2 Corintios 2:13 - Nuevo Testamento Uwotjüja

¹³ chesewuö juiyünä̧ ji̧nä̧ku̧sä̧, cha̧wa̧ru̧wa̧ chi̧jä̧wa̧ Tito-rü chu̧'o̧kui̧'o̧ko̧mȩnä̧. Ja̧'wa̧nü̧ jä̧ku̧, juätürü te'äwi'ipütä Macedonia rȩjȩra̧'a̧ku̧ 'chi̧nü̧sä̧.

TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧nä̧ yoröiso adiunä jo̧ca̧'a̧ ji̧na̧'a̧ chami iso'quinä, tö̧jä̧hua̧ Tito toepa'attö. Ja̧'hua̧nö̧ ja̧'a̧ttö̧ jahuätöttö rä'opächö, Macedonia rȩjȩra̧'a̧ 'chi̧nö̧sä̧.

2 Corintios 2:13 Referans Kwoze

2 Corintios 12:18

Tito-rü we'inü̧sä̧, kka̧ra̧ ta̧wa̧ru̧wa̧ ti̧jä̧wa̧ku̧ jua'a. Jua̧u̧nu̧mä̧ ¿Tito'i̧nä̧ ukuturumä̧, üyaparewina̧'a̧ tä̧jí̧? ¿Ji̧nä̧ ji̧yȩtȩtä̧ amükuädü, ji̧nä̧ yo̧mȩtȩnä̧ amükuädü taditoka'a ji̧na̧'a̧ tä̧jí̧?

Tito 1:4

Tito, Jesucrito-nä̧ kua̧'kua̧ ku̧wȩnä̧ra̧ pä'ü ppädädinä̧ku̧jä̧ ja̧'wa̧nü̧ ja̧'a̧ttü̧ isopäi'ünä̧ chi̧tti̧ jä̧'i̧nü̧'a̧nü̧ wa̧jä̧. Ttü'i̧nä̧ uku'i̧nä̧ Dio-rü ta̧'kua̧ tu̧wȩnä̧ro̧mȩttü̧ jua̧u̧ru̧mä̧ jä'epüsä Tä'o jo̧mȩttü̧ ja̧'wa̧ta̧nü̧ tu̧ru̧wa̧ Jesucrito ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧rü̧mä̧ eseäkuäwä'i̧nä̧ unichä̧rü̧ kkä̧kuä̧wä̧'i̧nä̧ ttiyäku pä'ü.

2 Timoteo 4:10

ja̧'wa̧ta̧nü̧ Dema, pi̧jä̧ jäwä kkü'kekuienä̧ku̧'i̧nä̧ Tesalónica-ra̧'a̧ 'chä̧nü̧ kkatä u̧ju̧ni̧'i̧nä̧ku̧sä̧. Crecente-tä Galacia rȩjȩra̧'a̧ i̧'cha̧'a̧nä̧ Tito-mä̧ Dalmacia-ra̧'a̧ 'chi̧nü̧.

Gálatas 2:3

Ja̧'wa̧nü̧ ja̧'a̧nä̧, ttüku kue'ächü Tito Grecia ttü̧ja̧sa̧ ja̧'a̧nä̧'i̧nä̧, circuncisión jȩä̧kuä̧wa̧ pä'ümä̧ wettokoku pinü̧.

Gálatas 2:1

Jua̧u̧nü̧ ji̧na̧'a̧ttü̧mä̧, ttü̧jä̧pü̧ttü̧ pa̧ja̧kuä̧nü̧ a̧'ȩ 'kuäopinü̧ o'ka'a, pä'äjita'anü̧ Jerusarȩ́-ra̧'a̧ Bernawé-ku 'chä̧nü̧, Tito-rü'i̧nä̧ o'ipinü̧sä̧.

2 Corintios 8:23

Tito ütü'kümä̧ pä'üsä, jua̧u̧mä̧ ttütä cha̧wa̧ru̧wa̧ ja̧'a̧; ttütäku aditä'ijü; ja̧'wa̧ta̧nü̧ kkorotü tawaruwä jua̧u̧tä̧ku̧ ichätümä̧ igresia wȩttä̧u̧ ja̧'a̧, Crito-rü eseu aditätü.

2 Corintios 8:16

Dio-rümä̧ eseusä, Tito a̧mi̧so'kinä̧, ukuturu ppäda pä'ü weina̧'a̧ttü̧, ttü chamükuädüta'anü̧.

2 Corintios 8:6

Tito ji̧na̧'a̧, pi̧yȩ ofrenda ppädäkuäwä ä̧kuo̧mȩnä̧ kkä̧mä̧dü̧ ka̧ka̧ti̧nü̧mä̧. Ja̧'wa̧nü̧ ja̧'a̧ttü̧, jua̧u̧ru̧ jä'epinä̧tü̧jä̧ yaboku adita pä'ü jua̧u̧ eseäkuäwämä̧.

2 Corintios 7:13

Ja̧'wa̧nü̧ ja̧'a̧ttü̧, teseunä̧ päi'inä̧u̧jä̧; ja̧'wa̧nü̧ ja̧'a̧nä̧ yabonä̧nü̧ esewätüjä̧, Tito-rü yaboku i̧'chü̧nä̧ ppäkuädinä̧tu̧kuä̧ku̧ esewiyä̧u̧. Jua̧u̧ ja̧'a̧ yaboku teseumä̧.

San Marcos 6:46

Ja̧'wa̧nü̧ ttijäwa pä'ü we'ü ikuäji̧'ka̧, mü̧'ä̧'kara̧'a̧ Dio-rü ukuoku 'chi̧nü̧.

Romanos 15:26

Jua̧u̧ pärätämä̧ Macedonia ttü̧ja̧ ja̧'wa̧ta̧nü̧ Acaya ttü̧ja̧ ttü̧ka̧ka̧tä̧ji̧, Jerusarȩ́-nä̧ kka̧kuä̧tü̧ tawaruwä ti̧jä̧wa̧tü̧ usurä isotürü ppä'ädü.

2 Corintios 7:14

Täkü, Tito-rümä̧, ukuturu chesewa'amä̧ jidäwinü̧ o'ka'a ji̧na̧'a̧. Pärokua'aku Tito-rü jitäwinü̧'i̧nä̧, ukuturu jitäwinü̧'i̧nä̧ isopäi'ünä̧tä̧ ji̧na̧'a̧.

Hechos 21:6

Jua̧u̧ o'ka'a te'äwi'ipütä woi'kanä̧ tü̧'ä̧mä̧da̧'a̧nä̧, juätümä̧ ttojusodera̧'a̧ku̧ ppa̧'ä̧chi̧nä̧tü̧.