2 Corintios 12:11 - Nuevo Testamento Uwotjüja

¹¹ Amükuädokotü 'kua̧rü̧nä̧ jȩpü̧sä̧, jua'amä̧ ukutu ja̧'a̧ ja̧'wa̧nü̧ jȩchü̧nä̧ jȩpi̧nä̧tü̧mä̧. Isopäi'ünä̧ ukutu ja̧'a̧, ji̧nä̧so ttü chütü'kü adiu ukuokuajatümä̧; ja̧'wa̧nü̧ ja̧'a̧ttü̧ ttümä̧, juätü «apótore ukuo isotü» tti̧dȩ'a̧nä̧mä̧ woküsä, jua'akumä̧ mikuäwokü cha'anä̧.

TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ ttötä chucuocuäcuähuomenä, suripächö ttucuocu'a̧nö̧, ucuocuäjisä. Juhuorö'inä ucututä hue'inätöjä ja̧'hua̧nö̧ chucuocuäcuähua pä'ö koro koronö jȩcu̧'i̧yä̧tu̧cuä̧cu̧. Ucututä ttörö adiunä cucuocuätucu'a̧nö̧ ja̧'a̧. Ttö yoröiso adihuä i̧sa̧ choca'anä, jitötä yapareu ji'äu kä̧nö̧, “Dios i̧huȩnȩ adiu ji'ähuätö” päcuhuätucuä̧u̧ ta'anö, yorätehuätöjä.

2 Corintios 12:11 Referans Kwoze

2 Corintios 11:5

Ja̧'wa̧nü̧ ja̧'a̧nä̧ ttü'i̧nä̧, juätü apótore ukuo te'äkuäwätü, o'ka'anä̧ ichinä̧tü̧ tti̧dȩa̧'a̧nä̧mä̧ woküsä.

2 Corintios 11:1

¡Ttu̧'ȩpä̧ro̧ko̧tü̧ ttukuokua'a 'kua̧rü̧nä̧ a̧'u̧ku̧nä̧ chukuokua'anä̧'i̧nä̧, kua̧mi̧ 'ki'ächi'ätukui! ¡Ispäi'ünä̧tä̧!

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

2 Corintios 12:12

O'kajuiyünä̧tä̧ ja̧'a̧nä̧, cha̧mi̧ 'ki'ächi'ü, jȩtto̧kü̧ juei'i̧nä̧, na̧nȩpä̧tü̧ ttü̧'i̧pȩ'ü̧'i̧nä̧, ttünä̧tä̧ ja̧'a̧ topinä̧tü̧jä̧, isopäi'ünä̧ apóto jü̧nä̧ cha'attü, chaditäwämä̧.

2 Corintios 12:6

Ja̧'wa̧nü̧ ja̧'a̧nä̧ cha̧mü̧nä̧ ukuo tedäkuäwuöttü'i̧nä̧, tä̧'ä̧mü̧ 'kua̧rü̧nä̧mä̧ ukuokuokü pajüsä, isopäi'ünä̧tä̧ chukuokua'attü̧. Ja̧'wa̧nü̧ ja̧'a̧nä̧ jȩpo̧kü̧sä̧, ya̧tȩ'i̧nä̧ ttürü tottä'ijümä̧, ttä̧ju̧kuä̧'i̧jü̧mä̧, u̧wä̧mȩnä̧ tta̧mü̧kuädü juiyäkua'anü̧.

2 Corintios 1:6

Ja̧'wa̧nü̧ ja̧'a̧ttü̧, ujutu usurä tȩmä̧u̧mä̧, a̧'u̧ ttukuätuku jȩä̧cha̧ pä'ü ja̧'a̧ ja̧'wa̧ta̧nü̧ surojüttü ku̧ji̧pä̧tu̧kua̧ pä'ü; ja̧'wa̧nü̧ ja̧'a̧nä̧ Dio-tä ja̧'a̧ ja̧'wa̧nü̧ ukutu a̧'u̧ ttukuätukua'a ppätädünä̧ jȩpü̧mä̧; ja̧'wa̧ta̧nü̧ ukuturu'i̧nä̧ usurä kuȩmä̧wä̧tu̧kua̧'a̧nä̧ kua̧mi̧ 'kikuächi'ätükunä̧ pä̧dä̧kuä̧u̧jä̧.

1 Corintios 3:22

Pauru ja̧ pä'ü'i̧nä̧, Aporo ja̧ pä'ü'i̧nä̧, Cefa ja̧ pä'ü'i̧nä̧, pi̧jä̧ jäwä ja̧ pä'ü'i̧nä̧, tta̧'kua̧rü̧ ja̧ pä'ü'i̧nä̧, wa'are ja̧ pä'ü'i̧nä̧, jitä kka̧ku̧'i̧nä̧, yodoji rȩbȩä̧kuä̧wä̧kuȩ'i̧nä̧. Ukututä jäwätä ja̧'a̧;

San Lucas 17:10

Ja̧'wa̧nü̧ jü̧ta̧'a̧nü̧, ukutu'i̧nä̧ Dio weü jo̧mȩnü̧ jȩ'kuä̧tu̧kuo̧mȩnä̧mä̧, päkuätukuajä̧: umüwäyotü ta'anä̧ jȩtü̧ juiyünä̧ wotüjä̧to, suro weütätä jȩtä̧ja̧'a̧ttü̧.

1 Corintios 13:2

Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

2 Corintios 3:1

¿Pi̧yȩ pätomȩnä̧mä̧, pä'äjita'anü̧ ujuturu, kueseäkuätukuatü pä'ü päta'a tä̧jí̧? ¿ja̧'wa̧nü̧ jo̧ka̧'a̧ jü̧ttü̧'i̧nä̧, kkorotü jȩttä̧'i̧jü̧'a̧nü̧, adiu jȩtä̧'i̧jü̧ kui̧wȩnȩtu̧ku̧ wȩyu̧tu̧ kuiyätukuatü päta'a tä̧jí̧, kkorotü jȩttä̧'i̧jü̧ a̧nü̧?

2 Corintios 5:13

Isopäi'ünä̧ ttu̧'ȩpä̧ro̧ko̧tü̧ 'kua̧rü̧nä̧ jȩtü̧ttü̧mä̧ Dio-rü ukuotü jȩpä̧tü̧jä̧; ja̧'wa̧nü̧ ja̧'a̧nä̧ ttu̧'ȩpä̧rü̧ jȩtü̧ttü̧mä̧ ukuturu ppä'ädü jȩpä̧tü̧jä̧.

Gálatas 6:3

Ya̧tȩ, uruwo jui̧'a̧ kkä̧nü̧ ukuo teäwomȩnä̧mä̧, a̧mü̧nä̧ pa̧ja̧tü̧tä̧ yaparewäkuäu.