ttu̧wo̧jua̧rü̧ pä'ütä. Ja̧'wa̧nü̧ jo̧mȩnä̧ Abraha̧-mä̧, pärowächinü̧ o'katoi'ünä̧ Dio-rü tta̧'kua̧ wȩnä̧rä̧tü̧mä̧ ttä'o jü̧nä̧tä̧, circuncisió̧-mä̧ jȩttä̧kuä̧wo̧ka̧'a̧nä̧. Ja̧'wa̧nü̧ ja̧'a̧ttü̧ Dio-mä̧ adiu jȩpä̧tü̧ jü̧nä̧tä̧ to̧ä̧u̧.

2 Corintios 3:8

¡Juȩnȩ abonä̧nü̧ i̧tȩya̧u̧ i̧jȩkuä̧kua̧'a̧, Epíritu aditäwämä̧!