1 Timoteo 1:9 - Nuevo Testamento Uwotjüja

⁹ Weäwä wȩnȩmä̧ ji̧yȩtȩ'i̧nä̧ adiu jȩpä̧tü̧rü̧mä̧ iyäwoka'a pä'ü ttamükuäda pä'ü ja̧'a̧. Ja̧'wa̧nü̧ ja̧ju̧ jueimä̧ pä̧i̧kuä̧tu̧rü̧tä̧, ukuotokotürütä, suropätürütä ja̧'wa̧ta̧nü̧ surojü jȩpä̧tü̧rü̧tä̧, Dio-rü'i̧nä̧, ttesetü'i̧nä̧ ukuotokotürütä, ttä'orü ja̧ pä'ü'i̧nä̧, tta̧ju̧ru̧ ja̧ pä'ü'i̧nä̧ kuä'ü ikuätürütä, ttü̧ja̧rü̧ kuäwä isotürümä̧ o'katoi'ünä̧rü̧tä̧ iyäwä ja̧'a̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ ujutu huo̧juä̧tö̧jä̧, hueähuä huȩnȩ adiu jȩpä̧tö̧rö̧ hueähuocö. Ja̧'hua̧nö̧ ja̧'a̧nä̧ hueähuä huȩnȩ huea'a ja̧u̧ huȩnȩ jarode'ätörö, ja̧u̧ huȩnȩ jȩpo̧co̧tö̧rö̧. Ja̧'hua̧ta̧nö̧ suronä jȩpä̧tö̧rö̧, Diosrö esetocotörö, ttä'orö'inä, tta̧ju̧ru̧'i̧nä̧ cuä'ö icuätörö, korotö ttö̧ja̧rö̧ cuä'ö icuätörö huea'a.

1 Timoteo 1:9 Referans Kwoze

Gálatas 3:19

Ja̧'wa̧nü̧ jü̧ttü̧mä̧, ¿Weäwä wȩnȩmä̧ däjetä ppäda'a jä̧ttü̧? Jua̧u̧ weäwä wȩnȩ iyinü ttü̧ja̧ ttukuotokomȩttü̧, Abraha̧-rü̧ kui̧tti̧rü̧ chi̧yä̧kua̧jä̧ Dio päinä̧ku̧ icha'anä̧. Á̧gȩrȩ-tä̧ ji'äwinä̧tü̧, Moisé-mä̧ jua'a yabo jiäkuäwä i̧sa̧ jü̧nä̧tä̧ winü̧.

1 Pedro 4:18

Ja̧'wa̧ta̧nü̧ adiwätü i̧sa̧'i̧nä̧ 'kiya'a abotä ra̧wä̧pi̧jü̧ttü̧ ü̧ji̧pa̧'a̧mä̧, ¿Toku jä̧kua̧'a̧jä̧ttü̧ su̧ro̧pa̧rü̧mä̧ ja̧'wa̧ta̧nü̧ surojü jȩpü̧rü̧mä̧?

Romanos 5:20

Isopäi'ünä̧ weäwä wȩnȩmä̧, surojütä yaboku rü̧ä̧chü̧nä̧ kkiopina̧'a̧; ja̧'wa̧nü̧ ji̧na̧'a̧nä̧, surojü kki̧no̧mȩmä̧, Dio re ü̧ji̧nü̧mä̧ abo 'kuäo'ünä̧ juiyo rü̧i̧na̧'a̧.

Gálatas 5:23

ukuo te'äwokü, a̧mü̧nä̧ pa̧ja̧tü̧ 'chu'ädäkuäu; pi̧yȩ kko̧mȩnä̧mä̧ weäwä wȩnȩmä̧ juiya'a.

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.

Romanos 6:14

Ja̧'wa̧nü̧ jo̧mȩnä̧ ukutunä̧mä̧ ukuotäkuäwokü surojümä̧ wȩo̧ko̧u̧ kuäkuotüjä̧, täkü weäwä wȩnȩnä̧mä̧ kka̧kuo̧ko̧tü̧jä̧, jitämä̧ Dio re ü̧ji̧nü̧nä̧ kka̧kuä̧tü̧jä̧.

Romanos 1:30

Suronä̧tä̧ wiräwätü, Dio'i̧nä̧ aboiyotütä wotü, ukuotokotü, pä̧i̧kuä̧tü̧, ukuo te'äkuäwätü, kkorotürü ttüjü'koka'a topätü, surojütä amükuädätü, ttä'otü̧rü̧'i̧nä̧ ukuotokotü,

Apocalipsis 22:15

Ja̧'wa̧nü̧ ja̧'a̧nä̧ suropätü'i̧nä̧, märipä jȩpä̧'chä̧tü̧'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧ttü̧'i̧nä̧, ttü̧ja̧rü̧ kuä'äwätü'i̧nä̧, tätäwä'kiyu esetätü'i̧nä̧ ja̧'wa̧ta̧nü̧ o'katoi'ünä̧ eseu, yapareäkuäwänä̧ kka̧kuä̧tü̧'i̧nä̧ u̧mi̧nä̧tä̧ ttü̧ja̧kui̧'ä̧kuo̧tü̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

Tito 1:16

Juätümä̧ Dio-rümä̧ wo̧juä̧tü̧mä̧ pä'ätü, ja̧'wa̧nü̧ ja̧'a̧nä̧ suronä̧ jȩtta̧'a̧ topü isopäi'ünä̧ jo̧ka̧'a̧ pä'ü wo̧juä̧tü̧jä̧; juätümä̧ kkü'kokotü, ja̧'wa̧ta̧nü̧ ttukuotokomȩttü̧ kkorojuei adiwäjueimä̧ jȩpo̧ko̧tü̧.

1 Pedro 3:20

Pitümä̧ mo̧tä̧ päi'ünä̧ ukuotokotü pinä̧tü̧ ji̧na̧'a̧, Nué ü̧ji̧nü̧ mo̧ro̧, Dio woi'ka ttadita'anä̧ tta̧wä̧rinü̧ pänä̧tä̧ päi'ünä̧, juätüttümä̧ kko̧ro̧mü̧ttü̧nü̧ wä̧mȩtukuätä ja̧'a̧ ajettü kka̧kui̧pi̧nä̧tü̧mä̧.

Hebreos 11:31

Kka̧'kua̧ kku̧wȩnä̧ra̧'a̧ttü̧, u̧mä̧tu̧ku̧ ä'ä'chäkuäwä isaju, Rahab-mä̧, ukuotokotükumä̧ to'e'ächokoju pinä̧ju̧, yä̧wȩi̧nä̧ weinä̧u̧ru̧ do'ädü ppäjädina̧'a̧ttü̧.

2 Tesalonicenses 2:8

Ja̧'wa̧nü̧ päi'omȩnä̧ ttü̧ja̧sa̧ surojütä jȩä̧kuä̧wä̧ i̧sa̧mä̧ i̧jȩkuä̧chä̧kua̧, jua̧u̧rü̧mä̧ Tu̧ru̧wa̧mä̧ Jesú-mä̧ si'epü i̧kuä̧kua̧ änä̧ a̧mi̧yuppa ppü'ü ja̧'wa̧ta̧nü̧ ujuruku uruwoku ppa̧wä̧cho̧mȩnä̧mä̧ jua̧u̧ ttü̧ja̧sa̧ uruwomä̧ 'choipä̧kua̧;

Romanos 4:13

Isopäi'ünä̧ Abraha̧-rü̧ i̧rȩjä̧, churutä'i̧nä̧ iyü kkä̧nü̧, i̧tti̧mü̧rü̧'i̧nä̧ Dio iya pä'ina̧'a̧mä̧, weäwä wȩnȩ ukuotomȩttü̧mä̧ jo̧ka̧'a̧ ji̧na̧'a̧. Jua'amä̧ Dio-rü, churutä a̧'kua̧ u̧wȩnä̧ro̧mȩttü̧ ji̧na̧'a̧; Dio adiwä i̧sa̧ jü̧nä̧ pärotü ikumä̧.

San Mateo 10:21

Ja̧'wa̧ta̧nü̧ ttu̧bü̧o̧tü̧mä̧ tti̧jä̧wa̧tü̧rü̧ kuä'ü ttikunä̧ iyü ttikuäkuotü, ttä'otü̧'i̧nä̧ tti̧tti̧mü̧rü̧ iyü ttikuäkuotü; ja̧'wa̧ta̧nü̧ tti̧tti̧mü̧mä̧ ra̧wä̧rü̧ ttä̧'o̧tü̧rü̧ kuä'ü ttikunä̧ iyü ttikuäkuotü.

1 Pedro 2:7

Ukuturu esetätürümä̧ juo'ki ino'kimä̧ rü̧ȩnä̧ mikuäwo'ki ja̧'a̧, ja̧'wa̧nü̧ ja̧'a̧nä̧ esetokotürümä̧ wȩyu̧kuä̧ wȩnȩ pä'ijü'akuä 'kuäopa'a: «I̧no̧'ki adikuä ttü̧ja̧ ttüjü'koko'ki ji̧no̧'kimä̧ ä̧kuo̧mȩnä̧ iso'ki jü̧nä̧ pärowächina̧'a̧,»

Hebreos 12:16

Ya̧tȩ'i̧nä̧ kui̧rȩkua̧mü̧ pokotüku jȩpä̧'chä̧kuä̧u̧ jȩpü̧, Dio jäwä'i̧nä̧ surojuokuepätukuä; ja̧'wa̧nü̧ jȩpi̧nü̧ Esaú-mä̧, ä̧kuo̧mȩnä̧ i̧sa̧ jü̧nä̧ uruwo jä̧ji̧mä̧, kuäkuäwänä̧ mikuä pä'ü iyü ikuinü̧.

Gálatas 5:21

jui'ü ra̧wä̧rä̧kuä̧wä̧'i̧nä̧; tä̧mä̧'chä̧kuä̧wä̧'i̧nä̧, abo 'kuäo'ünä̧ kuäkuäwä'i̧nä̧, ja̧'wa̧ta̧nü̧ jü̧ kkoro jȩä̧'chä̧kuä̧wä̧'i̧nä̧. Mo̧ jidäwinü̧ta'anü̧, jitä'i̧nä̧ ji'äusä, jua̧u̧ jȩpä̧tü̧mä̧ ru̧wa̧ Dio weomȩmä̧ dodettokäkuotü.

Gálatas 5:18

Ja̧'wa̧nü̧ ja̧'a̧nä̧, ukuturu Epíritu oipüttümä̧, täkü weäwä wȩnȩmä̧ wȩo̧ko̧u̧jä̧.

1 Timoteo 4:7

Ja̧'wa̧nü̧ ja̧'a̧nä̧ täbokü jäwä, Dio-rü esetokotü, tta̧mü̧kuädü jui'ätü jittäumä̧ kuesetä. Ja̧u̧ ja̧jü̧jueimä̧, rȩrü̧jü̧ toäkuäwänä̧ yaboku juruwächi'i;

1 Timoteo 6:20

Timoteo, ¡kuaditäwämä̧ adiwomȩnä̧ aditi! Jesucrito-rü esetokotü tu̧wo̧juȩtä̧'i̧jü̧ pä'ä'chätürümä̧ ja̧'wa̧ta̧nü̧ isopäi'ünä̧ wȩnȩ ttu̧ju̧nä̧ra̧ pä'ü yapareu ji'äwätürümä̧ kuä̧ju̧kuä̧;

2 Timoteo 2:16

Dio-rü esetokotü pättä'chäkuäumä̧ kuä̧ju̧kuä̧, jua̧u̧mä̧ ukurumä̧ yoriso ppädokü. Ja̧'wa̧nü̧ pä'ä'chäkuäwätümä̧ yabokutä surojuo'ächätü.

2 Timoteo 3:2

Ttü̧ja̧mä̧ kkü'kokotü ttäkuotü, pärätätä tta̧'kua̧ rottekuäkuotü̧, tta̧mü̧nä̧ ukuo ttettäkuäwäkuotü ja̧'wa̧ta̧nü̧ kkorotüttü'i̧nä̧ abonä̧nü̧ wotüjä̧ pä'ü, Dio-rü'i̧nä̧ suronä̧ ukuoku, ttä'orü'i̧nä̧ tta̧ju̧ru̧'i̧nä̧ ukuotokotü ttäkuotü, ja̧'wa̧nü̧ jȩpü̧ ttesewoka'a, ttesetinü̧'i̧nä̧ ukuotokotü ttäkuotü.

Tito 1:6

Igresia-rü juȩ'ȩpä̧rü̧mä̧ ya̧tȩ yoriso suronä̧ jȩpä̧'i̧jü̧ pä'äwokü ja̧'a̧, irekuarü'i̧nä̧ yajuterütä kkü̧rü̧, ja̧'wa̧ta̧nü̧ i̧tti̧mü̧mä̧ Jesucrito-rü esetü ukuotü ttü̧ja̧kua̧ pä'ü wa̧ ja̧'a̧.

Tito 1:10

Isopäi'ünä̧ rekuätü kka̧kuä̧tü̧ ukuotü jui'ü mikuäwokütä ukuokuätü ja̧'wa̧ta̧nü̧ isopäi'ünä̧ 'kua̧rü̧nä̧ jȩpä̧tü̧, juätümä̧ ji̧nä̧somä̧ circuncisión jȩpä̧tü̧ttü̧ ichätü ja̧'a̧.

Judas 1:15

o'katoi'ünä̧ suronä̧ jȩpä̧tü̧rü̧ ro̧'ȩpü̧, isopäi'ünä̧ Churutä suronä̧ wopinä̧tü̧rü̧ ro̧'ȩpü̧ icha'a.»