2 Corintios 2:11 - Nuevo Testamento Uwotjüja

¹¹ Ja̧'wa̧nü̧ jȩ'kuä̧tu̧ku̧ttü̧mä̧, Satanás-mä̧ kkȩdü̧ ikuoko̧u̧ kuäkuotüjä̧. ¡Täkü wo̧juä̧tü̧jä̧ jua̧u̧ suronä̧ jȩa̧ pä'ü amükuädümä̧!

2 Corintios 2:11 Referans Kwoze

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

2 Corintios 11:3

Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.

San Lucas 22:31

Ja̧'wa̧ta̧nü̧ Tu̧ru̧wa̧mä̧ pä'inü̧: —Simón, Simón Satanás-mä̧ trigo yȩ'ȩpü̧ ttikua'a jä̧'i̧nü̧'a̧nü̧ yȩ'ȩpü̧ ikuätukuaku pä'ü jä'epäji.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

San Mateo 4:10

Päomȩnä̧, Jesú-mä̧ ädätinä̧ku̧: —Satanás täkü täi, wȩyu̧kuä̧ wȩnȩmä̧ pä'a: Ku̧ru̧wa̧ Dio-rütä kuiwe'kiyunä̧ mä̧'ä̧mü̧ esewirü ja̧'wa̧ta̧nü̧ Jua̧u̧ weütätä tukuota pä'ü ja̧'a̧.

2 Corintios 11:14

Ja̧'wa̧nü̧ jȩttü̧mä̧ tieruwuö jueümä̧kü̧, chutä äwettä'i̧nä̧ á̧gȩ tȩya̧pa̧ 'kua̧rü̧nä̧ ü̧'ka̧tä̧wi̧'a̧'a̧ttü̧.

1 Corintios 7:5

Ja̧'wa̧nü̧ ja̧'a̧ttü̧ jȩ'kuä̧kuä̧wä̧tu̧kua̧ pä'ü kuirekuorü, kuirekuarü pä̧wä̧rü̧jo̧mȩnä̧mä̧ ya̧kuo̧kuä̧rä̧kuä̧wä̧tu̧kuä̧ ja̧'wa̧nü̧ ja̧'a̧nä̧ Dio-rü rekuonä̧nü̧ ukuokutä jua̧u̧mä̧ ro̧'ȩkuä̧tu̧kui̧, jua'a'i̧nä̧ ä'kanä̧ esekui'ü'kotütä, jua̧u̧ o'ka'a pä'äjita'anü̧ ku̧ja̧kuä̧mä̧tu̧kua̧. Pärokua'aku rekuo jȩ'kuä̧kuä̧tu̧kuo̧ka̧'a̧ ku̧ja̧kuä̧tu̧ku̧ttü̧'i̧nä̧ Satanás weomȩnä̧ surojuokuächätukuä.

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

San Juan 13:2

Ttu̧kuȩ ttukuomȩttü̧, äwettämä̧, täkü Juda Icariote, Simón i̧tti̧ a̧mi̧so'kinä̧, Jesú-ru iyü ikua pä'ü jȩpü̧ ü̧jü̧nä̧ ja̧'a̧ ji̧na̧'a̧.

Apocalipsis 2:24

Ja̧'wa̧ta̧nü̧ ukutu, Tiatira-nä̧ kka̧kuä̧tü̧rü̧, juäju kku̧wo̧juȩtü̧nä̧ 'cho̧ko̧tü̧rü̧ ja̧'wa̧ta̧nü̧ kkorotü Sataná ü̧dä̧pä̧rȩ pättü ttu̧wo̧jui̧'a̧ pä'okotü pä'ijätürü, ji̧yȩtȩtä̧ we'üsä:

Hechos 1:25

pi̧yȩ kuaditäwä, apótore jäwänä̧, Juda i̧'cha̧ päina̧'a̧ 'chä̧nü̧, aditino̧mȩ o'komȩ aditäkua'anü̧.»

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.