2 Corintios 13:2 - Nuevo Testamento Uwotjüja

² Todäre päi'ünä̧ chi̧wä̧chi̧nü̧mä̧ ji'äwinü̧sä̧, surojü jȩpä̧tü̧rü̧mä̧ pä̧i̧ku̧nä̧ pä̧dä̧kua̧sä̧ pä'ü ja̧'wa̧ta̧nü̧ jua̧u̧nü̧ o'ka'a surojü jȩpä̧tü̧rü̧'i̧nä̧, jü̧nä̧. Jitä otó chü̧ja̧'a̧nä̧'i̧nä̧ pä'äjita'anü̧ ja̧'wa̧nü̧tä̧ pä'üsä.

TÄ̧DO Ä̧CUÄ̧ I̧HUȨNȨ

² Korotörö täbocö suronä jȩpi̧nä̧tö̧rö̧'i̧nä̧, korotörö o'ca toi'önärö'inä, ucuturu todärenä topö 'chä̧nö̧, cuä'catucu jo̧mȩttö̧ jidähuinö huȩnȩ, jitä'inä otottö kä̧nö̧ pä'äji ta'anö ji'äusä. Pä'äji ta'anö ucuturu topö chi̧'chö̧ttö̧mä̧, o'ca toi'önärö ttö̧ji̧pö̧ juiyönä, yecuäcuähuä juiyönä ro̧dȩpä̧cua̧sä̧.

2 Corintios 13:2 Referans Kwoze

2 Corintios 1:23

Ja̧'wa̧nü̧ ja̧'a̧nä̧, ji̧nä̧ Corinto ütawiyära̧'a̧mä̧ do'ächü ichokü pinü̧sä̧ ukuturu ukuotü, ¡wä̧i̧nä̧ Dio-mä̧ cha̧'kua̧rü̧ ȩmü̧ ikuäkusä!, yapare jidäuttümä̧.

2 Corintios 13:10

Ja̧'wa̧nü̧ ja̧'a̧ttü̧ wȩyu̧tu̧tä̧ wȩdä̧u̧jä̧ jua'a chichäkua'a ä'kanä̧; jua'a chichomȩnä̧ Chu̧ru̧wa̧ weinü̧'a̧kuä̧ pä̧i̧ku̧nä̧ pädü juiyäkua'anü̧, jua'amä̧ kuä̧rä̧mä̧tu̧kua̧ pä'ü, surojuodepätukuaku pä'ümä̧kü̧.

1 Corintios 5:5

ja̧'wa̧nü̧ jȩpü̧ Sataná-rü̧ iyü ikuätukuirü, idepä jättäji toe'ächünä̧, Tu̧ru̧wa̧ Jesucrito ichü mo̧ro̧ päi'omȩnä̧ a̧'kua̧rü̧ surojüttü kki̧'ä̧kua̧'a̧nü̧.

2 Corintios 12:14

Täkü jo̧mȩnü̧ wa̧sä̧, wäbodäkuä päi'ünä̧ ukuturu do'ächü chichäkua'amä̧; jitä'i̧nä̧ ukuturu jä̧'ȩpä̧ro̧kü̧ chä̧kua̧sä̧. Ukutu ku̧ju̧nä̧rä̧tu̧ku̧ jädepa pä'ümä̧ usoküsä, ji̧nä̧somä̧ ukuturu ususä; isopäi'ünä̧ ttä̧'o̧tü̧tä̧ ja̧'a̧ tti̧tti̧mü̧ ttiäre pärätä ka̧ka̧tä̧tü̧mä̧, pärokua'aku tti̧tti̧mü̧mä̧, ttä̧'o̧tü̧ ttiäremä̧ ka̧ka̧to̧ko̧tü̧.