1 Timoteo 6:10 - Nuevo Testamento Uwotjüja

¹⁰ Ja̧'wa̧ta̧nü̧ pärätä kkü'kekunä̧ toäkuäwämä̧ surojü kkada'ka ja̧'a̧; kkorotü kka̧kuä̧tü̧ pärätä rü̧ȩnä̧ kku̧nä̧rü̧ Dio-rü unichi'inä̧tü̧, juätümä̧ rü̧ȩnä̧ ubara ttu'u usurä ȩmä̧wä̧tü̧.

TÄ̧DO Ä̧CUÄ̧ I̧HUȨNȨ

¹⁰ Pärätänätä tta̧'cua̧ huȩnä̧rä̧cuä̧huä̧nä̧, ja̧u̧ surojö kada'ca. Korotömä pärätä rö̧ȩnä̧ ttu̧ju̧nä̧ra̧ pä'ö, jaropi'inätö adihuä huȩnȩ. Ja̧'hua̧nö̧ ja̧'a̧ttö̧ rö̧ȩnä̧ ubara ttu'ätö.

1 Timoteo 6:10 Referans Kwoze

1 Timoteo 6:9

Ja̧'wa̧nü̧ ja̧'a̧nä̧ ruwotü juotta pä'ätümä̧ äwettä ma̧ttä̧cha̧ pä'ü jȩpü̧ u̧ju̧no̧mȩ ma̧'ä̧chä̧tü̧, ja̧'wa̧ta̧nü̧ tta̧mü̧kuädoka'a pä̧wä̧rü̧jü̧nä̧ surojuoepä̧u̧mä̧, surojuo'ächü to'epächätü.

Tito 1:11

Juätürümä̧ ttu̧wo̧juȩta̧'a̧nä̧ ja̧'a̧tä̧mä̧ to'kuätukuä; juätümä̧ ttü̧ja̧rü̧mä̧ o'katoi'ünä̧rü̧ jerutu ikutä, ja̧'wa̧ta̧nü̧ pärätä ttȩma̧ pä'ütä jȩpä̧tü̧.

Judas 1:11

¡Juätüwe!, juätümä̧ Caín ji̧nü̧ta'anü̧ jȩpü̧ kka̧kuä̧tü̧. Balaam ji̧nü̧ta̧'a̧nü̧tä̧, pärätä amükuä̧rü̧tä̧ jȩpä̧tü̧. Coré pä'ü mi̧kua̧ ji̧nü̧ta̧'a̧nü̧tä̧, jarode'ü pä̧i̧nä̧tä̧ totte'ächäkuotü.

2 Timoteo 4:10

ja̧'wa̧ta̧nü̧ Dema, pi̧jä̧ jäwä kkü'kekuienä̧ku̧'i̧nä̧ Tesalónica-ra̧'a̧ 'chä̧nü̧ kkatä u̧ju̧ni̧'i̧nä̧ku̧sä̧. Crecente-tä Galacia rȩjȩra̧'a̧ i̧'cha̧'a̧nä̧ Tito-mä̧ Dalmacia-ra̧'a̧ 'chi̧nü̧.

1 Timoteo 3:3

Tä̧'ä̧mä̧'chü̧'i̧nä̧, rowäwä'chü'i̧nä̧ jȩü̧ juiyü'anü̧ ja̧'a̧, ja̧'wa̧nü̧ ja̧jü̧ jueimä̧ re kkä̧kuä̧wä̧ i̧sa̧tä̧, unichä̧rü̧ kkä̧nü̧tä̧ ja̧'wa̧ta̧nü̧ pärätä'i̧nä̧ a̧'kua̧ roeku juiyü'anü̧ ja̧'a̧.

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

Santiago 5:19

Chawaruwä chü̧jä̧wa̧tü̧, ukututtü ya̧tȩ isopäi'ünä̧ wȩnȩttü̧ 'kȩi̧pä̧chü̧rü̧mä̧ ja̧'wa̧ta̧nü̧ kka̧ra̧mä̧ ä'koji jä̧ji̧ta̧'a̧nü̧ ppa̧wä̧chü̧nä̧ jȩä̧ku̧,

1 Timoteo 6:21

Ja̧'wa̧ta̧nü̧ juätü pättü esetü kkorotümä̧ Dio-rü tta̧'kua̧ ttu̧wȩnä̧rä̧'i̧jü̧ttü̧mä̧ 'kȩ'i̧pä̧chi̧nä̧tü̧. Ttümä̧ Dio chutä eseäkuäwä iyätukuaku pä'ütä jä'epüsä.

Apocalipsis 18:13

ja̧'wa̧ta̧nü̧ canela pättüttü'i̧nä̧, rü̧ȩnä̧ a̧mȩu̧ttü̧'i̧nä̧; incienso pättüttü'i̧nä̧, a̧mȩu̧ttü̧'i̧nä̧ ja̧'wa̧ta̧nü̧ resina pättüttü'i̧nä̧; vino-ttü̧'i̧nä̧, a̧dȩ oyattü'i̧nä̧, pan adikuä a̧ppi̧yä̧ttü̧'i̧nä̧ ja̧'wa̧ta̧nü̧ trigo-ttü'i̧nä̧; äjikuäkuäwotüttü'i̧nä̧, oweja-tü̧ttü̧'i̧nä̧, cabayu-tü̧ttü̧'i̧nä̧, karukiyättü'i̧nä̧; usurä ttȩmä̧u̧nä̧ we'äwotüttü'i̧nä̧, juätümä̧ ttü̧ja̧ ja̧'a̧.

San Mateo 6:19

Kuiäretuku rü̧ȩnä̧ mikuäumä̧ pi̧jä̧nä̧mä̧ ku̧ka̧ka̧tä̧tu̧kuä̧, ju̧wi̧tü̧ ttu̧kui̧'ä̧jä̧nä̧mä̧, toe'ächä̧jä̧nä̧mä̧ ja̧'wa̧ta̧nü̧ nä̧u̧kuä̧rä̧tü̧ ttü̧nä̧u̧kuä̧rä̧jä̧nä̧mä̧.

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

San Marcos 4:19

pi̧jä̧ttü̧ tta̧'kua̧ roekuäkuäwänä̧, ruwotü juoäwänä̧, yaparetä̧u̧ o'kajuiyünä̧ ttu̧ju̧nä̧ra̧ pä'ü amükuädäkuäwänä̧. Ja̧'wa̧nü̧ jo̧mȩnä̧ Dio i̧wȩnȩ ttä̧ju̧kuä̧ji̧mä̧ a̧ttä̧di̧'a̧'a̧, u̧wä̧ju̧ wȩjü̧ juiyünä̧tä̧.

Colosenses 3:5

Ja̧'wa̧nü̧ ja̧'a̧ttü̧, pi̧jä̧ jäwä surojü ukutunä̧ kka̧ku̧mä̧ o'kajuiyünä̧ wa'ü ikunä̧ jȩpä̧tu̧kui̧: irekua wokojuku jȩä̧'chä̧kuä̧wä̧'i̧nä̧, surojütä jȩä̧'chä̧kuä̧wä̧'i̧nä̧, kuidepä kkü'keku kkä̧kuä̧wä̧'i̧nä̧, surojütä kkü'käwä'i̧nä̧, o'kajuiyünä̧ obonä̧nü̧ ttu̧ju̧nä̧ra̧ pä'ü tta̧'kua̧ roekuäkuä'i̧nä̧ juiyünä̧ (ttü̧ä̧nä̧wa̧rü̧ ttukuota'a 'kua̧rü̧nä̧mä̧) jȩ'kuä̧.

2 Timoteo 3:2

Ttü̧ja̧mä̧ kkü'kokotü ttäkuotü, pärätätä tta̧'kua̧ rottekuäkuotü̧, tta̧mü̧nä̧ ukuo ttettäkuäwäkuotü ja̧'wa̧ta̧nü̧ kkorotüttü'i̧nä̧ abonä̧nü̧ wotüjä̧ pä'ü, Dio-rü'i̧nä̧ suronä̧ ukuoku, ttä'orü'i̧nä̧ tta̧ju̧ru̧'i̧nä̧ ukuotokotü ttäkuotü, ja̧'wa̧nü̧ jȩpü̧ ttesewoka'a, ttesetinü̧'i̧nä̧ ukuotokotü ttäkuotü.