1 Timoteo 5:5 - Nuevo Testamento Uwotjüja

⁵ Isopäi'ünä̧ rekua, kkatätä kki̧'ä̧ju̧mä̧, Dio-rü tta̧'a̧rü̧ kkä̧nü̧ mo̧ro̧'i̧nä̧ yodo'i̧nä̧ käjädioka'a jua̧u̧ru̧mä̧ ajuäwinü̧ ukuoku jä'epäju.

TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ yajute recua ki̧tti̧mö̧'i̧nä̧, kö̧nä̧mö̧'i̧nä̧ to'ajumä, Diosrötä adiu esetö tta̧'ä̧rä̧ju̧. Jahuäjumä mo̧ro̧'i̧nä̧, yodo'inä ucuocuäju Diosrö.

1 Timoteo 5:5 Referans Kwoze

1 Timoteo 5:3

Rȩkua̧mü̧, isopäi'ünä̧ rekuä rü̧jä̧u̧ru̧mä̧ ppä'ädätukui.

San Lucas 2:37

Ochenta y cuatro año-nü̧ jo̧mȩnä̧ 'kuäopina̧'a̧ ji̧na̧'a̧, rekua juojina̧'a̧ttü̧mä̧. Juajumä̧, Dio-rü ukuokuäkuäwodettümä̧, räjopoka'atä mo̧ro̧'i̧nä̧, yodo'i̧nä̧ Dio-rü ukuoku kki̧nä̧ju̧, ayuno'i̧nä̧ jȩpü̧nü̧.

1 Pedro 3:5

Ja̧'wa̧ta̧nü̧ pi̧yȩ'i̧nä̧ ji̧na̧'a̧, Tä̧mi̧nä̧ jȩtti̧nü̧mä̧, nä̧tü̧ surojü jui'ätü ttadikui'inü̧mä̧; juätü Dio-rü tta̧'kua̧ wȩnä̧rä̧tü̧mä̧ tti̧rȩkuo̧mü̧rü̧'i̧nä̧ ukuotinä̧tü̧.

1 Timoteo 5:16

Yajute kkawaruwaju rekua juo'inä̧ju̧ Dio-rü esetäjuru kku̧nä̧rä̧ju̧mä̧, ppäjädü'a̧nü̧ ja̧'a̧; Dio-rü esetätürü a̧mä̧kü̧ juiyäkua'anü̧, isopäi'ünä̧ rȩkua̧mü̧rü̧ ja̧'wa̧nü̧tä̧ ppä'ädätü to'ätürütä ppättädäkua'anü.

1 Corintios 7:32

Ttümä̧ kua̧'kua̧ roekuäkuäwä juiyünä̧ ku̧jä̧tu̧kua̧ pä'üsä. Irekua to̧'a̧mä̧ Tu̧ru̧wa̧ jäwätä a̧'kua̧ ro'eku, jua̧u̧ esewomȩnä̧ ü̧ja̧ pä'ü.

San Lucas 18:1

Jesú-mä̧ 'kuättächi'oka'a 'kuäopünä̧tä̧ Dio-rü ttukuokua pä'ümä̧ ji̧yȩtȩnä̧ wȩnȩtü̧ jiäwinä̧u̧.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

San Lucas 18:7

Ja̧'wa̧nü̧ wokü'i̧nä̧ jȩi̧na̧'a̧mä̧, ¿Dio ȩmi̧nä̧u̧ru̧mä̧, mo̧ro̧'i̧nä̧, yodo'i̧nä̧ jä̧'ȩpä̧tü̧rü̧mä̧ ppä'ädokü jä̧kua̧? ¿rekuo tta̧ttä̧rü̧nä̧ jȩä̧kua̧'a̧ ja̧'a̧?

1 Corintios 7:34

Ja̧'wa̧nü̧ jü̧ta̧'a̧nü̧ ja̧'a̧, nä̧tü̧ ttirekuorü kka̧kuä̧tü̧'i̧nä̧, ttirekuorü ȩmo̧ko̧tü̧'i̧nä̧ jü̧nä̧. Kkirekuo to'aju mü̧ä̧yajumä̧, Tu̧ru̧wa̧ jäwätä kka̧'kua̧ ro'ekuäju, kka̧mü̧nä̧ kkidepä adiu tta̧'a̧rä̧kuä̧u̧nü̧'i̧nä̧ ja̧'wa̧ta̧nü̧ epíritu jäwänä̧'i̧nä̧, jü̧nä̧; ja̧'wa̧nü̧ ja̧'a̧nä̧, kkirekuorü kkä̧ju̧mä̧, pi̧jä̧ jäwätä kka̧'kua̧ ro'ekuäju, kkirekuo esewomȩnä̧ jȩja̧ pä'ütä.

Romanos 1:12

jua̧u̧ pädümä̧ ppä'ädäkuäu eseäkuäu tujuru tȩma̧ pä'üsä, ta̧'kua̧ tu̧wȩnä̧rü̧nä̧, ukutu'i̧nä̧ ttü'i̧nä̧ ji̧nä̧ ji̧yȩtȩ jäwä ja̧'a̧ttü̧.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

Hechos 26:7

Ujutu tü̧tä̧mü̧mi̧nä̧ttü̧ doce-nü̧ wotü judío-mä̧, juätürü iya päinü̧ tta̧'ä̧rü̧mä̧ Dio ü̧rü̧ä̧ eseäkuäwätü, mo̧ro̧'i̧nä̧, yodo'i̧nä̧, jü̧nä̧. Ja̧'wa̧nü̧ jȩcho̧mȩttü̧ judío-mä̧ kuä'ü ttikuattü pättäkusä, ru̧wa̧ rey Agripa.

Hechos 6:1

Ji̧yȩnü̧ pä̧nä̧ Jesucrito-rü esetätü ttirekuächomȩnä̧, judío ja̧'a̧nä̧ Grecia ttü̧ja̧ tti̧wȩnȩ ukuokuätuku, ja̧'wa̧ta̧nü̧ judío ja̧'a̧nä̧ arameo ukuokuätürü, wopäkuäwinä̧tü̧ rȩkua̧mü̧rü̧ adiu ttu̧kuȩ iyokotü pä'ü.

Hechos 9:39

Ja̧'wa̧nü̧ jittäwo'ächäku, Peduru-mä̧ 'chä̧ji̧'ka̧ ttü̧tä̧ro̧ka̧nä̧ doächi'omȩnä̧; rü̧ȩnä̧ rȩkua̧mü̧mä̧, Dorca ji̧nä̧ kka̧'kua̧rä̧i̧ kkiyä'chinü̧, pü̧jä̧ti̧yu̧ i̧jȩpä̧rü̧ ajuäkuäwinä̧tü̧.

Hechos 9:41

Ja̧'wa̧nü̧ ja̧'a̧ kku̧mü̧ttü̧ 'chu'ädü äräbe'äji̧'ka̧; Crito-rü esetätürü'i̧nä̧, rȩkua̧mü̧rü̧'i̧nä̧ wopo'ü a̧'kua̧räju̧ru̧tä̧ iyinä̧u̧.

Filipenses 4:6

Kkorojueinä̧mä̧ kua̧'kua̧ rokuekuätukuä, ja̧'wa̧nü̧ ja̧jü̧ jueimä̧, ukuturu rekuä rü̧jü̧mä̧ Dio u̧wo̧juö̧nä̧tä̧ ji'äwätukuirü; churutä esewuönü̧.

1 Timoteo 2:1

Kkorottü abonä̧nü̧ ä̧kuo̧mȩnä̧mä̧, rekuä rü̧jü̧ jä'epätukui, Juȩnȩ o'komenä̧tä̧ pi̧jä̧ ttü̧ja̧ o'katoi'ünä̧rü̧ ppädäji eseu ukuokuätukuirü.

2 Timoteo 1:3

Mo̧ro̧'i̧nä̧, yodo'i̧nä̧ Dio-rü chukuokuomȩnä̧ ukuru amükuädü, Dio-rümä̧ eseusä, chä̧do̧tü̧ mi̧nä̧'i̧nä̧ aditäwänä̧ ppättädinä̧ku̧ru̧ ttü'i̧nä̧ aditäwänä̧ suronä̧ chamükuädoka'a ppä̧dä̧dä̧rä̧ku̧ru̧mä̧.