2 Corintios 3:6 - Nuevo Testamento Uwotjüja

⁶ Ja̧'wa̧ta̧nü̧ Jua̧u̧tä̧tä̧ ji̧na̧'a̧, jareünä̧ eseku wȩnȩ taditiyarü pä'ü jo̧mȩnü̧ tünä̧ wo̧juȩti̧nü̧mä̧ jua'a'i̧nä̧ weäwä wȩnȩnä̧mä̧kü̧, Epíritu-nä̧tä̧; isopäi'ünä̧ weäwä wȩnȩmä̧ totte'ächünä̧tä̧ ji̧nü̧ ja̧'wa̧nü̧ ja̧'a̧nä̧ Epíritu jäwämä̧ tta̧'kua̧rü̧ iyü jäwä ja̧'a̧.

TÄ̧DO Ä̧CUÄ̧ I̧HUȨNȨ

⁶ Ja̧u̧mä̧ jareö huȩnȩ iyö, ujuturu ppä'ädö ja̧u̧ huȩnȩ päö'a̧nö̧ jȩta̧ pä'ö. Ja̧u̧ jareö huȩnȩmä̧ huȩyu̧cuo̧ca̧'a̧do. Ja̧u̧mä̧ Espíritu Santottö ȩmä̧huä̧ ja̧'a̧do. Pi̧jä̧ hueähuä huȩnȩ ttö̧ja̧rö̧ cuä'ö icuähuä huȩnȩ. Ja̧'hua̧nö̧ ja̧'a̧nä̧'i̧nä̧ ja̧u̧ Espíritu Santo kä̧cuä̧huä̧ iyö.

2 Corintios 3:6 Referans Kwoze

San Juan 6:63

Epíritu ja̧'a̧ a̧'kua̧rä̧kuä̧wä̧ iyümä̧; ttidepo'tämä̧ ji̧ya̧'a̧kuä̧ra̧'a̧tä̧ kka̧'a̧; ja̧'wa̧nü̧ ja̧'a̧ttü̧ ttü pädäjimä̧ epíritu ja̧'a̧nä̧, tta̧'kua̧rü̧'i̧nä̧ jü̧.

Romanos 7:6

Ja̧'wa̧nü̧ ja̧'a̧nä̧, jitämä̧ weäwä wȩnȩmä̧ wȩo̧ko̧u̧jä̧, jua̧u̧ttü̧mä̧ wa'ü ikuinä̧tü̧jä̧, pärokuä jareünä̧ kkä̧kuä̧wä̧, Epíritu jäwänä̧ Dio-rü ukuotü tü̧ja̧kua̧ pä'ü.

Romanos 8:2

Isopäi'ünä̧ Epíritu weäwä wȩnȩ, Crito Jesú-nä̧ tta̧'kua̧rü̧ iyümä̧, ukuotäkuäwokü weü wȩnȩttü̧'i̧nä̧, wa'arettü'i̧nä̧ rä'epü ikuinä̧ku̧sä̧.

Hebreos 12:24

Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

Hebreos 7:22

Ja̧'wa̧nü̧ ji̧na̧'a̧ttü̧, Jesú-nä̧mä̧ iso juoepinä̧u̧jä̧, juȩnȩ obonä̧nü̧ jü̧, Dio-ku jareünä̧ esekuäkuäwä.

2 Corintios 3:14

Ja̧'wa̧nü̧ juätümä̧ pi̧yȩ tü'kümä̧ yorisotä wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧ttü̧, jitä pi̧yȩ mo̧ro̧bü päi'ünä̧, Moisé i̧wȩyu̧ti̧nü̧mä̧ wo̧jui̧'o̧ko̧tü̧, juä̧ta̧tä̧ mü̧ȩkuä̧ra̧'a̧ jä̧'i̧nü̧'a̧nü̧ ja̧'a̧ttü̧. Suro, ya̧tȩtä̧ ja̧'a̧ Crito-tä ttu̧wo̧jui̧pü̧nä̧ ba'epümä̧.

1 Corintios 15:45

Wȩyu̧kuä̧ wȩnȩ pä'a: «Ä̧kuo̧mȩnä̧ ttü̧ja̧sa̧ Adá̧, a̧'kua̧rü̧ jä̧ji̧mä̧ ttü̧ja̧sa̧tä̧ pä'i'inü̧»; rüjinä̧ Adá̧-mä̧, epíritu wa̧ päjimä̧ tta̧'kua̧rü̧ iyäwä i̧sa̧ päi'ünä̧tä̧ pä'i'inü̧.

Romanos 3:20

Ja̧'wa̧nü̧ ja̧'a̧ttü̧ Dio ä'kattümä̧, ya̧tȩ'i̧nä̧ weäwä wȩnȩ ukuotü jȩa̧'a̧tä̧mä̧, adiwä jueikumä̧ juo'ächokü jä̧kua̧; jua̧u̧, weäwä wȩnȩmä̧ surojü jȩtü̧tä̧ ttu̧wo̧jui̧pü̧nä̧ ji̧na̧'a̧ttü̧.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

San Lucas 22:20

Jua̧u̧ jȩä̧ji̧ta'anü̧ kuä̧nü̧ kä'ädü, i̧so̧'ta̧ 'chu'ädo'ü pä'inü̧: —Po̧'ta̧nä̧ jareünä̧ chesekumä̧, chukuojanä̧ ja̧'a̧. Ukutu jäwänä̧ eräkuoya ja̧'a̧ttü̧.

1 Corintios 11:25

Ja̧'wa̧ta̧nü̧tä̧, u̧kuȩ kuä̧ji̧'ka̧, i̧so̧'ta̧ ȩmo̧po̧'ü̧ pä'inü̧: «po̧'ta̧ isoya a̧kuo̧'ta̧mä̧, jareünä̧ chesekuoya ja̧'a̧ chukuojanä̧; pi̧yȩ 'kuäopünä̧ kuawätukuta'anü̧, ttürü amükuädü jȩpä̧tu̧kui̧.»

San Mateo 13:52

Jesú-mä̧ päinä̧u̧: —Ja̧'wa̧nü̧ jü̧ta̧'a̧nü̧, weäwä wȩnȩ wo̧juȩkuä̧ isotü o'katoi'ünä̧ mo̧ro̧jä̧ ru̧wa̧ weü wo̧jui̧pi̧nä̧tü̧mä̧, ya̧tȩ isode u̧ru̧wa̧ iäre pärätättü, täbo jäwä'i̧nä̧, jareü'i̧nä̧ pojopü ȩmü̧ jä̧'i̧nü̧'a̧nü̧ wa̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

1 Timoteo 4:6

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

Efesios 3:7

Jua̧u̧ jäwättütä chadita pä'ü iyäwi'inä̧ku̧sä̧, Dio rettü mipponä̧ iya'attü, chutä ujurunä̧tä̧.

Gálatas 3:21

¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.

2 Corintios 3:7

Weäwä wȩnȩmä̧ ji̧yȩnä̧tä̧ wa'are aditäkuȩ'i̧nä̧, i̧nä̧binä̧ wȩyu̧kua̧'a̧ ichina̧'a̧, rü̧ȩnä̧ Dio ujuru, Irae i̧tti̧mü̧mä̧ Moisé ü'änä̧ tottü juiyünä̧tä̧ ji̧na̧'a̧, Dio ujuru kko̧mȩttü̧, jua'akumä̧ to̧ȩ'ä̧chä̧kuȩ ja̧'a̧nä̧,

1 Corintios 12:28

Dio-mä̧, igresia-nä̧mä̧ kku̧ni̧nü̧, ä̧kuo̧mȩnä̧mä̧ apótore pä̧ttä̧u̧ru̧; juȩnȩ o'komȩnä̧mä̧, profetas pättä̧u̧ru̧; wäbodäkuä päi'ünä̧mä̧ wo̧juȩkuä̧ isotürü; jua̧u̧ o'komȩnä̧mä̧ jȩtto̧kü̧ juei jȩpä̧tü̧rü̧; kkorotümä̧ na̧'ä̧chä̧tü̧rü̧ aditü ikuätürü'i̧nä̧; kkorotümä̧ ppädäkuäwä isotürü'i̧nä̧; kkorotümä̧ juȩpä̧rä̧kuä̧wä̧ isotürü'i̧nä̧ ja̧'wa̧ta̧nü̧ kkorotümä̧ kkorotü tti̧wȩnȩ wäjuönä̧ ukuokuätürü'i̧nä̧.

1 Corintios 3:5

Jua̧u̧nu̧mä̧ ¿Däjé jȩä̧kuä̧wä̧ i̧sa̧jä̧ttü̧ Aporo-mä̧? ja̧'wa̧ta̧nü̧ ¿Pauru'i̧nä̧ jü̧nä̧mä̧? Suro, ujutumä̧ Dio weinü̧tä̧ jȩä̧kuä̧wä̧ isotüjä̧, ujutunä̧tä̧ Jesucrito-rümä̧ esetinä̧tü̧jä̧. Jua'amä̧, ujutumä̧, yotukunä̧ Tu̧ru̧wa̧ weinü̧tä̧ aditinä̧tü̧jä̧:

Romanos 4:15

Weäwä wȩnȩ ukuotokotürü ro̧'ȩpü̧ Dio-mä̧; ja̧'wa̧nü̧ ja̧'a̧nä̧ weäwä wȩnȩ juiyomȩmä̧ tä̧bo̧tä̧kuä̧wä̧'i̧nä̧ juiya'a, jua'amä̧ weäwä wȩnȩttü̧ to'ija̧'a̧ku̧ jȩä̧kuä̧wä̧ juiya'attü̧.

San Juan 5:21

Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü.

San Marcos 14:24

Ja̧'wa̧ta̧nü̧ päinä̧u̧: —Pi̧yȩmä̧ ttütä chukuoja ja̧'a̧, juoyanä̧ Dio-mä̧ jareünä̧ eseku. Juoya chukuojamä̧, rekuätürü ppä'ädü werächoya ja̧'a̧.

San Mateo 26:28

Isopäi'ünä̧ poyamä̧ ttütä chukuoja ja̧'a̧, poyanätä̧ jareünä̧ esekusä. Juoyamä̧ rekuätü suronä̧ jȩttä̧'i̧jü̧ jȩpü̧ iku werächäkua'a.

2 Corintios 3:9

Isopäi'ünä̧ totte'ächä̧kuȩ wȩnȩ'i̧nä̧ tȩya̧u̧nä̧ ji̧na̧'a̧mä̧, juȩnȩ abonä̧nü̧ tȩya̧wä̧kua̧'a̧ suropätürü aditü iku wȩnȩmä̧.

Romanos 4:17

Wȩyu̧kuä̧ wȩnȩ päü'anü̧: «Pi̧jä̧ pa̧ja̧ku̧nä̧ ttä'o jü̧nä̧ juodepäkujä̧» Pa̧'a̧nü̧ wa̧ Abraha̧ esetinä̧ku̧ Dio-mä̧, wa'ü ikuätürü'i̧nä̧ tta̧'kua̧rü̧ iyü ja̧'wa̧ta̧nü̧ juiyomȩttü̧'i̧nä̧ uwäbe'äkuäwä i̧sa̧.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

1 Juan 1:1

Ä̧kuo̧mȩnä̧tä̧ päi'ünä̧ kki̧nü̧, jua̧u̧nu̧tä̧ päi'ünä̧ ä̧ju̧kui̧nä̧tü̧jä̧, ti'ärenä̧'i̧nä̧ topinä̧tü̧jä̧, tu̧mü̧nä̧'i̧nä̧ mȩ'i̧nä̧tü̧jä̧, jua̧u̧ kkä̧kuä̧wä̧ wȩnȩ jitäumä̧,

2 Timoteo 1:11

Dio-mä̧ pi̧yȩ jareü wȩnȩ jidäwa pä'ü'i̧nä̧, apóto pättäku jü̧nä̧'i̧nä̧, judío pokotürü wo̧juȩkuä̧ i̧sa̧ jü̧nä̧'i̧nä̧ weinä̧ku̧sä̧.

Efesios 2:5

surojünä̧ kkä̧nü̧ wa'ü ikuinä̧tü̧ ta'anä̧, Crito-ku yo̧mȩtȩnä̧ ta̧'kua̧rü̧ iyinä̧u̧jä̧ (mikuä juiyünä̧ surojüttümä̧ kka̧kui̧pi̧nä̧tü̧jä̧),

1 Corintios 3:10

Ttümä̧, Dio-rü pä̧wä̧rü̧jo̧mȩnä̧, juode kkada'ka 'chu̧ä̧ro̧mȩ jȩpü̧ kku̧ni̧nü̧sä̧: Jesucrito jäwä jareü wȩnȩ ji'äu. Ja̧'wa̧nü̧ ji̧na̧'a̧, kkorotümä̧ juȩnȩ wä̧mȩnä̧ aditätü. Ja̧'wa̧nü̧ ji̧na̧'a̧ttü̧, yotukunä̧ juȩnȩ wä̧mȩnä̧ aditätümä̧ ttu̧'ȩpä̧rü̧nü̧, aditätukui.

Efesios 2:1

Ä'kojimä̧, ukutumä̧ wa'ü ikuinä̧tü̧tä̧ winä̧tü̧jä̧, surojü jȩpü̧ ku̧ja̧kuä̧tu̧kuo̧mȩnä̧;

2 Corintios 3:3

Isopäi'ünä̧tä̧ ukutumä̧ Crito i̧wȩyu̧ti̧ä̧u̧jä̧u̧jä̧ wȩyu̧kuojänä̧mä̧kü̧, isoyanä̧mä̧kü̧ ji̧nä̧somä̧ Dio a̧'kua̧rü̧ i̧sa̧ Epíritu-nä̧tä̧ wȩyu̧kui̧'i̧nä̧u̧jä̧; i̧nä̧binä̧'i̧nä̧ wȩyu̧kuo̧ko̧tü̧ pinä̧tü̧jä̧, ji̧nä̧somä̧ kuidepätuku, kua̧mi̧ iso'kitukunä̧ i̧wȩyu̧ti̧nä̧u̧jä̧.

2 Corintios 11:23

Juätü'i̧nä̧, Crito aditäwä aditätü jü̧ttü̧mä̧; (ttu̧'ȩpä̧ro̧kü̧ 'kua̧rü̧nä̧ pä'üsä) ttümä̧, abonä̧nü̧ wa̧sä̧; adikuättümä̧, juätüttü'i̧nä̧ abonä̧nü̧ aditä'ijüsä; juätüttü'i̧nä̧ abonä̧nü̧ kuäkuättinä̧ku̧sä̧; kärenä'i̧nä̧ rü̧ȩnä̧ pinü̧sä̧; tode'ächü'anü̧ jü̧'i̧nä̧ rü̧ȩnä̧ 'kuä'opinü̧sä̧.

Hebreos 8:13

«Jareünä̧ esekusä» päümä̧, ä'koji jäwämä̧, täkü tabo jäwä ja̧'a̧ pä'ü pä'inü̧; ja̧'wa̧ta̧nü̧ täbo jäwä jo̧mȩnä̧mä̧ büäkuächütä ja̧'a̧, jua̧u̧nü̧ o'ka'amä̧ sü'ekuächü toe'ächü.