1 Timoteo 6:4 - Nuevo Testamento Uwotjüja

⁴ Jua̧u̧mä̧ wo̧jua̧sä̧ pä'ü ukuo teäwa'anä̧ yoriso jȩru̧pa̧. Jua̧u̧ru̧ pä'chäkuäwämä̧ mä̧richei jä̧'i̧nü̧'a̧nü̧ wa̧ttü̧mä̧; kkü'käwokü, ra̧wä̧rä̧kuä̧wä̧tä̧, tta̧'kua̧ wȩnä̧rä̧kuä̧wo̧kü̧tä̧ icha'a,

1 Timoteo 6:4 Referans Kwoze

2 Timoteo 2:23

Pä'chäkuäwä ukuru yoriso ppädokumä̧ kuä̧ju̧kuä̧, ja̧'wa̧nü̧ pä'ä'chäkuäwätümä̧ rowäwäkuänä̧tä̧ kä'ädätü.

2 Timoteo 3:4

Ttawaruwärü iyä'chü ttikuäkuotü ja̧'wa̧ta̧nü̧ tta̧mü̧kuädoka'a jȩpü̧, surojümä̧ jo̧mȩnü̧tä̧ ttäkuotü ja̧'wa̧nü̧ jo̧mȩttü̧ Dio-rü ttüsajueimä̧ jitürütä pä̧wä̧rü̧jü̧tä̧ ttusäkuotü.

1 Timoteo 3:6

Ja̧'wa̧nü̧ ja̧'a̧ttü̧ jareünä̧ Dio-rü esetü ikumä̧ ttü̧ja̧rü̧mä̧ juȩpä̧rü̧ juiya'anü̧ ja̧'a̧, ja̧'wa̧nü̧ jü̧ttü̧mä̧ chutä a̧mü̧nä̧ ukuo kku̧nä̧u̧ äwettä ma̧ä̧chi̧no̧mȩ okurära̧'a̧ ma̧ä̧cha̧'a̧ku̧.

Judas 1:10

Ja̧'wa̧nü̧ ja̧'a̧nä̧, juätü ttü̧ja̧mä̧ ttieruwü'i̧nä̧ ja̧'a̧tä̧ suronä̧ ukuokuätü; ja̧'a̧tä̧ de'a isotü 'kua̧rü̧nä̧, wo̧juö̧mä̧ ttu̧wo̧jua̧'a̧nä̧, wo̧juo̧ko̧tü̧, tta̧mü̧nä̧ ttä̧tȩkuä̧tä̧ suronä̧ jȩpä̧kuä̧wä̧tü̧.

2 Pedro 2:12

Pitü ttü̧ja̧mä̧ de'iyü isotü jä̧'i̧nü̧'a̧nü̧ wotü: tta̧mü̧kuädü'i̧nä̧ jui'ätü, ja̧'wa̧ta̧nü̧ uwäpächätü 'chu'ädü kuä'ü ttikuatü pä'ütä. Ttu̧wo̧jui̧pü̧ juiyünä̧ jä̧u̧ suronä̧ ukuokuätü; ja̧'wa̧nü̧ ja̧'a̧nä̧ de'iyü isotü 'korujuottächa'a jä̧'i̧nü̧ta̧'a̧nü̧ 'korujuottächäkuotü,

2 Timoteo 2:14

Kkorotürü amükuädi, ja̧'wa̧ta̧nü̧ Dio ä'ka jo̧mȩttü̧ pä'ä'chäkuäu ttürowäu juiyükua'anü̧ ji'äwitü. Jua̧u̧ pä'chäkuäwämä̧ ya̧tȩrü̧'i̧nä̧ ppädokü, ja̧'wa̧ta̧nü̧ ä̧ju̧kuä̧tu̧rü̧tä̧ surojuoepü.

Judas 1:16

Juätü ttü̧ja̧mä̧ o'kajuiyünä̧tä̧ ttüjü'kü juiyünä̧ jä̧u̧ ukuokuätü. Jitürütä pä̧wä̧rü̧jü̧tä̧ iso juoatü pä'ätü. Ukuo te'äkuäutä ukuokuätü, kkorotü jäwä ttukuokuomȩnä̧mä̧ kkoro ja̧'a̧tȩ'ü̧ ttȩma̧ pä'ütä ukuokuätü.

2 Pedro 2:18

Kkorojueimä̧ pä̧i̧ku̧nä̧ pätta'anä̧ jui'ätü, ja̧'wa̧ta̧nü̧ ji̧yȩnä̧tä̧ juoächäkuäwänä̧, ttü̧ja̧rü̧ pä̧wä̧rü̧jü̧nä̧, suronä̧ jȩttü̧ttü̧ rättopächa pä'ü kka̧kuä̧tü̧rü̧ ttesetipünä̧ jȩpä̧tü̧.

1 Timoteo 1:7

Dio weü wȩnȩ wo̧juȩkuä̧ isotü ttü̧ja̧kua̧ pätta'anä̧, jitütä tta̧mü̧nä̧ ttukuoku'i̧nä̧, ttu̧wo̧juȩtü̧'i̧nä̧ isopäi'ünä̧ jü̧nä̧mä̧ wo̧jui̧'o̧ko̧tü̧.

1 Timoteo 1:4

täbokü wȩnȩ, tä̧do̧tü̧ mi̧nä̧ ttü̧ja̧kui̧nü̧ wȩnȩ'i̧nä̧, yotukunä̧ yapare wȩnȩ ttu̧wo̧juȩtü̧ juiyünä̧ jikuäwäkua'anü̧. Ja̧u̧mä̧ pä'ä'chäkuäu kkä̧kuä̧wä̧ra̧'a̧tä̧ oipü, ja̧'wa̧ta̧nü̧ Dio amükuädinü̧nä̧, tta̧'kua̧ wȩnä̧rü̧ kkä̧kuä̧wä̧ ttu̧wo̧jui̧pa̧ pä'ümä̧ ppädokü.

Santiago 1:19

Chawaruwä chü̧jä̧wa̧tü̧ pi̧yȩ amükuädätukui: o'katoi'ünä̧ kuä̧ju̧kuä̧tu̧kua̧ pä'ümä̧ jo̧mȩnü̧ ku̧ja̧kuä̧tu̧kua̧'anü̧ ja̧'a̧; ja̧'wa̧nü̧ ja̧'a̧nä̧ rü̧ä̧nä̧mä̧ kukuokuätukuä ja̧'wa̧ta̧nü̧ jurunä̧mä̧ ku̧ra̧wä̧ri̧'ä̧tu̧kuä̧.

Tito 3:9

Ja̧'wa̧nü̧ ja̧'a̧nä̧ ja̧'a̧tä̧ ttukuokunä̧mä̧ päkuä'chäkuäwä ja̧'wa̧ta̧nü̧ kuä̧ju̧kuä̧ tä̧do̧tü̧ mi̧nä̧ ttütü'kü ttukuokumä̧ ja̧'wa̧ta̧nü̧ Moisé weäwä wȩnȩ jäwänä̧mä̧. Ja̧u̧mä̧ yoriso ppädokü ja̧'wa̧ta̧nü̧ oipokü.

Hechos 15:2

Ja̧'wa̧nü̧ ji̧yä̧u̧ Pauru-mä̧, Bernawé'i̧nä̧ juätuku rü̧ȩnä̧ pä'ä'kuäwinä̧tü̧ ja̧'wa̧nü̧ jä̧jí̧ o'ka'a Antioquía-ttü igresia tturuwotümä̧, Pauru-rü'i̧nä̧, Bernawérü'i̧nä̧, kkorotürü'i̧nä̧ Jerusarȩ́-ra̧'a̧ tti̧'chi̧ya̧tü̧ pä'ü we'inä̧tü̧; pi̧yȩ tü'kü, jua̧u̧ ütawiyära̧'a̧ttü̧, apótore-ku, igresia-ttü a̧ci̧a̧nu̧ wotüku ttukuokuäja pä'ü.

Apocalipsis 3:17

Ukumä̧ pä'üjä̧: Ttümä̧ ru̧wa̧sä̧, täkü ru̧wa̧ juo'inü̧sä̧, rekuämä̧ rü̧jo̧ko̧ku̧sä̧; päkua'anä̧ usurä i̧sa̧jä̧, ä̧to̧ka̧jä̧, kuä̧ta̧'i̧nä̧ jui̧'a̧jä̧.

2 Tesalonicenses 2:4

Jua̧u̧ ttü̧ja̧sa̧mä̧ o'kajuiyünä̧ Dio jäwämä̧, ja̧'wa̧ta̧nü̧ chutä Dio-ku ji̧nä̧ ji̧yȩtȩ wotürümä̧ to'ija̧'a̧ku̧tä̧ wa̧. Ja̧'wa̧ta̧nü̧ Dio ojusodenä̧ do'ächi'ü chutä uruwo kku̧nä̧u̧ ja̧'wa̧ta̧nü̧ ttütäsä Dio-mä̧ pä'ü ji̧ä̧wä̧kua̧.

Colosenses 2:18

Ja̧'wa̧nü̧ ja̧'a̧ttü̧ adiwä juei kuȩmä̧tu̧kuä̧kuȩ, kuȩmä̧tu̧ku̧ juiyünä̧ jȩtta̧'a̧nä̧ ja̧'a̧tä̧ to'kuätukuä, juätü á̧gȩrȩ-tü̧rü̧ esetü, adiu esetätü 'kua̧rü̧nä̧ jȩpä̧tü̧rü̧mä̧. Visión pättü topätüjä̧ pä'ü ukuo te'äutä suronä̧ jȩpä̧tü̧rü̧mä̧.

Filipenses 2:14

O'kajuiyünä̧ jȩpü̧ kka̧kuä̧tu̧kui̧, ya̧tȩrü̧'i̧nä̧ surojümä̧ kukuokuätukuä, kurowäwätukuoka'atä,

Filipenses 2:3

Ukuo te'äkuäumä̧ jȩ'kuä̧tu̧kuä̧, chukuo chu̧ju̧nä̧ra̧ pä'ümä̧, pärokua'aku ukuo tekuäwoka'a, kkorotürümä̧ ukutu ku̧wä̧mȩnä̧ wotü 'kua̧rü̧nä̧tä̧ topätukui.

Filipenses 1:15

Isopäi'ünä̧ yotukupünä̧mä̧ Crito ütü'kü ji'äwätü, ttürü tta̧mi̧suru topütä, ä'kuoyäutä ja̧'wa̧nü̧ ja̧'a̧nä̧ kkorotümä̧ eseunü̧tä̧ adiu ji'äwätü.

Gálatas 6:3

Ya̧tȩ, uruwo jui̧'a̧ kkä̧nü̧ ukuo teäwomȩnä̧mä̧, a̧mü̧nä̧ pa̧ja̧tü̧tä̧ yaparewäkuäu.

Gálatas 5:26

Ukuo te'äkuäumä̧ türowäu juiyätukua, mi̧kuä̧ri̧yä̧kuä̧u̧ pä'ä'chäkuäumä̧, kkorotü ttu̧ju̧nä̧ra̧'a̧ topümä̧, ttu̧wä̧mȩnä̧ wotüjä̧ pä'ümä̧.

Gálatas 5:15

Ja̧'wa̧nü̧ ja̧'a̧nä̧ yü̧yü̧pä̧kuä̧u̧, kurowäwätukuttümä̧, kua̧mü̧nä̧tä̧ kuä'äkuäu kuikuäkuotüjä̧.

2 Corintios 11:20

Ukutumä̧ ja̧'a̧tä̧ topätüjä̧ esclavo jü̧nä̧ wetta'anä̧'i̧nä̧, kkoro juei 'chottipa'anä̧'i̧nä̧, ttüyaparewa'anä̧'i̧nä̧, ttüjü'koka'anä̧'i̧nä̧, kui'ätukunä̧ kuättaja pä'ü'i̧nä̧.

1 Corintios 11:18

Ä̧kuo̧mȩnä̧mä̧ pä'üsä, ukutu igresia isotü ku̧ka̧ka̧kui̧'ä̧tu̧kuo̧mȩnä̧mä̧, pä'ä'chäkuäu 'kȩkui̧pä̧chä̧tu̧ku̧ ä̧ju̧ku̧; ja̧'wa̧nü̧ jo̧mȩnä̧ ji̧yȩku̧nä̧mä̧ chesetünä̧ ja̧'a̧.

1 Corintios 11:16

Ja̧'wa̧nü̧mä̧ jidäwa'anä̧, yotüte pi̧yȩ pättä'cha pättüttümä̧, ujutumä̧ ja̧'wa̧ta̧nü̧ Dio-rü esetätü'i̧nä̧ kkoromä̧ jerupätüjä̧.

1 Corintios 3:18

Kua̧mü̧nä̧ pa̧ja̧tü̧mä̧ kuyapareäkuäwätukuä: pi̧jä̧nä̧ttü̧ ya̧tȩ wo̧juä̧wä̧ wȩnȩ u̧ju̧nä̧rü̧ttü̧mä̧, wo̧juo̧kü̧ 'kua̧rü̧nä̧ kkä̧wi̧, isopäi'ünä̧ wo̧juä̧wä̧ wȩnȩ ku̧ju̧nä̧rä̧kua̧'a̧nü̧.

1 Corintios 3:3

Jitä'i̧nä̧, kuidepä wea'anä̧tä̧ kka̧kuä̧tü̧jä̧!; ji̧nä̧ ukutunä̧ kka̧'a̧ kuä'kuoyäwätuku, kurowäwätuku'i̧nä̧, päkuä'chäkuäwätuku'i̧nä̧, jü̧nä̧ ja̧'wa̧nü̧ jȩpü̧ pi̧jä̧ jäwänä̧tä̧ kuidepä wea'anä̧ kka̧kuä̧tü̧jä̧.

Romanos 14:1

Tta̧'kua̧ wȩnä̧rä̧kuä̧wä̧ jiyüpätürü dodetta we'ätukui jawätukumä̧ päkuä'chäkuäwätukuä.

Romanos 13:13

Mo̧ro̧ kuettächa'a jä̧'i̧nü̧'a̧nü̧ kuetächätukua, adiwomȩnä̧tä̧ amükuädü. Tu̧kuȩ rü̧ȩnä̧ abo 'kuäo'ünä̧ kuä̧nü̧, tä̧'ä̧mä̧'chü̧mä̧kü̧, nä̧tü̧rü̧ jȩpä̧'chü̧mä̧kü̧, rowäkuäumä̧kü̧, kka̧ra̧ u̧ju̧nä̧rü̧ mȩ'o̧pä̧rü̧mä̧kü̧.

Romanos 12:16

Ji̧nä̧ ji̧yȩtȩnä̧tä̧ amükuädü, rȩrü̧jü̧ topäkuäwätukui suronä̧ 'kuäopomȩnä̧. Ku̧ra̧wä̧rä̧tu̧kuo̧ka̧'a̧, esekuäkuäu kka̧kuä̧tu̧kui̧. Ttümä̧ wo̧jua̧sä̧ päkuä'chätukuoka'a.

Romanos 2:8

Ja̧'wa̧nü̧ ja̧'a̧nä̧ jarodi'ü, tturuwonä̧ ukuo te'äkuäu, jueü wȩnȩ ukuotü jui'ü, suronä̧ jȩä̧kuä̧wä̧tä̧ ukuotätürümä̧ Dio-mä̧ rü̧ȩnä̧ ra̧wä̧rü̧ ro̧ȩpä̧kuä̧u̧.

Hechos 18:15

Ja̧'wa̧nü̧ ja̧'a̧nä̧, ukututä kukuokuätuku jäwä, i̧mi̧pi̧yä̧ jäwä ja̧'wa̧ta̧nü̧ weäwä wȩnȩ jäwä jü̧ttü̧mä̧, ukututä topätukui; Ttümä̧ jua̧u̧ jäwämä̧ weda pä'ümä̧ jui̧'a̧sä̧.

Hechos 8:9

Ja̧'wa̧nü̧ ja̧'a̧nä̧, juȩnȩ Samaria-nä̧ kki̧nü̧, ya̧tȩ Simón pä'ü mi̧kua̧, ukuo i̧sa̧ 'kua̧rü̧nä̧ magia-nä̧ jȩpä̧'chü̧ juȩnȩ ttü̧ja̧rü̧ yaparetä'chä'ijü.