2 Corintios 1:21 - Nuevo Testamento Uwotjüja

²¹ Ja̧'wa̧nü̧ ja̧'a̧ttü̧ Dio-mä̧ Crito-nä̧tä̧ ujuturu'i̧nä̧, ukuturu'i̧nä̧ ji̧nä̧ yotüte jü̧nä̧ juo'epü, 'kȩ'ȩpü̧ u̧ju̧nä̧u̧jä̧, Chutätä ȩmi̧nä̧u̧jä̧

TÄ̧DO Ä̧CUÄ̧ I̧HUȨNȨ

²¹ Ja̧'hua̧ta̧nö̧ Dios ujuturu'inä, ucuturu'inä Cristorö esetö tami 'qui'ächi'ö tö̧ja̧cua̧ pä'ö ppä'ädö. Ja̧'hua̧ta̧nö̧ ja̧u̧tä̧ ujuturu aditö icuinödo.

2 Corintios 1:21 Referans Kwoze

1 Juan 2:27

Ukuturumä̧ pä'üsä, täkü Chutä mȩ'ü̧ 'kȩpi̧nä̧u̧ kuätukua'amä̧ rekuä rü̧jo̧ko̧u̧jä̧ kkorotü ttu̧wo̧juȩtä̧tu̧kua̧ku̧ pä'ümä̧. Jua̧u̧ 'kȩ'ȩpü̧ ȩmi̧nü̧mä̧ ji̧nä̧so ji̧yȩtä̧ ja̧'a̧, yapare wȩnȩmä̧kü̧, jua̧u̧mä̧ o'kajuiyütä wo̧juȩtü̧. Chutä u̧wo̧juȩti̧nü̧ta̧'a̧nü̧, Chunä̧tä̧ kka̧kuä̧tu̧kui̧.

1 Juan 2:20

Ja̧'wa̧nü̧ ja̧'a̧nä̧, ukuturumä̧, Dio I̧tti̧ Jesucrito-mä̧ Epíritu Sa̧tu̧nä̧ mȩ'ü̧ 'kȩpi̧nä̧u̧jä̧ jueü wȩnȩ o'kajuiyünä̧ ku̧wo̧juä̧tu̧kua̧ pä'ü.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

Romanos 8:9

Ja̧'wa̧nü̧ ja̧'a̧nä̧, täkü ukutumä̧ kuidepä wea'anä̧mä̧ kka̧kuo̧ko̧tü̧jä̧, Epíritu-tä wea'anä̧ kka̧kuä̧tü̧jä̧, ukutunä̧ Dio i̧sa̧ Epíritu ü̧ja̧'a̧ttü̧. Ja̧'wa̧nü̧ ja̧'a̧ttü̧ Crito i̧sa̧ Epíritu-ru to'ätümä̧, Crito-kumä̧ wokotü.

2 Tesalonicenses 3:3

Ja̧'wa̧nü̧ ja̧'a̧nä̧ Tu̧ru̧wa̧mä̧ adiwä i̧sa̧, kua̧mi̧ 'ki'ächi'ü ku̧ja̧kuä̧tu̧ku̧nä̧ jȩä̧kuä̧u̧jä̧ surojü 'kuäopomȩnä̧'i̧nä̧ tta̧wä̧rä̧kuä̧u̧jä̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

2 Tesalonicenses 2:8

Ja̧'wa̧nü̧ päi'omȩnä̧ ttü̧ja̧sa̧ surojütä jȩä̧kuä̧wä̧ i̧sa̧mä̧ i̧jȩkuä̧chä̧kua̧, jua̧u̧rü̧mä̧ Tu̧ru̧wa̧mä̧ Jesú-mä̧ si'epü i̧kuä̧kua̧ änä̧ a̧mi̧yuppa ppü'ü ja̧'wa̧ta̧nü̧ ujuruku uruwoku ppa̧wä̧cho̧mȩnä̧mä̧ jua̧u̧ ttü̧ja̧sa̧ uruwomä̧ 'choipä̧kua̧;

2 Corintios 5:5

Ja̧'wa̧ta̧nü̧ pi̧yȩ pätetü jȩpi̧nü̧mä̧ Dio-tä ja̧'a̧, Epíritu Sa̧tu̧rü̧ iyinä̧u̧jä̧ jueünä̧ ukuokua'attü.

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

Apocalipsis 3:18

Ja̧'wa̧nü̧ ja̧'a̧ttü̧ jidäwäkujä̧, ttüttü kuȩma̧ pä'ü, okuränä̧ kkuwü iku säruwuönä̧ adikuä oro-ttü kuȩma̧ pä'ü ru̧wa̧ kuäkua'a̧nü̧; pü̧jä̧ta̧ tȩä̧ta̧ ku̧'ka̧tä̧wä̧kua̧'a̧nü̧, dä'ä ttüku juiya pä'ümä̧. Ja̧'wa̧ta̧nü̧ kui'äriyänä̧ jawapüja dachäwi pä'äjita'anü̧ to'kuäkua'anü̧.

Apocalipsis 1:6

Ja̧'wa̧nü̧ jȩpü̧ kku̧nu̧ rȩjȩ ruwotü jü̧nä̧, sacerdote-tü̧ jü̧nä̧ Jä'o Dio iyinä̧u̧jä̧; ja̧'wa̧nü̧ ja̧'a̧ttü̧ ¡Jua̧u̧ru̧ esewätüjä̧ mo̧ro̧ kki̧ä̧mü̧nä̧, uruwo we'ürü! Amȩ́.

2 Tesalonicenses 2:17

'kuäkuächi'ätuku juiyünä̧ kujurutuku ttiyätukuaku pä'ü 'kuäopünä̧ adiwäjueitä kukuokuätukuä ja̧'wa̧ta̧nü̧ adiwäjueitä jȩ'kuä̧tu̧kua̧.

1 Tesalonicenses 3:13

Ja̧'wa̧ta̧nü̧ Tu̧ru̧wa̧rü̧ jä'epätüjä̧, Chutätä rü̧ȩnä̧ kua̧'kua̧ ku̧wȩnä̧rä̧tu̧ku̧nä̧, surojü juiyünä̧ kujurutuku iyätukuaku pä'ü. Ja̧'wa̧nü̧ jo̧mȩnä̧ chutä pojopü ȩmi̧nä̧u̧ku̧ ichomȩnä̧ Dio ä'ka jo̧mȩttü̧ ukuturu, jitüjamä̧ suropätü pä'ü jittäu juiyäkua'anü̧. Amȩ́.

Colosenses 2:7

Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

1 Corintios 1:8

Dio-mä̧, ukuturumä̧ pi̧jä̧ beipächomȩbü päi'ünä̧ 'kiyünä̧ ku̧jä̧tu̧ku̧nä̧ tta̧wä̧rä̧kuä̧u̧jä̧, Tu̧ru̧wa̧ Jesucrito pä'äjita'anü̧ ichomȩnä̧, surojü jȩ'kuä̧tu̧ku̧mä̧, ya̧tȩrü̧'i̧nä̧ päwi'ü juiyäkua'anü̧.

Hebreos 13:9

Kuieruwätuku, kkoro kkä̧kuä̧wä̧ wȩnȩku̧mä̧ pekuächächätukuä; Isopäi'ünä̧, ttu̧kuȩ kuäkuäwänä̧ repettajü jueimä̧, tamiso'kinä̧, Dio iyinü̧nä̧ repetächa pä'ü ja̧'a̧, büó juo'ünü̧; ja̧'wa̧nü̧ kkä̧'chä̧kuä̧wä̧mä̧ yorisotä ppädokü ji̧nü̧.