1 Timoteo 5:2 - Nuevo Testamento Uwotjüja

² Ja̧'wa̧ta̧nü̧ nä̧tü̧ büäkuächätürümä̧, kua̧mü̧nä̧ kua̧ju̧ 'kua̧rü̧nä̧tä̧ ukuokuitü; nä̧tü̧ müäyotürütä kui̧jä̧woju̧tü̧ 'kua̧rü̧nä̧ ttu̧ȩkuä̧nä̧ surojü amükuädäkuäwä juiyünä̧ ukuokuitü.

TÄ̧DO Ä̧CUÄ̧ I̧HUȨNȨ

² Nä̧tö̧ böäcuächätörö'inä ucuocu ji'ähui, ucuhuätä cuamönä cua̧ju̧ a̧'cua̧rö̧nä̧. Ja̧'hua̧ta̧nö̧ nä̧tö̧ möäyotörö ucuocu ji'ähui, ucuhuätä cuamönä cu̧jä̧hua̧tö̧ a̧'cua̧rö̧nä̧ suronä amöcuädäcuähuä juiyönä.

1 Timoteo 5:2 Referans Kwoze

1 Timoteo 4:12

Ya̧tȩ'i̧nä̧ mü̧ä̧ya̧ pä'ü kkü'kü jui'ü pättä'cha'anä̧mä̧ kuiyäwä; ja̧'wa̧nü̧ ja̧jü̧ jueimä̧ kukuokunä̧'i̧nä̧, jȩpü̧ku̧ju̧nä̧'i̧nä̧, eseu repekunä̧'i̧nä̧, kua̧'kua̧rü̧nä̧'i̧nä̧, kua̧'kua̧ ku̧wȩnä̧rü̧nä̧'i̧nä̧, ja̧'wa̧ta̧nü̧ surojü juiyünä̧tä̧ ku̧ju̧ta̧'a̧nü̧ Crito-rü esetätümä̧ jȩpü̧ ttü̧jä̧kua̧'a̧nü̧ jȩpü̧ kkä̧wi̧.

San Mateo 12:50

Isopäi'ünä̧ Chä'o mo̧ro̧jä̧nä̧ kkü̧ üjü'komȩnä̧ jȩpä̧ju̧tä̧ ja̧'a̧ cha̧ju̧ wajumä̧, chijäwaju wajumä̧ ja̧'wa̧ta̧nü̧ chi̧jä̧wa̧ wa̧mä̧.

Filipenses 4:8

Chawaruwä chi̧jä̧wa̧tü̧ amükuädätukui jueü wȩnȩnä̧tä̧, yapareäkuäwokünä̧tä̧, adiwomȩnä̧ jȩä̧kuä̧wä̧nä̧tä̧, surojü juiyünä̧ jȩä̧kuä̧wä̧nä̧tä̧, eseu ppädäkuäwänä̧tä̧, adiu ukuowunä̧tä̧. O'kajuiyünä̧ adiwäjuei oäwänänä̧tä̧ amükuädü jȩpä̧tu̧kui̧, üadiwä eseäkuäu ttü̧ja̧'a̧nü̧ jü̧nä̧tä̧.

1 Timoteo 5:3

Rȩkua̧mü̧, isopäi'ünä̧ rekuä rü̧jä̧u̧ru̧mä̧ ppä'ädätukui.

2 Timoteo 2:22

Ja̧'wa̧ta̧nü̧ mü̧ä̧yotü ttidepä kkü'kekuttümä̧ tü'ipächi, tü'ipächümä̧ adiu jȩä̧kuä̧wä̧tä̧, tta̧'kua̧ wȩnä̧rä̧kuä̧wä̧tä̧, eseäkuäwätä ja̧'wa̧ta̧nü̧ unichä̧rü̧ kkä̧kuä̧wä̧tä̧ usí, tta̧mi̧so'ki teünä̧ kka̧kuä̧tü̧, ttu̧ru̧wa̧rü̧ ppädatü pä'ü jä'epätuku yo̧mȩtȩnä̧.

1 Tesalonicenses 5:22

Surojümä̧ o'kajuiyütä mȩkuä̧tu̧kuä̧.

1 Timoteo 5:1

Bü̧o̧sa̧rü̧mä̧ ra̧wä̧rü̧nä̧nü̧mä̧ kukuokuä; ja̧'wa̧nü̧ ja̧jü̧jueimä̧ kua̧mü̧nä̧ kuä'o 'kua̧rü̧nä̧ ttu̧ȩkuä̧nä̧ ro̧'ȩpi̧rü̧; ja̧'wa̧ta̧nü̧ u̧mä̧tü̧ müäyotürümä̧ ku̧bü̧o̧tü̧ 'kua̧rü̧nä̧ ukuokuitü.