2 Corintios 13:7 - Nuevo Testamento Uwotjüja

⁷ Dio-rütä ukuokuätüjä̧, surojü jȩ'kuä̧tu̧ku̧ juiya pä'ü; jua'amä̧ kka̧kuä̧mü̧ toäkuäwättümä̧ 'kuä'opinä̧tü̧jä̧ päkuätukuatü pä'ümä̧kü̧, adiwä jueitä jȩ'kuä̧tu̧kua̧ pä'ü, ujutu kka̧kuä̧mü̧ toäkuäwä 'kuä'opokotü jä̧'i̧nü̧'a̧nü̧ jȩta̧ja̧ pä'ü'i̧nä̧.

TÄ̧DO Ä̧CUÄ̧ I̧HUȨNȨ

⁷ Diosrö ucuocuätöjä ucuturu, suronä jȩcu̧'ä̧tu̧cu̧ juiya pä'ö. “Ujutu adiu jȩpi̧nä̧tö̧jä̧” pä'ömä pä'ocotöjä. Ucututä adiunä jȩcu̧'ä̧tu̧cua̧ pä'ätöjä, ujuturu tamöcuädoca'anä.

2 Corintios 13:7 Referans Kwoze

Santiago 1:12

Surojü kka̧kuä̧mȩ'a̧'a̧nä̧ ujuruku a̧mi̧ 'ki'ächi'ümä̧ eseäkuäwä u̧ju̧nä̧rä̧kua̧, jua'amä̧ ja̧u̧ 'kuä'o'ü jo̧mȩnü̧ pä'i'ümä̧ Dio rȩpȩä̧u̧ru̧ premio pättü chiyäkua̧sä̧ päinü̧ kkä̧kuä̧wä̧ i'ko ȩmä̧kua̧'a̧ttü̧.

2 Timoteo 4:18

Ja̧'wa̧ta̧nü̧ Chu̧ru̧wa̧mä̧ surojü aditäwättümä̧ rä'epü ikuinä̧ku̧sä̧ Dio Ru̧wa̧ weomȩ ȩpo̧mȩbü päi'ünä̧. ¡Jua̧u̧mä̧ 'kuäopünä̧tä̧ tesewarü pä̧wä̧rü̧jä̧ku̧!

2 Timoteo 2:15

Dio ä'ka jo̧mȩ kui̧'chi̧'a̧ o'kajuiyünä̧ jȩpi̧, ya̧tȩ adikuä i̧sa̧ jo̧mȩnü̧ wa̧ dä'äkuokü, isopäi'ünä̧ wȩnȩtä̧ wo̧juȩtü̧ jä̧'i̧nü̧'a̧nü̧ jü̧nä̧.

1 Timoteo 2:2

Dio-rü ukuokuätukui, Pi̧jä̧nä̧ we'ätürü, Jua'atäku ukuo ruwotü o'katoi'ünä̧rü̧. Jua'amä̧ eseunu̧ unichä̧rü̧ kkä̧nü̧ rȩrü̧jü̧ topü ukuotünü̧ tü̧ja̧kuä̧kua̧'a̧nü̧,

1 Tesalonicenses 5:23

Chutä Dio-tätä, wȩnȩ juiyünä̧ kkä̧kuä̧wä̧ iyütä, jo̧mȩnü̧ surojümä̧ jȩpü̧ ikuätukuäku; ja̧'wa̧ta̧nü̧ o'kajuiyütä kua̧'kua̧rä̧tu̧ku̧mä̧, kua̧'kua̧ru̧wa̧tu̧ku̧'i̧nä̧, kuidepä jättäji'i̧nä̧ Tu̧ru̧wa̧ Jesucrito ichomȩbü päi'ünä̧ surojümä̧ juiyünä̧ tta̧'ä̧rä̧kuä̧wä̧tu̧kui̧.

Filipenses 4:8

Chawaruwä chi̧jä̧wa̧tü̧ amükuädätukui jueü wȩnȩnä̧tä̧, yapareäkuäwokünä̧tä̧, adiwomȩnä̧ jȩä̧kuä̧wä̧nä̧tä̧, surojü juiyünä̧ jȩä̧kuä̧wä̧nä̧tä̧, eseu ppädäkuäwänä̧tä̧, adiu ukuowunä̧tä̧. O'kajuiyünä̧ adiwäjuei oäwänänä̧tä̧ amükuädü jȩpä̧tu̧kui̧, üadiwä eseäkuäu ttü̧ja̧'a̧nü̧ jü̧nä̧tä̧.

1 Pedro 2:12

Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.

2 Corintios 13:9

Ja̧'wa̧nü̧ ja̧'a̧ttü̧, ujutu tijuiyuwomȩnä̧mä̧ esewätüjä̧, pärokua'aku ukutu kujuruwätukua'anä̧; ja̧'wa̧ta̧nü̧ yabokutä Dio-rü ukuokuätüjä̧ Crito-rü ukuotü juekuekuächätukunä̧.

2 Corintios 10:18

Isopäi'ünä̧, ya̧tȩ a̧mü̧nä̧ pa̧ja̧tü̧ eseäkuäu ukuo te'äurumä̧ eseäkuäwoka'a ja̧'wa̧nü̧ ja̧'a̧nä̧ chu Tu̧ru̧wa̧ esewäkurumä̧, eseäkuäwä kka̧'a̧.

2 Corintios 10:10

Isopäi'ünä̧ yotukunä̧mä̧ pä'ätü: «ttü chi̧wȩyu̧tu̧mä̧, juiyo pä̧i̧ku̧nä̧ baraunä̧ rȩmi̧pa̧'a̧; ja̧'wa̧nü̧ ja̧'a̧nä̧ cha̧mü̧nä̧ pa̧ja̧tü̧ chukuokuomȩnä̧mä̧» pä̧i̧ku̧nä̧mä̧ ukuokuokü pä'ijü pä'ätü ja̧'wa̧ta̧nü̧ ukuokuäkuäwä'i̧nä̧ jȩru̧pa̧, pättäkusä.

2 Corintios 8:21

Adiutä jȩta̧ pä'ü amükuädätüjä̧, suro Tu̧ru̧wa̧ ä'ka jo̧mȩttü̧tä̧mä̧kü̧, ttü̧ja̧ ttä'ka jo̧mȩttü̧'i̧nä̧.

2 Corintios 6:4

Pärokua'aku o'kajuiyünä̧tä̧ i̧jȩpä̧tü̧jä̧, Dio aditäwä aditätü pättünä̧, rü̧ȩnä̧ ta̧mi̧'ki'ächi'ätüjä̧, usurä tȩmä̧wo̧mȩnä̧, rekuä rü̧jo̧mȩnä̧, ta̧'kua̧ tta̧tȩkuo̧mȩnä̧;

1 Corintios 11:19

¡Isopäi'ünä̧ ukutu pä'ä'chäkuäu 'kȩkui̧pä̧chä̧tu̧ku̧mä̧ ja̧'wa̧nü̧tä̧ 'kuäopa pä'ü ja̧'a̧, yotüku pünä̧ isopäi'ünä̧ Crito-rü kuesetätuku i̧jȩkuä̧cha̧ pä'ü!

Romanos 16:10

Te'äwiyätukuittü Apeles-rü, Crito jäwänä̧ jo̧mȩnü̧ juo'ächinü̧rü̧; ja̧'wa̧ta̧nü̧ Aritóbulo-rü'i̧nä̧, awaruwäku o'katoi'ünä̧rü̧.

Romanos 13:13

Mo̧ro̧ kuettächa'a jä̧'i̧nü̧'a̧nü̧ kuetächätukua, adiwomȩnä̧tä̧ amükuädü. Tu̧kuȩ rü̧ȩnä̧ abo 'kuäo'ünä̧ kuä̧nü̧, tä̧'ä̧mä̧'chü̧mä̧kü̧, nä̧tü̧rü̧ jȩpä̧'chü̧mä̧kü̧, rowäkuäumä̧kü̧, kka̧ra̧ u̧ju̧nä̧rü̧ mȩ'o̧pä̧rü̧mä̧kü̧.

Romanos 12:17

Ya̧tȩ ukuru suronä̧ jȩo̧mȩnä̧, pärokua'aku mikuä suronä̧ jȩ'kuä̧rü̧; adiutä jȩ'kuä̧tu̧kua̧ usätukui kkorotü o'katoi'ünä̧ ttü̧ja̧ ttä'ka jo̧mȩttü̧mä̧.

San Juan 17:15

Pi̧jä̧ttü̧ ȩmü̧ kuikuatü pä'ümä̧, jä'epoküsä, surojüttü tta̧kuä̧ri̧ya̧ttü̧ pä'ü jä'epüsä.

San Mateo 6:13

Ja̧'wa̧ta̧nü̧ äwettä kka̧kuä̧mü̧ toatü pä'ümä̧ kuȩpä̧tü̧, ja̧u̧ ja̧jü̧ jueimä̧ su̧ro̧pa̧ttü̧ rätopächünä̧tä̧ ppä'äditü. [Isopäi'ünä̧ Mo̧ro̧ kki̧ä̧mü̧nä̧ o'kajuiyünä̧tä̧ ukú kujurutä, kuruwotä, ukú ru̧wa̧ wekutä ja̧'a̧. Amén.]

Romanos 1:28

Dio-rümä̧ ttu̧wo̧jua̧rü̧ pättokoku, surojü tta̧mü̧kuäda'aku jȩpü̧ ttü̧jü̧nä̧tä̧ iyipinä̧u̧, jȩä̧kuä̧wo̧kü̧nä̧ jȩpü̧ ttü̧jü̧nä̧tä̧.

2 Corintios 13:6

Ja̧'wa̧nü̧ ja̧'a̧ttü̧, ujutumä̧ pä̧wä̧rü̧jä̧u̧jä̧ kka̧kuä̧mü̧ toäkuäwämä̧ 'kuä'opinä̧tü̧ päkuätukuatü pä'ü.

2 Corintios 13:8

Isopäi'ünä̧ jȩä̧kuä̧wä̧ juiya'a jueü wȩnȩ to'ija̧'a̧ku̧ jȩta̧ pä'ümä̧, pärokua'aku jueü wȩnȩnä̧ tukuokua pä'ütä ja̧'a̧.