2 Corintios 1:12 - Nuevo Testamento Uwotjüja

¹² Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

TÄ̧DO Ä̧CUÄ̧ I̧HUȨNȨ

¹² Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

2 Corintios 1:12 Referans Kwoze

1 Corintios 2:13

Jua̧u̧ tü'kümä̧ ukuokuätüjä̧, jua̧u̧ tukuokumä̧ ta̧mü̧nä̧ pa̧ja̧tü̧ tu̧wo̧juö̧ wȩnȩnä̧mä̧kü̧ ja̧'a̧, jua'amä̧ Dio i̧sa̧ Epíritu u̧wo̧juȩta̧'a̧ku̧ ukuokuätüjä̧, Epíritu jäwämä̧.

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

1 Tesalonicenses 2:10

Ukutumä̧ ujutu jȩtü̧ to'kuinä̧tu̧kua̧'a̧ttü̧ wo̧juä̧tü̧jä̧, ujuturumä̧, Dio'i̧nä̧ wo̧jua̧, adiwä juei jȩti̧nü̧mä̧, adiwomȩnä̧'i̧nä̧, ttü̧ja̧ ttukuokuokomȩnä̧'i̧nä̧, jȩpü̧ kka̧kui̧nä̧tü̧jä̧ ukutu, Dio-rü esetätukumä̧.

1 Pedro 3:21

Ja̧'wa̧nü̧ ja̧'a̧ttü̧ ajiya ji̧no̧yamä̧ bautizo päwoya jü̧nä̧ wȩnȩkuä̧chi̧na̧'a̧, jitämä̧ ja̧u̧nä̧tä̧ suronä̧ jȩtä̧i'jü̧ttü̧mä̧ kka̧kui̧pä̧tü̧jä̧. Bautizo-mä̧ jättäpäyotümä̧ tükächi'okü, ja̧'wa̧nü̧ ja̧jü̧jueimä̧ adiu amükuädütä Dio-rümä̧ jä'epätukui, Jesucrito tto'ächäji̧'ka̧,

Hebreos 13:18

Ujuturu Dio-rü ukuokuätukui; tamükuädünämä̧ surojü jui'ätüjä̧, o'kajuiyünä̧ jȩtü̧mä̧ adiwomȩnä̧tä̧ jȩta̧ päta'attü̧.

2 Corintios 8:8

We'ü ttukuoku'anü̧mä̧ ukuokuoküsä. Suro, kkoro igresia isotü ofrenda ppä'ädü jȩttü̧ ku̧wo̧juä̧tu̧kua̧tä̧ pä'üsä. Ukutu'i̧nä̧ isopäi'ünä̧ eseäkuäwä kui̧jȩpä̧tu̧kuä̧kua̧'a̧nü̧.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

Hechos 24:16

Ja̧'wa̧nü̧ ja̧'a̧ttü̧, Dio ä'ka jo̧mȩttü̧'i̧nä̧, ttü̧ja̧ ttä'ka jo̧mȩttü̧'i̧nä̧ 'kuäopünä̧tä̧, chunä̧ surojü chȩnä̧ra̧mä̧ pä'oküsä.

Hechos 23:1

Ja̧'wa̧nü̧ ja̧'a̧ Pauru-mä̧ ukuo isotü Sanedrín, pättä̧u̧ru̧ topünü̧, pä'inü̧: —Chawaruwä chü̧jä̧wa̧tü̧, kkoro juei juiyünä̧ amükuädü kkä̧'i̧jü̧sä̧ Dio ä'ka jo̧mȩttü̧, jitä pi̧yȩ mo̧ro̧bü päi'ünä̧.

1 Pedro 3:16

Ja̧'wa̧nü̧ ja̧'a̧nä̧ ukuo tekuäwätukuoka'a ukuotünü̧ jȩpü̧ adiwomȩnä̧ amükuädätukui, Crito-rü esetätü jü̧nä̧ adiu ku̧jä̧tu̧kuo̧mȩnä̧ suronä̧ ukuokuä'ijätümä̧, jitütä tti̧wȩnȩnä̧ dä'ättuttäkua'anü̧.

1 Timoteo 1:5

Ja̧'wa̧ta̧nü̧ pi̧yȩ weäwä wȩnȩttü̧ i̧rȩbȩwa̧ päümä̧, tta̧mi̧so'ki surojü juiyo'kittü kkorotünü̧ku̧ eseäkuäwä'i̧nä̧, adiwomȩnä̧ amükuädäkuäwä'i̧nä̧, isopäi'ünä̧ tta̧'kua̧ wȩnä̧rä̧kuä̧wä̧'i̧nä̧ räopa pä'ü ja̧'a̧.

Filipenses 1:10

Jua'amä̧ adiwäjuei ku̧wo̧juä̧tu̧kua̧ pä'ü. Ja̧'wa̧nü̧ kuätukuttümä̧ Jesucrito ichü mo̧ro̧ päi'omȩnä̧ surojü juikuätukuäkuotüjä̧ ya̧tȩ'i̧nä̧ surojü jȩ'kuȩ'i̧jü̧ päü juiyäkua'anü̧.

Efesios 6:14

Ja̧'wa̧ta̧nü̧ 'kiyünä̧, kuäkätukunä̧mä̧ jueü wȩnȩ'i̧nä̧, adiwomȩnä̧ jȩä̧kuä̧wä̧'i̧nä̧ 'chu̧ä̧rü̧nä̧ 'ka̧tä̧wi̧'ü̧ kka̧kuä̧tu̧kui̧.

Gálatas 6:4

Ya̧ku̧nä̧ jȩpü̧ ku̧ja̧kuä̧tu̧ku̧mä̧, kua̧mü̧nä̧ pa̧ja̧tü̧tä̧ kka̧mü̧nä̧ topäkuäwätukui.

2 Corintios 11:3

Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.

2 Corintios 1:17

¿Ja̧'wa̧nü̧ ja̧'a̧ttü̧, pi̧yȩ jȩcha̧ pä'ü chamükuädomȩnä̧mä̧, adiu amükuädoka'a jȩpä̧ji̧ päkuätukua'a tä̧jí̧? ¿Kkorotü o'katoi'ünä̧ jȩttä̧'i̧jü̧'a̧kuä̧, A̧ pä'ipü̧'ka̧, juȩnȩ o'komȩnä̧, täkü päda pä'ü? ¡Ja̧'wa̧nü̧mä̧kü̧!

1 Corintios 5:8

Ja̧'wa̧nü̧ ja̧'a̧ttü̧ ujutu tiäre pacua pä'käri jȩtä̧tu̧kua̧, surojü levadura pättü kka̧jü̧ jueimä̧ pärokuänä̧, trigo pättü i̧ri̧si̧nä̧mä̧ adiwä juei, jueü jäwänä̧tä̧, isopäi'ünä̧ wȩnȩ kkü̧nä̧tä̧.

1 Corintios 4:4

Jua'akumä̧, ttü suronä̧ jȩchi̧na̧'a̧mä̧, wäitä chieruwuönä̧ jä̧ku̧sä̧, adiu jȩpü̧ pä'ümä̧ pättoka'anä̧. Ja̧'wa̧nü̧ ja̧'a̧nä̧, ji̧nä̧so jȩchü̧ wȩnȩ pä'ümä̧ Dio-tä ja̧'a̧.

Romanos 9:1

Chuyaparewoka'a, Crito-nä̧ isopäi'ünä̧ pä'üsä. Ja̧'wa̧ta̧nü̧ Chamükuädümä̧ Epíritu Sa̧tu̧ juȩpä̧ra̧'a̧ttü̧ pä'üsä:

Santiago 4:6

Ja̧'wa̧nü̧ ja̧'a̧nä̧ Dio-mä̧ rü̧ä̧nä̧ rȩrü̧jü̧nü̧ topü ppä̧dä̧u̧jä̧, ja̧'wa̧ta̧nü̧ wȩyu̧kuä̧ wȩnȩmä̧ pä'a: Dio-mä̧ ttukuo te'äwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä eseunu̧ ppä'ädü.

Tito 2:7

O'kajuiyünä̧, ukutä kua̧mü̧nä̧ pa̧ja̧tü̧ wȩnȩku̧ i̧jȩkui̧ adiwäjueimä̧ pa̧'a̧nü̧ jȩä̧kuä̧wä̧ pä'ü, wo̧juȩtü̧mä̧ adiutä jȩpü̧ kua̧'kua̧pü̧nü̧ kkä̧nü̧ i̧jȩkui̧.

1 Corintios 1:17

Isopäi'ünä̧ Crito-mä̧, bautizo jȩcha̧ pä'ümä̧ weokoku pinü̧sä̧, jua̧u̧ ja̧jü̧jueimä̧ jareü wȩnȩtä̧ jidäwa pä'ü weinä̧ku̧sä̧; jua'a'i̧nä̧ wo̧juä̧wä̧ wȩnȩ kkü̧nä̧mä̧kü̧, Crito ü̧jo̧kä̧ jäinä̧ 'koru juo'ächinü̧, mikuäu toe'ächü juiya pä'ü.

1 Corintios 12:8

Isopäi'ünä̧ Epíritumä̧, yotüterümä̧ iyü wo̧juȩku̧nä̧ ttukuokua pä'ü; ja̧'wa̧ta̧nü̧ jua̧u̧ Epíritu-tä ja̧'a̧ kkorotürü'i̧nä̧, chutä üjü'komȩnä̧ wo̧juä̧wä̧ wȩnȩ iyümä̧.