1 Timoteo 3:16 - Nuevo Testamento Uwotjüja

¹⁶ Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

TÄ̧DO Ä̧CUÄ̧ I̧HUȨNȨ

¹⁶ Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

1 Timoteo 3:16 Referans Kwoze

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

Hebreos 1:3

Jua̧u̧tä̧ ja̧'a̧, i̧wȩnȩ ujurunä̧nä̧tä̧ 'chü̧ä̧rä̧kuä̧wä̧ i̧sa̧, uruwo kkȩdȩpa̧mä̧, ja̧'wa̧ta̧nü̧ Dio a̧'kua̧juä̧mä̧. Jua̧u̧mä̧ suronä̧ jȩtü̧ tükü ikuinü̧ o'ka'amä̧, mo̧ro̧jä̧nä̧ pä̧mä̧di̧nü̧, Dio uruwo dȩä̧kä̧ u̧wo̧jua̧'a̧ku̧nä̧.

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

San Lucas 24:4

Ja̧'wa̧nü̧ ji̧yä̧u̧ ¡to̧o̧! to̧ttä̧ra̧'a̧nä̧, ttipeyänä̧ u̧mä̧tü̧ ta̧ju̧ kka̧kuä̧mi̧nä̧tü̧, ttü̧'ka̧tä̧wä̧ti̧yu̧ kkȩdȩpä̧u̧.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

1 Juan 1:2

Jua̧u̧ kkä̧kuä̧wä̧ ji̧na̧'a̧ ujuturu i̧jȩkui̧nü̧mä̧. Jua̧u̧ topinü̧'kotü, ukuturu ji'äwätüjä̧, Jua̧u̧ kkä̧kuä̧wä̧ i'komä̧ Jä'oku kki̧na̧'a̧, ujuturu i̧jȩkuä̧chä̧kuȩmä̧ pä'ü.

1 Pedro 3:22

mo̧ro̧jä̧ra̧'a̧ kä'ekuächü Dio u̧wo̧jua̧'a̧ku̧nä̧ pä̧mä̧di̧nü̧nä̧tä̧, ja̧'wa̧ta̧nü̧ á̧gȩrȩ ttukuo'i̧nä̧ ttujuru'i̧nä̧ kku̧nä̧rä̧tü̧tä̧ tta̧ttä̧rä̧ku̧nä̧tä̧.

1 Pedro 1:12

Ja̧'wa̧nü̧ ja̧'a̧nä̧, Dio-mä̧, jittäu jitütä jäwämä̧ jo̧ka̧'a̧ pä'ü ttu̧wo̧juö̧nä̧ jȩi̧nä̧u̧, ja̧'wa̧nü̧ ja̧jü̧ jueimä̧ ukuturu ppädomȩnä̧tä̧, ja̧'wa̧nü̧ ja̧'a̧ttü̧ pi̧yȩ ja̧'a̧ Epíritu Sa̧tu̧ mo̧ro̧jä̧nä̧ttü̧ wȩ'ä̧wa̧ ujurunä̧ jareü wȩnȩ jiäwinü̧mä̧. ¡Pi̧yȩmä̧ á̧gȩrȩ'i̧nä̧ jȩtta̧ pä'ü tta̧mü̧kuädü ja̧'a̧!

Colosenses 2:2

Kua̧mi̧so'kitukunä̧ esewächi'ü, ji̧nä̧ yo̧mȩtȩnä̧ repe'äkuäu, jo̧mȩnü̧ 'kukuächi'ünä̧ ku̧wo̧juä̧chä̧tu̧kua̧ pä'üsä. Ja̧'wa̧nü̧ jo̧mȩnä̧ Dio yä̧wȩi̧nä̧ u̧ju̧nä̧ri̧nü̧ ku̧wo̧jui̧päkuo̧tü̧jä̧. Jua̧u̧mä̧ Crito ja̧'a̧.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

San Lucas 22:43

[Ja̧'wa̧nü̧ ukuokua'a 'kä̧tȩnä̧ mo̧ro̧jä̧ á̧gȩ rä'o'inü̧, Jesú-ru ujuru iya pä'ü.

San Mateo 3:16

Ja̧'wa̧nü̧ ja̧'a̧ Jesú-mä̧ bautizo jȩä̧ku̧ o̧'ka̧ ajettü u̧wä̧mi̧'i̧'o̧mȩnä̧; mo̧ro̧jä̧ bawekuächa'attü, Dio wȩ'ä̧wa̧ Epíritu Sa̧tu̧, unuku 'kua̧rü̧nä̧ churutä ü̧jä̧mä̧da̧ pä'ü i̧mȩyȩwi̧'a̧'a̧ topinü̧.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

1 Timoteo 3:9

Kkoromä̧ 'kuäopünä̧tä̧ Dio i̧wȩnȩ jareü wȩnȩ iyinü̧mä̧ o'kajuiyünä̧tä̧ tteseta pä'ü ja̧'a̧, ja̧'wa̧ta̧nü̧ tta̧mü̧kuädünä̧mä̧ surojü tta̧mü̧kuädoka'a kkä̧nü̧tä̧.

San Juan 20:12

Á̧gȩrȩ ta̧ju̧ru̧ topinä̧ju̧ ttü̧'ka̧tä̧wä̧ti̧yu̧ te'ätürü, Jesú o'ko jäwä ttütäjomȩ ttü̧'ȩja̧'a̧; ya̧tȩmä̧ U jä̧ja̧'a̧ku̧nä̧ ja̧'wa̧ta̧nü̧ kka̧ra̧mä̧ ü̧jä̧pi̧yä̧ jä̧ja̧'a̧ku̧nä̧, jü̧nä̧.

San Mateo 1:23

«Topiwä, isaju yajute uborü jerupaju, muchaju juo'ü, kki̧tti̧rü̧ kkuwäbekuäkuaju, Jua̧u̧mä̧ Emanuel pä'ü o̧ttä̧kua̧» (Ja̧'wa̧nü̧ pä'ümä̧: «Dio-mä̧ ujututäku kkü̧» pä'ü päwä).

Apocalipsis 7:9

Pi̧yȩ jä̧ji̧ o'ka'a topinüsä̧, ttü̧ja̧ rekuätü pa̧ja̧kuä̧ juiyünä̧ wotürü, tti̧rȩji̧yä̧ pünä̧, tti̧wȩnȩ pünä̧, ttawaruwä pünä̧, ruwo dȩä̧kä̧ ä'ka jo̧mȩ, oweja mü̧ä̧ya̧ wa̧ ä'ka jo̧mȩ ttü̧ja̧kua̧'a̧ ttü̧'ka̧tä̧wä̧ti̧yu̧ teü rü̧jä̧u̧ru̧ ja̧'wa̧ta̧nü̧ ttu̧mü̧nä̧mä̧ ojiyä 'chu̧'ä̧ri̧nä̧tü̧.

1 Pedro 1:20

Crito-mä̧ pi̧jä̧ uwäbe'äkua'a ä'kanä̧ ja̧'wa̧nü̧tä̧ jȩa̧ päinä̧ku̧, ja̧'wa̧nü̧ ja̧'a̧nä̧ pi̧yȩ rüjí mo̧ro̧mä̧ ukuturu ppädünä̧tä̧ i̧jȩkuä̧cha̧'a̧.

Hebreos 7:7

ja̧'wa̧ta̧nü̧ ya̧tȩ'i̧nä̧ yapare pä'ü tä̧ppü̧ti̧'a̧ pä'ümä̧ juiya'a, isopäi'ünä̧ ppä'ädümä̧ ppädäkuttü'i̧nä̧ abonä̧nü̧ ukuo i̧sa̧ ja̧'a̧.

Efesios 6:19

Ja̧'wa̧ta̧nü̧ ttü chütü'kü'i̧nä̧ Dio-rü ukuokuätukui, yä̧wä̧i̧ jäwä jareü wȩnȩ jidäwa pä'ü chä yädepomȩnä̧ wo̧juȩku̧nä̧ jidäunä̧ Dio iyattü.

Efesios 1:9

Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

Gálatas 4:4

Ja̧'wa̧nü̧ ja̧'a̧nä̧, ji̧yȩnü̧ mo̧ro̧ rȩbȩwo̧mȩnä̧mä̧, Dio i̧tti̧rü̧ we'inü̧, isaju yajutenä̧ uwäpächünä̧, Moisé weäwä wȩnȩ päü'a̧kuä̧,

1 Corintios 15:47

Ä̧kuo̧mȩnä̧ ttü̧ja̧sa̧mä̧, rȩjȩttü̧ uwäbe'äkuäwa̧ ji̧na̧'a̧ ja̧'wa̧nü̧ jo̧mȩttü̧ pi̧jä̧ ttü̧ja̧ i̧sa̧ pinü̧; juȩnȩ o'komȩnä̧ i̧sa̧mä̧, Tu̧ru̧wa̧ ji̧na̧'a̧, mo̧ro̧jä̧ra̧'a̧ttü̧ ichinü̧.

1 Corintios 2:7

Ja̧'wa̧nü̧ ja̧'a̧ttü̧ ukuokuätüjä̧, Dio jäwä wo̧juä̧wä̧ wȩnȩ wo̧jui̧'ä̧kuä̧wo̧kü̧. Mo̧ täbokütä päi'ünä̧ ttieruwomȩnä̧ amükuädü u̧ju̧ni̧nü̧ chutä uruwo ujuturu iya pä'ü.

Romanos 10:18

Ja̧'wa̧nü̧ ja̧'a̧nä̧ ttümä̧ pä'üsä: ¿Ä̧ju̧kuo̧ko̧tü̧ pinä̧tü̧? ¡Isokü̧, ä̧ju̧kui̧nä̧tü̧! wȩyu̧kuä̧ wȩnȩmä̧ pä'a: Tti̧wȩnȩmä̧ pi̧jä̧ o'kajuiyünä̧ rä̧mi̧pi̧na̧'a̧, ja̧'wa̧ta̧nü̧ ruwäkuiyä pa̧ja̧ku̧nä̧ rȩbȩwi̧na̧'a̧ ttukuokumä̧.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

Gálatas 2:8

Isopäi'ünä̧, judío-rü apóto päi'ünä̧ jiäwa pä'ü Peduru-rü we'inü̧ Dio-tä ttürü'i̧nä̧ weinä̧ku̧ cha'attü judío pokotürü apóto jü̧nä̧, jidäwiyarü pä'ü.

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

Hechos 10:34

Ja̧'wa̧nü̧ ukuokuiyäku, Peduru-mä̧ pä'inü̧: —Jitämä̧ isopäi'ünä̧ wo̧jui̧'ü̧sä̧, Dio-mä̧ yotüterütämä̧ esewokü pä'ü,

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

San Juan 16:28

Pi̧jä̧ra̧'a̧ ichümä̧, Chä'o ü̧jo̧mȩttü̧ rä'opinü̧sä̧; pä'äjita'anü̧ pi̧jä̧ jaropi'ü, Chä'o ü̧ja̧'a̧ 'chü̧sä̧.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

San Lucas 24:51

Ja̧'wa̧nü̧ ukuokua'a jakuänä̧, juätüttü 'kȩi̧pä̧cha̧'a̧ttü̧, mo̧ro̧jä̧ra̧'a̧ ȩmi̧po̧mȩnä̧ kä'ekuächinü̧.

Apocalipsis 17:7

Ja̧'wa̧nü̧ to̧chä̧ri̧yä̧ku̧, á̧gȩ-mä̧ päinä̧ku̧sä̧: «¿Tta̧'a̧nü̧ pä'ü, to̧o̧ to̧'kuä̧ra̧'a̧jä̧ttü̧? juäju kkütü'kü ttieruwuö jidäwäkujä̧, ja̧'wa̧ta̧nü̧ juäjuru ȩpü̧ i̧sa̧ büó betia u piyä kko̧ro̧mü̧ttü̧nü̧ toyure kku̧nä̧rü̧mä̧, u okä to̧mü̧rȩ jäwä okä kku̧nä̧rü̧mä̧ pa̧'a̧nü̧ ja̧'a̧.

Apocalipsis 17:5

juäju kki'änä̧mä̧ ttieruwuö wȩyu̧kua̧'a̧ rü̧tä̧ri̧nä̧ju̧: «Ukuo isomȩ Babironia ütawiyämä̧, pi̧jä̧ttü̧ ttidepä iyä'chäkuäwä'ijätü, o'katoi'ünä̧ surojünä̧ kkä̧'i̧jä̧tü̧ tta̧ju̧ ja̧'a̧» pä'a.

Hebreos 8:1

Ja̧'wa̧nü̧ ji̧na̧'a̧ ji̧nä̧so ji̧yȩtä̧ ukuo jäwä pätümä̧ pi̧yȩ ja̧'a̧, sacerdote-tü̧ ttu̧ru̧wa̧mä̧ mo̧ro̧jä̧nä̧ kkü̧ Dio i̧dȩä̧kä̧ u̧wo̧jua̧'a̧ku̧nä̧ pä̧mä̧di̧nü̧ pä'ätüjä̧.

2 Tesalonicenses 2:7

Isopäi'ünä̧ yä̧wä̧i̧nä̧ surojü amükuädü u̧ju̧ni̧nü̧mä̧ täkü 'kuäopa'a; ji̧yȩtȩtä̧ juiya'a ttü̧ja̧rü̧ tto̧ȩpä̧rü̧ juorü pporädü ttikua pä'ütä.

2 Tesalonicenses 1:10

Ji̧yȩnü̧ mo̧ro̧ Tu̧ru̧wa̧ ichü mo̧ro̧ umüwäyotü pojopü ȩmi̧nä̧u̧ surojü jui'ätü eseäkuäu ukuo tettäwarü pä'ü. Isopäi'ünä̧ ukutu'i̧nä̧ juätü jü̧ta̧'a̧nü̧ pojopü ȩmi̧nä̧u̧jä̧ esetinä̧tü̧jä̧ adiwäjuei jareü wȩnȩ ujutu jitäwomȩnä̧.

Hechos 1:19

ja̧'wa̧nü̧ ja̧'a̧ Jerusarȩ́ ttü̧ja̧'i̧nä̧ ä̧ju̧ku̧, juȩnȩmä̧ o'inä̧tü̧, Haceldamá, jü̧nä̧, ja̧'wa̧nü̧ pä'ümä̧, «ukuoja rȩjȩ» pä'ü päwä, ji̧na̧'a̧ tti̧wȩnȩnä̧mä̧.

San Juan 17:5

Ja̧'wa̧nü̧ ja̧'a̧ttü̧, Chä'o jitämä̧, kuippeyänä̧ kukuo jäwä iyittü, pi̧jä̧ kkä̧kua̧'a̧ ä'koji kukuo jäwä chu̧ju̧nä̧ri̧nü̧ta̧'a̧nü̧.

San Juan 15:26

Ja̧'wa̧nü̧ ja̧'a̧nä̧, ppädäkuäwä i̧sa̧, Chä'ottü wedäku, isopäi'ünä̧ jueünä̧ i̧sa̧ Epíritu, Chä'ottü ichomȩnä̧tä̧, jä̧kua̧'a̧ ttü chütü'kü jiäwäkua'amä̧.

San Juan 6:62

¿Jua̧u̧nu̧mä̧, toku jä̧kua̧'a̧jä̧ttü̧, pä'äji ji̧nü̧ta'anü̧ ubo i̧tti̧ ü̧ji̧no̧mȩku̧ käekuächa'a to'kuätüküttümä̧?

San Lucas 2:32

Jua̧u̧tä̧ ja̧'a̧ pi̧jä̧ ttü̧ja̧ o'katoi'ünä̧rü̧ tȩya̧u̧nä̧ kkȩdȩpä̧kua̧mä̧ ja̧'wa̧ta̧nü̧ Irae ttü̧ja̧ tteseunä̧ jȩä̧kua̧mä̧.

San Marcos 16:5

Ja̧'wa̧nü̧ ja̧'a̧, wa'are idoränä̧ dottächi'omȩnä̧, mü̧ä̧ya̧ ü̧'ka̧tä̧wä̧ta̧ tȩä̧ta̧ otoünä̧ 'ka̧tä̧u̧ru̧, wa'are pä̧jä̧mȩ u̧wo̧jua̧'a̧ku̧nä̧ ü̧'a̧'a̧ topinä̧tü̧. Ja̧'wa̧nü̧ ü̧'a̧'a̧ topü, nä̧tü̧mä̧ rü̧ȩnä̧ ye'inä̧tü̧.

San Marcos 1:13

Jua'a rȩba̧ dȩ'a̧ra̧'a̧mä̧, ttü̧ja̧ ta̧ju̧ mo̧ro̧ jo̧mȩnä̧ kki̧nü̧. Juȩnȩ, ü̧jo̧mȩnä̧ de'iyü isotü ra̧wä̧pi̧wotü rekuinä̧tü̧. Jua'attü ta̧bo̧i̧ya̧ Satanás kka̧kuä̧mȩ'ü̧ toinä̧ku̧; ja̧'wa̧ta̧nü̧ A̧gȩrȩ-mä̧ tta̧ttä̧ri̧nä̧ku̧.

San Mateo 28:2

Ttu̧ni̧chä̧ra̧'a̧nä̧ rȩjȩ ttü̧ȩpa̧'a̧ttü̧, Tu̧ru̧wa̧ wȩ'ä̧wa̧ á̧gȩ mo̧ro̧jä̧ra̧'a̧ttü̧ mȩyȩwi̧'ü̧ inä̧yu wa'are rütäwäju mü̧ȩkuäyu pporädü juäyutä wä̧mȩ pä̧mä̧di̧nü̧.

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Mateo 4:11

Ja̧'wa̧nü̧ päku, Jesú ü̧jo̧mȩttü̧ äwettämä̧ i̧wi̧'a̧'a̧nä̧, A̧gȩrȩ-tü̧mä̧ ichi'ü ppättädinä̧ku̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

Romanos 10:12

Isopäi'ünä̧ judío'i̧nä̧, judío pokotü'i̧nä̧ jü̧nä̧mä̧, i̧mi̧ku̧nä̧mä̧ wokotü; isopäi'ünä̧ Chutä o'katoi'ünä̧ Tu̧ru̧wa̧ ja̧'a̧ttü̧ o'katoi'ünä̧ jä'epätürümä̧ iyü ja̧'a̧.

Romanos 3:4

¡Ja̧'wa̧nü̧mä̧kü̧ ja̧'a̧! ttü̧ja̧mä̧ o'katoi'ünä̧ yapareäkuäwä isotü ja̧'a̧nä̧, Dio-mä̧ jueü wȩnȩ i̧sa̧ ja̧'a̧; wȩyu̧kuä̧ wȩnȩmä̧ pä'a: «Kukuoku ji̧yȩnä̧tä̧, ttü̧ja̧mä̧ jueü wȩnȩ kukuokua'a tottäkuotü, ja̧'wa̧nü̧ jo̧mȩnä̧ abo 'kuäkuo'äkua̧jä̧, suronä̧ pättü'i̧nä̧.»

Romanos 16:26

Ja̧'wa̧nü̧ ji̧na̧'a̧nä̧, jitämä̧ i̧jȩkuä̧chi̧na̧'a̧ profeta winä̧tü̧ tti̧wȩyu̧ti̧nü̧nä̧'i̧nä̧, Dio 'kuäopünä̧tä̧ kkü̧ weinüta'anü̧, i̧jȩkuä̧chi̧nü̧ pi̧jä̧ ttü̧ja̧ o'katoi'ünä̧rü̧, tta̧'kua̧ wȩnä̧rä̧kuä̧wä̧ ttukuota pä'ü.

2 Corintios 1:19

Isopäi'ünä̧, Dio I̧tti̧ Jesucrito, Silvano-ku̧'i̧nä̧, Timoteo-ku̧'i̧nä̧ ujutu, ukuturu jitäwinä̧ku̧mä̧, todärenä̧mä̧ ji'äwokü pinü̧, Ya'utekutä «A̧» pä'inü̧.

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

San Lucas 20:44

¿Jua̧u̧nu̧mä̧, toku pä'ü Crito-mä̧ Dawi-ttü ichinü̧ pä'attü, chutä Dawi'i̧nä̧, Chu̧ru̧wa̧ päinä̧ku̧ ja̧'a̧mä̧?