1 Timoteo 3:8 - Nuevo Testamento Uwotjüja

⁸ Ja̧'wa̧ta̧nü̧, Diákunu̧ wotümä̧ ttukuotä̧u̧tä̧ ja̧'a̧, pättümä̧ isopäi'ünä̧tä̧ ukuokuätü, tä̧'ä̧mä̧'cho̧ko̧tü̧, pärätä ttȩma̧ pä'ü'i̧nä̧ tta̧'kua̧ ro'ekuokotü.

TÄ̧DO Ä̧CUÄ̧ I̧HUȨNȨ

⁸ Ja̧'hua̧ta̧nö̧ diáconos huotörö'inä ttucuotäcua'a̧nö̧. Yapareu ucuocuocotö. Jahuätömä tä̧'ä̧mo̧co̧tö̧. Jahuätömä pärätä rö̧ȩnä̧ amöcuädö ko̧co̧tö̧.

1 Timoteo 3:8 Referans Kwoze

Filipenses 1:1

Chawaruwä chi̧jä̧wa̧tü̧, Filipo ütawiyänä̧ kka̧kuä̧tü̧rü̧, diákunu̧ wotürü'i̧nä̧, Pató-tü̧ wotürü'i̧nä̧, te'äwätüjä̧, ujutu Jesucrito umüwäyotü päi'ünä̧ wotü Pauru'i̧nä̧, Timoteo'i̧nä̧ Jü̧nä̧.

Tito 2:3

Ja̧'wa̧ta̧nü̧ nä̧tü̧ büäkuächätü'i̧nä̧ ji'äwi ukuotünü̧ ttü̧ja̧kua̧ suräjuei wȩnȩ ttukuoku, ja̧'wa̧ta̧nü̧ tä̧ttä̧mä̧'chü̧. Adiwäjuei wo̧juȩkuä̧ isotü jü̧nä̧tä̧ ttü̧ja̧kua̧

1 Timoteo 5:23

Kuakuä 'kuäopünä̧tä̧ nä̧wä̧cha̧'a̧ttü̧ täkü ajiya päkuoyatämä̧ kuawä, vino isoya ji̧'ki̧cha̧nü̧ ppä'ädütä awi.

1 Timoteo 3:3

Tä̧'ä̧mä̧'chü̧'i̧nä̧, rowäwä'chü'i̧nä̧ jȩü̧ juiyü'anü̧ ja̧'a̧, ja̧'wa̧nü̧ ja̧jü̧ jueimä̧ re kkä̧kuä̧wä̧ i̧sa̧tä̧, unichä̧rü̧ kkä̧nü̧tä̧ ja̧'wa̧ta̧nü̧ pärätä'i̧nä̧ a̧'kua̧ roeku juiyü'anü̧ ja̧'a̧.

Santiago 3:10

Tättütämä̧ eseu ppädäkuäwä'i̧nä̧, surojuo'epü ukuokuäkuä'i̧nä̧ räopa'a. Chawaruwä chü̧jä̧wa̧tü̧, ja̧'wa̧nü̧ ja̧ pä'ümä̧ jo̧ka̧'a̧.

Tito 1:7

Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

1 Timoteo 3:12

Ya̧tȩ Diákunu̧mä̧ irekuarümä̧ yajuterutä ü̧ja̧ pä'ü ja̧'a̧, ja̧'wa̧ta̧nü̧ i̧tti̧mü̧rü̧'i̧nä̧, chutä a̧mü̧nä̧ ojusode'i̧nä̧ weäwä wo̧jua̧.

1 Pedro 5:2

Dio ä̧ji̧mü̧ oweja-tü̧ iyinä̧u̧ru̧mä̧ adiu Dio-rü pä̧wä̧rü̧ja̧'a̧ku̧ tta̧'a̧rä̧tu̧kui̧, kujurutukumä̧kü̧, pärätänä̧mä̧kü̧, ja̧'wa̧nü̧ ja̧jü̧ jueimä̧ adiu eseunü̧tä̧.

Romanos 3:13

Tta̧kuä̧'ka̧ra̧na̧mä̧ wa'are reju bawekua'a jü̧nä̧ wotü; tti̧nȩnä̧mä̧ yapareutä ukuokuätü, tti̧nȩ dȩa̧'a̧mä̧ ä̧ka̧ u̧mä̧nȩwäjatä kku̧nä̧rä̧tü̧;

1 Timoteo 3:2

Ja̧'wa̧nü̧ ja̧'a̧ttü̧, pi̧yȩ aditäwä kku̧nä̧rü̧mä̧, surojü jȩpä̧'i̧jü̧ jü̧nä̧mä̧ pä'äwokü ja̧'a̧. Irekuarümä̧ yajuterütä u̧ju̧nä̧ra̧ pä'ü ja̧'a̧, idepä kkü'kekumä̧ o'kajuiyünä̧tä̧ tta̧wä̧rä̧kuä̧wa̧ pä'ü wa̧, ja̧'wa̧ta̧nü̧ jȩä̧kuȩ'i̧nä̧ todärenä̧ amükuäda pä'ü ja̧'a̧. Ojusodenä̧ ttü̧ja̧rü̧ doäda pä'ümä̧ 'kuäopünä̧tä̧ jo̧mȩnü̧ ü̧ja̧ pä'ü ja̧'a̧; ja̧'wa̧ta̧nü̧ u̧wo̧juȩta̧ pä'ü'i̧nä̧ jo̧mȩnü̧ wa̧;