1 Timoteo 2:4 - Nuevo Testamento Uwotjüja

⁴ Ja̧'wa̧ta̧nü̧ jua̧u̧mä̧ o'katoi'ünä̧ ra̧wä̧pi̧jü̧ttü̧ kka̧kui̧pü̧ isopäi'ünä̧ wȩnȩ ttu̧wo̧juä̧chi̧'o̧mȩbü päi'ünä̧ tti̧rȩbȩwa̧ pä̧wä̧rü̧jä̧ku̧.

TÄ̧DO Ä̧CUÄ̧ I̧HUȨNȨ

⁴ Chutä Dios pä̧huä̧ rö̧jä̧cu̧ o'ca toi'önä ttö̧ja̧ ttesetarö pä'ö. Ja̧'hua̧ta̧nö̧ pä̧huä̧ rö̧jä̧cu̧ iso päi'önä huȩnȩ ttu̧huo̧jua̧ pä'ö.

1 Timoteo 2:4 Referans Kwoze

2 Pedro 3:9

Tu̧ru̧wa̧ jȩa̧ päinü̧ jo̧mȩnü̧ päi'a pä'ümä̧ rekuodä'chokü, yotukunä̧ ttamükuäda'anü̧mä̧, ja̧'wa̧nü̧ ja̧jü̧jueimä̧ ukutukumä̧ tta̧mi̧ 'ki'ächi'äkuäwä kku̧nä̧rü̧, ja̧'wa̧nü̧ ja̧'a̧ttü̧ ya̧tȩ'i̧nä̧ wa'ü ikuamä̧ pä'okü, wa'ü ttikuajueimä̧ o'katoi'ünä̧tä̧ Dio-kutä ppa̧ttä̧cha̧tä̧ pä'ü.

Tito 2:11

Ja̧'wa̧ta̧nü̧ Dio-mä̧ rȩrü̧jü̧nü̧ toü tü'kümä̧ i̧jȩpi̧nü̧, ttü̧ja̧ o'katoi'ünä̧rü̧ surojüttü ttü̧ji̧pü̧nä̧ ppä'ädü.

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

1 Timoteo 4:10

Ja̧'wa̧nü̧ jo̧mȩttü̧ yabokutä aditätüjä̧, ja̧'wa̧ta̧nü̧ ta̧'kua̧ tu̧wȩnä̧rü̧mä̧ Dio wa'ikuokünä̧tä̧ kka̧kua̧'a̧. Jua̧u̧mä̧ o'katoi'ünä̧rü̧ ra̧wä̧pi̧jü̧ttü̧ ttü̧ji̧pü̧nä̧ jȩpi̧nü̧. Ji̧nä̧somä̧ churutä esetätürü ppä'ädinü̧.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

Apocalipsis 14:6

Ja̧'wa̧ta̧nü̧ kka̧ra̧ á̧gȩ-rü̧, mo̧ro̧jä̧ ju'tojunä̧ koa'a topinü̧sä̧, jareü wȩnȩ beipokü 'chu̧ä̧rä̧nü̧, pi̧jä̧nä̧ kka̧kuä̧tü̧rü̧, tti̧rȩji̧yä̧ pünä̧, ttawaruwä pünä̧, tti̧wȩnȩ pünä̧ ja̧'wa̧ta̧nü̧ ütawiyä pünä̧ jiäwa pä'ü.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

Tito 1:1

Pauru wȩyu̧tu̧ weinü̧, Dio u̧mü̧wä̧ya̧ ja̧'wa̧ta̧nü̧ Jesucrito u̧mü̧wä̧ya̧ apóto jü̧nä̧, chutä weinä̧ku̧ Dio pojopü ȩmi̧nä̧u̧ tta̧'kua̧ wȩnä̧rä̧kuä̧wä̧ tti̧rȩbȩwi̧ya̧rü̧ pä'ü ja̧'wa̧ta̧nü̧ isopäi'ünä̧ wȩnȩ ujutu tesetü jäwä ttu̧wo̧jui̧pi̧ya̧rü̧ pä'ü,

2 Timoteo 3:7

'kuäopünä̧tä̧ ttu̧wo̧jui̧a̧'a̧nä̧ isopäi'ünä̧ wȩnȩmä̧ yoriso ttu̧'ȩpä̧ri̧o̧ko̧tü̧.

San Lucas 14:23

Päiyäku, u̧ru̧wa̧mä̧ päinä̧ku̧: Mä̧ni̧yä̧nä̧ bäreunä̧'i̧nä̧, ppo̧ü̧nä̧'i̧nä̧ 'chä̧nü̧, adiu ji'äwäjitü chojusode jo̧mȩnü̧ suädi'ünä̧.

San Lucas 1:77

Jua'amä̧ kki̧'i̧kuä̧ wȩnȩ ttu̧wo̧jui̧pü̧nä̧ kuiya pä'ü, ja̧'wa̧ta̧nü̧ suronä̧ jȩttä̧'i̧jü̧ttü̧ rä'epü ikuatü pä'ü,

San Juan 17:17

Jueü wȩnȩ kui̧wȩnȩ pä'aku surojü juittächächünä̧ jȩpi̧tü̧; kui̧wȩnȩmä̧ jueü wȩnȩ ja̧'a̧ttü̧.

San Juan 6:37

Isopäi'ünä̧ Chä'o ttürü i̧yä̧u̧mä̧, ttüku ichätü; ja̧'wa̧nü̧ ja̧'a̧ ttüku ichätürümä̧ ya'okuoküsä.

San Marcos 16:15

Ja̧'wa̧ta̧nü̧ päinä̧u̧: Pi̧jä̧ o'kajuiyünä̧ 'chä̧nü̧, o'katoi'ünä̧rü̧ jareü wȩnȩ ji'äwätukui.

Hebreos 10:26

Isopäi'ünä̧, jo̧mȩnü̧ jueü wȩnȩ wo̧jui̧'i̧nü̧'kotü, ujuturu pä̧wä̧rü̧jo̧mȩnä̧ surojü jȩto̧mȩnä̧mä̧, sacrificio pättü jȩto̧mȩnä̧dä̧jä̧, Dio-mä̧ surojümä̧ jȩpü̧ ikuoko̧u̧jä̧;

Romanos 11:14

Ja̧'wa̧nü̧ ja̧'a̧nä̧ jua'amä̧ chawaruwä ttä'kuoyäwächi'a pä'ü pä'üsä, ja̧'wa̧nü̧ jo̧mȩnä̧ Dio-mä̧ juätürü'i̧nä̧ ra̧wä̧pi̧jü̧ttü̧ ttü̧ji̧pü̧nä̧ ppädäkua'anü̧.

Santiago 3:14

Ja̧'wa̧nü̧ ja̧'a̧nä̧ ttüjü'koka'a ä'kuoyäkuäwä ja̧'wa̧ta̧nü̧ rowäwäkuäwätä kua̧mi̧so'kitukunä̧ ku̧ju̧nä̧rä̧tu̧ku̧ttü̧mä̧ kuesewätukuä ja̧'wa̧ta̧nü̧ isopäi'ünä̧ wȩnȩku̧mä̧ yapareumä̧ jikuäwä'chätukuä.

2 Juan 1:1

Igresia-ttü ukuo i̧sa̧mä̧, Dio pojopü ȩmi̧nä̧u̧rü̧ jua'atäku ja̧u̧nä̧tä̧ kka̧kuä̧tü̧rü̧ te'äusä. Isopäi'ünä̧ eseu repedä̧u̧jä̧; ja̧'wa̧ta̧nü̧ ttütämä̧kü̧, ja̧u̧ ja̧jü̧jueimä̧ o'katoi'ünä̧ isopäi'ünä̧ wȩnȩ wo̧jui̧'i̧nä̧tü̧'i̧nä̧.