2 Corintios 10:5 - Nuevo Testamento Uwotjüja

⁵ ttü̧ja̧ ttu̧wo̧juö̧'i̧nä̧, Dio-rü wo̧jui̧'ü̧ jui'ü rowäwäkuäwä'i̧nä̧ o'kajuiyütä si'epü iku, 'chu'ädü rütü yaboku 'chä̧tü̧jä̧ Crito-rü ukuotümä̧,

TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ja̧'a̧nä̧ Diosrö ttu̧huo̧ju̧ juiya pä'ö jȩä̧cuä̧huä̧, o'ca juiyönä suräjuä huȩnȩ'i̧nä̧, koro a'cuoyäunu jȩä̧cuä̧huä̧'i̧nä̧ be'epäjipö icuätöjä. O'ca juiyönä pi̧jä̧ttö̧ amöcuädäcuähuä'inä Cristorö ji'ähuätöjä churutä pä̧huä̧ rö̧jo̧mȩnä̧ tamöcuäda pä'ö.

2 Corintios 10:5 Referans Kwoze

Hebreos 4:12

Isopäi'ünä̧ Dio i̧wȩnȩmä̧, a̧'kua̧rä̧kuä̧wä̧'i̧nä̧, ujuru'i̧nä̧ kkü̧ ja̧'a̧. Kurodä pätekunä̧ so̧ȩkuodättü'i̧nä̧ abonä̧nü̧ 'kuiokuächa'a ja̧'wa̧ta̧nü̧ ttü̧ja̧sa̧ a̧'kua̧rü̧nä̧'i̧nä̧, a̧'kua̧rü̧ i̧sa̧nä̧'i̧nä̧ jakuära̧'a̧ doächi'ünä̧; ja̧'wa̧ta̧nü̧ tta̧mü̧kuädünä̧'i̧nä̧, tta̧mi̧'iso'kinä̧'i̧nä̧ adiu'i̧nä̧, surojü'i̧nä̧ ttu̧wo̧jui̧pü̧nä̧ ja̧'a̧.

Romanos 7:23

Ja̧'wa̧nü̧ ja̧'a̧nä̧ ttünä̧ ji̧yȩtȩ kka̧'a̧, ttü chamükuädüku rowäkuäu: Jua̧u̧mä̧ surojü jȩpü̧ chü̧jü̧nä̧tä̧, weü ja̧'a̧ ttü chidepänä̧.

San Mateo 15:19

Isopäi'ünä̧ tta̧mi̧so'kittütä räopa'a suronä̧ tta̧mü̧kuädümä̧, kuä'ü ikuäwämä̧, kkorotü ttü'käwinä̧u̧ku̧ jȩttä̧'chä̧kuä̧u̧mä̧, ttü'käwoko̧u̧ku̧ jȩttä̧'chä̧kuäu̧mä̧, ttünä̧u̧kuä̧rü̧mä̧, ttüyapareumä̧ ja̧'wa̧ta̧nü̧ ttürowäumä̧.

Romanos 1:21

Ja̧'wa̧nü̧ Dio-rümä̧ ttu̧wo̧jui̧na̧'a̧nä̧, Dio-rü ttü̧ä̧nä̧wa̧ jü̧nä̧ tteseäkuäwoka'a, ye adiwa'a pä'ü'i̧nä̧ pä'ü jui'ü, jitütä ttamu̧kuäda'akutä surojuottächa'attü, adiu tta̧mü̧kuädokomȩnä̧ tta̧mi̧so'ki yo̧ä̧chi̧nä̧u̧.

1 Corintios 3:19

Isopäi'ünä̧ pi̧jä̧ttü̧ wo̧juä̧wä̧ wȩnȩmä̧, Dio-rümä̧ suräjuä wȩnȩtä̧ ja̧'a̧. Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Dio-mä̧, wo̧juä̧wä̧ wȩnȩ kku̧nä̧rä̧tü̧rü̧mä̧, ji̧yȩtä̧ ttu̧wo̧juö̧nä̧ 'chu̧ä̧dä̧u̧,» jü̧nä̧.

1 Corintios 1:19

Wȩyu̧kuä̧ wȩnȩ pä'a: «Wo̧juä̧tü̧ ttu̧wo̧juö̧ si'epü iku, adiu tta̧mü̧kuädü'i̧nä̧ jerutu chi̧kuä̧kua̧sä̧.»

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

2 Tesalonicenses 2:8

Ja̧'wa̧nü̧ päi'omȩnä̧ ttü̧ja̧sa̧ surojütä jȩä̧kuä̧wä̧ i̧sa̧mä̧ i̧jȩkuä̧chä̧kua̧, jua̧u̧rü̧mä̧ Tu̧ru̧wa̧mä̧ Jesú-mä̧ si'epü i̧kuä̧kua̧ änä̧ a̧mi̧yuppa ppü'ü ja̧'wa̧ta̧nü̧ ujuruku uruwoku ppa̧wä̧cho̧mȩnä̧mä̧ jua̧u̧ ttü̧ja̧sa̧ uruwomä̧ 'choipä̧kua̧;

San Lucas 1:51

Üjonä̧ ujuru o'kajuiyünä̧ i̧jȩpi̧nü̧: Ukuo te'äkuäwätürü jueünä̧ tta̧mü̧kuädü juiyünä̧ jerutu ikuinü̧.

2 Tesalonicenses 2:4

Jua̧u̧ ttü̧ja̧sa̧mä̧ o'kajuiyünä̧ Dio jäwämä̧, ja̧'wa̧ta̧nü̧ chutä Dio-ku ji̧nä̧ ji̧yȩtȩ wotürümä̧ to'ija̧'a̧ku̧tä̧ wa̧. Ja̧'wa̧ta̧nü̧ Dio ojusodenä̧ do'ächi'ü chutä uruwo kku̧nä̧u̧ ja̧'wa̧ta̧nü̧ ttütäsä Dio-mä̧ pä'ü ji̧ä̧wä̧kua̧.

2 Corintios 9:13

Pi̧yȩ kuiyätukua'a topü, Dio-rü tteseäkuäwäkuotü, Crito weinü̧nä̧ kukuotätukua'attü̧ ja̧'wa̧ta̧nü̧ ppäkuätukua'attü jitürütä'i̧nä̧, kkorotü o'katoi'ünä̧rü̧'i̧nä̧, jü̧nä̧;

Romanos 16:26

Ja̧'wa̧nü̧ ji̧na̧'a̧nä̧, jitämä̧ i̧jȩkuä̧chi̧na̧'a̧ profeta winä̧tü̧ tti̧wȩyu̧ti̧nü̧nä̧'i̧nä̧, Dio 'kuäopünä̧tä̧ kkü̧ weinüta'anü̧, i̧jȩkuä̧chi̧nü̧ pi̧jä̧ ttü̧ja̧ o'katoi'ünä̧rü̧, tta̧'kua̧ wȩnä̧rä̧kuä̧wä̧ ttukuota pä'ü.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

1 Pedro 1:2

Jä'o Dio amükuädina̧'a̧ku̧ mo̧tä̧ päi'ünä̧ pojopü ȩmi̧nä̧ru̧. Epíritu-nä̧ 'kȩ'ȩpü̧ u̧ju̧ni̧nä̧u̧jä̧ kukuotätukua pä'ü ja̧'wa̧ta̧nü̧ Jesucrito ukuojanä̧ tükü ikuätukuaku pä'ü. Mipponä̧ iyäwä rü̧ä̧chü̧'i̧nä̧, wȩnȩ juiyünä̧ kkä̧kuä̧wä̧'i̧nä̧ ȩmä̧tu̧kui̧.

2 Corintios 11:20

Ukutumä̧ ja̧'a̧tä̧ topätüjä̧ esclavo jü̧nä̧ wetta'anä̧'i̧nä̧, kkoro juei 'chottipa'anä̧'i̧nä̧, ttüyaparewa'anä̧'i̧nä̧, ttüjü'koka'anä̧'i̧nä̧, kui'ätukunä̧ kuättaja pä'ü'i̧nä̧.

Filipenses 4:7

Ja̧'wa̧nü̧ jȩ'kuä̧tu̧kuo̧mȩnä̧, Dio-mä̧ wȩnȩ juiyünä̧ kkä̧kuä̧wä̧ i̧yä̧kuä̧, jua̧u̧mä̧ pi̧jä̧ ttü̧ja̧ jäwättü'i̧nä̧ abonä̧nü̧ jü̧ jäwä; tta̧wä̧rä̧kuȩ kua̧mi̧ iso'kituku'i̧nä̧, kuamükuädätuku'i̧nä̧, Crito Jesú-nä̧tä̧.