1 Timoteo 3:15 - Nuevo Testamento Uwotjüja

¹⁵ Rekuo mo̧ro̧ todeputtü'i̧nä̧, Dio 'kuäopünä̧ kkü̧ umüwäyotü igresia wotürü adiu juekuȩpä̧rä̧kua̧'a̧nü̧. 'Chu̧'ä̧rä̧kuä̧u̧ ja̧'wa̧ta̧nü̧ isopäi'ünä̧ wȩnȩ ja̧'a̧ pä'ätümä̧.

TÄ̧DO Ä̧CUÄ̧ I̧HUȨNȨ

¹⁵ Jurunänö chichö juiyöttömä, Dios i̧tti̧mö̧ kä̧cuä̧huä̧ cu̧huo̧jua̧ pä'ö huȩyu̧tu̧sä̧. Jahuätömä, Dios i̧tti̧mö̧mä̧, Dios kö̧rö̧ esetätö. Jahuätömä adihuä huȩnȩ esetö tta̧'ä̧rä̧tö̧.

1 Timoteo 3:15 Referans Kwoze

1 Pedro 2:5

Pa̧'a̧nü̧ jo̧mȩttü̧, Dio-mä̧ i̧no̧'kiyä wa'ü ikuoko'ki jä̧'i̧nü̧'a̧nü̧ jü̧nä̧ jȩä̧kuä̧u̧jä̧, Epíritu jäwä ojusode jü̧nä̧'i̧nä̧, ja̧'wa̧ta̧nü̧ ya̧tȩ sacerdote surojü jui̧'a̧ jü̧nä̧'i̧nä̧, Epíritu jäwänä̧ sacrificio jü̧nä̧ Jesucrito-nä̧ iyätukuaku pä'ü Dio esewomȩnä̧.

1 Tesalonicenses 1:9

Isopäi'ünä̧ o'katoi'ünä̧ ukuokuätü, ujuturu tichäja'a adiu jȩ'kui̧nä̧tu̧ku̧mä̧, ja̧'wa̧ta̧nü̧ ji'äwätü ku̧ä̧nä̧wa̧tu̧ku̧ tta̧'kua̧juä̧ tätäwä'karü kuesetinä̧tu̧kua̧'a̧, jaropi'ü Dio a̧'kua̧rü̧rü̧, jueü wȩnȩ i̧sa̧rü̧ kuesetinä̧tu̧kua̧'a̧'i̧nä̧.

Gálatas 2:9

Ja̧'wa̧nü̧ ja̧'a̧ttü̧, adiwä juei ttürü iyäwi'ina̧'a̧ wo̧jui̧'ü̧ Sa̧ti̧a̧ku̧'i̧nä̧, Cefa'i̧nä̧, Ju̧a̧'i̧nä̧ igresia 'chu̧'ä̧rä̧tü̧ ja̧'a̧ttü̧ tettäwinä̧u̧jä̧, ttürü'i̧nä̧, Bernawérü'i̧nä̧, ji̧nä̧ ji̧yȩtȩ adikuä isotü jü̧nä̧: Ujutumä̧ judío pokotürü ji'äu ti̧'cha̧'a̧nä̧, jitütämä̧ judío-rü jittäwa pä'ü.

Romanos 3:2

O'kajuiyünä̧tä̧ pa̧ja̧kuä̧chü̧nä̧. Ä̧kuo̧mȩnä̧mä̧, isopäi'ünä̧ Dio i̧wȩnȩmä̧, judío-rü iyäwi'ina̧'a̧.

San Mateo 16:16

Päomȩnä̧, Simón Peduru-mä̧ päinä̧ku̧: —Ukumä̧, Crito-jä̧, a̧'kua̧rü̧ kkä̧ku̧ Dio weinä̧ku̧.

Romanos 9:26

Ja̧'wa̧ta̧nü̧ yȩnȩtä̧, chumüwäyotümä̧kü̧jä̧ pädinomȩttü̧, yorütä, Dio i̧tti̧mü̧jä̧ päwi'äkuä̧u̧jä̧, jua'amä̧ Dio a̧'kua̧rä̧kuä̧wä̧ i̧sa̧ ja̧'a̧ttü̧.»

Hechos 1:2

Epíritu Sa̧tu̧ a̧'kua̧iweyenä̧, umüwäyotü apótore-rü jȩttä̧kuȩ wȩnȩ we'äji̧'ka̧ mo̧ro̧jä̧ra̧'a̧ käekuächino̧mȩbü päi'ünä̧.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Mateo 18:18

Isopäi'ünä̧ pädäu̧jä̧ pi̧jä̧nä̧ttü̧ ku̧nü̧'kätukumä̧ mo̧ro̧jä̧ra̧'a̧ttü̧'i̧nä̧ nü̧'kächi'äkua'a; ja̧'wa̧ta̧nü̧ pi̧jä̧nä̧ttü̧ kuejädätükumä̧ mo̧ro̧jä̧ttü̧'i̧nä̧ ejächi'äkua'a.

Apocalipsis 7:2

Ja̧'wa̧ta̧nü̧ kka̧ra̧ á̧gȩ-rü̧, kkä̧wa̧ räopa'akuttü, kkü̧ Dio üäre sello pättü pȩjä̧ku̧ icha'a topinü̧sä̧; Jua̧u̧mä̧ kkorotü pa̧ja̧kuä̧nü̧ wotü á̧gȩrȩ-rü pä̧i̧ku̧nä̧ wopinü̧, pi̧jä̧nä̧'i̧nä̧, rü̧ä̧ duboranä̧'i̧nä̧ surojuottepa pä'ü ttujuru i̧yä̧wi̧'i̧nä̧u̧ru̧:

Hebreos 12:22

Ja̧'wa̧nü̧ ji̧nü̧ juei ukutumä̧, tü'küpächi'inä̧tü̧jä̧, Sión mü̧ä̧'kanä̧, Dio wa'okü ü̧jo̧mȩ ütawiyänä̧, mo̧ro̧jä̧ra̧'a̧ttü̧ Jerusarȩ́-nä̧ ja̧'wa̧ta̧nü̧ rekuätü á̧gȩrȩ, Dio-rü eseäkuäu ttü̧ka̧ka̧kuo̧mȩku̧,

Hebreos 3:12

Chawaruwä chü̧jä̧wa̧tü̧, to̧pä̧rä̧kuä̧wä̧tu̧kui̧ kua̧mi̧so'kitukunä̧, surojünä̧ amükuädü, a̧'kua̧rä̧kuä̧wä̧ i̧sa̧ Dio-ttü 'kȩkui̧pä̧chä̧tu̧ku̧ juiyäkua'anü̧.

1 Timoteo 6:16

Jua̧u̧mä̧ chu̧'ä̧kua̧ 'kuäopünä̧tä̧ kkü̧, ttü̧ja̧sa̧mä̧ ya̧tȩ pä'ü'i̧nä̧ ütü'küwächi'ü juiyünä̧ rü̧ȩnä̧ tȩya̧u̧ kkȩdȩpo̧mȩ kkü̧. Ttü̧ja̧sa̧mä̧ tookoku ja̧'wa̧ta̧nü̧ toü juiyünä̧ wa̧. Ja̧u̧nä̧mä̧ ukuo'i̧nä̧, ujuru'i̧nä̧ 'kuäopünä̧tä̧ chutä jäwä kka̧'a̧.

1 Timoteo 4:10

Ja̧'wa̧nü̧ jo̧mȩttü̧ yabokutä aditätüjä̧, ja̧'wa̧ta̧nü̧ ta̧'kua̧ tu̧wȩnä̧rü̧mä̧ Dio wa'ikuokünä̧tä̧ kka̧kua̧'a̧. Jua̧u̧mä̧ o'katoi'ünä̧rü̧ ra̧wä̧pi̧jü̧ttü̧ ttü̧ji̧pü̧nä̧ jȩpi̧nü̧. Ji̧nä̧somä̧ churutä esetätürü ppä'ädinü̧.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

1 Timoteo 3:2

Ja̧'wa̧nü̧ ja̧'a̧ttü̧, pi̧yȩ aditäwä kku̧nä̧rü̧mä̧, surojü jȩpä̧'i̧jü̧ jü̧nä̧mä̧ pä'äwokü ja̧'a̧. Irekuarümä̧ yajuterütä u̧ju̧nä̧ra̧ pä'ü ja̧'a̧, idepä kkü'kekumä̧ o'kajuiyünä̧tä̧ tta̧wä̧rä̧kuä̧wa̧ pä'ü wa̧, ja̧'wa̧ta̧nü̧ jȩä̧kuȩ'i̧nä̧ todärenä̧ amükuäda pä'ü ja̧'a̧. Ojusodenä̧ ttü̧ja̧rü̧ doäda pä'ümä̧ 'kuäopünä̧tä̧ jo̧mȩnü̧ ü̧ja̧ pä'ü ja̧'a̧; ja̧'wa̧ta̧nü̧ u̧wo̧juȩta̧ pä'ü'i̧nä̧ jo̧mȩnü̧ wa̧;

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,

Efesios 4:21

isopäi'ünä̧ ukutumä̧ ä̧ju̧kui̧nä̧tü̧jä̧ Jua̧u̧ ütü'kümä̧ ja̧'wa̧ta̧nü̧ wo̧juä̧tü̧jä̧ jua̧u̧ weünä̧ kkä̧kuä̧wä̧, Jesú u̧wo̧juȩti̧nü̧mä̧.

Gálatas 3:1

¡Isoo, Galacia ttü̧ja̧, Kuamükuädü jui'ätüjä̧ttü̧! ¿Dí ji̧nä̧ttü̧ ukuturu märipänä̧ surojuo'epinü̧mä̧ jueü wȩnȩ kukuotätuku juiya pä'ümä̧? Ttütä wäjuönä̧ jidäwinä̧u̧jä̧ Jesucrito ü̧jo̧kä̧nü̧ daunä̧ kkä̧nü̧ 'korujuoächinü̧ wȩnȩmä̧.

2 Corintios 6:16

Ja̧'wa̧ta̧nü̧ ukutumä̧ Dio ü̧jo̧de (templo) pättodejä̧; ja̧'wa̧nü̧ ja̧'a̧ttü̧ ttü̧ä̧nä̧wo̧tü̧rü̧ esetätukumä̧ wokotüjä̧. Dio-mä̧ pä'inü̧: «juätü chȩmi̧nä̧u̧ku̧ ttü̧'kä̧tȩnä̧ kkä̧nü̧, kuȩdä̧chä̧kua̧sä̧, ja̧'wa̧ta̧nü̧ juätümä̧ Ttü̧ä̧nä̧wa̧ Dio chä̧kua̧sä̧, jitütämä̧ chumüwäyotü ttäkuotü»

Hechos 14:15

Chawaruwä, ¿tta̧'a̧nü̧ pä'ü pi̧yȩmä̧ jȩ'kuä̧tu̧kua̧'a̧jä̧ttü̧? ujutu'i̧nä̧ ukutu jü̧ta̧'a̧nü̧ ttü̧ja̧jä̧. Suronä̧ jȩ'kuä̧tu̧ku̧ttü̧ kä'ädi'ü, Dio a̧'kua̧rü̧ku̧, mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧, juotonä̧ kka̧ku̧'i̧nä̧ o'kajuiyünä̧ aditinü̧ku̧ ppa̧kuä̧chä̧tu̧kua̧ pä'ü ji'äwätüjä̧.

San Juan 6:69

Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

2 Timoteo 2:20

Yodete isode rü̧o̧dȩnä̧mä̧ o̧'ta̧wi̧yä̧ suro oro-ttü, plata-ttü adikuätämä̧ kko̧ka̧'a̧, ja̧'wa̧nü̧ ja̧jü̧jueimä̧ dausodättü, redä'kattü adikuä'i̧nä̧ kka̧kua̧'a̧; kkoro o̧'ta̧mä̧ pä'käri jȩttü̧ mo̧ro̧ awäwä'i̧nä̧, kkoro o̧'ta̧tä̧ pä'käri jȩtto̧kü̧ mo̧ro̧ ttau'i̧nä̧.

1 Timoteo 3:5

Isopäi'ünä̧ ya̧tȩ a̧mü̧nä̧ pa̧ja̧tü̧ ojusode'i̧nä̧ tta̧wä̧rä̧kuä̧wä̧ ieruwa'amä̧, ¿Tta̧'a̧nü̧ tta̧wä̧rä̧kua̧'a̧jä̧ttü̧ Dio i̧tti̧mü̧rü̧mä̧?

2 Corintios 6:7

jueü wȩnȩnä̧ tü̧jo̧mȩnä̧'i̧nä̧, Dio ujurunä̧ tü̧jo̧mȩnä̧'i̧nä̧ ja̧'wa̧ta̧nü̧ ttu̧wo̧jua̧'a̧ku̧nä̧, ttieruwa'akunä̧, adiwomȩnä̧ tü̧ji̧pa̧ja̧ pä'ü'i̧nä̧ jueünä̧tä̧ jȩpä̧tü̧jä̧;

2 Corintios 3:3

Isopäi'ünä̧tä̧ ukutumä̧ Crito i̧wȩyu̧ti̧ä̧u̧jä̧u̧jä̧ wȩyu̧kuojänä̧mä̧kü̧, isoyanä̧mä̧kü̧ ji̧nä̧somä̧ Dio a̧'kua̧rü̧ i̧sa̧ Epíritu-nä̧tä̧ wȩyu̧kui̧'i̧nä̧u̧jä̧; i̧nä̧binä̧'i̧nä̧ wȩyu̧kuo̧ko̧tü̧ pinä̧tü̧jä̧, ji̧nä̧somä̧ kuidepätuku, kua̧mi̧ iso'kitukunä̧ i̧wȩyu̧ti̧nä̧u̧jä̧.

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

1 Corintios 3:16

¿Ukutumä̧, Dio ojusode jü̧nä̧ kuätukua'amä̧ ja̧'wa̧ta̧nü̧ Dio i̧sa̧ Epíritu ukutunä̧ ü̧ja̧'a̧mä̧ kuieruwätukua'a tä̧jí̧?

1 Corintios 10:32

Judío'i̧nä̧, judío pokotürü'i̧nä̧, ja̧'wa̧ta̧nü̧ Dio iäre igresia isotürü'i̧nä̧ surojü jü̧nä̧ jȩ'kuä̧tu̧kuä̧.

1 Timoteo 3:14

A̧'u̧kua̧'a̧tä̧ jü̧ o'ka'a ukuru do'ächü chicha pä̧wä̧rü̧jä̧ku̧sä̧; Ja̧'wa̧nü̧ ja̧'a̧nä̧ pi̧yȩ wȩyu̧tu̧ wedäkujä̧,

2 Timoteo 2:19

Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».

Hebreos 10:21

Ja̧'wa̧nü̧ ji̧na̧'a̧ttü̧ sacerdote-tü̧ ttu̧ru̧wa̧ ukuo i̧sa̧rü̧ kku̧nä̧rä̧tü̧jä̧, Dio ojusodenä̧mä̧.

1 Pedro 4:17

Täkü rȩbȩwä̧ja̧'a̧ pojokuä mo̧ro̧mä̧ chutä Dio i̧tti̧mü̧ttü̧ kkä̧mä̧dü̧, ja̧'wa̧nü̧ pojokuä ujutunä̧ kkä̧mä̧da̧'a̧mä̧ ¿Toku jä̧kua̧'a̧jä̧ttü̧ rüjí mo̧ro̧mä̧, jareü Dio i̧wȩnȩ ukuotokotürümä̧?