2 Corintios 13:10 - Nuevo Testamento Uwotjüja

¹⁰ Ja̧'wa̧nü̧ ja̧'a̧ttü̧ wȩyu̧tu̧tä̧ wȩdä̧u̧jä̧ jua'a chichäkua'a ä'kanä̧; jua'a chichomȩnä̧ Chu̧ru̧wa̧ weinü̧'a̧kuä̧ pä̧i̧ku̧nä̧ pädü juiyäkua'anü̧, jua'amä̧ kuä̧rä̧mä̧tu̧kua̧ pä'ü, surojuodepätukuaku pä'ümä̧kü̧.

TÄ̧DO Ä̧CUÄ̧ I̧HUȨNȨ

¹⁰ Pi̧yȩ cuyäru huȩyu̧tu̧sä̧ ucuturu topö chi̧'chä̧cua̧'a̧ ä'canä, chi̧'cho̧mȩnä̧ pä̧i̧cu̧nä̧ ro̧dȩpö̧ juiya pä'ö, Tu̧ru̧hua̧ hueinö jȩpö̧. Chutä Tu̧ru̧hua̧, hue'inö ujurunä ttörö, ja̧'hua̧nö̧ ppädäda pä'ö ucuturu, juhua'a yabonö rö̧ä̧chö̧nä̧ cuesetätucuarö pä'ö. Ucuturu be'epäjipö chicua pä'ö hue'ocö pi̧nö̧do.

2 Corintios 13:10 Referans Kwoze

2 Corintios 10:8

Jua'akumä̧ chukuo jäwänä̧ yabonä̧nü̧ pädäwa'anä̧, dä'ämä̧ ttu'oküsä. Ukutunä̧ chukuo chu̧ju̧nä̧ra̧ pä'ümä̧, Chu̧ru̧wa̧ Jesucrito-tä iyina̧'a̧ttü̧, yabonü̧ kua̧'kua̧ ku̧wȩnä̧rä̧chä̧tu̧ku̧nä̧ ppädädätukuaku pä'ü, surojuodepätukuakumä̧ pä'oküsä.

2 Corintios 2:3

Wo̧jui̧nü̧sä̧ ttü cheseuta'anü̧ ukutu o'katoi'ünä̧ kuesewätukua'amä̧. Ja̧'wa̧nü̧ ja̧'a̧ttü̧, tteseäkuäwajü jueimä̧, kua̧'kua̧ tta̧kuȩkuä̧tu̧kua̧ pä'okü pinü̧sä̧ ja̧'wa̧nü̧ ji̧yä̧ku̧ wȩyu̧tu̧tä̧ wedinä̧u̧jä̧, topü chichoka'atä

Tito 1:13

Pi̧yȩ jiäwinü̧mä̧ isopäi'ünä̧tä̧ ji̧na̧'a̧; ja̧'wa̧nü̧ ja̧'a̧ttü̧ ja̧'wa̧nü̧ wotürümä̧ pä̧i̧ku̧nä̧ ra̧wä̧ri̧pü̧nä̧nü̧ ji'äwätukuitü, Jesucrito-rü pä'äjita'anü̧ adiu tta̧'kua̧ ttu̧wȩnä̧rä̧kua̧'a̧nü̧.

2 Corintios 13:8

Isopäi'ünä̧ jȩä̧kuä̧wä̧ juiya'a jueü wȩnȩ to'ija̧'a̧ku̧ jȩta̧ pä'ümä̧, pärokua'aku jueü wȩnȩnä̧ tukuokua pä'ütä ja̧'a̧.

2 Corintios 10:2

ja̧'wa̧nü̧ ja̧'a̧ttü̧ jädepä̧u̧jä̧, topü chichomȩnä̧ yeäwä juiyünä̧ jȩcha̧mä̧ pä'oküsä juätürümä̧, ttidepä weünä̧ kkä̧tü̧rü̧ pättü'anü̧ ujuturu pä'ätürümä̧.

1 Corintios 4:21

¿Däje pä̧wä̧rü̧jä̧tu̧kuäku̧ttü̧: chichomȩnä̧mä̧, ro̧dȩpä̧tu̧kua̧ku̧ pä'ätüjä̧ ja̧'wa̧nü̧ jo̧ka̧'a̧ jü̧ttü̧mä̧ eseu repe'ünü̧ do'ächü chichätukuaku pä'ätüjä̧?

2 Corintios 13:2

Todäre päi'ünä̧ chi̧wä̧chi̧nü̧mä̧ ji'äwinü̧sä̧, surojü jȩpä̧tü̧rü̧mä̧ pä̧i̧ku̧nä̧ pä̧dä̧kua̧sä̧ pä'ü ja̧'wa̧ta̧nü̧ jua̧u̧nü̧ o'ka'a surojü jȩpä̧tü̧rü̧'i̧nä̧, jü̧nä̧. Jitä otó chü̧ja̧'a̧nä̧'i̧nä̧ pä'äjita'anü̧ ja̧'wa̧nü̧tä̧ pä'üsä.

1 Corintios 5:4

Tu̧ru̧wa̧ Jesucrito i̧mi̧nä̧ ja̧'wa̧ta̧nü̧ Tu̧ru̧wa̧ Jesucrito ujurunä̧ ka̧ka̧ku̧ pȩjä̧mä̧tu̧kui̧, ttü'i̧nä̧ ukututäku 'kä̧dä̧wä̧rä̧kua̧sä̧ epíritu-nä̧tä̧,

2 Corintios 6:6

ja̧'wa̧ta̧nü̧ surojü juiyünä̧ tü̧jo̧mȩnä̧'i̧nä̧, tu̧wo̧juo̧mȩnä̧'i̧nä̧, ta̧mi̧'kitächi'omȩnä̧'i̧nä̧, re tü̧jo̧mȩnä̧'i̧nä̧, Epíritu Sa̧tu̧nä̧ tü̧jo̧mȩnä̧'i̧nä̧, jueünä̧ eseu repetomȩnä̧'i̧nä̧;

2 Corintios 10:4

Isopäi'ünä̧ ujutu türowäu ujurumä̧ tidepä jäwämä̧kü̧; ji̧nä̧somä̧ Dio ujurunä̧tä̧ rowäwätüjä̧ surojü ujuru si'epü ikua pä'ümä̧,