1 Timoteo 3:3 - Nuevo Testamento Uwotjüja

³ Tä̧'ä̧mä̧'chü̧'i̧nä̧, rowäwä'chü'i̧nä̧ jȩü̧ juiyü'anü̧ ja̧'a̧, ja̧'wa̧nü̧ ja̧jü̧ jueimä̧ re kkä̧kuä̧wä̧ i̧sa̧tä̧, unichä̧rü̧ kkä̧nü̧tä̧ ja̧'wa̧ta̧nü̧ pärätä'i̧nä̧ a̧'kua̧ roeku juiyü'anü̧ ja̧'a̧.

TÄ̧DO Ä̧CUÄ̧ I̧HUȨNȨ

³ Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä yapareu ucuocu ȩmo̧cö̧. Pärocua'acu ahuaruhuärö adiu ppä'ädö. Adiu kö̧ korotö ttä'ca jo̧mȩ. Ja̧u̧mä̧ pärätä u̧ju̧nä̧ra̧ pä'ömä amöcuädocö.

1 Timoteo 3:3 Referans Kwoze

Tito 1:7

Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

Tito 3:2

Ya̧tȩrü̧'i̧nä̧ to'i ja̧'a̧ku̧ suronä̧mä̧ ttukuoku juiya, pättä'chäkuäu. O'katoi'ünä̧ku̧ eseku ttü̧jü̧'a̧nü̧ ja̧'a̧, ja̧'wa̧ta̧nü̧ kkorotürü eseku tti̧jȩpa̧ rȩrü̧jü̧nü̧ toäkuäwä.

Efesios 5:18

Vino isoyattümä̧ tä̧kuä̧mä̧kuä̧wä̧tu̧kuä̧, juoyamä̧ ja̧'a̧tä̧ surojuoepoya; pärokua'attü Epíritu Sa̧tu̧ jäwätä jo̧mȩnü̧ kka̧kuä̧tu̧kui̧.

1 Timoteo 3:8

Ja̧'wa̧ta̧nü̧, Diákunu̧ wotümä̧ ttukuotä̧u̧tä̧ ja̧'a̧, pättümä̧ isopäi'ünä̧tä̧ ukuokuätü, tä̧'ä̧mä̧'cho̧ko̧tü̧, pärätä ttȩma̧ pä'ü'i̧nä̧ tta̧'kua̧ ro'ekuokotü.

Santiago 4:1

¿Tottü icha'ajä̧ttü̧ kurämä̧ ja̧'wa̧ta̧nü̧ rowäwäkuäwämä̧ ukututtümä̧kü̧? Ja̧'wa̧ta̧nü̧ surojü kkü'kekumä̧ jakuänä̧ 'kuäopünä̧ rowäu kka̧ku̧ ja̧'a̧.

1 Pedro 5:2

Dio ä̧ji̧mü̧ oweja-tü̧ iyinä̧u̧ru̧mä̧ adiu Dio-rü pä̧wä̧rü̧ja̧'a̧ku̧ tta̧'a̧rä̧tu̧kui̧, kujurutukumä̧kü̧, pärätänä̧mä̧kü̧, ja̧'wa̧nü̧ ja̧jü̧ jueimä̧ adiu eseunü̧tä̧.

Hebreos 13:5

Pärätänä̧mä̧, juiyomä̧ kua̧'kua̧ rokuekuätukuä; ku̧ju̧nä̧rä̧tu̧ku̧tä̧ esewätukui, Dio-mä̧ pä'inü̧: «usurä kuȩmä̧u̧nä̧mä̧ chikuipokoku jä̧kua̧jä̧»;

Tito 2:3

Ja̧'wa̧ta̧nü̧ nä̧tü̧ büäkuächätü'i̧nä̧ ji'äwi ukuotünü̧ ttü̧ja̧kua̧ suräjuei wȩnȩ ttukuoku, ja̧'wa̧ta̧nü̧ tä̧ttä̧mä̧'chü̧. Adiwäjuei wo̧juȩkuä̧ isotü jü̧nä̧tä̧ ttü̧ja̧kua̧

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Judas 1:11

¡Juätüwe!, juätümä̧ Caín ji̧nü̧ta'anü̧ jȩpü̧ kka̧kuä̧tü̧. Balaam ji̧nü̧ta̧'a̧nü̧tä̧, pärätä amükuä̧rü̧tä̧ jȩpä̧tü̧. Coré pä'ü mi̧kua̧ ji̧nü̧ta̧'a̧nü̧tä̧, jarode'ü pä̧i̧nä̧tä̧ totte'ächäkuotü.

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.

Tito 1:11

Juätürümä̧ ttu̧wo̧juȩta̧'a̧nä̧ ja̧'a̧tä̧mä̧ to'kuätukuä; juätümä̧ ttü̧ja̧rü̧mä̧ o'katoi'ünä̧rü̧ jerutu ikutä, ja̧'wa̧ta̧nü̧ pärätä ttȩma̧ pä'ütä jȩpä̧tü̧.

1 Tesalonicenses 5:14

Ja̧'wa̧ta̧nü̧ jä̧tȩpä̧u̧jä̧, chawaruwä chi̧jä̧wa̧tü̧, ütäwätürü jikuäwätukua pä'ü'i̧nä̧, 'kuä'ächi'inä̧tü̧rü̧ ttujuru ichi'ünä̧ jikuäwätukua pä'ü'i̧nä̧, juiyupätürü ppäkuädätukua pä'ü'i̧nä̧, o'katoi'ünä̧rü̧ kua̧mi̧ 'kikuächi'ätukua pä'ü'i̧nä̧, jü̧nä̧.

Romanos 16:18

Juätümä̧ Tu̧ru̧wa̧ Jesucrito-rü ukuotümä̧ jȩpo̧ko̧tü̧, pärokua'aku tta̧mü̧nä̧ jäwätä usú, tti̧wȩnȩmä̧ adiu ukuokuätü, tteseunä̧ jȩpü̧ jerupätürü yaparewätü, ttesetünä̧.

Hechos 20:33

Kkorotü ttiäre pärätä'i̧nä̧, pü̧jä̧ti̧yu̧'i̧nä̧, ttiyattü pä'ümä̧ pä'okü pä'ijüsä;

San Mateo 21:13

Ja̧'wa̧nü̧ jȩpü̧ päinä̧u̧: —Wȩyu̧kuä̧ wȩnȩmä̧ pä'a: chojusodemä̧, Dio-rü ukuokuäkuäwode pättäkuode. Ja̧'wa̧nü̧ ja̧'a̧nä̧, ukutumä̧ nä̧u̧kuä̧rä̧tü̧ ttojusode päi'ünä̧tä̧ juo'epätüjä̧.

2 Timoteo 3:2

Ttü̧ja̧mä̧ kkü'kokotü ttäkuotü, pärätätä tta̧'kua̧ rottekuäkuotü̧, tta̧mü̧nä̧ ukuo ttettäkuäwäkuotü ja̧'wa̧ta̧nü̧ kkorotüttü'i̧nä̧ abonä̧nü̧ wotüjä̧ pä'ü, Dio-rü'i̧nä̧ suronä̧ ukuoku, ttä'orü'i̧nä̧ tta̧ju̧ru̧'i̧nä̧ ukuotokotü ttäkuotü, ja̧'wa̧nü̧ jȩpü̧ ttesewoka'a, ttesetinü̧'i̧nä̧ ukuotokotü ttäkuotü.