2 Corintios 3:5 - Nuevo Testamento Uwotjüja

⁵ Ujututä ta̧mü̧nä̧ pa̧ja̧tü̧, jȩtü̧'a̧nü̧ jü̧mä̧ jui'ätüjä̧; ujutu jȩtü̧mä̧, jȩtü̧nä̧ Dio iyomȩttü̧tä̧ jȩpä̧tü̧jä̧.

TÄ̧DO Ä̧CUÄ̧ I̧HUȨNȨ

⁵ Ujutu tamönä tujurunä yoröiso koro juäi jȩä̧cuä̧huä̧nä̧ juiyupätöjä. O'ca juiyönä jȩtö̧mä̧, Dios ppäda'attö jȩpä̧tö̧jä̧.

2 Corintios 3:5 Referans Kwoze

2 Corintios 12:9

Ja̧'wa̧nü̧ jädepomȩnä̧ ädätinä̧ku̧sä̧: «Ppädäda'anä̧tä̧'i̧nä̧, jo̧mȩnü̧ ja̧'a̧, isopäi'ünä̧ ttü chujurumä̧, ttijuiyüwuönä̧ adiu juoächa'a.» Ja̧'wa̧nü̧ ja̧'a̧ttü̧, cha̧mi̧ 'kuädünä̧tä̧ rü̧ȩnä̧ eseusä, jua'amä̧, Crito ujuru ttünä̧ kka̧ pä'ü.

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

Filipenses 2:13

Isopäi'ünä̧ Dio-tä ja̧'a̧, ukuturu adiu jȩ'kuä̧tu̧kua̧ pä'ü kuju'kätukunä̧'i̧nä̧, adiu jȩ'kuä̧tu̧ku̧nä̧'i̧nä̧ jȩpü̧mä̧.

San Juan 15:5

Ttütäsä, uwa daumä̧, ukutumä̧ ä̧na̧jui̧yä̧jä̧. Ttünä̧ kkü̧mä̧ ja̧'wa̧ta̧nü̧ ttü chü̧jä̧ku̧mä̧, jua̧u̧tä̧ ja̧'a̧ u̧wä̧ju̧ rü̧ȩnä̧ wȩjä̧ku̧mä̧; ja̧'wa̧nü̧ ja̧'a̧ttü̧ ttü toünä̧mä̧, yoriso jȩa̧ pä'ümä̧ juiya'a.

Santiago 1:17

O'kajuiyünä̧ adiwäjuei'i̧nä̧, jueü jäwä'i̧nä̧ ujuturu iyümä̧ ju'tojuttü ichü ja̧'a̧, Dio mo̧ro̧jä̧ jäwä aditinü̧ttü̧. Dio-mä̧ 'kuäopünä̧tä̧ chutä ja̧'a̧: ja̧u̧nä̧mä̧ 'kä̧u̧nä̧'i̧nä̧, yo̧ü̧'i̧nä̧ juiya'a.

1 Corintios 3:6

Ttümä̧ Jesucrito jäwä jareü wȩnȩ jidäwa'anä̧ Aporo-mä̧ yabonü̧ Jesucrito-rü tta̧'kua̧ ttu̧wȩnä̧rü̧nä̧ wo̧juȩti̧nü̧ ja̧'wa̧nü̧ ja̧'a̧nä̧ ji̧nä̧so tä̧mü̧ juottünä̧ jȩpi̧nü̧mä̧ Dio-tä ja̧'a̧.

San Lucas 21:15

Isopäi'ünä̧ ttütä chi̧yä̧kua̧sä̧ wo̧juȩku̧nä̧ kukuokuätukua pä'ümä̧, kuaboiyotü to'ija̧'a̧ku̧ pättü juiyünä̧tä̧ ttiweyekua pä'ü.

2 Corintios 4:7

Ujutumä̧, pi̧yȩ rü̧ȩnä̧ mikuäumä̧ kku̧nä̧rä̧tü̧jä̧ reda'kattü adikuä o̧'ta̧nä̧; jua'amä̧ adiwä juei ujurumä̧, ujututtümä̧ ichokü, Dio-ttütä ichü pä'ü tu̧wo̧jua̧ pä'ü.

1 Corintios 3:10

Ttümä̧, Dio-rü pä̧wä̧rü̧jo̧mȩnä̧, juode kkada'ka 'chu̧ä̧ro̧mȩ jȩpü̧ kku̧ni̧nü̧sä̧: Jesucrito jäwä jareü wȩnȩ ji'äu. Ja̧'wa̧nü̧ ji̧na̧'a̧, kkorotümä̧ juȩnȩ wä̧mȩnä̧ aditätü. Ja̧'wa̧nü̧ ji̧na̧'a̧ttü̧, yotukunä̧ juȩnȩ wä̧mȩnä̧ aditätümä̧ ttu̧'ȩpä̧rü̧nü̧, aditätukui.

2 Corintios 2:16

To'e'ächätürümä̧, jua̧u̧ adiu a̧mȩu̧mä̧, wa'ü ttikua pä'ütä ja̧'a̧ ja̧'wa̧nü̧ ja̧'a̧nä̧ ra̧wä̧pi̧jü̧ttü̧ kka̧kui̧pä̧tü̧rü̧mä̧ jua̧u̧ adiu a̧mȩu̧mä̧ a̧'kua̧rä̧kuä̧wä̧tä̧ iya'a. ¿Ja̧'wa̧nü̧ ja̧'a̧mä̧, ditä ja̧'a̧jä̧ttü̧ pi̧yȩ ȩmü̧'a̧nü̧ wa̧mä̧?

San Lucas 24:49

Ja̧'wa̧ta̧nü̧ Chä'o ukuturu iya päinü̧ wȩdä̧kua̧sä̧; ja̧'wa̧nü̧ ja̧'a̧nä̧, ji̧nä̧ Jerusarȩ́ ütawiyänä̧tä̧ ku̧ja̧kuä̧tu̧kua̧jä̧, mo̧ro̧jä̧ra̧'a̧ttü̧ kujurutuku 'ka̧tä̧wi̧'o̧mȩbü päi'ünä̧.

Romanos 15:18

Ja̧'wa̧nü̧ ja̧'a̧ttü̧ kkoromä̧ chukuokuoka'a, Crito ttünä̧ judío pokotürü, Dio-rü ttukuotächünä̧ jidäwa pä'ü jȩi̧nü̧tä̧ ji'äusä. Jua̧u̧mä̧ chi̧wȩnȩnä̧'i̧nä̧, tottünä̧'i̧nä̧ jȩpä'ijüsä.

2 Timoteo 2:2

Ttü̧ja̧ rekuätürü chu̧wo̧juȩta̧'a̧mä̧ ä̧ju̧kuä̧'i̧jü̧jä̧. Jitämä̧ ja̧u̧ kuä̧jukuäijü̧tä̧ tta̧'kua̧ wȩnä̧rä̧tü̧rü̧ ja̧'wa̧ta̧nü̧ kkorotürü ttüwo̧juȩta̧'a̧nü̧ wotürü wo̧juȩti̧.