1 Timoteo 4:7 - Nuevo Testamento Uwotjüja

⁷ Ja̧'wa̧nü̧ ja̧'a̧nä̧ täbokü jäwä, Dio-rü esetokotü, tta̧mü̧kuädü jui'ätü jittäumä̧ kuesetä. Ja̧u̧ ja̧jü̧jueimä̧, rȩrü̧jü̧ toäkuäwänä̧ yaboku juruwächi'i;

TÄ̧DO Ä̧CUÄ̧ I̧HUȨNȨ

⁷ Ja̧'hua̧nö̧ ja̧'a̧nä̧ täbo huȩnȩ, amönä ttucuocu huȩnȩ, cuamöcuädä'. Dios i̧huȩnȩtä̧ amöcuädö kä̧hui̧.

1 Timoteo 4:7 Referans Kwoze

1 Timoteo 1:4

täbokü wȩnȩ, tä̧do̧tü̧ mi̧nä̧ ttü̧ja̧kui̧nü̧ wȩnȩ'i̧nä̧, yotukunä̧ yapare wȩnȩ ttu̧wo̧juȩtü̧ juiyünä̧ jikuäwäkua'anü̧. Ja̧u̧mä̧ pä'ä'chäkuäu kkä̧kuä̧wä̧ra̧'a̧tä̧ oipü, ja̧'wa̧ta̧nü̧ Dio amükuädinü̧nä̧, tta̧'kua̧ wȩnä̧rü̧ kkä̧kuä̧wä̧ ttu̧wo̧jui̧pa̧ pä'ümä̧ ppädokü.

2 Timoteo 2:16

Dio-rü esetokotü pättä'chäkuäumä̧ kuä̧ju̧kuä̧, jua̧u̧mä̧ ukurumä̧ yoriso ppädokü. Ja̧'wa̧nü̧ pä'ä'chäkuäwätümä̧ yabokutä surojuo'ächätü.

Tito 2:12

Ja̧'wa̧ta̧nü̧ Dio-mä̧ ro̧ȩkuä̧ ukuturu pätetü kku̧nä̧wä̧ttü̧ ku̧ji̧pä̧tu̧ku̧nä̧ ppädinä̧u̧jä̧, Dio ujuturu eseunu̧ toümä̧ wo̧juȩta̧'a̧ ujutu suronä̧ jȩtä̧i̧jü̧ kätädächa pä'ü. Pi̧jä̧ jäwä surojü kkü'kekunä̧ totü juiya pä'ü. Kkoro'i̧nä̧ wo̧juȩta̧'a̧, pi̧jä̧nä̧ tü̧jä̧i̧mä̧ Dio ä'ka jo̧mȩttü̧mä̧ adiu jȩpü̧ tü̧ja̧ pä'ü, ja̧'wa̧ta̧nü̧ o'kajuiyünä̧ jȩtü̧mä̧ adiu tamükuäda pä'ü.

Tito 3:9

Ja̧'wa̧nü̧ ja̧'a̧nä̧ ja̧'a̧tä̧ ttukuokunä̧mä̧ päkuä'chäkuäwä ja̧'wa̧ta̧nü̧ kuä̧ju̧kuä̧ tä̧do̧tü̧ mi̧nä̧ ttütü'kü ttukuokumä̧ ja̧'wa̧ta̧nü̧ Moisé weäwä wȩnȩ jäwänä̧mä̧. Ja̧u̧mä̧ yoriso ppädokü ja̧'wa̧ta̧nü̧ oipokü.

Hebreos 5:14

Ja̧'wa̧nü̧ ja̧'a̧nä̧ ttu̧kuȩ 'kiyümä̧, tä̧mü̧ juo'inä̧tü̧ ttu̧kuȩ ja̧'a̧, adiu'i̧nä̧, surojü'i̧nä̧ pojokunä̧ amükuädätü.

2 Timoteo 2:23

Pä'chäkuäwä ukuru yoriso ppädokumä̧ kuä̧ju̧kuä̧, ja̧'wa̧nü̧ pä'ä'chäkuäwätümä̧ rowäwäkuänä̧tä̧ kä'ädätü.

2 Timoteo 4:4

Ttü̧ja̧mä̧ isopäi'ünä̧ wȩnȩmä̧ ä̧ju̧kuo̧ko̧tü̧ ttäkuotü, ttä̧ju̧kua̧jueimä̧ o'kajuiyünä̧ täbokü wȩnȩtä̧ adiu ttu̧'ȩpä̧rü̧nü̧ ttä̧ju̧kuä̧kuo̧tü̧.

1 Timoteo 6:11

Ja̧'wa̧nü̧ ja̧'a̧nä̧ uku Dio u̧mü̧wä̧ya̧mä̧, o'kajuiyünä̧ pi̧yȩ surojüttü̧mä̧ 'kȩ'i̧pä̧chi̧, 'kȩ'i̧pä̧chü̧mä̧ adiu jȩä̧kuä̧wä̧tä̧, rȩrü̧jü̧ toäkuäwänä̧tä̧, tta̧'kua̧ wȩnä̧rä̧kuä̧wä̧nä̧tä̧, eseu repeäkuäwänä̧tä̧, usurä ttȩmä̧wo̧mȩnä̧ tta̧mi̧ 'kiächi'äkuä̧wä̧nä̧tä̧ ja̧'wa̧ta̧nü̧ kkorotürü'i̧nä̧ kua̧mi̧so'kittü rȩrü̧jü̧ toäkuäwänä̧tä̧ täi.

Hechos 24:16

Ja̧'wa̧nü̧ ja̧'a̧ttü̧, Dio ä'ka jo̧mȩttü̧'i̧nä̧, ttü̧ja̧ ttä'ka jo̧mȩttü̧'i̧nä̧ 'kuäopünä̧tä̧, chunä̧ surojü chȩnä̧ra̧mä̧ pä'oküsä.

1 Timoteo 6:20

Timoteo, ¡kuaditäwämä̧ adiwomȩnä̧ aditi! Jesucrito-rü esetokotü tu̧wo̧juȩtä̧'i̧jü̧ pä'ä'chätürümä̧ ja̧'wa̧ta̧nü̧ isopäi'ünä̧ wȩnȩ ttu̧ju̧nä̧ra̧ pä'ü yapareu ji'äwätürümä̧ kuä̧ju̧kuä̧;

Tito 1:14

Ja̧'wa̧ta̧nü̧ ppä'ädätukuitü judío kkä'äbe'ü jittäu ttesetü juiyäkua'anü̧ ja̧'wa̧ta̧nü̧ yapare ttü̧ja̧ weäwä wȩnȩ jittäu ttä̧ju̧ku̧ juiyäkua'anü̧.

2 Timoteo 3:12

Isopäi'ünä̧ ja̧'a̧, o'katoi'ünä̧ Jesucrito-rü ukuotü ttü̧ja̧kua̧ pä̧wä̧rü̧jä̧u̧mä̧ kuäkuättä̧u̧ usurä ttȩmä̧wä̧kuo̧tü̧;

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

1 Timoteo 2:10

adiwomȩnä̧ tta̧di̧kuä̧rü̧mä̧ kkorotürü äräbe'ünä̧, nä̧tü̧ Dio-rü ttukuota pä'ätü ttü̧ja̧ku̧ta̧'a̧nü̧ pätekuächäkua'a.

1 Timoteo 1:9

Weäwä wȩnȩmä̧ ji̧yȩtȩ'i̧nä̧ adiu jȩpä̧tü̧rü̧mä̧ iyäwoka'a pä'ü ttamükuäda pä'ü ja̧'a̧. Ja̧'wa̧nü̧ ja̧ju̧ jueimä̧ pä̧i̧kuä̧tu̧rü̧tä̧, ukuotokotürütä, suropätürütä ja̧'wa̧ta̧nü̧ surojü jȩpä̧tü̧rü̧tä̧, Dio-rü'i̧nä̧, ttesetü'i̧nä̧ ukuotokotürütä, ttä'orü ja̧ pä'ü'i̧nä̧, tta̧ju̧ru̧ ja̧ pä'ü'i̧nä̧ kuä'ü ikuätürütä, ttü̧ja̧rü̧ kuäwä isotürümä̧ o'katoi'ünä̧rü̧tä̧ iyäwä ja̧'a̧.

1 Timoteo 4:8

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

1 Timoteo 6:3

Tu̧ru̧wa̧ Jesucrito u̧wo̧juȩti̧nü̧'a̧kuä̧ ja̧'wa̧ta̧nü̧ isopäi'ünä̧ tesetü ttu̧wo̧juȩti̧nü̧'a̧kuä̧ ya̧tȩ kkoromȩnä̧ u̧wo̧juȩtu̧ttü̧mä̧,

1 Timoteo 6:5

ja̧'wa̧ta̧nü̧ tta̧mü̧kuädü jui'ätuku, isopäi'ünä̧ wȩnȩ'i̧nä̧ jerupätuku, ja̧'wa̧ta̧nü̧ Dio-rü esetäkuäwämä̧ pärätä rü̧ȩnä̧ ȩmä̧wä̧ pä'ü amükuädü 'kuäopünä̧ rowäwätü, juätüttümä̧ 'kȩ'i̧pä̧chi̧.

2 Timoteo 3:5

Dio-rü repe'ätüjä̧, ja̧'wa̧ta̧nü̧ ukuotätüjä̧ pätta'anä̧ jȩpü̧ ttü̧ja̧ku̧ttü̧ isopäi'ünä̧ ttesetü jäwä ujurumä̧ ttä̧ppu̧tä̧rä̧kuo̧tü̧. Ttü̧ja̧ ja̧'wa̧nü̧ wotü tta̧wa̧ru̧wa̧ jü̧nä̧mä̧ juokuächä.