1 Timoteo 6:3 - Nuevo Testamento Uwotjüja

³ Tu̧ru̧wa̧ Jesucrito u̧wo̧juȩti̧nü̧'a̧kuä̧ ja̧'wa̧ta̧nü̧ isopäi'ünä̧ tesetü ttu̧wo̧juȩti̧nü̧'a̧kuä̧ ya̧tȩ kkoromȩnä̧ u̧wo̧juȩtu̧ttü̧mä̧,

TÄ̧DO Ä̧CUÄ̧ I̧HUȨNȨ

^3-4 Ya̧tȩ koro huȩnȩ, adihuä huȩnȩ, Tu̧ru̧hua̧ Jesucristo i̧huȩnȩ, ujutu tu̧huo̧juȩtö̧ huȩnȩttö̧'i̧nä̧ i̧mi̧cu̧nä̧ jiäuttumä, jerupö a'cuoyäunu ji'äu. Rohuä huȩnȩtä̧ ucuocuäcuähuä kö̧'ca̧. Ja̧u̧ huȩnȩttö̧ räopa'a a'cuoyähuäcuähuä'inä, curä huȩnȩ'i̧nä̧, ttahuaruhuärö suronä ucuocuäcuähuä'inä, suronä amöcuädäcuähuä'inä.

1 Timoteo 6:3 Referans Kwoze

1 Timoteo 1:3

Macedonia rȩjȩra̧'a̧ 'chä̧nü̧ kkä̧nü̧ jidäwinü̧ta'anü̧, ukumä̧ Éfeso ütawiyänä̧tä̧ kkä̧wi̧, yapare wȩnȩ ttü̧wo̧juȩta̧'a̧ku̧,

1 Timoteo 1:10

Ja̧'wa̧ta̧nü̧ irekua wokojuku kkirekuo woküku jȩpä̧'chä̧tü̧rü̧'i̧nä̧, u̧mä̧tü̧ ttawaruwä u̧mä̧tu̧ku̧ jȩpä̧'chä̧tü̧rü̧'i̧nä̧, ttü̧ja̧rü̧ nä̧u̧kuä̧rä̧tü̧rü̧'i̧nä̧, yaparewätürü'i̧nä̧, ja̧'wa̧ta̧nü̧ kkorojueinä̧ i̧mi̧nä̧ wȩnȩtü̧ ttesetünä̧ jȩpä̧'chä̧tü̧rü̧'i̧nä̧ ja̧'wa̧ta̧nü̧ adiwäjuei wȩnȩ ttu̧wo̧juȩtü̧ to'ija̧'a̧ku̧ wo̧juȩtä̧tü̧rü̧'i̧nä̧.

Tito 1:9

Isopäi'ünä̧ wȩnȩ ukuru u̧wo̧juȩti̧nü̧'a̧kuä̧ kkä̧wi̧, kkorotürü'i̧nä̧ ja̧u̧ adiwäjuei wȩnȩnä̧ ttesewächi'äkua'anü̧ ja̧'wa̧ta̧nü̧ to'ija̧'a̧ku̧ ukuokuätürü'i̧nä̧ ttesetipünä̧ ji'äwi.

2 Timoteo 4:3

Ja̧'wa̧ta̧nü̧ adiwäjuei wȩnȩ ttä̧ju̧kuo̧mȩnä̧ ttü̧ja̧ tta̧mi̧ 'kittächi'okü mo̧ro̧'i̧nä̧ rȩbȩwä̧kua̧'a̧; tta̧mi̧'kittächi'ajueimä̧ jitürütä pä̧wä̧rü̧ja̧'a̧ku̧, wo̧juȩkuä̧ isotü rekuätürü ttusäkuotü jitütä ttä̧ju̧kua̧ pättütä ttu̧wo̧juȩta̧tü̧ pä'ü.

Romanos 16:17

Ja̧'wa̧ta̧nü̧ chawaruwä chü̧jä̧wa̧tü̧ ukuturu jä'epüsä, ttu̧'ȩpä̧rü̧nü̧ ku̧ja̧kuä̧tu̧kua̧ pä'ü ttü̧ja̧ ttiperekuächünä̧ jȩpä̧tü̧rü̧ ja̧'wa̧ta̧nü̧ kkä̧kuä̧wä̧ ku̧wo̧jui̧'i̧nä̧tu̧ku̧ to'ija̧'a̧ku̧ wo̧juȩtä̧tü̧rü̧. Juätüttümä̧ 'kȩkui̧pä̧chä̧tu̧kua̧ pädäu̧jä̧.

Tito 1:1

Pauru wȩyu̧tu̧ weinü̧, Dio u̧mü̧wä̧ya̧ ja̧'wa̧ta̧nü̧ Jesucrito u̧mü̧wä̧ya̧ apóto jü̧nä̧, chutä weinä̧ku̧ Dio pojopü ȩmi̧nä̧u̧ tta̧'kua̧ wȩnä̧rä̧kuä̧wä̧ tti̧rȩbȩwi̧ya̧rü̧ pä'ü ja̧'wa̧ta̧nü̧ isopäi'ünä̧ wȩnȩ ujutu tesetü jäwä ttu̧wo̧jui̧pi̧ya̧rü̧ pä'ü,

2 Timoteo 1:13

Pi̧yȩ wȩnȩ ttü chu̧wo̧juȩto̧mȩnä̧ ttüttü ku̧wo̧jui̧'i̧nü̧'a̧kuä̧ täi, ja̧'wa̧ta̧nü̧ Jesucrito ppädinü̧ tta̧'kua̧ wȩnä̧rä̧kuä̧wä̧nä̧'i̧nä̧, eseäkuäwänä̧'i̧nä̧ kkä̧wi̧.

1 Timoteo 1:6

Yotukunä̧mä̧ pi̧yȩ wȩnȩttü̧ 'kȩ'i̧pä̧chü̧, mikuäwokünä̧tä̧ pä'ä'chäkuäu to'e'ächinä̧tü̧.

1 Tesalonicenses 4:8

Ja̧'wa̧nü̧ ja̧'a̧ttü̧, pi̧yȩ kkü'kokümä̧, ttü̧ja̧sa̧rü̧mä̧ ya'okuokü; Dio-rütä ya'oku, Epíritu Sa̧tu̧rü̧ iyinü̧rü̧.

San Mateo 28:20

Ja̧'wa̧ta̧nü̧ o'kajuiyünä̧ ukuturu chu̧wo̧juȩti̧nü̧mä̧ ttukuotünä̧ wo̧juȩtä̧tu̧kui̧, ttümä̧, pi̧jä̧ beipächomȩbü päi'ünä̧ 'kuäopünä̧ mo̧ro̧ ji̧nü̧'a̧kuä̧ ukututäku chü̧jä̧kua̧sä̧.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

San Mateo 22:21

Päomȩnä̧, ttädätinä̧ku̧: —Jua̧u̧mä̧ ru̧wa̧ emperador ja̧'a̧. Pä'ü ttädätäku, Jesú-mä̧ päinä̧u̧: —Jua̧u̧nu̧mä̧ ru̧wa̧ emperador jäwämä̧, jua̧u̧ru̧tä̧ iyätukui ja̧'wa̧ta̧nü̧ Dio jäwämä̧, Dio-rütä iyätukui.