2 Corintios 2:12 - Nuevo Testamento Uwotjüja

¹² Ja̧'wa̧nü̧ ja̧'a̧ Tróade ütawiyättümä̧, jareü wȩnȩ Crito i̧wȩnȩ jidäwa pä'ü bawekuächäja'anä̧,

TÄ̧DO Ä̧CUÄ̧ I̧HUȨNȨ

¹² Troas ötahuiyära̧'a̧ 'chä̧hui̧'ö̧, Cristo i̧huȩnȩ jidähua pä'ö, rö̧ȩnä̧ Tu̧ru̧hua̧ i̧huȩnȩ adicuä ji̧na̧'a̧do. Recuätö ttä̧ju̧cua̧ pä'inätödo.

2 Corintios 2:12 Referans Kwoze

Hechos 16:8

Ja̧'wa̧nü̧ ja̧'a̧ Misia rȩjȩnä̧ 'kuäo'ü Tróade ütawiyära̧'a̧ rȩbȩä̧kuä̧wi̧'i̧nä̧tü̧.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

Colosenses 4:3

Ja̧'wa̧nü̧ kukuokuätukuomȩnä̧mä̧ ujuturu'i̧nä̧ Dio-rü ukuokuätukui, Tu̧ru̧wa̧ bawepätü, Crito amükuädinü̧ ttieruwuö wȩnȩ jitäwa, ttü'i̧nä̧ jua̧u̧ jäwänä̧tä̧ kärenä̧ pü̧sä̧.

1 Corintios 16:9

Chadita pä'ümä̧ äpate rü̧ȩnä̧ bawekuächäja'a, yabokutä ja̧'wa̧nü̧ ja̧'a̧nä̧ rekuätü chaboiyotü'i̧nä̧ rekuätü ja̧'a̧.

Romanos 1:1

Ttü Pauru-mä̧, Jesucrito u̧mü̧wä̧ya̧ jü̧nä̧, apóto cha pä'ü, jareü wȩnȩ Dio jäwä ujuturu iyinü̧ jidäwiyarü pä'ü woinä̧ku̧sä̧.

Hechos 20:8

Ra̧pa̧ri̧yu̧ rȩdȩkua̧'a̧ rü̧ȩnä̧ kuoina̧'a̧, juo̧ka̧ ju'toju i̧so̧ka̧ ka̧ka̧kuä̧jä̧'kotü ttü̧'ȩjo̧ka̧mä̧.

Hechos 16:11

Ja̧'wa̧nü̧ jä̧ja̧'a̧mä̧ Tróade ütawiyättü pȩjä̧mü̧, jueünä̧ Samotracia kkä'ko i̧sä̧sa̧ra̧'a̧ 'chä̧jä̧'kotümä̧, kkoro mo̧ro̧ Neápori ütawiyänä̧ rȩbȩä̧kuä̧wi̧nä̧tü̧jä̧;

1 Corintios 9:12

Kkorotü'i̧nä̧, ukututtü pi̧yȩ pädü ttȩmä̧'i̧ja̧'a̧mä̧, juȩnȩ yabonä̧ ujutumä̧ tȩma̧ pä'ü ja̧'a̧. Ja̧'wa̧nü̧ ja̧'a̧nä̧'i̧nä̧, ujutumä̧ pi̧yȩttü̧mä̧ tȩmo̧ka̧'a̧ usurä ȩmä̧wä̧'i̧jä̧tü̧jä̧, Crito i̧wȩnȩ jareü jitäu ttoepü juiyäkua'anü̧ pä'ü.

1 Corintios 9:14

Ja̧'wa̧nü̧ jü̧ta̧'a̧nü̧, Tu̧ru̧wa̧'i̧nä̧ we'inü̧, Dio i̧wȩnȩ ji'äwätürümä̧, jua̧u̧ jittäuttü kuä̧nü̧ ttü̧ja̧kua̧ pä'ü.

1 Corintios 9:16

Ja̧'wa̧ta̧nü̧ ttümä̧ jareü wȩnȩ jidäwa'amä̧ eseäkuäwoküsä, isopäi'ünä̧ jua̧u̧mä̧ rekuä rü̧ji̧yä̧ku̧ weina̧'a̧ttü̧. ¡Jua̧u̧ jareü wȩnȩ jidäwoka'a jü̧ttü̧mä̧, isottü̧ ttüwe! pä'äusä.

2 Corintios 4:3

Ja̧'wa̧nü̧ ja̧'a̧nä̧, jareü wȩnȩ jitäu wo̧jui̧'o̧ko̧tü̧mä̧, surojüttü kka̧kui̧po̧ko̧tü̧tä̧ ja̧'a̧,

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

2 Corintios 8:18

Ja̧'wa̧ta̧nü̧, jua̧u̧ Tito-kumä̧ we'inä̧tü̧jä̧, ya̧tȩ ta̧wa̧ru̧wa̧ ti̧jä̧wa̧rü̧, jua̧u̧mä̧ kkoro igresia-ttü'i̧nä̧ ttu̧wo̧juä̧ku̧, adiu jȩa̧'a̧ ä̧ju̧ku̧.

2 Corintios 9:13

Pi̧yȩ kuiyätukua'a topü, Dio-rü tteseäkuäwäkuotü, Crito weinü̧nä̧ kukuotätukua'attü̧ ja̧'wa̧ta̧nü̧ ppäkuätukua'attü jitürütä'i̧nä̧, kkorotü o'katoi'ünä̧rü̧'i̧nä̧, jü̧nä̧;

2 Corintios 10:14

Jȩcho̧kü̧ jä̧'i̧jü̧, abo 'kuäo'ünä̧mä̧ pä'oküsä ja̧'wa̧nü̧ ja̧'a̧nä̧ ujututä ji̧na̧'a̧ ä̧kuo̧mȩnä̧ Corinto ütawiyänä̧ jareü wȩnȩ, Crito i̧wȩnȩ ji'äu rȩbȩwi̧nä̧tü̧mä̧.

2 Corintios 11:4

Isopäi'ünä̧ ujutu jitäwä'ijäku Jesú-ttü'i̧nä̧, Epíritu Sa̧tu̧ttü̧'i̧nä̧, jareü wȩnȩ jitäwä'ijüttü'i̧nä̧, kkoromȩnä̧ a̧mu̧kuädätü ttichomȩnä̧mä̧ ukutumä̧ 'kuäünä̧ ȩmä̧tü̧jä̧.

2 Corintios 11:7

¿Suronä̧dí̧ jȩpi̧nü̧sä̧, jareü wȩnȩ Dio i̧wȩnȩ mippoünä̧tä̧ jidäwina̧'a̧mä̧; pärokuotü ukutu ukuo isotü päkui'ätukua pä'ü jȩchi̧na̧'a̧mä̧?

1 Tesalonicenses 3:2

Ja̧'wa̧nü̧ jä̧u̧, ta̧wa̧ru̧wa̧ ti̧jä̧wa̧ Dio i̧wȩnȩ, Crito i̧wȩnȩ jareü wȩnȩ jiäkuäwä ppä'ädä̧ri̧'i̧jü̧, Timoteo-rütä, ukuturu we'ätüjä̧ ppädätukuaku pä'ü.