1 Timoteo 2:1 - Nuevo Testamento Uwotjüja

¹ Kkorottü abonä̧nü̧ ä̧kuo̧mȩnä̧mä̧, rekuä rü̧jü̧ jä'epätukui, Juȩnȩ o'komenä̧tä̧ pi̧jä̧ ttü̧ja̧ o'katoi'ünä̧rü̧ ppädäji eseu ukuokuätukuirü.

TÄ̧DO Ä̧CUÄ̧ I̧HUȨNȨ

¹ Äcuomenä pä'ösä ucuru: O'ca toi'önärö jä'epö ttucuocu'a̧nö̧ ja̧'a̧ Diosrö. Ja̧'hua̧ta̧nö̧ Diosrö eseunu ttucuocu'a̧nö̧ ja̧'a̧ ppädäji amöcuädö.

1 Timoteo 2:1 Referans Kwoze

2 Tesalonicenses 1:3

Chi̧jä̧wa̧tü̧, 'kuäopünä̧tä̧ Dio-rümä̧ teseu'anü̧ ja̧'a̧, ukutunä̧mä̧; isopäi'ünä̧ kua̧'kua̧ ku̧wȩnä̧rä̧tu̧ku̧mä̧ yabokutä rü̧ä̧cha̧'a̧ ja̧'wa̧ta̧nü̧ ujutu ya̧ku̧nä̧ kkorotürü teseäkuäumä̧ yabokutä rü̧ä̧cha̧'a̧.

Santiago 5:16

Ja̧'wa̧nü̧ ja̧'a̧ttü̧ surojü jȩ'kuä̧'i̧jä̧tu̧ku̧mä̧ kkorotünü̧ku̧ ji'äkuäu ikuätukui, ja̧'wa̧ta̧nü̧ kkorotünü̧ku̧ Dio-rü ukuokuätukui nattä̧chä̧ji̧ ttü̧'i̧pä̧kua̧'a̧nü̧. Adiu jȩä̧kuä̧wä̧ i̧sa̧ Dio-rü ukuokuomȩnä̧mä̧ ujuru kka̧'a̧.

Efesios 5:20

O'kajuiyünä̧tä̧ 'kuäopümä̧ Tä'o Dio-rü esewätukui, Tu̧ru̧wa̧ Jesucrito i̧mi̧nä̧.

2 Timoteo 2:24

Ja̧'wa̧nü̧ ja̧'a̧ttü̧ Tu̧ru̧wa̧ u̧mü̧wä̧ya̧mä̧ pä'ä'chäkuäu rowäwu kue'ächü juiyü'anü̧ ja̧'a̧; ürowäwajueimä̧, o'katoi'ünä̧ku̧tä̧ adiu esekunü̧, wo̧juȩku̧nä̧ wo̧juȩtü̧ kkä̧nü̧ ja̧'wa̧ta̧nü̧ a̧mi̧ 'kiächi'a'anü̧ ja̧'a̧;

1 Timoteo 2:4

Ja̧'wa̧ta̧nü̧ jua̧u̧mä̧ o'katoi'ünä̧ ra̧wä̧pi̧jü̧ttü̧ kka̧kui̧pü̧ isopäi'ünä̧ wȩnȩ ttu̧wo̧juä̧chi̧'o̧mȩbü päi'ünä̧ tti̧rȩbȩwa̧ pä̧wä̧rü̧jä̧ku̧.

Filipenses 1:3

Kko̧ro̧nü̧ jü̧ta̧'a̧nü̧ ukuturu chamükuädomȩnä̧mä̧, Chä'o Dio-rü eseusä;

Hebreos 6:11

Ja̧'wa̧nü̧ ja̧'a̧nä̧ ukutu yotukunä̧ jua̧u̧ kuesewätukumä̧ rüjibü päi'ünä̧ tottünä̧ jȩpü̧ ku̧jä̧tu̧kua̧ pä̧wä̧rü̧jä̧u̧jä̧ ujutumä̧, tta̧'a̧rü̧ ku̧jä̧'i̧jä̧tu̧ku̧ jo̧mȩnü̧ jä̧kua̧'a̧nü̧.

Tito 3:2

Ya̧tȩrü̧'i̧nä̧ to'i ja̧'a̧ku̧ suronä̧mä̧ ttukuoku juiya, pättä'chäkuäu. O'katoi'ünä̧ku̧ eseku ttü̧jü̧'a̧nü̧ ja̧'a̧, ja̧'wa̧ta̧nü̧ kkorotürü eseku tti̧jȩpa̧ rȩrü̧jü̧nü̧ toäkuäwä.

Tito 2:11

Ja̧'wa̧ta̧nü̧ Dio-mä̧ rȩrü̧jü̧nü̧ toü tü'kümä̧ i̧jȩpi̧nü̧, ttü̧ja̧ o'katoi'ünä̧rü̧ surojüttü ttü̧ji̧pü̧nä̧ ppä'ädü.

1 Timoteo 5:5

Isopäi'ünä̧ rekua, kkatätä kki̧'ä̧ju̧mä̧, Dio-rü tta̧'a̧rü̧ kkä̧nü̧ mo̧ro̧'i̧nä̧ yodo'i̧nä̧ käjädioka'a jua̧u̧ru̧mä̧ ajuäwinü̧ ukuoku jä'epäju.

1 Corintios 15:3

Ä̧kuo̧mȩnä̧mä̧, ttü chȩmi̧nü̧'a̧kuä̧tä̧, chu̧wo̧juȩtinä̧u̧jä̧: Crito-mä̧ 'korujuo'ächinü̧, ujutu suronä̧ jȩtä̧'i̧jü̧ mikuäwächünä̧ pä'ü, wȩyu̧kuä̧ wȩnȩ päü'a̧kuä̧;

Hechos 17:30

Ja̧'wa̧nü̧ ja̧'a̧ttü̧, Dio-mä̧ ttü̧ja̧ ttieruwiyäku ja̧'a̧tä̧ toinü̧ mo̧ro̧ ji̧na̧'a̧nä̧, jitämä̧ o'katoi'ünä̧rü̧ ttü̧ja̧kuo̧mȩ pünä̧mä̧ surojüttü kättädi'a pä'ü.

1 Tesalonicenses 3:12

Ja̧'wa̧ta̧nü̧ Tu̧ru̧wa̧tä̧ ku'uttächätukunä̧, o'katoi'ünä̧ku̧ kuesewätukunä̧ ppädätukuaku pä'ü jä'epätüjä̧ Tu̧ru̧wa̧rü̧mä̧, pärokua'aku ukuturu tesewuöta'anü̧.

Romanos 6:17

Ja̧'wa̧nü̧ ja̧'a̧nä̧ Dio-rü esewätüjä̧, ä'kojimä̧ surojü jȩä̧kuä̧wä̧tä̧ umüwäyotü kuinä̧tu̧kua̧'a̧mä̧, kua̧mi̧'iso'kituku o'kajuiyünä̧ kukuotätukua'attü̧, kkä̧kuä̧wä̧ kuesetinä̧tu̧ku̧nä̧.

Romanos 1:8

Ä̧kuo̧mȩnä̧mä̧, Tu̧ru̧wa̧ Jesucrito-nä̧, Chä'o Dio-rü eseusä. Ukutu kuesetätuku wȩnȩ o'kajuiyünä̧ ütawiyä pünä̧ ukuowa'a ä̧ju̧ku̧.

2 Corintios 8:6

Tito ji̧na̧'a̧, pi̧yȩ ofrenda ppädäkuäwä ä̧kuo̧mȩnä̧ kkä̧mä̧dü̧ ka̧ka̧ti̧nü̧mä̧. Ja̧'wa̧nü̧ ja̧'a̧ttü̧, jua̧u̧ru̧ jä'epinä̧tü̧jä̧ yaboku adita pä'ü jua̧u̧ eseäkuäwämä̧.

Efesios 3:13

Ja̧'wa̧nü̧ ja̧'a̧ttü̧, ukutu jäwänä̧ usurä chȩmä̧wa̧'a̧mä̧ kua̧'kua̧ tta̧kuȩkuä̧tu̧kuä̧, pärokua'aku jua̧u̧mä̧ kuesewätukua pä'ütä ja̧'a̧.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

Filipenses 4:6

Kkorojueinä̧mä̧ kua̧'kua̧ rokuekuätukuä, ja̧'wa̧nü̧ ja̧jü̧ jueimä̧, ukuturu rekuä rü̧jü̧mä̧ Dio u̧wo̧juö̧nä̧tä̧ ji'äwätukuirü; churutä esewuönü̧.