2 Corintios 2:7 - Nuevo Testamento Uwotjüja

⁷ Ja̧'wa̧nü̧ ja̧'a̧ttü̧, eseku ikutä ppä'ädätukuirü, jua'a yabo a̧'kua̧ tta̧'ȩku̧ surojuoeku juiyäkua'anü̧.

TÄ̧DO Ä̧CUÄ̧ I̧HUȨNȨ

⁷ Jitämä ro̧cu̧huȩpi̧nä̧tu̧cu̧ o'ca'a, jȩi̧nö̧mä̧ unichi'ätucui. Ja̧u̧ru̧ ppä'ädätucui, rö̧ȩnä̧ a̧'cua̧ tta̧'ȩcu̧ kä̧nö̧, juhua'a yabonö a̧'cua̧ tta̧'ȩcu̧ juiyäcua'a̧nö̧.

2 Corintios 2:7 Referans Kwoze

Efesios 4:32

Pärokua'aku, rettü ppä'ädütä, mikuä suronä̧ päkuätukuoka'a unichi'ütä, suronä̧ jȩ'kuä̧'i̧jä̧tu̧ku̧ u̧ni̧chi'ü, Dio Crito-nä̧ unichi'inüta'anü̧ jȩpü̧ kka̧kuä̧tu̧kui̧ ukutu'i̧nä̧.

Colosenses 3:13

Kkorotü jäwä surojü kua̧mi̧ 'ki'ächi'ätukui, suronä̧ jȩttü̧mä̧ mikuämä̧ kuamükuädä juätürümä̧.

2 Tesalonicenses 3:6

Chi̧jä̧wa̧tü̧, Tu̧ru̧wa̧ Jesucrito i̧mi̧nä̧ jätepä̧u̧jä̧, kua̧wa̧ru̧wa̧ Igresia-ttü weäwä wȩnȩ ukuotokü ja̧'wa̧ta̧nü̧ ujutu tu̧wo̧juȩti̧nü̧ esetokotüttümä̧ 'kȩi̧pä̧chä̧tu̧kui̧.

1 Tesalonicenses 4:13

Ja̧'wa̧ta̧nü̧ chawaruwä chi̧jä̧wa̧tü̧, 'korujuo'ächinä̧tü̧ ttütü'kümä̧ kuieruwätukuamä̧ pä'okotüjä̧. Kuieruwätukuttümä̧ kua̧'kua̧ tta̧kuȩkuä̧kuo̧tü̧jä̧, tta̧wä̧räkuä̧wä̧ wȩnȩ jui'ätü 'kua̧rü̧nä̧tä̧.

Filipenses 2:27

Isopäi'ünä̧ rü̧ȩnä̧ na̧'ä̧chä̧ji̧, 'korupäi'ü'anü̧tä̧ päi'ünä̧; ja̧'wa̧nü̧ ja̧'a̧nä̧ Dio rȩrü̧jü̧ toinä̧ku̧. Suro, jua̧u̧ru̧tä̧mä̧kü̧, ttürü'i̧nä̧ ppä'ädinü̧, ppa̧'ä̧dä̧rü̧ cha̧'kua̧ tta̧dȩku̧ juiya pä'ü.

2 Corintios 7:10

Ja̧'wa̧nü̧ ja̧'a̧ttü̧, Dio-rü pä̧wä̧rü̧jo̧mȩnä̧ ta̧'kua̧ tta̧wȩpü̧mä̧, surojü ra̧wä̧pi̧jü̧ttü̧ ttü̧ji̧pü̧nä̧ jü̧, surojina̧'a̧ pätü juiya pä'ü; ja̧'wa̧nü̧ ja̧'a̧nä̧ pi̧jä̧ttü̧ tta̧'kua̧ tta̧wȩpü̧mä̧ wa'aretä ichü.

2 Corintios 5:4

Ja̧'wa̧nü̧ jo̧mȩttü̧, pode tabenákuro isodenä̧ kka̧kuä̧tü̧mä̧ ajuäkuäwätüjä̧, tü̧'ka̧tä̧wä̧ta̧ jui'ätü tü̧ja̧kui̧'a̧jü̧ jueimä̧, pärokuä tü̧'ka̧tä̧wi̧'a̧ pä'ü; wa'arerü kkä̧kuä̧wä̧ kkȩdü̧ ikuomȩbü päi'ünä̧.

1 Corintios 15:54

Ja̧'wa̧nü̧ pi̧yȩ tidepä beipächümä̧, beipächokü jäwänä̧ 'ka̧tä̧wi̧'o̧mȩnä̧ ja̧'wa̧ta̧nü̧ wa'ü iku jäwämä̧, wa'ü ikuäwokü jäwänä̧ 'ka̧tä̧wi̧'o̧mȩnä̧, wȩyu̧kuä̧ wȩnȩ pä'ijü'akuä 'kuäopäkua'a: «Wa'aremä̧, täkü toe'ächa'a,»

2 Corintios 2:8

Ja̧'wa̧nü̧ ji̧yä̧ku̧, jua̧u̧ru̧ repe'ü kuesewätuku kui̧jȩpä̧tu̧kua̧rü̧ pä'üsä.