1 Timoteo 1:15 - Nuevo Testamento Uwotjüja

¹⁵ Pi̧yȩmä̧ isopäi'ünä̧tä̧ ja̧'a̧ttü̧ o'katoi'ünä̧tä̧ kuesetätukua'anü̧ ja̧'a̧: Jesucrito-mä̧ pi̧jä̧ra̧'a̧ ichinü̧ suronä̧ jȩpä̧tü̧rü̧ ttü̧ji̧pü̧nä̧ ppä'ädü, juätüttü ya̧tȩ ä̧kuo̧mȩnä̧ suronä̧ jȩpi̧nü̧mä̧, ttü ja̧'a̧.

TÄ̧DO Ä̧CUÄ̧ I̧HUȨNȨ

¹⁵ Pi̧yȩ huȩnȩ, adihuä huȩnȩ, o'ca toi'önä ttesetäcua'a̧nö̧. Cristo Jesús ichinödo pi̧jä̧ra̧'a̧ o'ca toi'önä suronä jȩpä̧tö̧rö̧ suronä jȩttö̧ jȩpö̧ icu. Iso päi'önä o'ca toi'önä suronä jȩpä̧tö̧ttö̧'i̧nä̧ abonänö suronä jȩpi̧nö̧sä̧ ttömä.

1 Timoteo 1:15 Referans Kwoze

San Marcos 2:17

Ja̧'wa̧nü̧ pätta'a ä̧ju̧ku̧, Jesú-mä̧ päinä̧u̧: —Na̧'ä̧cho̧ko̧tü̧mä jawapü ru̧wa̧rü̧mä̧ rekuä rü̧jo̧ko̧u̧, na̧'ä̧chä̧tü̧tä̧ jua̧u̧ru̧ rekuärü̧jä̧u̧mä̧. Ttümä̧, adiu jȩpä̧tü̧rü̧mä̧ ȩmü̧ ichokü pinü̧sä̧, surojü jȩpä̧tü̧rü̧ ȩmü̧ ichinü̧sä̧, Dio-ku ppa̧ttä̧cha̧ pä'ü.

San Lucas 19:10

Isopäi'ünä̧ ttü ubo I̧tti̧mä̧, to'e'ächinä̧tü̧rü̧ ȩmü̧ ichü kkä̧nü̧, ra̧wä̧pi̧jü̧ttü̧'i̧nä̧ rä'epü iku ichinü̧sä̧.

San Juan 12:47

Ja̧'wa̧ta̧nü̧ Ttü chi̧wȩnȩ ä̧ju̧kua̧'a̧nä̧, ukuotokürümä̧; ttümä̧ jua̧u̧ru̧ usurä ȩmä̧u̧nä̧ päda pä'ümä̧ ichokü pinü̧sä̧; pärokua'aku pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pü̧nä̧ ppä'ädü ichinü̧sä̧.

San Juan 1:12

Ja̧'wa̧nü̧ ja̧'a̧nä̧ o'katoi'ünä̧, jua̧u̧ru̧ yattokuoka'a do'ädinä̧tü̧rü̧mä̧; churutä esetätürümä̧, Dio i̧tti̧mü̧ päi'ünä̧tä̧ juo'epü ikuinä̧u̧.

San Lucas 5:32

Ttümä̧ adiu jȩpä̧tü̧rü̧mä̧ ȩmü̧ ichokü pinü̧sä̧, pärokua'akutä surojü jȩpä̧tü̧rü̧, jua̧u̧ttü̧ kättädächa pä'ü ȩmü̧ ichinü̧sä̧.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.

1 Timoteo 1:13

ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

1 Corintios 15:9

Jua'amä̧, ttümä̧ apótorettümä̧ juiyo a̧'u̧kua̧sä̧, apóto pättü juiyü'anü̧'i̧nä̧ wa̧sä̧, Dio iäre igresia isotürü suronä̧ jȩttü̧nä̧ wedina̧'a̧ttü̧.

San Juan 1:29

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

San Mateo 9:13

Jua̧u̧nu̧mä̧ wo̧jui̧pä̧jä̧tu̧kui̧, pa̧'a̧nü̧ pä'ijü tü'kü: «Rȩrü̧jü̧ toäkuäwätä pä̧wä̧rü̧jä̧ku̧sä̧, sacrificios jü̧nä̧ kuä'ü jȩ'kuä̧tu̧ku̧mä̧ kkü'koküsä» pä'ijomȩ. Isopäi'ünä̧ adiu jȩpä̧tü̧rü̧mä̧ ȩmü̧ ichokü pinü̧sä̧ ja̧'wa̧nü̧ ja̧jü̧ jueimä̧ suronä̧ jȩpä̧tü̧rü̧, surojüttü kättädächa pä'ü ichinü̧sä̧.

San Mateo 1:21

Juäju María-mä̧, kki̧tti̧ uborü kkuwäbekuäkuaju, jua̧u̧ i̧mi̧mä̧ Jesú pä'ü okuarüjä̧, jua'amä̧ awaruwärü suronä̧ jȩttä̧'i̧jü̧ttü̧ rä'epü i̧kuä̧kua̧ ja̧'a̧ttü̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

1 Timoteo 4:9

Pi̧yȩmä̧ isopäi'ünä̧ wȩnȩ. O'katoi'ünä̧ ttesetü'a̧nü̧ ja̧'a̧.

Romanos 5:6

Isopäi'ünä̧ Crito-mä̧, tujuru jui'ätü ta'anä̧, pätekuächü mo̧ro̧ 'koru juo'ächinü̧, suronä̧ jȩpä̧tü̧rü̧ ppä'ädümä̧.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

1 Timoteo 3:1

Pi̧yȩmä̧ isopäi'ünä̧tä̧ ja̧'a̧. Ya̧tȩ igresia-nä̧ Pató juoa pä'ümä̧, isopäi'ünä̧ adiu adita pä'ütä amükuädü.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Apocalipsis 22:6

Ja̧'wa̧ta̧nü̧ á̧gȩ-mä̧ päinä̧ku̧sä̧: «Pi̧yȩ wȩnȩmä̧ isopäi'ünä̧ wȩnȩ ja̧'a̧ ja̧'wa̧ta̧nü̧ jueü wȩnȩ ja̧'a̧. Tu̧ru̧wa̧, Dio profeta wotünä̧ jiäkuäwä i̧sa̧mä̧, u̧mü̧wä̧ya̧ ya̧tȩ á̧gȩ-rü̧ umüwäyotü wotürü jitätä ja̧'a̧ku̧ 'kuäopä̧kuȩ jiäwa pä'ü we'äji.»

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

2 Timoteo 2:11

Pi̧yȩmä̧ isopäi'ünä̧tä̧ ja̧'a̧: Chutäku 'korupäti'inü̧ttü̧mä̧, ja̧'wa̧ta̧nü̧ chutäku tü̧ja̧kuä̧kuo̧tü̧jä̧;

Hechos 3:26

Ä̧kuo̧mȩnä̧, Dio i̧tti̧rü̧ wa'arettü tto'ädäji̧'ka̧mä̧, adiwä juei kuȩmä̧tu̧kua̧ pä'ü weinä̧u̧jä̧, surojüttü räkuopächätukua pä'ü, ukuturu.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

Apocalipsis 21:5

Ja̧'wa̧nü̧ ja̧'a̧ uruwo dȩä̧kä̧nä̧ pü̧mä̧ pä'inü̧: «Ttümä̧ o'kajuiyünä̧ jareü jü̧nä̧tä̧ jȩpü̧sä̧.» Ja̧'wa̧ta̧nü̧ pä'inü̧: «Wȩyu̧ti̧; pi̧yȩmä̧ jueünä̧tä̧, isopäi'ünä̧tä̧ jü̧ ja̧'a̧.»

1 Juan 5:11

Ja̧'wa̧nü̧ ja̧'a̧ttü̧, Dio-mä̧ kkä̧kuä̧wä̧ i'ko ujuturu Chutä iyinü̧ ukuokuinü̧, jua̧u̧ kkä̧kuä̧wä̧ i'komä̧ I̧tti̧rü̧ tesetomȩnä̧tä̧ tu̧ju̧nä̧ri̧ya̧rü̧ pä'ü.

1 Timoteo 1:19

Yotukunä̧mä̧ tta̧mü̧kuädü pä̧wä̧rü̧ja̧'a̧ku̧ jȩpü̧ tta̧'kua̧ wȩnä̧rä̧kuä̧wä̧mä̧ to'e'ächinä̧tü̧.

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

Hechos 11:1

Apótore'i̧nä̧, kkorotü Jesucrito-rü esetätü'i̧nä̧ Judea-nä̧ kka̧kuä̧tü̧mä̧ ä̧ju̧kui̧nä̧tü̧, Judío pokotü'i̧nä̧ Dio i̧wȩnȩ ä̧ju̧kuä̧tü̧do pä'ü ukuowi'a'a.

San Lucas 15:2

Ja̧'wa̧nü̧ ji̧yä̧u̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, pä'ä'chinä̧tü̧: —Suronä̧ jȩpä̧tü̧ku̧tä̧ eseku, juätükutä u̧kuȩ'i̧nä̧ kuä'chü jȩpü̧, jü̧nä̧.

Romanos 11:14

Ja̧'wa̧nü̧ ja̧'a̧nä̧ jua'amä̧ chawaruwä ttä'kuoyäwächi'a pä'ü pä'üsä, ja̧'wa̧nü̧ jo̧mȩnä̧ Dio-mä̧ juätürü'i̧nä̧ ra̧wä̧pi̧jü̧ttü̧ ttü̧ji̧pü̧nä̧ ppädäkua'anü̧.

1 Timoteo 6:13

Jitämä̧, ttü̧ja̧ o'katoi'ünä̧ pi̧jä̧nä̧ kka̧kuä̧tü̧ tta̧'kua̧rü̧ iyäwä i̧sa̧ Dio'i̧nä̧ ä'ka jo̧mȩttü̧ ja̧'wa̧ta̧nü̧ Jesucrito Poncio pilato-rü, Jä'o Dio-rü a̧'kua̧ u̧wȩnä̧rü̧ ji'äwinü̧'i̧nä̧ ä'ka jo̧mȩttü̧ wedäkujä̧.

San Mateo 18:11

[Ubo I̧tti̧mä̧ suronä̧ jȩpü̧ to'e'ächinä̧tü̧rü̧ ȩmü̧ ichinü̧.]