2 Corintios 13:11 - Nuevo Testamento Uwotjüja

¹¹ Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

TÄ̧DO Ä̧CUÄ̧ I̧HUȨNȨ

¹¹ Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

2 Corintios 13:11 Referans Kwoze

Hebreos 12:14

O'katoi'ünä̧ku̧ wȩnȩ juiyünä̧ ku̧jä̧tu̧kua̧ usätukui, surojü juiyünä̧ kka̧kuä̧tu̧kui̧; jua̧u̧ juiyünä̧mä̧, Tu̧ru̧wa̧rü̧mä̧ toäkuäwoka'a jä̧kua̧'a̧.

1 Corintios 1:10

Chawaruwä chi̧jä̧wa̧tü̧, Tu̧ru̧wa̧ Jesucrito i̧mi̧nä̧ ukuturu jä'epüsä, o'katoi'ünä̧ ji̧nä̧ ji̧yȩtȩnä̧tä̧ amükuädü jȩ'kuä̧tu̧kua̧ pä'ü, i̧mi̧ku̧nä̧ 'kȩ'i̧pä̧chü̧ amükuädäkuäwä juiyünä̧. Ji̧nä̧ ji̧yȩtȩnä̧tä̧ kka̧ku̧, adiwomȩnä̧ amükuädü jȩpä̧tu̧kui̧.

Romanos 12:16

Ji̧nä̧ ji̧yȩtȩnä̧tä̧ amükuädü, rȩrü̧jü̧ topäkuäwätukui suronä̧ 'kuäopomȩnä̧. Ku̧ra̧wä̧rä̧tu̧kuo̧ka̧'a̧, esekuäkuäu kka̧kuä̧tu̧kui̧. Ttümä̧ wo̧jua̧sä̧ päkuä'chätukuoka'a.

Romanos 15:33

Isopäi'ünä̧ Dio wȩnȩ juiyü iyäwä i̧sa̧tä̧, ukuturu yotukunä̧ ü̧jä̧tu̧kua̧ku̧ pä'üsä. Amȩ́.

Romanos 12:18

Ukutu jȩ'kuä̧tu̧ku̧'a̧nü̧ jü̧mä̧, jȩpä̧tu̧kui̧, ttü̧ja̧ o'katoi'ünä̧ku̧ wȩnȩ juiyomȩnä̧.

San Marcos 9:50

'Käruwäbümä̧ adiu ja̧'a̧, ja̧'wa̧nü̧ ja̧'a̧nä̧ ü̧sa̧di̧ toepächomȩnä̧mä̧, ¿Ukumä̧ toku jȩpü̧tä̧ ü̧nü̧ä̧mä̧ nü̧kuȩpä̧kua̧'a̧jä̧ttü̧? Ja̧'wa̧nü̧ jü̧ta̧'a̧nü̧ sa̧dü̧ kkü̧nä̧ kka̧kuä̧tu̧kui̧: Adiwä juei jȩpü̧tä̧ ja̧'wa̧ta̧nü̧ kkorotüku wȩnȩ juiyünä̧ kka̧kuä̧tu̧kui̧.

1 Pedro 3:11

Surojüttü 'kä̧'i̧pä̧chü̧ adiutä jȩpi̧, Wȩnȩ juiyünä̧ kkä̧kuä̧wä̧tä̧ usipü ja̧u̧nä̧tä̧ täi.

2 Corintios 13:14

Tu̧ru̧wa̧ re ü̧ji̧nü̧mä̧, Dio eseu repeümä̧ ja̧'wa̧ta̧nü̧ Epíritu Sa̧tu̧mä̧ ukutunä̧ ü̧jü̧mä̧ o'katoi'ünä̧ kkä̧tu̧kua̧ku̧ pä'üsä.

2 Corintios 13:9

Ja̧'wa̧nü̧ ja̧'a̧ttü̧, ujutu tijuiyuwomȩnä̧mä̧ esewätüjä̧, pärokua'aku ukutu kujuruwätukua'anä̧; ja̧'wa̧ta̧nü̧ yabokutä Dio-rü ukuokuätüjä̧ Crito-rü ukuotü juekuekuächätukunä̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

1 Pedro 3:8

Rüjinä̧mä̧, o'katoi'ünä̧tä̧ eseäkuäwänä̧ kka̧kuä̧tu̧kui̧, ji̧nä̧ ji̧yȩtȩnä̧tä̧ amükuädü, ja̧'wa̧ta̧nü̧ tti̧jä̧wa̧tü̧ 'kua̧rü̧nä̧ repe'äkuäunü̧. Adiwä isotü jü̧nä̧tä̧, ukuo tekuäwätukuoka'atä.

Santiago 1:4

Ja̧'wa̧nü̧ ja̧'a̧nä̧ ja̧u̧ kujurutukunä̧ juekuächäkuäwära̧'a̧, ja̧'wa̧ta̧nü̧ jo̧mȩnü̧ buojuoäwära̧'a̧ kkoro'i̧nä̧ rekuä rü̧jü̧ juiyünä̧ ȩpa̧'a̧nä̧ kua̧mi̧ 'ki'ächi'ätukui.

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

1 Tesalonicenses 4:1

Ja̧'wa̧ta̧nü̧ chawaruwä chi̧jä̧wa̧tü̧ kkoro päi'ünä̧ ukuturu Tu̧ru̧wa̧ Jesucrito i̧mi̧nä̧ jätepümä̧. Ujututtü ku̧wo̧jui̧'i̧nä̧tu̧ku̧'a̧kuä̧, Dio-rü pä̧wä̧rü̧jo̧mȩnä̧ ku̧ja̧kuä̧tu̧kua̧ pä'ätüjä̧, jitä jȩpü̧ ku̧ja̧kuä̧tu̧ku̧ta̧'a̧nü̧.

Filipenses 4:9

Ttüttü ku̧wo̧jui̧'i̧nä̧tu̧ku̧mä̧, kuȩmi̧nä̧tu̧ku̧mä̧, kuä̧ju̧kui̧nä̧tu̧ku̧mä̧ jȩpä̧tu̧kui̧; ja̧'wa̧nü̧ jȩ'kuä̧tu̧kuo̧mȩnä̧, Dio wȩnȩ juiyünä̧ kkä̧kuä̧wä̧ iyümä̧ 'kuäopünä̧ ukututäku ü̧jä̧kua̧.

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

Romanos 16:20

Ja̧'wa̧nü̧ jȩ'kuä̧tu̧kuo̧mȩnä̧ Dio eseäkuäwä iyümä̧, ku̧jä̧pi̧yä̧tu̧ku̧nä̧ kkȩdü̧ kuikuätukunä̧ jȩä̧kua̧ Satanás-rü̧. Tu̧ru̧wa̧ Jesucrito ukuturu ppädinünä̧ kka̧kuä̧tu̧kui̧.

Romanos 15:13

Ja̧'wa̧nü̧ ja̧'a̧ttü̧ Dio tta̧wä̧rä̧kuä̧wä̧ iyütä, jo̧mȩnü̧ kuesewätukunä̧, wȩnȩ juiyünä̧ kua̧'kua̧ wȩnä̧rä̧tü̧rü̧mä̧ iyätukuäku pä'üsä, Epíritu Sa̧tu̧ ujurunä̧tä̧.

Apocalipsis 22:21

Tu̧ru̧wa̧ Jesú repeümä̧ 'kuäopünä̧tä̧ ppädätukuaku pä'üsä.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

2 Timoteo 2:22

Ja̧'wa̧ta̧nü̧ mü̧ä̧yotü ttidepä kkü'kekuttümä̧ tü'ipächi, tü'ipächümä̧ adiu jȩä̧kuä̧wä̧tä̧, tta̧'kua̧ wȩnä̧rä̧kuä̧wä̧tä̧, eseäkuäwätä ja̧'wa̧ta̧nü̧ unichä̧rü̧ kkä̧kuä̧wä̧tä̧ usí, tta̧mi̧so'ki teünä̧ kka̧kuä̧tü̧, ttu̧ru̧wa̧rü̧ ppädatü pä'ü jä'epätuku yo̧mȩtȩnä̧.

2 Tesalonicenses 3:16

Ja̧'wa̧ta̧nü̧ chutä Tu̧ru̧wa̧tä̧ wȩnȩ juiyünä̧ kkä̧kuä̧wä̧ i̧sa̧ ja̧'a̧ttü̧, kkoromȩttü̧'i̧nä̧ 'kuäopünä̧tä̧ unichä̧rü̧ ku̧jä̧tu̧ku̧nä̧ ppä̧dä̧kuä̧u̧jä̧. Tu̧ru̧wa̧mä̧ 'kuäopünä̧tä̧ ü̧jä̧kua̧, ukutu o'katoi'ünä̧ku̧.

1 Tesalonicenses 5:23

Chutä Dio-tätä, wȩnȩ juiyünä̧ kkä̧kuä̧wä̧ iyütä, jo̧mȩnü̧ surojümä̧ jȩpü̧ ikuätukuäku; ja̧'wa̧ta̧nü̧ o'kajuiyütä kua̧'kua̧rä̧tu̧ku̧mä̧, kua̧'kua̧ru̧wa̧tu̧ku̧'i̧nä̧, kuidepä jättäji'i̧nä̧ Tu̧ru̧wa̧ Jesucrito ichomȩbü päi'ünä̧ surojümä̧ juiyünä̧ tta̧'ä̧rä̧kuä̧wä̧tu̧kui̧.

1 Tesalonicenses 5:16

'Kuäopünä̧ eseutä kka̧kuä̧tu̧kui̧.

1 Tesalonicenses 5:13

Ja̧'wa̧nü̧ ttadita'attü̧ eseunu̧ ukuotätukuitü. Wȩnȩ juiyünä̧ kka̧kuä̧tu̧kui̧ ukutumä̧.

1 Tesalonicenses 4:18

Ja̧'wa̧nü̧ ja̧'a̧ttü̧, pi̧yȩ ji'äkuäu, kuawaruwärümä̧ eseäkuäwätukui.

Filipenses 4:4

Tu̧ru̧wa̧nä̧ 'kuäopünä̧ eseäkuäwätukui. Yaboku pädäu̧jä̧: ¡Eseäkuäwuötä kka̧kuä̧tu̧kui̧! jü̧nä̧.

Filipenses 4:2

Evodia-rü'i̧nä̧, Síntique-rü'i̧nä̧ jä'epüsä, Tu̧ru̧wa̧rü̧ kuesetinä̧tu̧kua̧'a̧ttü̧, eseku ku̧ja̧kuä̧tu̧kua̧ pä'ü.

Filipenses 3:16

Ja̧'wa̧nü̧ ja̧'a̧nä̧, jitü rȩbȩä̧kuä̧wä̧tü̧mä̧, ji̧yȩtȩtä̧ pä'aku jȩpü̧, amükuädü jȩpü̧ tü̧ja̧kuä̧tu̧kua̧.

Efesios 6:23

Tu̧ru̧wa̧ Jesucrito'i̧nä̧, jä'o Dio'i̧nä̧ wȩnȩ juiyünä̧, eseäkuäu kkä̧kuä̧wä̧nä̧, ja̧'wa̧ta̧nü̧ tta̧'kua̧ wȩnä̧rä̧kuä̧wä̧ iyünä̧ ku̧jä̧tu̧kua̧ pä'üsä;

2 Corintios 1:4

Jua̧u̧tä̧tä̧ ja̧'a̧ ujutu usurä tȩmä̧wo̧mȩnä̧'i̧nä̧ ppä'ädümä̧, ujuturu ppädä'ijüta'anü̧ usurä ȩmä̧wä̧tü̧rü̧ ppätäda pä'ü.

Hechos 23:30

Ja̧'wa̧nü̧ ja̧'a̧nä̧ Judío kuä'ü ttikuarü pä'ü jȩtta̧'a̧ wo̧jui̧'ä̧ji̧'ka̧, ukurutä wedäku; ja̧'wa̧ta̧nü̧ jua̧u̧ ütü'kü suronä̧ ukuokuätürümä̧, kuä'ka jo̧mȩttü̧ ttukuokua pä'ü wȩdä̧jä̧u̧. Adiutä 'kuä'opi.»

Hechos 18:21

te'äwi'ipütä päinä̧u̧: «Dio-rü pä̧wä̧rü̧jo̧mȩnä̧ jü̧ttü̧tä̧, pä'äjita'anü̧mä̧ do'ächü chichäkuä̧u̧jä̧,» jitämä̧ Jerusarȩ́-ra̧'a̧ pä'kärinä̧ chü̧ja̧ pä'ü jä̧ku̧sä̧. Pä'ipütä, Éfeso ütawiyära̧'a̧, woi'kanä̧ 'chi̧nü̧.

Hechos 15:29

Ttü̧ä̧nä̧wa̧ dio-tü̧rü̧ ukuoku jȩttü̧ kuäkuäwätä ja̧'wa̧ta̧nü̧ isotü ttukuoja kuäkuäwätä, nu̧'ä̧wo̧tü̧rü̧ kuäkuäwätä, ttȩmo̧ka̧'a̧nä̧ nä̧tü̧rü̧ kkä̧'chä̧kuä̧wä̧tä̧, jȩ'kuä̧tu̧kua̧mä̧ pä'okotüjä̧. ¡Adiutä 'kuä'opätukui!

San Juan 17:23

Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.

San Lucas 9:61

Ja̧'wa̧ta̧nü̧ kka̧ra̧mä̧ päinä̧ku̧: —Chu̧ru̧wa̧, ukuku kuedächa pä'üsä; ja̧'wa̧nü̧ ja̧'a̧nä̧, mä̧kuä̧tó, ä̧kuo̧mȩnä̧mä̧ chojusodera̧'a̧ chawaruwärü te'äwo'ü 'chü̧sä̧.

San Marcos 10:49

Ja̧'wa̧nü̧ woäku, Jesú-mä̧ i̧'cho̧mȩttü̧ kkä̧mä̧dü̧ pä'inü̧: —Wopätukuirü. Päomȩnä̧, ä̧to̧ka̧rü̧ wopümä̧, pä'inä̧tü̧: —Woäkujä̧, ä̧rä̧mi̧'i̧.

San Mateo 5:48

Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

San Mateo 1:23

«Topiwä, isaju yajute uborü jerupaju, muchaju juo'ü, kki̧tti̧rü̧ kkuwäbekuäkuaju, Jua̧u̧mä̧ Emanuel pä'ü o̧ttä̧kua̧» (Ja̧'wa̧nü̧ pä'ümä̧: «Dio-mä̧ ujututäku kkü̧» pä'ü päwä).

Efesios 4:3

Epíritu jäwä ji̧yȩtȩnä̧tä̧ 'chu̧'ä̧rä̧kuä̧wä̧tu̧kui̧, wȩnȩ juiyünä̧ kkä̧nü̧.

Romanos 14:19

Ja̧'wa̧nü̧ ja̧'a̧ttü̧, wȩnȩ juiyünä̧ kkä̧kuä̧wä̧nä̧tä̧ jȩpü̧ ti̧'chä̧tu̧kua̧ ja̧'wa̧ta̧nü̧ ujutu tä̧rä̧mü̧nä̧ ppädünä̧tä̧.

Efesios 4:12

Jua'amä̧ I̧tti̧mü̧ juo'ächinä̧tü̧rü̧ jo̧mȩnü̧ juottepa pä'ü, ttaditäwä jo̧mȩnü̧ ttadita pä'ü, ja̧'wa̧nü̧ jȩpü̧ igresia wotürü ttäräbe'a pä'ü.

1 Tesalonicenses 3:10

Mo̧ro̧ ji̧nü̧'a̧kuä̧, yodoji̧nü̧a̧'a̧kuä̧ jä'epätüjä̧ Dio-rümä̧, ukuturu tota pä'ümä̧, jua'a yaboku Jua̧u̧ru̧ jo̧mȩnü̧ kua̧'kua̧ ku̧wȩnä̧rä̧tu̧ku̧nä̧ tu̧wo̧juȩti̧'ä̧tu̧kua̧ku̧ pä'ü.

2 Tesalonicenses 3:1

Chi̧jä̧wa̧tü̧, rüjinä̧mä̧, ujuturu'i̧nä̧ Dio-rü kukuokuätukua pä'ü jätepä̧u̧jä̧, kkoromȩ pünä̧ o'kajuiyünä̧tä̧ Tu̧ru̧wa̧ i̧wȩnȩ jitätä ja̧'a̧ku̧ rȩbȩwä̧kua̧'a̧nü̧, ja̧'wa̧ta̧nü̧ ukutu ȩmü̧ kuesewinä̧tukuta'anü̧ kkorotü'i̧nä̧ ȩmü̧ ttesewäkua'anü̧.