1 Timoteo 5:8 - Nuevo Testamento Uwotjüja

⁸ Ja̧'wa̧ta̧nü̧ chutä a̧mü̧nä̧ jäwä a̧'kua̧ roekuoka'a, yabonä̧ awaruwärü'i̧nä̧ ppä'ädokümä̧ a̧'kua̧ u̧wȩnä̧rü̧ ä̧ppü̧tä̧rü̧, ja̧'wa̧nü̧ wa̧mä̧ esetokotüttü'i̧nä̧ abonä̧nü̧ wa̧.

TÄ̧DO Ä̧CUÄ̧ I̧HUȨNȨ

⁸ Iso päi'önä ya̧tȩ ahuaruhuärö, chutä ojusodenä ka̧cuä̧tö̧rö̧, tta̧'ä̧ro̧cö̧mä̧, Diosrö ä̧ppö̧tä̧rö̧. Ja̧'hua̧nö̧ jȩpö̧mä̧, korotö Diosrö esetocotöttö'inä abonänö suronä jȩpö̧.

1 Timoteo 5:8 Referans Kwoze

Gálatas 6:10

Ja̧'wa̧nü̧ ja̧'a̧ttü̧, o'katoi'ünä̧rü̧ adiu jȩtü̧'a̧nü̧ jü̧ttü̧mä̧, adiu jȩta̧ pä'ü ja̧'a̧, ja̧'wa̧nü̧ ja̧'a̧nä̧ ji̧nä̧somä̧ tawaruwä ti̧jä̧wa̧tü̧ Crito esetärütä.

2 Corintios 12:14

Täkü jo̧mȩnü̧ wa̧sä̧, wäbodäkuä päi'ünä̧ ukuturu do'ächü chichäkua'amä̧; jitä'i̧nä̧ ukuturu jä̧'ȩpä̧ro̧kü̧ chä̧kua̧sä̧. Ukutu ku̧ju̧nä̧rä̧tu̧ku̧ jädepa pä'ümä̧ usoküsä, ji̧nä̧somä̧ ukuturu ususä; isopäi'ünä̧ ttä̧'o̧tü̧tä̧ ja̧'a̧ tti̧tti̧mü̧ ttiäre pärätä ka̧ka̧tä̧tü̧mä̧, pärokua'aku tti̧tti̧mü̧mä̧, ttä̧'o̧tü̧ ttiäremä̧ ka̧ka̧to̧ko̧tü̧.

Tito 1:16

Juätümä̧ Dio-rümä̧ wo̧juä̧tü̧mä̧ pä'ätü, ja̧'wa̧nü̧ ja̧'a̧nä̧ suronä̧ jȩtta̧'a̧ topü isopäi'ünä̧ jo̧ka̧'a̧ pä'ü wo̧juä̧tü̧jä̧; juätümä̧ kkü'kokotü, ja̧'wa̧ta̧nü̧ ttukuotokomȩttü̧ kkorojuei adiwäjueimä̧ jȩpo̧ko̧tü̧.

San Mateo 7:11

Ukutumä̧ suropätü kuätukua'anä̧, kui̧tti̧mü̧tu̧ku̧ru̧mä̧ adiwäjueitätä iyäwä wo̧juä̧tü̧jä̧, ¡Jua̧u̧ttü̧'i̧nä̧ yabonä̧ Kuä'otuku mo̧ro̧jä̧nä̧ kkü̧mä̧ jä'epätürümä̧ adiwäjuei i̧yä̧kua̧!

2 Timoteo 3:5

Dio-rü repe'ätüjä̧, ja̧'wa̧ta̧nü̧ ukuotätüjä̧ pätta'anä̧ jȩpü̧ ttü̧ja̧ku̧ttü̧ isopäi'ünä̧ ttesetü jäwä ujurumä̧ ttä̧ppu̧tä̧rä̧kuo̧tü̧. Ttü̧ja̧ ja̧'wa̧nü̧ wotü tta̧wa̧ru̧wa̧ jü̧nä̧mä̧ juokuächä.

Apocalipsis 3:8

Kuaditümä̧ o'kajuiyünä̧ wo̧jua̧sä̧; topi, kuä'kajo̧mȩ äpate ba'epü kku̧nu̧sä̧, ya̧tȩ'i̧nä̧ mü̧'ȩpü̧ juiyünä̧ jate; ja̧'wa̧ta̧nü̧ kujurumä̧ a̧'u̧ku̧nä̧tä̧ ku̧ju̧nä̧ra̧'a̧nä̧, ttü chi̧wȩnȩnä̧ ukuotü, chi̧mi̧mä̧ ä̧ppü̧tä̧ro̧kü̧ pä'ijüjä̧.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

2 Pedro 2:1

Ja̧'wa̧ta̧nü̧ Irae ttü̧ja̧ ttü̧'kä̧tȩnä̧mä̧ isopäi'ünä̧ jä̧'i̧nü̧'a̧nü̧ wotü profeta-tü̧ kka̧kui̧nä̧tü̧; ja̧'wa̧nü̧ ji̧nü̧ta'anü̧ ukutu ku̧'kȩtȩtu̧ku̧nä̧mä̧ isopäi'ünä̧ jä̧'i̧nü̧'a̧nü̧ wo̧juȩkuä̧ isotümä̧ ttü̧ja̧kuä̧kuo̧tü̧. Juätümä̧ suronä̧ tta̧mü̧kuädümä̧ dajiku ttu̧wo̧juȩtä̧kuo̧tü̧, chutä tu̧ru̧wa̧ surojüttü rä'epü ikuinü̧rü̧'i̧nä̧ tä̧ppü̧tä̧rä̧kuo̧tü̧; ja̧'wa̧nü̧ ja̧'a̧ttü̧ juätümä̧ tta̧ttä̧ro̧kü̧ jä̧ji̧ ro̧ȩkuä̧ra̧'a̧ ȩpä̧kuo̧tü̧.

San Juan 15:22

Ttü ji'äu chichü juiyinü̧ttü̧mä̧, surojü jȩttü̧mä̧ wȩjo̧ko̧u̧ pa̧ja̧tü̧. Ja̧'wa̧nü̧ ja̧'a̧nä̧, jitä suronä̧ jȩttä̧'i̧jü̧ jȩpo̧ko̧tü̧jä̧ pätta pä'ümä̧ jui'ätü.

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.

2 Corintios 6:15

Ja̧'wa̧ta̧nü̧ Crito-mä̧, äwettä-kumä̧ ji̧nä̧ ji̧yȩtȩmä̧ wokotü, ja̧'wa̧nü̧ jü̧ta̧'a̧nü̧ Jesucrito-rü esetümä̧, esetokükumä̧ ji̧nä̧ ji̧yȩtȩmä̧ wokotü.

San Mateo 18:17

Ja̧'wa̧nü̧ jȩ'kuo̧mȩnä̧'i̧nä̧ esetü juiyüttümä̧, igresia-rü ji'äwi; ji̧nä̧ juätürü'i̧nä̧ esetü juiyüttümä̧ Dio-rü esetokotü jü̧nä̧tä̧, Roma impuesto pättü ka̧ka̧kuä̧ isotü jä̧'i̧jü̧'a̧nü̧tä̧ topätukuirü.

1 Corintios 6:6

¡Suro Dio-rü esetinä̧tü̧tä̧mä̧ rowäkuäwokotüjä̧, Dio-rü esetokotü wȩnȩ aditü ikuäwä isotü ttä'kattü'i̧nä̧ rowäkuäu 'chä̧tü̧jä̧!

2 Timoteo 2:12

Usurä tȩmä̧u̧ ta̧mi̧ 'kitächi'üttümä̧, ujutu'i̧nä̧ chutäku ruwo wetäkuotü̧jä̧; Täppü̧tä̧rü̧ttü̧mä̧, chutä'i̧nä̧ ji̧yȩta̧'a̧kuä̧ ä̧ppü̧tä̧rä̧kuä̧u̧jä̧;