1 Timoteo 2:10 - Nuevo Testamento Uwotjüja

¹⁰ adiwomȩnä̧ tta̧di̧kuä̧rü̧mä̧ kkorotürü äräbe'ünä̧, nä̧tü̧ Dio-rü ttukuota pä'ätü ttü̧ja̧ku̧ta̧'a̧nü̧ pätekuächäkua'a.

TÄ̧DO Ä̧CUÄ̧ I̧HUȨNȨ

¹⁰ Pärocua'acu nä̧tö̧'i̧nä̧ Diosrö esetätö jȩttö̧'a̧nö̧ adiunätä jȩttä̧cua̧'a̧nö̧.

1 Timoteo 2:10 Referans Kwoze

1 Pedro 2:12

Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.

Apocalipsis 2:19

O'kajuiyünä̧ kuaditäwämä̧, eseu jȩ'ku̧mä̧, kua̧'kua̧ ku̧wȩnä̧rü̧'i̧nä̧, 'kuäkuächi'oka'a kui̧'chü̧'i̧nä̧ ja̧'wa̧ta̧nü̧ ä̧kuo̧mȩnä̧ ji̧no̧mȩttü̧ abonä̧nü̧ jȩ'ku̧'i̧nä̧ wo̧jua̧sä̧.

Hechos 9:36

Ji̧yȩnü̧ pä̧nä̧ Jope ütawiyänä̧ kki̧nä̧ju̧, Jesucrito-rü esetäju Tabitá pä'ü mi̧kuaju, Grecia ttü̧ja̧ tti̧wȩnȩnä̧mä̧ Dorca pä'ü mikuinä̧ju̧. Juäju rü̧ȩnä̧ ppä'ädinä̧ju̧, rü̧ȩnä̧ rekuä rü̧jä̧u̧ru̧.

2 Pedro 3:11

Pi̧yȩ o'kajuiyünä̧mä̧ pa̧'a̧nü̧tä̧ toe'ächäkua'a, ¡ukutumä̧ adiu jȩpü̧ Dio-rütätä kukuotätukua'anü̧ ja̧'a̧!

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Hechos 9:39

Ja̧'wa̧nü̧ jittäwo'ächäku, Peduru-mä̧ 'chä̧ji̧'ka̧ ttü̧tä̧ro̧ka̧nä̧ doächi'omȩnä̧; rü̧ȩnä̧ rȩkua̧mü̧mä̧, Dorca ji̧nä̧ kka̧'kua̧rä̧i̧ kkiyä'chinü̧, pü̧jä̧ti̧yu̧ i̧jȩpä̧rü̧ ajuäkuäwinä̧tü̧.

1 Timoteo 2:9

Ja̧'wa̧ta̧nü̧ nä̧tü̧'i̧nä̧ adiwomȩnä̧ 'ka̧tä̧wä̧tu̧kui̧, adiwäjuei jo̧kü̧ttü̧, oro jo̧kü̧ttü̧, pü̧jä̧ta̧'i̧nä̧ rü̧ȩnä̧ mikuäwo̧ko̧ta̧ttü̧, abo 'kuäo'ünä̧ sa̧ȩkuä̧kuä̧wä̧ juiyünä̧ ttü̧'ka̧tä̧wa̧ pä̧wä̧rü̧jä̧ku̧sä̧,

1 Timoteo 2:11

Isajumä̧, ttu̧wo̧juȩtü̧mä̧ 'korunä̧tä̧ ukuotünü̧ kkä̧ju̧kua̧'a̧nü̧ ja̧'a̧;