2 Corintios 11:12 - Nuevo Testamento Uwotjüja

¹² Ja̧'wa̧nü̧ ja̧'a̧ttü̧ jȩchä̧'i̧jü̧ta̧'a̧nü̧tä̧, ukutu kuiäretuku pärätämä̧ jädepoka'atä chaditäkua̧sä̧. Ja̧'wa̧nü̧ jȩcho̧mȩnä̧mä̧ jitü profeta-tü̧ yapare isotümä̧ ukuo tettäu juiyä̧kuä̧u̧, ujutu'i̧nä̧ Jesucrito we'äwotü apótore-jä̧ pä'ü, ujutuku yorekuä'chü, yapareu jittäwä'cha'anä̧.

TÄ̧DO Ä̧CUÄ̧ I̧HUȨNȨ

¹² Pä'äji jȩchi̧nö̧ ta'anö, jȩchä̧cua̧sä̧ jitä'inä. Ja̧'hua̧nö̧ jȩcho̧mȩnä̧, korotömä “Ujutumä Pablocu yoräteunä aditätöjä” pä'ätömä, adiu esehuocotö ttäcuotö.

2 Corintios 11:12 Referans Kwoze

1 Corintios 9:12

Kkorotü'i̧nä̧, ukututtü pi̧yȩ pädü ttȩmä̧'i̧ja̧'a̧mä̧, juȩnȩ yabonä̧ ujutumä̧ tȩma̧ pä'ü ja̧'a̧. Ja̧'wa̧nü̧ ja̧'a̧nä̧'i̧nä̧, ujutumä̧ pi̧yȩttü̧mä̧ tȩmo̧ka̧'a̧ usurä ȩmä̧wä̧'i̧jä̧tü̧jä̧, Crito i̧wȩnȩ jareü jitäu ttoepü juiyäkua'anü̧ pä'ü.

1 Timoteo 5:14

Ja̧'wa̧nü̧ ja̧'a̧ttü̧ mü̧ä̧yotü rȩkua̧mü̧mä̧ ttirekuorü ȩmü̧ i̧tti̧ku̧ ttojusode tta̧'a̧rü̧ ttü̧ja̧kua̧ pä̧wä̧rü̧jä̧ku̧sä̧, ja̧'wa̧nü̧ jü̧ttü̧tä̧ Jesucrito-rü esetokotümä̧ ppättä'choko̧u̧ ttäkuotü.

Gálatas 1:7

Isopäi'ünä̧ kkoro jareü wȩnȩmä̧ juiya'anä̧, yotukunä̧ kka̧kuä̧tü̧ ukuturu jerutu ikuätü, Crito i̧wȩnȩ jareü wȩnȩ surojuo'epü.

2 Corintios 11:18

Ja̧'wa̧nü̧ tta̧mü̧nä̧ ttüadiwä ukuokuätü rekuätü ttü̧ja̧kua̧'a̧mä̧ ¿tta̧'a̧nü̧ pä'ü, ttü'i̧nä̧ chüadiwämä̧ chukuokuoka'ajä̧ttü̧?

2 Corintios 11:9

Ja̧'wa̧ta̧nü̧ ukutuku chü̧jo̧mȩnä̧ rekuä rü̧ja̧'a̧nä̧, ya̧tȩrü̧'i̧nä̧ jä'epokü pinü̧sä̧; ja̧'wa̧ta̧nü̧ ttürü rekuä rü̧jü̧mä̧ Macedonia-ra̧'a̧ttü̧ ichinä̧tü̧tä̧ ppättädinä̧ku̧sä̧. Ja̧'wa̧ta̧nü̧ o'kajuiyünä̧tä̧ jädepoka'atä kki̧nü̧sä̧, ukutu ttü jäwänä̧ kua̧'kua̧ rokuekuätukua pä'okü pinü̧sä̧, jitä'i̧nä̧ ja̧'wa̧nü̧tä̧ chü̧jä̧kua̧sä̧.

2 Corintios 10:17

Ja̧'wa̧nü̧ ja̧'a̧ttü̧, ya̧tȩ ukuo te'äu esewa päüttümä̧, Tu̧ru̧wa̧nä̧tä̧ ukuo te'äu esewi;

2 Corintios 5:12

Pä'äjita'anü̧ ujutu ta̧mü̧nä̧ pa̧ja̧tü̧ adiu kuesewätukuatü pä'ümä̧ pätoka'anä̧, jueünä̧ amükuädütä kuesewätukuatü pä'ätüjä̧. Ja̧'wa̧nü̧ kuädätätukuomȩnä̧ päwächa'a tta̧mi̧ iso'kittümä̧ otó tta'anä̧, ukuo te'äkuäwätürü.

2 Corintios 1:17

¿Ja̧'wa̧nü̧ ja̧'a̧ttü̧, pi̧yȩ jȩcha̧ pä'ü chamükuädomȩnä̧mä̧, adiu amükuädoka'a jȩpä̧ji̧ päkuätukua'a tä̧jí̧? ¿Kkorotü o'katoi'ünä̧ jȩttä̧'i̧jü̧'a̧kuä̧, A̧ pä'ipü̧'ka̧, juȩnȩ o'komȩnä̧, täkü päda pä'ü? ¡Ja̧'wa̧nü̧mä̧kü̧!

1 Corintios 5:6

Pi̧yȩ jäwänä̧ ukuo te'äu kueseäkuäwätukua pä'ümä̧ jui'ätüjä̧. ¿Ukutumä̧ jerupätüjä̧ tä̧jí̧?: ¿«Levadura-mä̧ a̧'u̧ku̧nä̧tä̧ ja̧'a̧nä̧'i̧nä̧ isäwa ppü̧ä̧mi̧'ü̧nä̧ jü̧ pä'ümä̧»?

San Mateo 26:16

Jua̧u̧nu̧tä̧ päi'ünä̧ kkä̧mä̧dü̧, Juda-mä̧ Jesú-ru iyu ikua pä'ü usinü̧.