2 Corintios 3:2 - Nuevo Testamento Uwotjüja

² Ukututäjä̧ ujutu ti̧wȩnȩ ti̧wȩyu̧ti̧nä̧u̧ wotümä̧, kua̧mi̧'iso'kitukunä̧ wȩyu̧kuo̧tü̧mä̧, o'katoi'ünä̧ ttü̧ja̧mä̧ ukuturu topü, ukuoku ttu̧wo̧juö̧nä̧;

TÄ̧DO Ä̧CUÄ̧ I̧HUȨNȨ

² Ja̧'hua̧nö̧mä̧cö̧. Ucuturu topö, yoröiso cuyäru pä'ocotöjä ujutumä. Ucutumä cuyäru tti̧huȩyu̧ta̧'a̧ jä̧'i̧nö̧'a̧nö̧ huotöjä ujuturu tami iso'quinä. O'ca toi'önä topö ttu̧huo̧jui̧'ä̧cua̧'a̧nö̧ ucuturu.

2 Corintios 3:2 Referans Kwoze

1 Tesalonicenses 1:8

Isopäi'ünä̧ ukututäjä̧ Tu̧ru̧wa̧ i̧wȩnȩ kkä̧mä̧dü̧ ji'äwinä̧tü̧mä̧, suro jua̧u̧ kui̧rȩji̧yä̧tu̧ku̧ Acaya-nä̧, Macedonia-nä̧tä̧mä̧kü̧, kkoro rȩjȩnä̧'i̧nä̧ ji'äwinä̧tü̧jä̧. O'kajuiyünä̧ pa̧ja̧ku̧nä̧ kka̧kuä̧tü̧mä̧ ä̧ju̧kui̧nä̧tü̧, Dio-rü kua̧'kua̧ ku̧wȩnä̧rä̧tu̧ku̧ wȩnȩmä̧, täkü ujutu jitäwa pä'ümä̧ rekuä rü̧jü̧ juiyünä̧tä̧, päi'ünä̧.

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Romanos 1:8

Ä̧kuo̧mȩnä̧mä̧, Tu̧ru̧wa̧ Jesucrito-nä̧, Chä'o Dio-rü eseusä. Ukutu kuesetätuku wȩnȩ o'kajuiyünä̧ ütawiyä pünä̧ ukuowa'a ä̧ju̧ku̧.

2 Corintios 12:15

Ja̧'wa̧nü̧ ja̧'a̧ttü̧, eseunü̧tä̧ bedekuä̧kua̧sä̧ ttü chiärettümä̧ ja̧'wa̧ta̧nü̧ ttütä'i̧nä̧ be'ipächüsä ukuturu ppä'ädümä̧. Isopäi'ünä̧ ukuturu rü̧ȩnä̧ eseu repeda'anä̧ ¿tta̧'a̧nü̧ pä'ü a̧'u̧ku̧nä̧tä̧ kuesewätukuäkusättü̧?

2 Corintios 11:11

¿Jua'amä̧, ta̧'a̧nü̧ pä'ü päda'ajä̧ttü̧? ¿ukuturu repe'ü jui'ü? ja̧'wa̧nü̧mä̧kü̧ Dio-mä̧ o'kajuiyütä wo̧jua̧ ukuturu eseu repedümä̧.

2 Corintios 7:3

Pi̧yȩmä̧, ukuturu suronä̧ pä'ümä̧ pädokü; täkü ä'kanä̧ jidäwinä̧u̧jä̧, ukuturu ta̧mi̧'iso'kinä̧ repeta'a chukuokuinä̧u̧jä̧, wa'are'i̧nä̧ ja̧'wa̧ta̧nü̧ a̧'kua̧rä̧kuä̧wä̧'i̧nä̧ ttoepoka'a jä̧kua̧'a̧ ukuturu eseu repetümä̧.

1 Corintios 3:10

Ttümä̧, Dio-rü pä̧wä̧rü̧jo̧mȩnä̧, juode kkada'ka 'chu̧ä̧ro̧mȩ jȩpü̧ kku̧ni̧nü̧sä̧: Jesucrito jäwä jareü wȩnȩ ji'äu. Ja̧'wa̧nü̧ ji̧na̧'a̧, kkorotümä̧ juȩnȩ wä̧mȩnä̧ aditätü. Ja̧'wa̧nü̧ ji̧na̧'a̧ttü̧, yotukunä̧ juȩnȩ wä̧mȩnä̧ aditätümä̧ ttu̧'ȩpä̧rü̧nü̧, aditätukui.

2 Corintios 3:1

¿Pi̧yȩ pätomȩnä̧mä̧, pä'äjita'anü̧ ujuturu, kueseäkuätukuatü pä'ü päta'a tä̧jí̧? ¿ja̧'wa̧nü̧ jo̧ka̧'a̧ jü̧ttü̧'i̧nä̧, kkorotü jȩttä̧'i̧jü̧'a̧nü̧, adiu jȩtä̧'i̧jü̧ kui̧wȩnȩtu̧ku̧ wȩyu̧tu̧ kuiyätukuatü päta'a tä̧jí̧, kkorotü jȩttä̧'i̧jü̧ a̧nü̧?